|
تقصير الطلاب
الأسباب التي تدفع الطالب إلى التقصير وعدم المذاكرة :
1- عدم متابعة ولي الأمر للطالب . 2- عدم رغبة الطالب في الدراسة . 3- عدم اكتمال النضج أو الوعي لدى الطالب . 4- الإهمال والاستهانة وعدم أخذ الأمور بجدية . 5- الغياب المستمر أو المتقطع دون عذر يذكر . 6- عدم حل الواجبات أو التقصير فيها أو عدم المشاركة مع المدرس وعدم تخصيص وقت محدود للمذاكرة . 7- وجود أصدقاء للطالب غير أسوياء (( الشله )) رفقاء السوء لا يشجعونه على المذاكرة . الأسباب التي تدفع الطالب للتفوق والنجاح : 1- متابعة ولي الأمر للطالب باستمرار التعاون مع المدرسة في زيارتها بين الحين ولآخر . 2- الرجوع إلى المدرسة والاستفسار عما يصعب عليه فهمه . 3- تحديد وقت معين للمذاكرة وآخر لحل الواجبات . 4- الانتباه للمدرس والمشاركة داخل الفصل . 5- عدم الغياب نهائياً إلا بعذر شرعي . 6- النوم المبكر والذهاب إلى المدرسة مبكراً استعداد لليوم الدراسي . 7- اللجوء إلى المرشد الطلابي عند مواجهة الطالب لأي مشكلة . 8- أداء الصلوات وطاعة الوالدين . |
مشكوره يا عطر على الموضوع المهم بالفعل
|
شاكره مرورك الغاليه
|
مشكور ة اختي
بس ليش دايما اللوم على الطالب ليش ما يكون المعلم................... الطالب مظلوم المعلم ظالم دائما |
حبيت اذكر نقطة مهم من احد اسباب تفوق الطالب هي طريقة اسلوب المعلم في شرح الدروس اذا كان المعلم ما يشرح زين وكله يصارخ كل الطلاب مايحبونه ويكرهم في المادة وبعدين هم ما يذاكرون المادة واذا كان اسلوب المعلم اسلوب راقي ومهذب راح كل الطلاب يحبوه ويحبوا المادة .
وهذه حقيقة وانا مجربها |
لو دشيت حقل التعليم بتجرب وبتجول للمعلم الحق لما يسويبنا كذيه أحنا جربنا وكنا حاطين في بالنا نفس تفكيرك بس صدجني أحنا المعلمين همنا الأول والأخير مصلحة الطالب
|
ليش انتي معلمة اختي
|
بس انا هذا رأيي في معلمين الله يهديهم يكونون معصيب في البيت وعندهم مشكلة وطلعون حرتهم في الطلاب
وفي معلمين شاطرين وااااااااااااااايد ولكنهم ما عندهم اسلووووووووووب كلش وفي معلمين كوووووووووووود لكنهم ما يعرفون يوصلوون المعلومة الى الطلاب |
وصحيح كلامج المشكلة من الطلاب 50% والمعلم 50%
لكن مهما ان سووا لازم نشكرهم مهما ان كانوا هؤلاء معلمين وواجب نحترمهم |
ههههههههه زعيم كلامك في الاحلام
مسكين أنت ما عانيت مثل ما يعانوا المعلمين صحيح أن أسلوب المعلم يأثر لكن كل اللي تدرسه غير والواقع غير ومهما حاولت تطبق طرق وأساليب جديده تجذب انتباه التلاميذ لابد من صعوبات تواجهها التلاميذ ما كلهم واحد وبعدين ليش اللوم دايم على المعلم وين دور ولي الامزهفو والاسره وين الاهتمام فيهم هم فلذات الاكباد نهملهم ونرمي مسؤوليتهم على المعلمين واحد عنده ثمانيه أولاد ولا يشتغل وكلهم صغار كيف تتوقع أخلاقهم تكون ؟؟؟ يعني راح يكون الطالب مسكين ملاك والمعلم شيطان يفرض سلطته في تقصير من الطلاب وأولياء الامور خاصه في الحلقة الاولى والغياب يا كثره والله المستعان عندي طالب دايم يغيب لما قلت له ليش تغيب؟ قال راحت علي نومه نسيت المدرسه ايش تتوقع من واحد مثله وين أهله ؟ عطر بارك الله فيك النقاط اللي ذكرتيها صحيحه والحلول مناسبه زعيم إذا لك ذكريات سيئه مع المعلمين تذكر ما كل المعلمين واحد ومثل ما قالت عطر أكثر شي يهمنا مصلحتهم ولك مني كل الاحترام والتقدير |
أعتقد أختي ريم الفلا :: محمد الجعلاني كفت ووفت بالرد عليك أخوي زعيم
|
تسلمي على الموضوع الرائع والذي هوا يطرح الواقع
|
شاكره مرورك بس برايك لماذا دائما اللوم يقع على المعلم من جميع الجهات
|
صحيح ان مو كل المعلمين واااااااااااااااااااحد
لكن الاغلبية كذييييييييييييييييييييييييييييييه ما اعرف ليش متفاخرين بنفسهم (البعض) علشان ما احد يزعل يضنون ان ما نسوى شي وحل الحاية بس ما يتكاربون المديح والسلام حدث ولا حرج وبعد ما نسويه انتهى كل شي غرييييييييييييييبين كل معلم في حالة نفسية عجيبين العنف هو المبدأ الاساسي معهم ( البعض ) |
لانه عنصر ومحور التعليم والتربية
انا ما اقول انهم كلهم مو زينين لكن بعضهم بس ما حد يتكلم عنهم |
بس ابي اقول شي اخير
في معلميييييييييييين ومعلمااااااااات ممتازات وفي بعضهم ........................................... ابي تحكون : في مرة كنت مودي اختي المدرسة متأخرة فدخلت غرفة الاخصائية عاد ما تشفت شيء شي عجيييب فاتحات سوووووووووووووق ملابس شيلات نعالات حقائب وغيرهن الحين هذوله رايحات يدرسن ولا يبيعن ؟؟؟؟؟؟؟؟؟؟؟؟؟؟؟؟ هذه هي المعلمات المجتهدات |
ههههههه فاتحات سوق جايز ليش لا
لكن الحصه حصه والمفروض الكل يلتزم فيها اما عن خارج الحصه هن او هم احرار اما عن النفسيات فالمفروض كل واحد يضع نصب عينيه أن العمل عباده ولابد من انجازه على أكمل وجه فهو امانه لكن صدقني صدقني الواقع غير انت تتكلم بهذه الطريقه لأنك ما عشت الواقع التربوي زعيم في فرق كبير بين الشده والقسوه الشده والحزم مطلوبين لتقويم بعض السلوكيات أما عن القسوه فهي مرض لازم يقوي علاقته بربه حتى يلين قلبه أو قلبها وانصحهم بالمسح على راس اليتيم ههه اتكلم بجديه ترا ما امزح والله يعينهم على قسوة قلوبهم لكن كما تدين تدان والجزاء من جنس العمل أخوي الله يعينك شكلك متعقد أكثر مني من المدارس ومشاكلها |
اخوي زعيم انت مالك الحق تتدخل باللي يصير داخل المدرسة تحولت سوق او مطعم أو حتى هبطه دام المعلمة جايمه بواجبها ومأديه حصتها ما عليك من الباقي
هاي رايي ولك الحق تقبله أو ترفضه بسكم عاد طايحين بالمعلم طيحه وعلى فكره جرب تكون معلم ليوم واحد أقسملك ما راح تتحمل وبعدبن متأكده بتغير رايك كامل انتوا تحسبوا التدريس سهل |
هههههههههه عطر عندي اقتراح
