سيرة العشاق ، ادخلوا ولا تترددون وعرفوا المهدي عدل
 

وش اللي رجعّــك يمي.. وجيت وخاطرك مشتاق
............................ تحسب إني مثل أول .. تحرّا شوفتك عيني

بعد ماطوّل غيابك.. وماتت لهفة الأشواق
........................ بعد هذا تبي نرجع.. وأمدّ لكفك يديني

قتلت الشوق في قلبي... وجرحك داخل الأعماق
.................... وتاهت رحلة أشواقي.... وضاعت بي عناويني

خلاص إنسى حكايتنا... تناسا العهد والميثاق
....................... وش اللي من محبتنا ...بقى مابينك وبيني

حبيبي خلنا نبعد.... ونحرق باقي الأوراق
.................. أبي الفرقا لو الفرقا... تعذبني وتشقيني

تذكّر من بدا أول ... وبدّل وصلنا بفراق
.................تذكّر من قتل حلمي ... وضيّق دنيتي فيني

مابين الهم والفرحه.. وبين الليل والإشراق
..................... أدّور عن بقايا روح ... وويني ياترى ويني؟؟؟

كفايا نرجع ونحكي .. نردد سيرة العشاق
........................ وأنا من جرحي (ونزفي) ... خذيت اللي يكفيني

أنا آســف على كل شيء... أنا آسف من الأعماق
......................... وأنا آسف إذا في يوم .... عطيتك أجمل سنيني

تصدّق.. لو تبي ترجع... وعذرك إنك المشتـــاق
.......................... أنا ماني مثل أول .... تحرّا شوفـــتك عيني ---------------------------------

تسلم اخي الفاضل على هذه المشاركة الرائعه في انتظار المزيد
خالص تحياتي

مشكور اخوي اسير الصحراء على المرور


تحياتي المهدي

عرفناك عدل اخوي المهدي

ول خطيرررررررررر ومشاعرك وخواطرك اخطر واخطر