منتديات جعلان - @قصتي مع الـبـــــــحر@

لا ضاق صدري رحت يم البحر اشكيله الهم,,,

بالفعل ... هذي اهي الحقيقة

راح اكتب فالسطور اليايه أشياء ... وأشياء ... ما اعرف وش هي

بس راح اكتب ,,, واطلع اللي بقلبي الحين

اشتقت ... ايه والله اشتقت ...

اشتقت للدار ,,, للاهل ,,, للـــــــــــ....

اشتقت للبـــــــــــــــحر ,,,

صديقي الدايم ,,, ويا حلاته من صديق ,,,

تدرون ,,,,

لا ضاق صدري رحت يم البحر اشكيله الهم ,,,

ساااااعات تمر بنا هـــــــوااااجيس

يمكن أنك وانت يالس بروحكــ ,,, يمر عليك طيف شخــــــــص غاااااالي

رااااااااح وتناساكــ ,,,, او يمكن فرقت بينكم الايام ,,, او ,,,, او,,,,

ياترى وش اللي بتسويه اذيج الحزة . . . . !!!

واول ما تجيني هالهواجيس ...

اطلع من البيت وكن عندي موعـــــد مع حبيب اشتجت له واشتجت لسواليفه

اركب سيارتي واطلع ,,, اطلع من البيت ,,,والشوووووق يزفني لملاقاة الحبيب

تدرون وين اروح ,,,,

اروح يم بحر الاشــــــــــــخرة ويااااا زينه من بـــــــــــــــحر

اروح يم البـــــــــــــــحر اللي حبيته وحبيت اترابه رغم اني بعيد عن هالديرة واللي ما اعرف حد فيها ...

انزل على شاطيه حافي القدمين ...

وصوت فيروز يغني ,,, ويشدوا باعذب اللحان ,,,

وايلس اتابع لحظات الغروب ,,, امد بصري لابعد نقطه فالبحر ,,,

لحظات ولا اروع ,,, تسمع صوت البحر ,,, وصوت طيور النورس ,,,

وتشوف يهااااال يلعبوا اهناك وهناااااك ,,, ويمرحوا وهم ما عرفوا الدنيا بعد ,,,

ما جربوا خيرها ولا شرهااااا ,,,

وانا يالس ع البحر يمر علي طيف ,,,

بس طيف عمرة ما انوجد فالعالم ,,, طيف بنت عذراء مالها شبيه ,,, خاليه من العذاريب,,,

وكل مرة نفس الطيف يمرني وفنفس المكان ,,,

والاغرب ان كل كتاباتي وخواطري تدور عن هالطيف ,,, وما ادري اذا هو بالفعل موجود ولا لا ,,

يمكن البعض يستغرب وهو يقراء هالخرابيط اللي فوووووق ,,,

بس –للاسف- هذي اهي الحقيقة

حبيت الاشخرة والسبب هذاك الطيف اللي يزورني اول ما ادوس اترابها ,,,

اول ما اعاااااانق كووووووســــــــــــــــــهاااااا,,,

اول ما اسرح فبحرهــــــــــــــــــااااا,,,

طيف راح اظل اسيره الين ما التجيبه ,,,

واللي عندي احساس اني راح احصله فيوووووم مهما طالت المدة ,,,

بعد هذا كله ,,,

وبعد ما تعلن الشمس المغيب ,,, ارجع وانااااا منشرح الصدر ,,,

فرحااااااان ,,, واوادع البـــــــــحر واناااا اجوووووله لا بد لي من زيارة ثانية ,,,

وهذي اهي حالتي ,,, كل ما ضاق صدري رحت يم البحر اشكيله الهم ,,,

اتمنى اني قدرت اوصل احساسي اللي يدور فصدري هالحزة ...

واتمنى لكل شخص انه يلاجي الشخص اللي يحبه او بختصار ,,,,

".....نصفـــــــــــــــــــــــهـ الثانـــــــــــــــــي...."

كبريــــــــــــاء رجل