ارجو الدخول للضروووووورة(فضيحه سرقه ادبيه..)
 

السلام عليكم ورحمة الله وبركاته....
اول شي احب اشكر جميع الاداريين والمشرفين على هذا المنتدى المتميز..
وانا اخوكم عبدالمحسن بن أحمد(كبرياء مجروح)
من المملكة العربية السعوديه
تقدرون تقولون شاعر مبتدئ ولي محاولات ادبيه ومازلت في بداية طريقي وعمري 20 سنه وطبعا الكل يسمع بالسرقااات الادبية والحقوق الفكرية
طبعا انا عندي سبيس خاص فيني انشر قصائدي وخواطري بها وجائني تحذير من اكثر من شخص بان هذه الكتابااات قد تتعرض للسرقه وهضم حقوقك ولكن بسبب قلة الخبره او بالاحرى من صدق نية انه مستحيل يكون هناك اناااس ينسبووون اشياء من تاليف غيرهم لهم
واذا بي اتفاجئ عندي بحثي في محرك البحث قوقل عن عناوين اشعاري وخواطري ان اتى بي البحث الى هذا المنتدى الشامخ الذي صراحة اول مره ادخله ورائية خاطرتي المتمثله بخاطرة البحر موجوده في هذا المنتدى وهذا شرف كبير لي ولكن للاسف ان هناك شخص نسب هذه الخاطره لنفسه او بالاحرى لم يذكر اسم كاتبها وكانت اغلب ردوده توحي للقارئ انه هو من كتب هذه الخاطره ولم يكلف على نفسه لو انه قال كلمة منقووووول فقط لاغير واكون له شاكر وممنوووون
ويعد هذا العضو مشارك مميز او مبدع وبلغت مشاركاته739مشاركه
والاغرب من ذلك انه مشرف في هذا المنتدى ومسوؤل واتمنى ان لا يكون ممن خان الامانه المبنيه على ذكر المصدر ونسب الاشياااء لاصحابه الحقيقيين
وهذا رابط الموضوع
http://www.jalaan.com/forum/showthread.php?t=9226

وهذا رابط سبيسي
http://mjro78584.spaces.live.com/

ولاحظوا تاريخ كتابة الموضوع؟؟؟
اتمنى من ادارة هذا المنتدى الرائع من الاخوه المشرفين انصافي واعطائي حقي وكل ما اتمناااه هو الحق ولا شي غير الحق
واطاااالب من الاخ شيخ المزايين اعتذار رسمي والاعتراف بالخطاء

اخوكم
عبدالمحسن بن احمد

لاتزعل اخوي وما يصير خاطرك الا طيب
يمكن ما قصده شيخ المزايين
واعرف بمدى اللمك كيف انك تكتب حاجه وتنسب لغيرك
بس ان شاء الله راح نشوف شيخ المزايين ونعرف منه السالفه

اخوي لا تخاف حقك ماراح يضيع ولا تزعل
ما يصير خاطرك الا طيب هو صار له مده ما يدش ومن نشوفه بنقوله

مرحبابك اخوي عبد المحسن
واعذرنا والسموحه منك
وانا حاس فيك
ترى سرقة الادب مب شي عادي
وترى شيخ المزايين ريال طيب ويمكن مب قصده
ومايكون فالك الا طيب
اخوك محمد الساعدي

شكر اخوي المحامي على ردك اول شي هذي مو قصيده هذي خاطره والشي الثاني انا من زمااان مانزلت شي جديد في سبيسي بس بعد ماينتهي هذا الموضوع راح امسح جميع المواضيع القديمه لانها بصراحه مكسوره الوزن وانا كتبتها قبل سنه تقريبا ولن انزل اي قصيده الا بعد ان اوثقها في موقع للشعر توثيق رسمي
واشكرك على روحك الطيبه يالغالي اللي يدل على طيب اصلك
ـــــــــــــــــــــــــــــــــــ
انا مازعلت ولكن من القهر انك تكتب شي وتتفاجئه انه ينسب الى غيرك
انا ادري اني اخوي شيخ ماكان قصده بس لو انه بس مستاذن مني وربي الخاطره فدوه لعيونه بس كان عطاني خبر قبل لا ينزلها او يوم نزلها وضع كلمة منقول اتمنى ان ينتهي الموضوع باسرع وقت
ــــــــــــــــــــــــــــــــــــــــــ
اخوي شموخ اول شي شرف كبير ان شاعر مثلك يهتم في موضوعي وتواجد هنا يدل على رقي هذا المنتدى اللي يتواجد فيه شاعر بحجمك يالغلا
واشكرك اخي لتفهمك الموضوع واتمنى ان تعذروني لو سببت لكم ازعاج ولكن اتمنى ان يكون لديكم احسااااس بالذي احس به الان حينما تكتب شي وينسب لغيرك
ــــــــــــــــــــــــــــــــــــــــــ
اختي انا مو خايف انا ابي حقي الادبي وبس
ـــــــــــــــــــــــــــــــــــــ

اخوي شموخ ماقصرت والله اني متفشل منك يالغالي احس اني تعبت وياااي يالغالي
بس انت شاعر وتعرف لما ينسب شي من خيالك الى احد غيرك
اكرر شكري لكم جميع وعلى روحكم الطيبه واحساسكم بما احس به
ــــــــــــــــــــــــــــــــــــــــــــــــــ ــــــــــــــــــ
هلا فيك يالغالي محمد والنعم فيكم كلكم انا ما اتهم اخوي شيخ انه قاصد او مو قاصد انا بس اللي ابيه حقي وبس
والله يسلمك يالغالي على روحك الطيبه وهذا العشم فيكم يالغالي

اعذرنــــــــــا أخويـ..