|
موضوع للنقاش قربو معنا
السلام عليكم ورحمة الله وبركاته
حاب اتناقش معاكم عن عملية التصريف في السلطنه بعد الامطار اللي صارت قبل يومين شفتي كيف انعفسة الدنياء مسقط العاصمه انعفسة فوق حدر الاغلبيه يعرفو اني ادرس في شرق اسياء المهم اليوم كان معانا مطر تتوقعو من الساعه كم من الساعه 1 الفجر لحد انا قمت من النوم الساعه 10 بعده المطر ينزل ولما طلعت برع ولا كانه نازل مطر يالله نبي ناقش معاكم الموضوع |
لا أدري صراحة!!!
نحن معنا صارت أشياء غريبة وحوادث وفي الخوض مثل ماسمعت انهار السد وانغرق بيتين وماتوا اللي فيه!! وفوادي العق سيارة غرقت وماتوا اللي فيها وصارت أشياء غريبه كان زين لو الحكمومه تختار أماكن تجمعات الوديان وتسويلهن سد |
نعم اخي هذا اللي صاير
لكن ويش تريدهم يسوو؟؟!! مسقط تقع وسط جبال يعني المياه تنزل لها بقوه وبكميات كبيره والبلديه عامله تصريف للمياه بس للاسف ما تستوعب هذا القدر الكبير منها وطبعا عند نزول الما يجر معه الكثير من الاتربه والاشياء الاخرى وبعدين الدوله اللي انت فيها معروفه بكثره الامطار يعني اكيد عاملين احتياطاتهم ونحن في بلد جاف والامطار قليله جدا شكرا شكرا.... |
الحكومه ما عامله اختياطاتها
هذى الشي لازم يتوقعوه في اي يوم ظبي جعلان يعني لو المطر هذا يجي كل خمس سنوات مره ويروحو فيها 10 او 20 شخص يكون هذا الشي صحيح ليش ما يوسعو عمليات التصريف يخلو حجمها اكبر وبالنسه لوادي العق المؤدي للشرقيه كل ما نزل مطر لازم حد يموت فيها ليش الحكومه ما تتحرك في هذا الامر ولا ارواح الناس واموالهم صارت ببلاش |
واقع لازم يتغير بناء على المتغيرات اللي تطراء بالمنطقه
بس الحذر واجب لأن الطبيعة مافي انسان يقدر يتوقع أحداثها من كان يتوقع قوة موجة التسونامي اللي ضربت آلارض قبل عام تقريبا بصراحه ما أتوقع حكومتنا ممكن تهمل هذا الشيئ فهل يوجد من تقدم بشكوى أو طلب أو وضع الموضوع موضع نقاش من قبل؟ موضوع مهم جدا وياااارب يكون هذا الموضوع بداية لتحسن الوضع لك جزيل الشكر ابن الاشخره بصراحه طرح واقعي يدل على عقل واعي يطمح للأفضل |
صحيح أخوي ابن الاشخرة عملية التصريف في السلطنة سيئة لآخر حد وخاصة ف العاصمة
ونتمنى ان الحوادث اللي صايرة تأثر فيهم ويتحركوا ف تحسين تصريف مياه الامطار الله يستر علينا |
اقتباس:
ريم الفلا تسلمي على المرور بس ليش المواطنين ساكتين يعني لو اللي صار في مسقط صاير في ولايه ثانيه كان يمكن الناس تغض الطرف العاصمه صار فيها كذا ما بالكم بالقرى الثانيه |
اقتباس:
نتمنى وان شاء الله نشوف شي يديد |
نتمنى من الحكومه الرشيده النظر بجديه بموضوع التصريف
تشكر ابن الاشخره ع الطرح |
احزان الماضي
تسلمي على المرور |
| الساعة الآن 09:59 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
][ ملاحظة: جميع المشاركات تعبر عن رأي الكاتب فقط ولا تمثل راي ادارة المنتدى بالضرورة، نأمل من الجميع الالتزام بقوانين الحوار المحترم ][