|
كـــنا وصــرنا وليتــنا .. ما صـرنا
كنا نقول هلا حياك الله
والحين نقول اتصل على قبل لا تجي. كنا نتفاخر عندنا جد وجدة بالبيت و الحين صار فيه دار للعجزه والمسنين. كنا نقول تفضلوا للعشاء انتم والأهل والحين نقول ممنوع اصطحاب الأطفال. كنا نفرح اذا تعشينا من برا البيت والحين نفرح اذا تعشينا من البيت. كنا نفطر ونتغدى ونتعشى جميع والحين زين اجتمعوا اثنين. كنا ناكل مجبوس وهريس وساقو والحين مكرونه اسبكتي أو بالباشميل. كان طموحنا ندرس في الجامعه العربيه والحين طموحنا ندرس بالجامعه بس مب العربيه. كنا ندرس كل طالبين بطاوله والحين كل طالب له طاولتين. كان طموحنا نصير طيارين والحين طموحنا وظيفة توكل خبز. كنا نفرح اذا نزل البردي والمطر نشرب منه ونستعذب والحين نشرد منه لايوصخ ملابسنا. كنا نفرح اذا قالوا لنا قربت الاجازه والحين نص عيالنا وبناتنا بإجازه على طول. كنا نهرّب الدخان تهريب والحين اعتدنا إدارة مكافحة للمخدرات. كنا وصــــرنـا .. ولــيتــنا .. ماصــرنا ! اخواني / اخواتي من المحزن عندما يكون ماضي المجتمع أفضل من حاضره ومن المحتمل والمتوقع أن يكون مستقبلة أسوء من حاضرة ... قال الشاعر : تقولون دنيانا علينا تغيرت؟؟!!.... تغيرتوا انتم ما عرفتو غيورها الايام هي اللايام مازاد عدها..... هذي لياليها وهذي شهورها س: من الممكن أن نرجع كما كنا أم هذا مستحيل ؟ س: الخلل في الزمان الذي نعيش فيه أم الخلل فينا؟ س: لماذا كل هذا التحول ولماذا حال المجتمع والروابط الاجتماعية بالخصوص في تدهور مستمر؟ أتمنى أن أجد في الردود الجواب الشافي ... |
س: من الممكن أن نرجع كما كنا أم هذا مستحيل ؟
لا يعود الماضي كما كان ولكن تبقى لحظاته في ذاكرتنا ... طبعا مستحيل نرجع كما كنا ...واتحدى ما يقول غير ذالك ..... س: الخلل في الزمان الذي نعيش فيه أم الخلل فينا؟ بصراحه الخلل فينا وليس بزمان ...نحن اهل الزمن تغيرنا س: لماذا كل هذا التحول ولماذا حال المجتمع والروابط الاجتماعية بالخصوص في تدهور مستمر؟ عندما تتحدث عن المجتمع بشكل عام فهذا الحديث يطول ويطول الانك لن تجد الاجابه من ناحيه واحده فقظ واعتقد في تصوري الشخصي من اسباب الاساسية التي حدثت الفوجه الكبيرة بين الاسر هى الظروف الاقتصاديه او الهجرة الى مناطق اخرى وعنها تنقطع التواصل بينهم |
س: من الممكن أن نرجع كما كنا أم هذا مستحيل ؟
وليش تتحدى محامي انا اعتقد اننا ممكن نرجع مثل اول لانه هذا كله متعلق بالتربيه اذا ربيتوا صغاركم والي يكبر على شي يشب عليه ولا كلامي غلط اهم شي التربيه س: الخلل في الزمان الذي نعيش فيه أم الخلل فينا؟ طبعا الخلل بالناس والزمان عمره ما يتغير بس نفوس البشر تتغير س: لماذا كل هذا التحول ولماذا حال المجتمع والروابط الاجتماعية بالخصوص في تدهور مستمر؟ كلام محامي صحيح بس انا اعتقد ان السبب الرئيسي ان الناس ما صاروا يسالون عن بعض اذا الي عزيز عقلبك عساه بامريكا بتسال عنه لو باتصال تقبل مني راعي العزبه وتسلم عـ الموضوع الحلو ودمت بوووود |
المحامي & شواطئ الاشخرة
يعطيكم العافية على المرور وشكراً على أبداء رأيكم في الموضوع |
س: نرجع كما كنا ؟
الناس الحين مو مثل قبل!! الحين الناس يكرهون بعض!! ومحد يتحمل الثاانس!! مستحيييل يرد الحال مثل قبل.. الا اذا الناس حالها تصلح. س: الخلل نعيب زماننا والعيب فينا ....وما لزماننا عيب سوانا ونهجوا ذا الزمان بغير ذنبٍ .......ولو نطق الزمان لنا هجانا وليس الذئب يأكل لحم ذئبٍ .......ويأكل بعضنا بعضا عيانـا ... والتحول صاير بسبب نقص الوازع الديني وقله الايمان |
وتسلـــــــم راعي العزبه عالطرح الحلوووووووو
ماقدرت اطيل ف النقاااش.. الجهاز عندي مخترب! مايحط المشاركات الطووويله!! |
التفاااااحة
الأحلى مرورج على موضوعي خيتي وتشكرين على أبداء رأيج بالموضوع وكفيتي ووفيتي أوخيتي |
تسلم رااااااااعي العزبة
ونترياااا كل يديد من صوبك.. الى الاماااااااااامhttp://smiley-msn.com/Smileys/3D/Smi...om-3D-2010.gif |
حاااااااااااااااااضرين للطيبن التفاااحة
|
س: من الممكن أن نرجع كما كنا أم هذا مستحيل ؟
اللي راح مايرجع بس في اشياء نقدر نرجعها او بالمعنى الصحيح محافظين عليهااا س: الخلل في الزمان الذي نعيش فيه أم الخلل فينا؟ الاكيد فينا الزمن هو نفسه ماتغير بني آدم هو اللي يتغير وهو اللي يقدر يحدد هالتغير شلون يكون يا يطلع فوق يا ينزل لتحت س: لماذا كل هذا التحول ولماذا حال المجتمع والروابط الاجتماعية بالخصوص في تدهور مستمر؟ نقدر نقول الحياة وارتباطتها ... وكل واحد وظرووفه ... اذا الحين جارك زين لين عرفنا من هووو ... والله المستعان يعطيك العافيه اخوي ... تقبل مروري ... |
| الساعة الآن 12:26 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
][ ملاحظة: جميع المشاركات تعبر عن رأي الكاتب فقط ولا تمثل راي ادارة المنتدى بالضرورة، نأمل من الجميع الالتزام بقوانين الحوار المحترم ][