|
الى متى تحجزون وتزوجون؟؟
حجز البنت للشاب منذ الصغر
مشكله كبيره في جعلان مهمه بالنسبه للعادات والتقاليد بعد اذن مشرفين المنتدى العام ااتمنى تسمحولي اناقش هالمشكله مع اعضاء هالمنتدى واذا شفتوا الموضوع حساس حذفوه مسموحين |
إلى ما يحلها ربك
وتتغير عقليت الاباء |
سبب طرحي لهالموضوع
قصه صادفتها في رحاب الحرم الجامعي ويعتصر قلبي الما لما تعانيه صاحبة القصه صارلي اعرفها 4سنين عرفتها هاديه عاقله رزينه الطيبه باسمها مرتبطه وزادت صحوبيتنا هالسنه صارلي كم شهر احس لما نكون سوا ان صاحبتي تبا تقول شي تبى تتكلم ومو قادره واذا غلطت وذكرت اسامي معينه من عايلتها تقول لي جملتها المشهوره (فيه اشياء ثانيه مولازم تعرفيها) اقولها ليش؟؟ تجاوبني صاحبتي (مالي نفس اتذكرها ولا اني اتكلم فيها احسها تخنقني) واضطر هنا للسكوت واللي شدني لصاحبتي وخلاني اوطد هالصحوبيه لصداقه عقلها ورزانتها انا موضد الحب بس احيانا نحتاج نسمع كلام ضده وصاحبتي موب ضد الحب لكنها مع الحب العاقل الصح الخالي من كل الشوائب اقصد الواضح لكل الناس كبنات نجتمع سوا ونسمع قصص ونسمع تجارب يمر بها البعض صديقتي كانت تسمع بس كانت تنصح مثل مااحنا كنا نحس انها عكس التيار تقول لا تكلميه خليه يخطب اذا يباك صدق بيخطب وواحد يختاروه لك اهلك احسن من واحد دش من الدريشه وبقيه البنات في عالم ثاني ماعندهم نصايح بس عندهم تشجيع لها وبين كلمه والثانيه ياحظك هالفرق شدني واااايد لصديقتي وصرنا واااااايد قرااااااب لبعض لحظه بكمل لكم بعد شوي |
مثل ماقلت لكم
كنت احس صاحبتي تبا تتكلم وتتراجع دايما عرفت انها محجوزه وكنت كل مااسالها عن الشاب تقول لي مااحب اتكلم في الموضوع مالي نفس اتكلم في الموضوع لاحظت شي موطبيعي مافي فرحه بس فيه هروووووووووب واضح من الموضوع وقبل كم يوم بس نطقت صديقتي واخيرا نطقت تعرفي ان عرسي قرب ماقلت مبروك تعرفوا ليش مبروك ماينفع تكون ردي ع لهجتها الساخره قلت لها انزين اقدر اقول مبرووووك ؟؟ قالت لي عادي ليش لا كنت اظن بيكون لها معنى صااارت كلمه من غير معنى مجرد حرووووووووف قلت لها ماتبيه!! قالت انت الوحيده اللي سالتني للحين هالسؤال؟؟ ليش ؟؟ شو اهميه رايي؟؟ قلت لها ومن غير تردد رفضي هذي حياتك وقرار مصيري ........والخ قالت لي ليه المشاكل ووجع الراس ابسط شي بيقولوه شايفه لها شيفه قلت مومعقوله تسكتي كيف وافقتي قالت ماحد سالني ولد عمي ومحجوزه له وهذي نصيبي قلت لها الشاب ينعاب؟؟ قالت لي ميه بنت تتمناه ويحسدوني عليه لكن ................ قلت لها ايش؟؟ حسيت اني عطيه ولاهديه ولا شيه ولا ثور ولا ناقه واوبي هداني لاخوه عورني كلامها قلت لها والحين ؟؟ عرسك قرب بتعيشي مع واااااااحد ماتحبيه!! قالت لي بديت اتقبل الموضوع يعني انا بديت اتقبل فلاان قلت لها معقوله فيه واااحد يرضى يعيش مع وحده بدت تتقبل فلاااااااااااان قالت شو اسوي موبيدي انا ماعندي شي ضده انا كرهت كلمة محجوزه اخيرا قلت لها عيل لاتقولي تقبلت فلان كزوج قولي حبيته كذبي ع حالك ياما نكذب وفي النهايه نصدق هالكذبه كذبي ع حالك وفي النهايه بتصدقي كذبتك وين اخوانك؟؟ اذا صعب التفاهم وياابوك قالت وليش المشاكل مع الوالد؟؟ عشاااااااااااااني وانا اقول لكم لمتى ياهل جعلان لمتى هالظلم وع فكره صاحبتي تربت ع فكره انها لفلان يعني ماحد ببالها غيره بس في نفس الوقت كرهت كلمة محجووووووزه وكرهت تجاهل الكل لها لكيانها عادي يتجاهلوا مشاعرها بس كيانها صعب انا موجوده اذن انا افكر وبالتالي انا لي راي شو رايكم؟؟ ياشباب تبى وحده تقول انا تقبلت فلااان |
عاااااااااااااااااااااادي بعدين لما بنعيش مع بعض بتحبني
ومب لازم الحب قبل الزواج |
اقتباس:
اانا ماسالتك عن رايك ياخوي الطيب في الحب قبل الزواج انا سالتك عن اهميه راي البنت في زواجها؟؟ ومشكور ع مرورك |
اقتباس:
اخوي الراهي وضح اكثر لوسمحت |
اوكيه اختي تل الورد لا تعصبي
اني اقول صح انه الفكره غلط بس مب لازم الحب قبل الزواج وانا قلت رايي بدون متقولي لي انتي وحن نناقش يعني ميحتاي تعصيبه اووووووووكيه |
انا أقول أنه من حق البنت ترفض اذا كان المتقدم لايعجبها
ومأعتقد انه أهلها بيغصبوها على الزواج من شخص ماتريده واذ أغصبوها عاد اهلها يتحملوا ظلمها لانه أظني جبرالبنت ظلم ومايجوز أم اذا البنت سكتت وماتكلمت عن مشاعرها ووافقت اذا أهلها وافقوا ليش تقول مظلومه وهي بنفسها أظلمت نفسها وتسلمي أختي تل الورد |
صح لسانك اخوي سهم والله كلامك صحيح ما عليه غبار
|
| الساعة الآن 05:25 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
][ ملاحظة: جميع المشاركات تعبر عن رأي الكاتب فقط ولا تمثل راي ادارة المنتدى بالضرورة، نأمل من الجميع الالتزام بقوانين الحوار المحترم ][