منتديات جعلان - هلكني الصبر بغيابك

عبت من الزمن ابحث ابلقى لدنيتي عنوان
ابلقى لغربتي معنى ابلقى اسباب غلطاتي
قتلني حظي العاثر رمتني دنية الاحزان
تعبت من الزمن ابحث وذاتي ماقوة ذاتي
تعب حزن الزمن مني بغيابك تملكه اشجان
تعب وقتي وانا انتظرك واشوفك بين كلماتي
هلكني الصبر بغيابك طواني عالم النسيان
جفتني دنيتي بعدك تعال وشوف مأساتي
تعال وشوف بغيابك سكني موطن الحرمان
قتلني للاسف حبك تركني بعز صدماتي
هدم كل الامل فيني خساره بالوفا ماصان
تعال ارجع وشوف الحال كيف اشلون حسراتي
ابيك اتشوف من بعدي حياتي كيف كسرها بان
ابيك اتشوف كيف الهم حطم كل حالاتي
يانور العين ياروحي ترى لشوفك انا ظميان
انا محتاجلك ترجع تجيني وتجمع اشتاتي
صحيح انك نسيت اللي مضا مابيننا وماكان
نسيت الحب يالغالي ونسيت اجمل حكاياتي
ورب الكون يا اعذب يا اجمل ماخلق انسان
انا مالي احد غيرك ينسيني معاناتي
وغلاتك ماسكن غيرك صميم القلب والوجدان
يا اغلى من الغلا نفسه ياروحي يابداياتي
انا العاشق انا الصادق انا الهايم انا الولهان
انا اللي لجل بسماتك هجرت افراح بسماتي
انا اللي عشت من اجلك حياتي كلها سهران
شريت الفرح لايامك ثمنها كان دمعاتي
انا احيان اشوف الموت بغيابك واشوف احيان
ظلام الكون يرسملي على كيفه نهاياتي
دخيلك لاتخليني اعيش بعالمي خسران
دخيلك يانظر عيني تلطف في متاهاتي
لاني لازم ابصدك احاول احفظ الكتمان
اخاف احكي من اجراحي تطيب اجراح شماتي
كفاني من العنا ماجا كفاني لوعة وهجران
تعبت من الزمن ابحث ابي حل لعذاباتي