الشعر زادي
 

أليكم



جيتكم والشعر زادي بالرحال
ينقسم عدّة بحور وأفعله

بالقافية عندي المشاعر ماتزال
متفرسه ومتثقفه بشي أجهله

أنظر كتائبها تسابق بالنزال
أحدن يساندها وأحدن تقتله

متشبثه بالفكر صانعة الخيال
هذا يعاندها وهذا تكمله

حاولت أطورها بأنواع الشكال
مرّه أسايسها ببعض الأسئله

أسمع تجاوبها يجيني بأعتدال
وأسرد تفاعلها بشي تفعله

تأتي حكاويها تناديني تعال
عقلن يشاطرها وعقلن تعقله

المسأله ماهي بلعبن وأعتزال
أنظر صحايفها تسابق الاخيله

تسبق خطاويها بنودن لا تزال
تغرس دعايمها لصورة مهمله

احساسنا بالحب يصنعه المجال
تجتاحنا الافكار حتى نمثله

أبيات موزونه صياغتها حلال
وأللي يحرمها تصيبه زلزله

وأللي يجاريها تصدّه بالنبال
وأللي يحليها وجود البسمله

أبيات ماضينا تسمى أرتجال
وأبيات حاضرنا تجينا مهروله

فكرن تزعمها تصيبه بالخبال
وفكرن تجاهلها أم(ن) تثكله

سبحانه الخالق عظيم بالفعال
سخّر عقولن تستنير بأمثله



(....أتمنى أن تنال أعجابكم.....)

سبحاانه
عزت الله منهاا فضييعه والله وسح لساا الي قااتبهاا
يسلموو خيوو ننتضر المزيد

يسلمووووووووووا اخي
قصيدة رائعة وكلمات اررووع