منتديات جعلان - قصيده المس كوول مالت حمد السعيد !!

السلام عليكم ورحمة الله وبركاتة

الصراحه هالقصيده من أحب القصائد لي وحبيت أهديهاا لكم
وللي ذكرني فيهــا

للأستماع للقصيدهـ أضغط هنا (http://www.movn.net/7md_al_s3eed/Mis_call.ram)

سقى الله زمان فاتني مع غزير الزين
يا ليت البشر ما فات منهم يردونه

يعل كل ما فاتك من الوقت زين وشين
رجوعه عليك اصعب من السيل لمزونه

انا حد علمي بالغلا يوم طبعه زين
قبل لايطيع الي عن الحب ينهونه

سمع سالفتهم وش ورى الحب وش بعدين
ومن يومها يا قل ما القى تلفونه

أجي وافتح الMiss call يامال فرقى العين
ولا أشوف رقمه جعل الارقام يفدونه

أخيل الجهاز اقول بيتصل هالحين
وأثره اقتنع في فكرة جته مجنونه

من العاذل الي شغلته تفرغة قلبين
أنا اوحيت قبلي واجد الي يسبونه

عذول المحبه جعل شرواه يعطى الشين
حرمني من الي رغبتي فيه مرهونه

تغير علي وأذا أتصل وما سمعت أهلين
أخذ ثقل جعل مغيره تثقل ديووووونه

مثل ما ثقل ديني من مقاصد التموين
هاك يا البنك الاقشرجعلكم ما تمرونه

ذبحني غلاه وحط وسط الحشى جرحين
الاول من الصده والاخر من ظنونه

وانا من هذاك اليوم ومعايد الثنتين
يا صعب الوصال وصدة عنه ملعونه

تمكن غلاه بوسط قلبي بعام الفين
ومن يومها والحب يكبر على هونه

ويقولون خله يا معود وأقول انزين
ابي فكة منهم وانا اموت بعيونه

هذاك ان ضحكلي رحت كلي ولا ادري وين
وكم واحد قد راح لعيون مظنونه

وهذاك ان طرالي كنه يقصني نصين
معاه نص وابقى نص ما أعيش من دونه

وهذاك ان طلع رقمه وانا مشغل الخطين
يروحون فدوة لنمرته وتلفونه

عسى يرده الي رد ركان ابن حثلين
من الترك لدياره وللي يتحرونه

هذاك الرجى عقب البطى ناذر نذرين
ابسامحه واني مع الوقت ما اخونه