منتديات جعلان - ســـؤال للبنات ! بصراحة تقدرين تسوين هالـشي فـي ليلـة الـزواج ؟

سؤال للبنات (( بصراحه تقدرين تسوين كذا ليلة الدخله ))
يقولك هذا شاب راح يخطب وحده وتمت الموافقة على الخطبة ومن ثم الزواج المهم وش اللي صار ليلة الدخلة بعد مادخل صاحبنا شقته مع زوجته وإلا جواله يدق ويقوم خوينا يرد على الجوال ويدور الحوار التالي :

الزوج : الووووو
المتصل : السلام عليك، كيف حالك يا (فلان) و ألف ألف مبروك
الزوج : وعليكم السلام وينكم يا انذال ماحضرتوا الحفل يا تعبانين
المتصل ( الغثيث ) : والله تعطلت علينا السياره في الخط وحنا جايين عندكم ووصلنا وسألنا عنك قالوا انك رحت مع المدام والحين حنا راجعين الديره
((طبعاً الديرة تبعد حوالي 300 كم))
الزوج : المهم تعشيتوا ..!!!!!!!!
المتصل : لا والله
الزوج : كم عددكم ؟
المتصل : عشرة
الزوج : اقولك (حرام وطلاق عشاكم الليلة عندي) قل تم << الله يأخذ اللي يعرس عليك يا الدب
المتصل : يا ابن الحلال مايصير انت عريس جديد و.. و.. << لاياشيخ ؟؟ وش عقبه ؟!!
المهم مافيه فايده الزوج مصر الا يتعشون عنده
الزوج : يالله انا انتظركم مع السلامه
وقفل الخط

الزوجه المسكينه ما هي مصدقه اللي سواه زوجها ليلة الدخلة ثم قال يافلانه انا رايح اجيب لزوم العشاء وراجع
((على بالها يبي يجيب عشاء جاهز))

بعد ربع ساعه رجع الزوج ومعه اغراض العشاء
قالت الزوجه وش ذا ؟؟!!! << يابعد عمري هي والله ؟!!

قال الله يسلمك قومي سوي العشاء لزملايء في العمل جايين من بعيد ولا تعشوا
،،،وفي أثناء الحوار،،، وإن الباب يدق
قال هم ذولا وصلوا يالله همه يا مره وراح عند ربعه يقهويهم
المهم المسكينه في المطبخ تقطع البصل والطماط عقب ما فصخت فستان الزفاف وعيونها تدمع وتقول في نفسها ( بكره بأرجع عند اهلي من الفجر واطلب الطلاق)
المسكينه بنت الاجاويد سوت العشاء وتعشوا وراحوا لديرتهم , وذا المسكينه متضايقه

والمفاجأة ... ؟؟؟؟؟؟؟؟؟؟

.

.

.

.

.

يدخل زوجها عليها ويرمي لها (50000) خمسين ألف ريال قال هذا حقك قالت وشوا حقه قال الرهان اللي بيني وبين زملاي العشرة على كل واحد
(5000) بأنك تطبخين ليلة الدخلة ووش بتكون ردة فعلك موافقه تطبخين والا .. لا

وانتي ياأميرتي من كسب الرهان وتمت ليلتهم على خير ..!!!!

بصرااااحه لو كنتي مكان هالبنت تسوينها والا .. لا ..؟؟؟؟؟؟؟؟؟؟؟؟؟؟

منقـــــول