قصيدة احمد الصانع
 

ودِّي أمُوتْ .. اليُوم ... وأعيش باكر
وأشوفْ مِنْهو .. بعد مُوتي فقدني ..!


ومِنْهو حَمَلْني لِين .. ذِيكْ .. " المقابر "
وأشْكرْ أنا .. كِل مِنْ كَرَمْني ودِفنِّي


وبشُوفْ .. يرثيني أنا كَمْ [ شاعر ] ..؟
ومِنْهو تركْني .. وما كِتَب شَي عنِّي


شِخصٍ تعنَّى لي .. مع إنه .. مسافر
وشِخصٍ قِريبٍ .. وآنا مَيِّت / طعنِّي


وشِخصٍ يمثِّل دمعِتَه .. ما هو قادر !
وشِخصٍ تِطيح دموعه كِلْ ما ذكرني


ومِنْهو مِنْ أهلي فـ العَزا كان حاضر
ومِنْهو دعى لي في " صلاته " ورحمني


ومِنْهو بنى [ بإسمي ] سبيل ومنابر
ومِنْهو يفز قلبـه .. إلا مِنْ لمحني


ومِنْهو عشاني : طُول الأيام ساهر ..!
ومِنْهو ثلاث أيَّام .. راح وتركني ..؟


ومِنْهو يرتِّب .. غرفتي .. / والدفاتر
وإن شاف ( صورهـ ) لي ماتْ وحضنِّي


يالله عسى .. ما تغفى كل المشاعر
ويالله عسى .. ما ينصِدِم يُوم ظنِّي


خايف يروح العُمْر .. وأكُونْ خاسر
وإن طار طيري .. ما يفيد / التمنِّي


وخايف يجيني وقت : أكْسِر خواطر
إن دارت الدنيا .. وزماني كسرني


ومدام هذي الدنيا .. صارت مظاهر
وكِلْ مَنْ على كيفه .. وجَوَّه يغني


[ صحيح مُسلم .. لكن : الهَم كافر
كل ما بغيت أضحك يهددني حزني ]


الضيق وافـي .. والحزن حيل وافر
والجرح أكثر شي .. شفتـه يحبني


عايش وميِّت بين .. ماضي وحاضر
والصبر [ مفتاح الفرج ] ضاع منِّي


قل وش تبي وتتركني يا حزني آمر
مسكين فرحي / تصدِّق إنَّ وحشني !!


( شاعر ) ولكنِّي .. ماني بـ شاعر
ودِّي أموت اليوم .... وأرتاح منِّي !!




منقووووول

تسلموووووووووووووووولي
محمد وراشد ومحد وتفااااااااااحة

يعطيك العافيه اختي قوووت القلوووب وقصيده اكثر من رائعه للشاعر
دمتي بود

شِخصٍ تعنَّى لي .. مع إنه .. مسافر
وشِخصٍ قِريبٍ .. وآنا مَيِّت / طعنِّي

ومِنْهو عشاني : طُول الأيام ساهر ..!
ومِنْهو ثلاث أيَّام .. راح وتركني ..؟


ومِنْهو يرتِّب .. غرفتي .. / والدفاتر
وإن شاف ( صورهـ ) لي ماتْ وحضنِّي

سلمت يد الشاعر ويسلم ذوق ناقلها

( شاعر ) ولكنِّي .. ماني بـ شاعر


لا والله من كان جده ناصر صائغ اكيد شاعر,,,,,,,,قصيده حلوه

تسلمين ع النقل المتميز