منتديات جعلان - ....اللــــــــــــي يبــــأا يستووي نـــــذل!! يتفــضل<<نذالـــــــه من الخاطر

اللي يبا يستوي نذل!!يتفضل!!
________________________________________

السلام عليكم ورحمه الله وبركاته

انا حبيت اعطيكم اسرع طريقة في تعلم النذالة بكل سهوله و يسر هههههههه
علشان تصير نذل اتبع الخطوات التاليه:
اذا كنت معزوم في عزيمه غدى ولاعشى.....وخلصت ماكل.. وسرت اتغسل ايديك وعقب ماتتغسل افتح الماي على الحار الين تشوفه ولع وسكره وشوف الي بيي عقبك شقايل بيصير حاله

بس ماوصيك اضحك عليه من خاطرك

---×---

اذا ياك واحد ماتواطنه وسويت له جاهي.....لا تصب له في كوبات ابو عروه عليك بكوبات
الجبن صب له فيهن....وامزره لين فوق عشان مايقدر يمسك الكوب

واذا كانت البشكاره ما تعرف تسوي الجاهي خليها هي اللي تسويه

---×---

واذا كان عندك ضيف دمه ثقيل وتباه يروح بسرعه_ خل واحد من الشباب يدق عليك تيلفون كل شويه وكل مره رمسه على انه واحد ثاني وقول " لالا والله ماقدر الحين عندي ضيف يمكن عقب عشر دقايق "
ولا تنسى شي مهم لاتلبس ساعة عشان كل شويه تسأله كم الساعة!!
ويوم يرمسك لاترد عليه.. على طول من أول مره خل عمرك ما سمعته ..

---×---

واذا اتصل بك واحد دمه ثقيل وملسون رد عليه باختصارات الحمدلله.. هيه.. لا.. مادري.. يمكن ..الظاهر ..احاول.. واذا طوّل وياك
قص عليه اونك ترمس واحد عدالك اذا شفته بعده يقرقر

ومب ناوي يسكر استخدم حيلة الخط المقطوع وقول " ألو ألووووووووو وينك

ألوووووووووووو يابو الشباب........ الظاهر ان الخط انقطع " بعدها سكر السماعة ... بس وتفتك منه
عاد اذا رد واتصل مره ثانيه ساعتها عاد انت حلها

---×---

واذا بغيت تخبل البشكاره ادخل المطبخ واشرب نص كوب عصير وجأنك مب متعمد جب
الباقي ع البلاط واذا كان المطبخ مفروش يكون احسن

واذا كانت راقده وهي بعز النوم قومها من رقادها
وقولها تسويلك عشا
ساعتها بيكون الضغط عندها ألف

بس الخوف انها تحط لك سم فيران فالعشى...!!!!!!!

_ _ _ x _ _ _

*** واذا حبيت ترفع ضغط اهلك الحريم يوم يطلبون منك توصلهم السوق

وعقب ما يتجهزون ..ويطلعون اركب السيارة وخلك ! طبيعي وفجأه قولهم أففففففف السيارة

مب طايعه تشتغل ..طبعاً انت ماخذ احتياطك وفاصل واير البطارية

و شوف شوبيسوون فيك ساعتها ..

*** والطريقه الثانيه عشان يحرمون يطلبون منك توديهم السوق ....

لاتشغل مكيف السياره بس التهويه ( المراوح )

وقولهم المكييف خربان خلهم ينطبخون واذا قالوا نبى نفتح الدرايش

قولهم خربانات واذا فتحتوهن ما بيتسكرن بعدين << شووي شووي علينااا عاد لا تنفذووهاا وواايد ههههههههههههه _ _ _ x _ _ _

اذا في واحد رافع ضغطك وودك تسوى فيه مقلب

عليك بهالحركه:

خذلك ولاعه وسخن مقبض الباب بعدين تعال وقول له : افتح الباب الله لايهينك

بس انتبه على نفسك لاتبين له انك بتموت من الضحك

أبشرك أنت الأن
_____________________________
_____________________________
_____________________________
_____________________________
___________ نــــذل ______________

منقووووووووول "" لنذاله""

36_1_19[1]. 36_1_19[1]. 36_1_19[1]. 36_1_19[1].36_1_19[1].36_1_19[1].36_1_19[1].36_1_19[1].36_1_19[1].36_1_19[1].36_1_19[1].