|
ابي تقيم حال هذي القصيده
قصيده تفطر القلب واحد اسمه خالد جاه مرض و قالوله انه بيموت كتب الشعر لصديقه يقول له فيه انه يحب حبيبته و يبي من خويه هذا انه يخليها تنساه اقرأ القصيدة والله تستأهل ... وراح ترسم لك حب صادق يعبر فيها خالد عن صدق الإحساس بالموت المحتوم والفراق الأبدي ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــ وصاتي لك من بعدي ........ تموت فيها علشاني ابيها تعيش و تحيا بك ........ واظل بالذاكره مفقود وصاتي لك تنسيها ........ ملامح وجهي و تنساني وتعزفها قصيدة حب ........ على عكس اللي عزفته بعود وصاتي لك تبعدها ........ عن اشعاري وقيفاني تراها مغرمة بالحيل ........ ويشهد لي عدد الردود وصاتي لك تسايرها ........ ترى فيها من احزاني طلبتك لايضيق بالك ........ طلبتك والطلب مردود وصاتي لك تناديها ........ حياتي..عمري..ازماني انا عودتها دايم ........ ادلعها وانا موجود وصاتي لك تعاملها ........ بطيبه قلب و احساني تراها تذرف الدمعه ........ ودمعتها بليٌا حدود وصاتي لك تحفظها ........ سور وآيات قرآني وتخبرها عن الميت ........ رحل لايمكنه بيعود وصاتي لك ترسمها ........ على قبري وأكفاني ابيها لوحة تبقى ........ على طول الزمن محدود وصاتي لك تمازحها ........ وتشوف الضحكة بأسناني سعيتك ياضحك هالكون ........ طلبتك لاتصير جلمود وصاتي لك تقهويها ........ من دلالي و فنجالي تراها تعشق السمرا ........ ويكفيها دخون العود وصاتي لك تركبها ........ على خيلي و على حصاني وربي فارسة من قلب ........ شهادة ماهي لشهود وصاتي لك تسفرها ........ بلاد الشام و لبناني ترى يحلالها تقطف ورده ........ وردة من بلد الورود وصاتي لك تراقصها ........ على الحان رحباني ترى فيها طرب خالة ........ وفيها من جنون السود وصاتي لك تحببها ........ فأبو نورة بعد هاني وتنسيها ندم غلطة ........ انا فيها ترى المقصود وصاتي لك تكرهها ........ في تاريخي و عنواني أبيها تلعن اللحظة ........ وتلعن كل فرح موعود وصاتي لك تكلمها ........ عن المجني وعن الجاني وتخليني انا الظالم ........ وانا من حرق الاخدود وصاتي لك تشبهني ........ بدم أحمر قاني وانا هالقاتل السفاح ........ مجرم من عصر نمرود وصاتي لك تحلفها ........ تتوب تحبني ثاني ترى يكفيها ماعانت ........ ويكفي حيلها مهدود وصاتي لك تنسيها ........ وصية قالها لساني أنا اخبرك رجل موقف ........ وانت قدها وقدود صديقي مالقيت غيرك ........ يعرف وشلون تنساني أمانه ضمها بقلبك ........ ترى خالد....رحل مايعود منقووووووووووووووووووووووووول |
قصيددده بمنتهى الروعه
سلمت يمناااااك اخوي على النقل الموفق |
الصراحه قصيده ولا اروع وبالفعل كلماتها ومعانيها اجمل واجمل
سلمت اخي ع هذا النقل |
تسلم يمينك اخوي على ماخطت
قصيده رائعه وجميله |
قصيدة جميلة جدا
تسلم |
يااااه ... فعلا رائعه ..
المشاعر بداخلها أروع من كلماتها تضحية صعبه في زمنا الي نعيشه ولكن يبقى سؤال .. ياترى الي حبته بصدق معقوله ينتظر منها تحب صاحبة .. ماظنتي .. بيقدر !! |
مشكورين على المرور
|
اولا خلي ايمانك بالله قوي
ولا تسمع كلام الناس انك بتموت باكر او بعد اسبوع او شهر ترى كلام الناس لا يودي ولا يجيب وفتح عقلك زين وبأذن الله بترجع سالم لصديقتك يا اخوي خالد وبتعيشها فنعيم مثل ما انت تحب ومثل ما اهي ترضى الله يشفيك ويعافيك من كل مكروه نسووووووووووووووووووووومة |
| الساعة الآن 04:10 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
][ ملاحظة: جميع المشاركات تعبر عن رأي الكاتب فقط ولا تمثل راي ادارة المنتدى بالضرورة، نأمل من الجميع الالتزام بقوانين الحوار المحترم ][