عجيبـــة الدنيــا عجيبـة..
 

عجيبه تشوف واحد من الشباب واقف يتضارب مع الخياط لأن الخياط عنده دفتر يسجل فيه المقاسات والأسعار بالتسلسل والحبيب يريد الرقم اللي تكون فيه مقاساته يكون رقم مرتب !!

عجيبه أنك تشوف بنت موظفة تحب واحد من الشباب تدفع فواتير تلفونه وتشتريله الهدايا ( في الغالب أغلى تلفون في السوق ) ومع هذا تكون النهاية أن الشاب الوفي يخليها ويروح يتزوج بنت ثانية يصرف عليها دم قلبه !!

عجيبه لما تشوف حرمة ( عجوز شمطاء ) والكحلة من الأذن للأذن والروج ( روج عيد الحب ) والعطر ( مخلط كمبودي ) والمشية ( خوز عنها ) والمصيبة أن الملف في المستشفى يثبت أنها مصابة بالضغط والسكري وتصلب الشرايين !!

عجيبه لما تشوف واحد من الشباب يرجع من أمريكا يشغلونه مدير قسم مع امتيازات ما يحلم بها رئيس أي دولة ثانية في العالم وواحد ثاني يدرس في جامعة بلاده ( يعفن ) في البيت وآخرتها ما يشتغل إلا بعد ما يمسحون بكرامته الأرض !!

عجيبه من أم خليجية متعلمة ويبدو أنها مثقفة جالسة مع زوجها وأطفالها في كنتاكي وتشوفها تتكلم في التلفون بلهجه خليجية قحة وعلى الجانب الآخر تكلم العيال بلغة انجليزية أمريكية فصحى ... صحيح أنها امرأة عصرية ..!!

عجيبة أنك تشوف وقت أذان المغرب كل الناس رايحين باتجاه المسجد ماعدا اثنين جايين في الاتجاه العكسي يضحكون ويسولفون وكأنهم مش حاسيين بأي اختلاف بينهم وبين غيرهم !!

عجيبه أنك تشوف الدنيا كلها تقوم ولا تقعد لأن المسلمين يذبحون الخرفان والأبقار في عيد الأضحى بينما يسكت الجميع عندما يرتكب الهندوس واليهود أكبر المذابح ضد المسلمين وعلى مدار العام !!

عجيبه لما تشوف شرطي يعطي مخالفة لأحد سائقي التكاسي وبعين باردة لأنه يقف في الممنوع بينما تقف أمام التاكسي مرسيدس بودمعة وتقف في ( أم الممنوع ) ولا يكلم سائقها أحد !!

عجيبه من محل يبيع زجاجة عطر بمائة درهم لأحد المواطنين بينما يبيع نفس زجاجة العطر بعشرين درهم لأحد المشترين الهنود !!

عجيبه لما تشوف اثنين شباب يتمشون في محل لا يبيع سوى الملابس النسائية الداخلية !!

عجيبة لما البنت تريد تتحجب وتتنقب بينما الأم تقول لها : فجي النقاب عشان يشوفون هذا الجمال الرباني !!

عجيبه من ولد يرسب في الصف الثالث الإعدادي ثلاث مرات متتالية وفي كل سنة لا تخلو الشهادة من خمسة كعكات ومع هذا يقول أنه كان يدرس باجتهاد !!

عجيبة أن أحد الدكاترة المثقفين يضرب ولده بقوة ( بكوس + دوس في البطن + شلوت + عض + ضرب خيزران + العقال أحياناً ) ومع هذا يذهب نفس الرجل ليلقي محاضرة في كيفية تعامل الآباء مع الأبناء !!

عجيبة تلك المرأة التي تعلم أن زوجها عليه أقساط الزواج الميمون وأقساط السيارة وأقساط الأثاث وإيجار البيت ومصاريف الماء والكهرباء وإيجار التلفونات وأغراض البيت ومصاريف علاج الشيبة وراتب البيدار ومعاش الخدامة و .... ومع هذا تريد تشتري شنطة بألف وخمسميه من جيفانشي !!

عجيبه من بيت يعيش فيه رجل وامرأة وثلاثة أطفال وخدامتين وسائق
وحارس ومزارع وطباخ !!

عجيبه من شاب يلبس النظارة الشمسية دائماً بعد صلاة المغرب ويمشي في الكارفور من غير هدف واضح !!

عجيبه لما تشوف دايماً في شوارع الحارة سيارة تمشي من غير سائق وعندما تدقق أكثر في السيارة ترى يدان صغيرتان تقبضان المقود ( ياهل يتعلم السواقة ) !!

عجيبه من شيبه اشترى سيارة ( كورولا ) من أحد البنوك بقيمة 40 ألف درهم وبقسط شهري 2000 درهم وكان هذا الكلام قبل 5 سنوات ومع هذا عندما ذهب الرجل ليسأل عن باقي المبلغ المترتب عليه أخبروه أنه مازال يسدد في الفوائد .. !!

عجيبه من عبارات كثيرة تراها دائماً على أبواب المحلات وبالخط العريض ( امسح واربح ) ( تنزيلات ضخمة ) ( خصومات خاصة ) وعندما تدخل إلا المحل تكتشف أن السالفة وما فيها ( صبغ وتمليس ) !!

عجيبه منتخب يخسر بالخمسة والستة ودائماً يكون أدائه ضعيف ومهزوز وهجومه جبان ووسطه مقطوع ودفاعه شوارع للمنتخبات الأخرى ومع هذا قبل كل مباراة تقول الصحافة اليوم هو يوم
((( نجوم ))) منتخبنا الوطني .... هل سمعتم عن الثقوب السوداء !!
آآآآآآآآه عجيبة هالدنيا .. والله عجيبة !!


منقول

صحيح أختي على الذي ذكرتيه والدنيا عجيبه بس الناس هم خلوها تكون عجيبه أفعالهموتصرفاتهم وهذا واقع ,, وبس لا ننسى إنه بعض الأمور غصب على الواحد يسويها مثل البنك والوكاله...........
تحياتي جعلاني للابد

عجيبه والله وعجيبه

يالله عايشين ومن يعيش فيها يشوف العجب

فعلا اخوي مثل ما قلت..

الله يعيـن..

تسلم على المرور الطيب

عسـى خيـر..

مشكوره اختي على الرد الطيب

عجيب والله وعجيب

هذا حال الدنيا

ابوي الدنيا الان تغيرت

والله يعينا من الي جاي

لان الايام الجايه ستكون

حاره والله ولي التوفيق

سلامييييييييييييي

مشكور خيو على المرور

يسلمووووو على المرور