|
الشخابيط اللي عالجدران ... أيش حل هذه المشكله ؟؟؟
السلام عليكم
كيف الحال ؟ اممم بصراحه داخله عالسريع بس ابي اقول شي قبل لاأطلع :) بسم الله نبداء طبعا كلنا لاحظنا الشخابيط والرسومات عالجدران شارع عام وأغلب الجدران اللي تمر عليها مشخبط فيها بكلام غريب ورسومات عجيبه ليتها لو كانت جميله أو بخط حلووووو أبدا منظر غير حضاري بالمره . طبعا ما وصلنا لحد خطير بس لازم ننتبه قبل لاتصير كل اسوار الولايات مشوهه . وهذا الشي ما في الاسوار بس طبعا كل شله نازلة البحر لازم يكتبوا شي للذكرى هههههه وهذا أذكر منه الكثير منها بنات كلية كذا شباب كلية كذا أو جامحة كذا وحدث ولا حرج الاسماء والالقاب والقبائل كلها أشياء تشوه جمال المنظر واللي يزعج النفس أن كتابها شباب واعين مدركين لمعنى كلمة تشويه . اممممممم أكيد أغلبكم يقول أيش الحل ؟ مره كنت أتابع برنامج أو خبر في إحدى القنوات لايحضرني اسم القناة . المهم كان عن هذا الموضوع وعالجته إحدى الدول الاوروبية (فرنسا على الارجح ) بطريقة ذكيه . تحبوا تعرفوا كيف ؟؟؟ خصصوا جدار بطول وعرض معينين خاص لهذا الشي وطلبوا من كل المشاغبين أنهم ما يكتبوا الا على هذا الجدار . وعاد هم ماقصروا :rolleyes: تفننوا بدل لايكون منظره رهيب صار بديع قامت كل شلة تنافس الشلل الاخرى حتى يكون الجزء اللي تفرغ فيها رغبتها الجامعه في التشوية أجمل وأروع من الجماعات الاخرى . اممممممم وأحنا كيف راح نعالج هذه المشكله ؟ شكل الاسوار والعبارات اللي تكتب تخليك تحسب نفسك في بلد أجنبي . لا تبخلوا علينا بحلولكم وأرائكم علها تجد من يلبي النداء :) |
هلا اختي هذه المشكله منذ زمن وهي مستفحله في المجتمعات..
قد يكون السبب هو عدم الوعي ووقت الفراع وطيش الشباب بيد أن هذا الامر أو هذه الاسباب هي ليست مبرر لهكذا تصرفات ... ولكن لشفافيه فـ إن هذه الظاهره قد قلت في الاونه الاخيره من وجهة نظري... شكراً ريم الفلا.. |
:D
هو الانسان طبعه كذا!! ايحب يكتب ع كل شي!! عيل كيف يثبت للناس انه انسان مثقف متعلم وعنده شهاده!! ويعرف يقرأ ويكتب!! :D :o ماظن ان مشكله تشويه الجدران لها حل!! حتي لو سوولهم حايط يكتبون عليه!! هم بيكتبوا ع الحوايط الثانية!!! بس شعور حلوووو يوم الواحد يكتب شي ع حايط او طاوله يالله حلووووو :D بس ممكن يمتنعوا عن الكتابه ف حاله وحده!! لو حطوا ناس اتراقب وتشوف اي واحد كتب اي شي يدفعونه غرامه!! ماظن بيكتب مره ثاانية!! :D مشكــووووورة ريـــم الفلا ع الموضوع والطرح.. |
شموخ الجرح
تسلم عالمداخله الطيبه التفاااااااحه والله انتي مشكله كبيره تحرضيهم عالشخابيط ؟؟؟ بس حلوه فكرة الغرامه فعلا ماراح يشخبطوا بالنهار بس بالليل تسلمي الغاليه عالمرور |
اختي ريم الفلا
اشكرك ع الموضوع, فعلا" موضوع جيد للنقاش , ويجب ان نضع له حلول.. عن الأطاله وكثرت الكلام بختصر لك الكلام.. ياااااااااشيخه حن ف عصر الديمقراطيه وحرية التعبير وبعدين من يكتب ع الجدران يحاول يفرغ الصراعات التي بداخله بهذه الطريقه كيف حن نقدر نكبت هذه الصراعات ف شبابنا... وبعدين قبل نعالج هذه المشكله , نعالج مايسبب هذه المشكله مثلا واحد من الشباب محد معطنه وجه في البيت يروح على جدار الجيران ويكتب اسمه واسم والده عشان يتورط الأهل .. أو مثلا" الحبيبه صارلها كم يوم معطتنه بولباس يروح ع جدران الخلق ويرسم قلبه ويشكه بسيخ حديد عشان لما تمر الحبيبه ع الجدار تشوف انه اخونا متعذب ... وغيرها من الأمثله الى مدري شو هي .... المهم هذه المشكله ناتجه عن مشكله أكبر وهي كيف شبابنا يفهم حرية التعبير. بدون اذاء الغير على ذكر الشخابيط محد يندل لنا يونية صخام بس يكون سمر مب غاف.. تقبلي مروري أخوك مضمر بعوضه |
تسلمينـ أختي ع الموضوع الرااائع..هذه الحركـــاتـ تتدل ع عدم الثقـــافه والوعي الحضــــــــاريـ..ومثل ماقلتيـ تقليــــد الغرب..فالغرب نقلدهمـ في كل شي حتى في اتفهه الحركـــــاتـ نقلدهم..
|
مشكوره اختي على الموضوع ,,,,,,,,,,,,وو
تبي الصدج هذي المشكله مالها حل تعرفي ليش ؟؟؟؟ لان هذيله اللي ما عندهم سالفه وبين قوسين مساكين ما محصلين احد يسمع كلامهم ويبرز مواهبهم فما لقوا غير انهم يعبروا عن انفسهم بهاذي الطريقه ,,,, وسلامتك......... |
انا اجول الحل ؟هو:وسم في اصابعهم كلها حتي اصابع الأرجل وشوفوهم بعدين بيشخبطوا في الجدران:)والله حاله من اشهر شخابيطهم المعذب ابونايف ويكتب قبيلته والعالم:)خخخخخخ كيف يعني قبيلتك اكبر من العالم خخخخخخخخخ:) ويرسموا قلب مخروق بسهم دخل بحرف وطلع بحرف ثاني:)خخخخخخخخ وعاد الصخّام{الفحم} سان سنه:) اللون المحبب عند المشاغبين طبعا الفحم اسود ولذالك أحبوا هذا اللون لأنه سهل الحصل عليه بدون شراء مامثل الطباشير:)
|
والله صدج انه منظر غير حضاري
|
شكرا اختي على طرحك ... انا برائي انه لا زم تصير حملة توعية ... من خلال المساجد او الاندية .. او المحاضرات في المدارس ... او تثقيف الابناء جيد قبل لا يسووا اذية الشي ... يعطيك العافية..!
|
| الساعة الآن 05:32 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
][ ملاحظة: جميع المشاركات تعبر عن رأي الكاتب فقط ولا تمثل راي ادارة المنتدى بالضرورة، نأمل من الجميع الالتزام بقوانين الحوار المحترم ][