الــســلامـــ علـــــيكمــ ورحمة ربــــي

شحالكم عســـآآآاكمــ بخـــير وســهآآآاله


جاني واحد و قالـ : بسألـ كم سؤال,,
وقبلـ يسألـ قلتـ : أنا ماني خبير !


قالـ: جاوبـ بس , يا ولد الحلالـ
وكلـ كلمه حِطَّهَا .. فبيتٍ صغير


قالـ نبدي : شنهو تعريف المُحال..؟
قلتـ :خَلـ هالكلمهـ فـ البيت الأخيـر ..!


القهــر : إنـ شفتـ دمعـاتـ الرجالـ..
والوطن : ( إنسان ) .. مِتغيِّر كثير,,


والطفلـ : لعبه على شاطـي الرمالـ..
والأملـ : إحساس في عين الضرير,,


الوفا : [ قلبين ] .. يجمَعهُم حلال..
والرَجُلـ : اللـي علـى أهلـه يغير,,


والرجا : لا قلت : للواطـي تعالـ..
والفشلـ : مدري .. ولكنـه مرير,,


والشعر : في وقتنا .. بدر وطلال..
زين وأوَّل : حيـل يعجبنـي جرير ..!


والغلا : إحساس إلى حَـد الخيال,,
والعِشِق : لا شفت مَعشُوقِك تطير..


والجفا : إعكس مفاهيم / الوصال,,
والوَصِل : يعنـي تأكَّـد فيك خير..


والعقل : تِسْفَـه أقاويـل الجهال,,
والجهل : إن قلت عن نفسك كبير..


والخطر : لا صار ما عندك مجال,,
والبلا : إن صرت معدوم الضمير..


والعجب : لا صرت تسأل منهو قال,,
والتعب : إن كنت تِبْحَثْ عن مصير..


الغنى : بالنفس ما هو راس مال,,
والفقر : من كان .. بأعماله فقير..


يكفي يكفي .. أسئله إنهي الجدال,,
ويالله علمني عَن .. السِّر الخطير..


ما أبي تضرب لي في غيرك مثال,,
قول : عنِّك وإعتبر سِرِّك في بير..


جات طعنـه مِن جنوبك والشمال,,
يعني وضعِك بين مِن حُولك خطير..


صاحبـي وإن ضاقت بعينك ليال,,
لك فرشت القلب مفروش الحرير..


في [ بلاد الحلم ].. ممنوع العقال,,
والمصيبه الشعب ما أختار الأمير..


وما ألومك .. كان شدِّيت الرحال..
دام بيتك جرح / وفراشك حصير,,


و هذا تعريفي إلى كلمة : مُحَال..
شي ودِّك فيه ولا يمكن يصير ..!










مما اتمنى انــ يحركـ فيكم الهاجس مثـــل ما حركه لـــــي

المشاركة الأصلية كتبت بواسطة عْكَس قآآنوؤؤنه (المشاركة 461789) مرحبا السساع !! ابييات في قمة الرروعه .. والمغزىى منها جمييله .. بس هل هي ابياتك ام منقوله؟!! ع العموم صح لسساانك اخوويه محمد ..واذا كان نقل اختيار موفق وجميل ونرقب كل يديد من جداك ^^

المشاركة الأصلية كتبت بواسطة غربة الروح (المشاركة 461796) الله يعطيك العافية اخوي دوم مواضيعك راقيه واتمنى دوم تكون ف القمه والنجاح ونتريا يديدك وربي لا يحرمنامن شاعرنا الي افتخر فيه وتقبل مروري البسط

المشاركة الأصلية كتبت بواسطة الصـــ الأبيض ـــقر (المشاركة 461819) و هذا تعريفي إلى كلمة : مُحَال.. شي ودِّك فيه ولا يمكن يصير ..! أخي محمد الساعدي كم هي رائعه تلك الكلمات وكم هو جميل ماتحتويه تلك القصيده دمت ودام قلمك لنا ودام اختيارك الذوج للجميل من الابيات ان شاء الله تكون مثلها من كتاباتك...!! مع احلى الاماني تقبل تحياتي الصقر الأبيض