منتديات جعلان - شوو رايكم؟؟؟؟؟؟؟؟؟؟

قلت تكفى قال تكفى توفـت مـن زمـان
كلمت(ن) راحت مراح الجـدود الأوليـن
قلت تمزح قال جرب ولـك علمـي يبـان
صح وقل تكفى وشف كيف رد الجالسيـن
قلت طيب وش ذبحهـا وقـال الأمتهـان
صار كل(ن) يمتطيهـا ولا تلقـى عويـن
قلت كانت قـال كانـت ولاينفعـك كـان
فعل ماضي وأنت ماضيك عن حاظرك وين
قلت مدري قال تدري وأنا أدري لك مكان
بس ترمي هاجس العجز بوجيـه السنيـن
قلت كيف وقالـي كيـف ياكثـر الجنـان
وعقب ماقفى لد يمي وقال الصبـر زيـن
وأنجلا غيم الهواجيـس والفكـر أستبـان
بين هم(ن) ماتركنـي وقلـب(ن) مايليـن
قلت ياليل المشاريـه بـان الصبـح بـان
والمدى بصـدور الأيـام والفزعـه تبيـن
العيون اللي سـرى ليلهـا تركـع بامـان
ترجي الرحمـه مـن الله وتسئلـه اليقيـن
والعيون أللـي سـرى ليلهـا ياليـل دان
ماجنت غيـر القنابـل ولوعـات وحنيـن

منقوله

للشاعر

رجاء نازل السعدوني*·~-.¸¸,.-~*