منتديات جعلان - ......تــجــاهــلــنــي......

مشغول ولا تبي يعني أتجاهلني
ماردت أنا في وصالك غير لقياتك

معذور يا زين بالقسوه تعاملني
ومجبور يا خل أسامح كل غلطاتك

عاتب وأنا والله راضي لو تعاتبني
من دون أسباب أنا راضي بصداتك

محلى الهوى وأنت يا عمري تعذبني
عذاب حبك معي يسوى مداراتك

أنظر ل عيني وخل عينك أتأملني
عيني ب عينك وأنا هايم ب نظراتك

ليتك حبيبي وليتك بس تواصلني
لايصير حبك حياتي ب القلب فاتك

محال عنك غناتي العمر يبعدني
خلي الأمل يا منايه في ملاقاتك

العين من زود بعدك كم تسهرني
ترقب وصالك ولو طالت مسافاتك

والدمع من كثر يذرف كم جرحني
هايم ب وصلك تتوهني متاهاتك

أنظر ل حالي ب لحظه لو تجاملني
شوف الذي صار يتبع كل أِشارتك

والسموحه منكم ع القصور ............
أتمنى أن تنال القصيده على أعجابكم.............
مع تحيات "بو جسيم" ،،،،،،،،،،،،،،،،

36_19_3[1]