|
الذاهبه
الله اللي راد والعقده قضاها اللي عقدها
...................لا على الدنيا سلام ولا لباقي العمر زينه الفضا ماكنه ألا خيمةٍ طاحت عمدها ......................واللفرح ما كنه ألا شيخٍ أنقصت يدينه والعمر قطعة زجاج أنكسرت ولا طال أمدها .................والعرب في العيد بدموع اليتامى مستهينه والشوارع لفها ثوب الظلام اللي هجدها ................والبيوت أطلال من عقب المحبه والسكينه والشتا واليل والبرد وسما يصرخ رعدها ...............والعيون اللي ورى الشباك مذعوره حزينه طولوا في الكهف الاصحاب وبقت روحي وحدها .....................كنها في كوكبٍ ثاني خلا من ساكنينه الوداع اللي بعلم العين يعبر من رمدها ..............والوداع اللي بلا علم القفص صدري غبينه والوداع اللي بلا رجعه علي أمر وادهى ....................والله أنه غرغرت سم وسكاكينٍ سنينه والعنود اللي جفيت الناس والدنيا بعدها .....................مدت الفرقا لغاليها وهي تعطي الثمينه وينها كيف تركتني ليه ما حت في وعدها ......................والقمر لاطل خابرها تجي بيني وبينه رحت أنادي واتلمس في مهب الريح يدها ................كني حصانٍ بلا صاحب طوى البيدا حنينه رحت أصيح الصبح وينه والعرب ما رد أحدها ............ما سمعت إلا صدى صوتي يقول الصبح وينه كنهم من يوم ذيك الشمس غابت عن بلده ................ا طلعوني في النفود وصكوا أبواب المدينه كنهم من يوم ذيك الذاهبه محدٍ وجدها ...................كل رجال من الشرهه قلع فالدرب عينه أثرها ماتت وماتت كل فرحه في مهدها ...................والربيع أقفت به اللي كانت التاج لجبينه جاورت عقب الحدايق حفرتٍ مقسى لحدها ..................حفرةٍ ماني مصدق كيف ضمت ياسمينه للحزن فيني مثل ما لطهاره في جسدها ...............ويش أسوي لافتشت اللي لها وسط الخزينه زخرفت حلم وبنت له مسكن وسمت ولدها .........................أه لو غرد ولدها في خميلة والدينه عاهدتني وظفرت بيمينٍ أقوى من عهدها ....................والصبي لا خير فيه أن كان مانفذ يمينه ماتثقى عن رثاها عرقٍ أكتظ بشهدها .................ولا بقى خلف جدران الجفن عذرى سجينه كيف عند العالم أيام العرب ما حصى عددها ...................ولا أنا طالت شهوره والله أعلم كم سنينه لا الثرى فيها نبات ولا المشي خفف نكدها ...................لا السما فيها طيور ولا البحر يمه سفينه لا القمر هذا مساه ولا العصي هذا رغدها ....................لا الزهر هذا شذاه ولا الذهب هذا رنينه قالوا الشيخ الفلاني مرجع القوم وسندها ......................قال يبشر بالعوض والعلم جينا ناقلينه ساق لك بدر البدور اللي نشدها من نشدها ..................جادلٍ هزت عروش وخيبت روسٍ ذهينه قسمها في جسمها في رسمها الا في رشدها ......واسمها ان جال الغضب قومه على الألسن رطينه أترك الناي وعطية شيخنا عن لسعدها .............وانبسط ياعم وأنسى اللي ورى التربه دفينه قلت ولصدري تناهيت تروع من شهدها ..................آه واويلاه من يجلب على صدري غبينه خلوا أغلى ذاهبه ترعى ربيع اللي فقدها .....................والعطا راعيه محدٍ صوبه الله لا يهينه لو ظمنت الجنه و تفاحة القلب وشهدها ...............قلت من بكره عسى مجنونها تاقف سنينه |
صح لسانك اخوي
جدا جميلة رائعة جدا تسلم تحياتي العطره لك |
أختي ريانة العود هذي كلمات الشاعر الكبير "ناصر القحطاني قصتها انه كان يحب وحده وهي تحبه راح وسافر عشان يجيبلها مهر لزواجها لكن لما رجع كان القدر اسبق من زواجهم ماتت حبيبته وكتب هذي القصيده بالفعل مؤثره
|
كلمات فعلا مؤثرة ورائعة
تسلم أخوي راشد عليها دمت بود,,, |
دام الله ودك يااختي" غرام"شاكرلك مرورك
|
كلمات الحب العفيف مشكور"يابن شملان"على القصيده
|
أوهوووووووووووووووه تسلمين "يااختي غرام" اخوي البوادي الماطره يسلملي مرورك
|
فعلا قصيدة جمييييييييييييلة
والقصة بعد مؤثرة ... تسلم راشــــــــد يعطيك الف عاااااااااااااااافية ونترياااا يديدك |
تسلم اخوي..قصيده رائعه للشاعر اللسعودي ناصر القحطاني..وغناها الفنان السعودي ومطربي المفضل وخاوي الليل..خالدعبدالرحمن..
|
قصديه اكثر من رائعه تغنى بها الفنان خالد عبد الرحمن وتحكي قصة حبي
ويالها من كلمات وتعابير جميله تسلم اخوي |
| الساعة الآن 02:10 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
][ ملاحظة: جميع المشاركات تعبر عن رأي الكاتب فقط ولا تمثل راي ادارة المنتدى بالضرورة، نأمل من الجميع الالتزام بقوانين الحوار المحترم ][