في منامي
 

;) :p
في منامي

في مــنامـي زرتـني والـشــوق يمطر .. .. يا مـنور وجه هالليل الضرير

جــيتني وبيـديك باقــة ورد أحمـر .. .. مـثل خـدك تشـبه الفجر المنير

وابتسـامـه صـادقـه من ثغر يبهر .. .. في براءتـها كما الطفل الصغير

وفي عـيـونك نظـرةٍ مـن طـرف يسحر .. .. يخــتصـر في نـظـرته عـالم كبير

واهـتنينا لـين نور الـصـبح أسفر .. .. مـثل ضامي إهتنا بشربة غدير

قــمـت اضـمـك فوق صـدري واتصور .. .. أخـطـفك عـن عين هالعالم واطير

والــشـعـر عـ وجــنتك مال وتحدر .. .. شــلال ليلٍ انسكـب فوقي غزير

صــار صـدري مـن عرفتك عشب اخضر .. .. مـن عـرفتك انفرش دربي حرير

مــن عـرفـتك كـل شـي عـندي تغير .. .. ابتـسـم عمري وصرت انسان غير

قــلبي الضـامي بحـبك صــار يزهـر .. .. في حــديقـة ورد واتنفس عـبير

كــل يوم الحـب لك بالقـلـب يكـبر .. .. ما ابالغ .. صرت في قلبي الامير

كــل يوم يزيد بـي اكـثر واكـثر .. .. حـب مـا يوصف .. جنوني ومثير


مرحبا الساع

بصراحة وايد عجبتني هاي القصيد فحبيتكم تقروها

اتمنى تعجبكم او يعجبكم


....................................انتظر تعليقكم عليها.................................

ناضرني

كم اسعدني المروور ها هنا
اتجول بما نقلت لنا من روعة الكلمات


سجل اعجابي بما نقلت

تسلم اخوي وكلمات اكثر من رائعه