اشتكي لشاعر يثيبني
******** طحت في بحر الهوى طيحه
طحت والمويه تجلبني
********* غبت(ن) وفيها تماسيحه
ثيب قبل ما تغرقني
********** مويتن بالقو نظيحه
مبتدي بغي الهوى توني
******** والبحر له ناس سبيحه
طحت مالي حد ينقذني
******** ما تفيد الغارق الصيحه
ثيب يالشاعر وفهمني
******** الهوى عندك مفاتيحه
بي وليف (ن) مبتعد عني
********* صد من سبت مناصيحه
كاينن فنه على فني
********** بو عيون سود ذبيحه
لو يشوفه امام بيغني
********* تاح لكتاب ومسابيحه
غرنجي ثيابه تبني
******** ومن الظبي ماخذ ملاميحه
لي ذكرته باطن اوني
********** مشتجي والعالم مريحه