منتديات جعلان - غربة بلا عنوان

يعيـن الله يادنيـا تسـوق ايّامهـا الأحــزان
يعين الله .. وانتي مثل قفـل ٍ ضـاع مفتاحـه
يعين الله ... وجروحي لها في كلّ وقـتٍ شـان
كذوب اللي يقول ان الزمـن بيـداوي جراحـه
سقى الله يوم انا يمّه غرير ٍ يزعـج الجيـران
سقى الله يوم انا طفلٍ يصـج البيـت بصياحـه
سقى الله يوم كان اقصى طموحي .. لعبة الدنان
نهاية يومي المغرب ... واخاف الليل واشباحـه
سقى الله يوم انا البس بشت ابوي وثوبه القيطان
واقلد كلّ شيٍ فيه .. حكيه .. جـدّه .. مزاحـه
واشيل المسبحه مثله ليا هوجس وهو سرحـان
بيشعر ...واحسب ان اللي عطاه الشعر مسباحه
سقى الله بيتنا ذاك البسيـط مشقـق الجـدران
شجاع ٍ يهزم الغدراء … بقنديلـه ومصباحـه
تكحِّلنا القناعه .. لا طمع .. لا هم .. لا حرمان
واذا جاء الليل تكفينا ... ثلاث اخوان .. طرّاحه
جميع الذكريات اللي غدت في قفـرة النسيـان
يحاكي حلوها عبره ... بموق العيـن سبّاحـه
خذتني غربةٍ عنوانها ... غربـه بـلا عنـوان
ابي عقب التعب راحه ... لقى فيني التعب راحه
رجعت اليوم مثل اللي رجع عقب القنص خسران
غدا طيره وجـاء يسحـب سلوقيـه وملواحـه
قصيده مابَعَد مـرّت ببـال مساعـد وضيـدان
هواجيس ابدويٍ هايـم ٍ فـي عشـق فلاحـه
وروح ٍ تايبـه كانـت تبـي لذنوبهـا غفـران
خطاي انّي كتمـت اسرارهـا بعيـون بواحـه
تقولين المطر ماهـوب … يمّـه دايـمٍ هتـان
اجل معذور قلبٍ في همومه ضاعـت افراحـه
انا يمّـه غلطـت ولانـي اول واحـدٍ غلطـان
ابونا آدم من الجنه خرج باسبـاب ... تفاحـه
خذلك الوقت فيني .. ماخذلتـك ياأعـز انسـان
وش الدبره ؟ وحظي صار.. قفل ٍ ضاع مفتاحه