قرم وفقير
 

هذي قصيده للشاعر حامد زيد عجبتني حيل واتمنى انها تنال اعجابكم انتو بعد:


منك العذر وعلي المعذره ..
لاتحسب حساب هجر ولاهجير ..

كل ذنب بتذنبه باستغفره ..
واحد مايعذرك مافيه خير ..

دور بصدري وطن واستعمره ..
عندك من الظلع الاول للاخير ..

عيش فيني ودمر اللي تدمره ..
واعتذر لي واعتبر سرك فبير ..

لاتبشرني بجرح وتذخره ..
لاتعشمني بحزن وتستخير ..

لاتنومني بليل وتسهره ..
ولاتنام الا وانا جفني سهير ..

خلني مثل النجوم مبعثره ..
عيش فيني لاشهيق ولا زفير ..

لاتقول العفو عند المقدره ..
خل قلبك صلب واحسابك عسير ..

المسامح والزعل للمبزره ..
والا انا لاني زعول ولا صغير ..

ودي ادري كيف للحزن اثمره ..
ودي اقطف من قساوتك العبير ..

ودي اجفل من فراقك واحذره ..
ودي اعرف لوفقدتك وش يصير ..

لو تقدر خاطري صدق اكسره ..
لوصحيح تحبني لاتستشير ..

ازرع بقلبي سبب يستنفره ..
اثبت انك غير وان الناس غير ..

شاعرك ماكل بنت تجرجره ..
حارت به عقول ناس ماتحير ..

النسا ماحركن فيه شعره ..
ثار عشق ومالقى شي يثير ..

ان سكت كن الوقار فمنبره ..
وان تكلم زمهرير بزمهرير ..

مايحضر الا القلوب مجمهره ..
ومايغيب الا وعشاقه كثير ..

ان هجرته تستقر بمحجره ..
وان تعبت رضاه ماعينت خير ..

اسكنه لكن بعد ماتهجره ..
ابتسم له بس لاشفته كسير ..

حن .. لكن حن لاجبت اخبره ..
حب .. لكن خل حبك بالاخير ..

لوعطيته وجهك اعطاك ظهره ..
صد عنه ويتعبك مثل الضرير ..

لاتحاول تكسبه .. ماتخسره ..
صير ثلج يصير لك مثل السعير ..

ماتميل الا الغصون المثمره ..
ومايسيل من الجروح الا الغزير ..

من قبل لاتنقهر منه اقهره ..
قبل لايستحقرك خلك حقير ..

استفزه .. شتته .. فج نحره ..
اعشق ..اكره .. عاتب .. اشره .. حن .. غير ..

انثره .. لملمه .. لملمه .. انثره ..
صد .. كابر .. طير لو تقدر تطير ..

من متى وانا اتحرالي مره ..
تثبت اني لاوقعت اوقع كبير ..

ابك انا مقطوع من غصن شجره ..
لاصديق .. لارفيق .. ولاعشير ..

ابدوي وشيب الصبر اشعره ..
ماعرف ريش النعام ولا الحرير ..

ان غفا كن السحاب يدثره ..
وان صحا يفرش من الرمضا حصير ..

ماخذ من قسوى البيد اكثره ..
ومن شموخ البدو شر مستطير ..

جنته صحراه والشوك .. ازهره ..
والسراب بنظرته مثل الغدير ..

ان فزع يامشجعه يامظفره ..
من خلق الله وهو قرم فقير ..

كان ماتقدره قل ماتقدره ..
صير غالي صدق والا لاتصير ..

الغلا اللي ماتزعزعه اهجره ..
كان قلبك لايجار ولا يجير ..

شوف لك رجل بليد استحقره ..
واجد اللي يعشقون بلا ضمير ..

بس انا لوجبت لي مية مره ..
ماتحرك في شعره لو تطير ..







ها وش رايكم

وااااااااااااااااااااااااااااااااااااااااااو


روووووووووووووووووعـــــــــــــــــــــــه

وإنتقـــــــــــاء رائـــع للشاعر وذووووووووق للشعر

ياي كيف أحب هالقصيدة

وكنت أبي كلمــــــــــــــاتها

يسلمووووو خيوووووو

ولك جزيـــــ:)ـــــــــــل الـــــــ:)ـشـكـــــــر

قصيده رائعه يسلم ثوق الناقل
الشاعر حامد زيد من أفضل الشعراء عندي
تسلم

الصـــــــراحه من يوم يومه حامد زيــــــــد مب فيه حيله
مشكــــــــــــوووور الهاجس على القصيــــــــده الرائعه من شاعر كبير مثل حـــــامد زيد

تواصلك هو الاروع
وهاي الكلمات جاتك بلاش لو ادري كنت ساومتك عليها:p
الله لايحرمنا من تواجدك

تحياتي

يسلم اختي ع التواجد العسل

لاتحرمينا من طلتك

العفو اختي

والشاعر حامد زيد يعجز اللسان عن وصفه

شاكر لك تواجدك

الهاجس انتقاء ممتاز جدا

ابيات في قمة الروعة لشاعر الخليج (لقب من عندي)

احببت انتقائك

تحياتي العطره
اختك

اشكرك على تواصلك وردك الاروع
ويستاهل الشاعر حامد هاللقب
تحياتي

تسلم اخوي وحامد زيد معرف باشعاره الحلوه ونقل موفق