منتديات جعلان - يومين ما ترسل يا الله مقواك

انت غايتك تزعلني وانا غايتي رضاك
معقول تحرمني حتى من مسجاتك
يا زين طعم المسج لاجا من يمناك
ويا وين انتي حياتي من بين كلماتك
تدري حبيبي بقلبي وشقد اتمناك
اقبالي وعندي وافرح بمزحاتك
وتدري حبيبي اشكثر انا اهواك
وانت تضايقها باشين قراراتك
يومين ما ترسل يالله مقواك
تقدر على هجري انت بمهاراتك
تحسبني اتحمل بعدك وممشاك
لا..لا تروح وقلبي يحمل معداتك
عده غلا وعشق بنت تستناك
تستنى لفته بس من نظراتك
يا جامعي خل الغرور وفكر بمسعاك
واعتبرني ع الاقل احدى محاضراتك
يا متعلم ترى الحب شعور ويبلاك
والكون كله يذوب عند ابتساماتك
الحب لامنه(طب) قلت انا ابغاك
وما همني شغلك اوحتى شهاداتك
قلبي شراك وبروحي انا ا فداك
عساني ما انحرم منك ومن طلاتك
ومعقوله يا روحي عشقك ما وداك
عند محبوبتك اللي تضيع بهمساتك
اسبوعين ما راح ارسل وبحاول انساك
وعساك تتعب من الاشواق لاجاتك
تحسبني ياقلبي بجيك واترجاك
والله ما سويها ويكفيني غلاتك
والله قليل من القيد هالذي جاك
تستاهل عيوني بس ماشوف دمعاتك
يا صاحبي عذبتني حيل بسواياك
وشلون تحرمني من لذة مسجاتك