|
موضوع للنقاش: عادات سلبية
السلام عليكم شباب وشابات
اليوم جبت لكم موضوع واتمنى انه المشاركات تكون في نص الموضوع ليس مجرد عبارات( تسلم, يعطيط العافية.......) واللي يشوف نفسه ما له نفس يكتب رجاء لا يكتب اي شي اولا: ويش العادة السلبية اللي تتمنى انها تزول من مجتمعك؟ ثانيا: هل هناك حلول لها؟ طبعا هذا السوال اختياري للي يحبوا يناقشوا بتعمق؟ انا صراحة اتمنى من كل قلبي انه عادة التدخين تندثر من مجتمعنا لاني صراحة اشمئز من الانسان اللي يدخن ومالي خلق اقابله اتمنى تكون ردودكم ضمن الموضوع وطبعا التعقيب مفتوح لاي واحد ليرد على مشاركات الاعضاء دمتم بود seesaw |
والله اتمنى يقضون على عادات الخمر والمخدرات والتدخين والسرقه والقتل والكره بين بعضهم
اما عن الحلول والله اتمنى انهم يركزون وااايد على قضايا المخدرات والخمور وهذي السموم وانها ما تدخل البلد مره ثانيه |
بارك الله فيك توتو
الصراحة هذي المشاكل مؤرقة جدا وصعب التعامل معها بهذي الصورة يجب ان يكون هناك تكاتف من جميع الجهات التوعوية والدينية والصحية والعسكرية للتنبيه والقضاء على هذي الافات مشكورة عالمرور |
والله في اشياء كثيره انا مابذكر شي بس حبيت اقول السبب في ذلك
بصراحه الشباب و البنات عنده موقت فراغ كبير لذلك يضيعونه في اشياء كثيره غير مفيده فالاغلب وبعد في اسباب ثانيه بس الي احسه سبب رئيسي هو الفرااااااااااااااااغ وتقبل مروري سي ساو |
ابى تندثر عادة التعرف بين الشباب والبنات " الا اخلاقيا " ما اعرف اذا تعتبر عادات بس انا ف نظري انها سلوكيات بس العادة الي احسها ف مجتمعنا واللي اباها تندثر هي انه العزى صار مثل العرس " الله لا يبلينا واياكم ف عزيز " يعني ما صار فيه اي احترام للميت يبكو يومين والباقي ولايم وسوالف وضحك : ع الاقل ف عزيات الحريم...
وشكرا ع الموضوع |
مشكورة اختي عيون قطر فعلا الفراغ سبب كثسر من البلاوي
وشكرا عاشقة توم وجيري الله يجيرنا بس نسأل الله العفو والعافية |
"اخي "التدخين اصبح شيء عادي بين الشباب والبنات "نسأل الله تعالى ان يحفظنا ويحفظكم "انا أبسأل وين طهارة اللسان عندما ينطق بالشهادتين"بعد م الله طهرك وكرمك "ليش تدنسون انفسكم "يعني تكون مطيعين لنفوسكم"نسأل الله ان يبعد كل من دخّن وكل من لم يدخن "ويحفظه من كل شر هو وليّ النعمه":)تشكر سي ساو
|
مشكور اخوي عالمرور
|
السلام عليكم
في عادات سلبيه في هالمجتمع ياليت انه تندثر على مر هالزمن ... التدخين واللي انتشر بشكل كبير والادمر ان اللي نشوفه يهال توهم ماتعدو سن 11 يدخنون يوم اشوفهم في خاطري وين الاهل عنهم معقوله الابو مايشوف ولده مايراقبه بس يعطيه فلوس ولا يسأل وين وكيف يصرفها يعني اذا هالولد اتجه لشي ثاني مب منه من اهمال هله عنه ماراح احد فينا يلوم الولد ويقول ضايع بيقولون هله ماعرفو يربونه ... وبعدين الولد لاطلع من البيت ياكثرهم عيال الحرام .. الله يحفظ عيالنا كل هذا لاني صج خاطري تروح هالعاده وتختفي مره وحده تقبل مروري في حفظ الرحمن |
اي والله صدقتو بالي قلتو مب بس كي حتى انهم يرحوووون برا البلااد علشان الشرب الخمر وغير هاذا يتزوجون من دول مب لازم اذكرها
والله يعين شبابنا وبناتنا وسلااااامي ذيبببببه |
| الساعة الآن 06:40 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
][ ملاحظة: جميع المشاركات تعبر عن رأي الكاتب فقط ولا تمثل راي ادارة المنتدى بالضرورة، نأمل من الجميع الالتزام بقوانين الحوار المحترم ][