|
ابتعاث المرأه للدراسه في الخارج...
اتمنى من الأعضاء التجاوب معي
ابتعاث المرأه للدراسه في الخارج ... اما من قبل الدولة.. او من قبل الأهل .. هل من ذلك خطر عليها ؟ ... أم أن شأنها شأن الرجل في ذلك؟؟ وماهي نظرة المجتمع للبنت المبتعثه؟ أهي نظره إيجابيه.. أم نظره دونيه..؟ وهل سفرها سيضر بأهلها وسمعتهم؟؟ وانا من هنا أطرح موضوعي ... ليس من باب التحرر والحريه.. ولا من باب الضرب بالعادات عرض الحائط فالكل مجتمع عاده.. من الصعب تغييرها في ليلة وضحاها.. ولكن سأجعله موضوعا يطرح .. ترد عليه كل شرائح المجتمع المؤيده .. والمعارضه.. وأتمنى من كل عضو يوضح وجهة نظره .. أذا كانت بالتأييد او بالرفض.. مع التعليل وليست إجابه مقتضبه.. وتقبلوا فائق احترامي..... |
هلا أخوي,,, اممم بالنسبة للدراسة فالخارج مو عيب وكل واحد له طموحه والمفروض من الأهل اللي يحسوا ان بنتهم بتفيدهم وواثقين منها يبعثوها للخارج مع السؤال عنها والأطمئنان عليها يوميا أو اسبوعيا حتى ما تحس البنت بالغربة وتفكر بالغلط أو تتوه وتدري ان وراها أهل بس أنا أستغرب من الأهالي اللي بناتهم يجيبوا نسب عالية بس ما يطلعون فالأخير معلمات يبعثون للخارج ليـــــــــــــــــــــش.؟؟؟ هل لازم البنت تكون معلمة وبيحترمها المجتمع,,, وهل الوظائف الثانية تعتبر عار للأهل اذا اشتغلن فيهن بناتهم؟؟؟ بس كل بنت وتربيتها أولا وأخيرا وبعد صديقات السوء والخير لهن دور في هالشي وجهة نظر سريعة ويسلمووو خيووو عالموضوع الهادف:) |
تشكر اخي المحامي ع الموضوع
اتوقع دراسة البنت فالخارج لاتوجدبها ادنى مشكله لطالما الاهل وثقوا بالبنت وعطوها كل الثقه هذا اولا الشي الثاني المسوولية تقع بكاملها على البنت اذا كان لها هدف سامي تسعى اليه وهو طلب العلم ونيل الشهاده .....الخ هنا تتحمل كل المسووليه البنت في الخارج مسووله عن اخلاقها عن سمعتها عن تصرفاتها .....الخ لانها راح تعكس صورة اهلها واخلاقها وتربيتها بل صورة مجتمعها ووطنها طبعا كل ماسبق يندرج مااذا كانت البنت كماقلت راح تحافظ على ثقة اهلها وتحسب لهم الف حساب وقبل ذلك رب العالمين يجب على الفتاة وضع صورة اهلها امامها في كل تصرف وتحسب حساب كل خطوه تعملها اشكثر هالخطوة توديها جدام واشكثر هالخطوه ترجعها للخلف وفيه رفيقات الخير وفيه رفيقات السوء والعاقله راح تختار الطريق السليم وانا وحده من المتغربين لكن الحمد للله تخرجنا ونحن رافعين راس اهلنا فوق |
اشكرك اخوي المحامي ع طرحك للموضوع
وانا ليس من من يعارضوا دراسة البنت بس بوجود رقابه مستمره ع البنت والنصح لها في الغربه والابتعاد عن رفيق السؤ |
انا صراحة صعب اقوال رأي في هذا الموقف ,,
بس تذكرت قول الرسول عليه السلام في ما معناه لايحل لمراء تؤمن بالله واليوم الاخر ان تهاجر مسيرت يوم أو ليلة الا مع ذي محرم, يمكن بعد تفسير هذا الحديث نطلع بنتجة واضحة ودمتم سالمينِِّ |
لي راي بعد وصول الردد الى عدد10 ولنا عوده
شاكر لكل من تفاعل مع الموضوع |
اقتباس:
اوكي اخويه انا معك في حديث الرسول عليه السلام لكن معقوله نجلس في البيوت من دون علم ودراسه<<مايصير وانا شخصيا مغتربه في بلاد ثاني الحين عشان ادرس عندي رغبة في اني اكمل دراستي لان الجاهل هالايام ما يسوى شي في المجتمع وانا من راايي ما اشوف فيها شي انه البنت تسافر عشان الدراسه لكن اهم شي انها تحافظ على عاداتها وتقاليدها وتحط سمة شعار حج الناس وترفع راس اهلها لان هي مب سايرة عشان تلعب هي بتسافر عشان تييب الشهاده وبتفيدها في حياتها هذي وجهه نظري في الموضوع وشعارنا الاختلاف في الرأي لا يفسد للود قضية |
| الساعة الآن 02:33 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
][ ملاحظة: جميع المشاركات تعبر عن رأي الكاتب فقط ولا تمثل راي ادارة المنتدى بالضرورة، نأمل من الجميع الالتزام بقوانين الحوار المحترم ][