منتديات جعلان - لو حصل معك مثل هذا الموقف=== وش راح تكون ردة فعلك؟

السلام عليكم

شخباركم عساكم ابخير ان شاء الله وبصحه وعافيه..؟؟

الموضوع اللي باطرحه غريب اشوي ويبله صراحه وجرأه

الموضوع يقول ::

أبوك متزوج زوجتين وعندك أخوان من الثتنين .. أخوانك اللي من أمك وأبوك مايعرفون أخوانهم اللي من خالتك زوجة أبوك يعني محد يعرفهم غيرك انت وأبوك وأمك .. عاد في يوم من الايام نويت تسوي خير وتعرف اخوانك من أمك مع اخوانك من زوجة أبوك الثانية .. صادف ان محد في البيت إلا اختك وإخوانك كلهم اطلعوا .. وياء واحد من أخوانك من زوجة أبوك على اساس تعرفهم ببعض..
طق جرس الباب وصل أخوك مع ثلاثة من ربعه .. انت خليتهم يدخلون ومن الاستعيال رحت حق اختك وبلغتها ان أخوانها اوصلوا قبل لا يدشون البيت طبعا ركزوا على اخوانها ماقال أخوها ...
المهم البت تشيكت وتبرزت على اساس تنزل تسلم على اخوانها اللي ماتعرفهم قبل لا يقولها أخوها نزلي ..
انزين واخوها نزل الصاله لقى ربعه في الصاله وأخوه برع في الحوش قاعد يطالع البيت من برع يعني سوى جم لفه يبي يشوف بيت ابوه .. في هاذي الوقت انزلت البنت وسلمت على الثلاثة الاصبيان اللي في الصاله وعطت كل واحد منهم بوسة بكل برائه وكل عفويه رحبت فيهم وكل شيء وعقب اطلعت دارها ... انت رديت من برع ودخلت أخوك وقعدته في الصاله على أساس ان اختك للحين مانزلت تسلم عليه ... طلعت وانت مبسوط ومرتاح تقولها تنزل اتسلم على إخوانها... اشوي الا تقولك أختك خلاص اشله انزل سلمت عليهم تبيني اسلم عليهم مره ثانية .. انت اهني بتستغرب وبتقول شنو شنو اشسويتي .. بتعيد لك الحجي وبتقولك انا نزلت الصاله وسلمت عليهم ثلاثتهم واعطيت كل احد منهم بوسه ورحبت فيهم وطلعت ببعد اشتبيني اسوي ...

طبعا انت اهني بتنصدم وبتييك حاله غير طبيعية .. اختك بدون ماتدري سلمت على ثلاثه شباب غرباء وفوق ذي باستهم ....

اللي ابي وش موقفك معاها وشنو بتكون ردة فعلك وشنو بتسوي مع الشباب الثلاثه ...؟