ايش رايك نتبادل معاه في يوم واحد بس ويدخل يدرس الصف اللي بالي بالك هههه تخيلي والله بتموتي من الضحك على فكره زعيم ما الومك لأنه للأسف في نماذج سيئه بس يارب ما يكونون كثار زعيم لا تنسى الاقتراح فكر واتخذ قرارك وانصحك فكر زيييييين |
أجول لو دش هذاك الصف بيلعن اللحظه اللي فكر فيها يجرب التدريس وبيتوب يجول شي عن المعلمين :)
|
اقووووووووووووولك انا اعرف اشرح فيزياء افضل عن المعلم اللي كان يدرسنا
حتى انه هو كان يقولي اشرح لهم انا طالع او مشغول وحتى في الرياضيات شرحي ممتاز حيل اصلا و خلوني معلم ادرس الطلاب راح كل الطلاب يبون امتياز او جيدجدا وماشاء الله عليه اعرف اشرح زين زين وكل يشهد لي ذلك |
ما ابي اتفاخر بس حبيت ارد على كلامك
اولا واخيرا نقوووووووووووووول شكراااااااااااااا معلميييييييي الغالي لانك علمتني اقرأأأأأأأأأأأأأأأأأأ واكتببببببببببببببب |
هههههههه زعيم الله يعينكم
مساكين أنتوا ضحايا مدرس مستهتر ولو تعرف الصف اللي نقصده كنت ما راح تقول الكلام اللي فوق ولك كل الاحترام والتقدير |
صرااااااحه .. اشاررك اخونا الزعيم في رااااايه ... في نماذج ووووايده .. وخااصة في مدرستنااااااااااا.... ( سمعتوووووا انه الطالبات يمشن الابله حق الحصه )))) ويلقنها نايمه ولا على بالها ... هاذا قصه استوت معانااااااااااااااااا.... بس صررررراحه ... ما في احد ياخذ مسالة التعليم بشكل جيد ........ الغلبية ...... وما في اطلاع على اهم اساليب التعليم الحديثه ....... ولو لقى الطلاب حسن معامله ..... بيسوى اللي ما يستوووي ... جرب وشوووووووووووووووف ... بس اعلمك لاقين صرااخ ومنازع ........ وتهزيه ....... وعلى فكره في مدرسة اولاد جنبنا يخبرونا انه اساتذتهم يضربوهم بمساطر حديد . وش شايقنهن حيوانات .. كل هاذا وما تبي تقصير من الطالب .... صراحه نفسيته رااح تتعب .....وبالتالي راح تحصل نتائج اكيد سلبية ........ ولالا ماا في معلم يشرح عدل وحلوووووووووو ...والطالب ما يسمعله ... اكيد لازم يكون تقصير من الطرفين ....
( وعلى فكره في معلم يقووووول حق طالبه . ليش ما تجاوب....... وش خلاااص ظامن الوظيفه .ابوك مسويلك وظيف. وش ذااااااااا ... الطالب مسكين كان ما يعرف الاجابة عدل ........ الشيمه . قوقولي هاذا اسلوووووووووووب .. قولولي |
مشكوره اختي عطر النسيان وموضوع مهم جدا للطلبه
|
أكيد الموضع الطروح يهم جميع طلاب العلم
|
ضي القمر أكيد هذا ما أسلوب وما في أحد يرضى ينقال له أي كلام جارح
ولازم كل واحد يحط في باله هذه المقوله عامل الناس كماتحب أن يعاملوك بس ضي القمر معقوله كل المعلمات اللي درسوا لك سيئات وما عندهن أسلوب معقوله كلهن واحد ؟؟؟ اذا كان اجابتك نعم معناه الخطاء ما في المعلمات بس اذا كان لا حرام تظلمون الكل بسبب شخص أو شخصين ما متحملين مسؤولية التدريس وبعدها لا تنسي الضغط على المعلمين وكثرة الاعباء من نصاب الجداول إلى الحصص الاحتياطيه إلى المهام الادارية المزعه عليهم بسبب النقص في الكوادر الاداريه بالمدارس أقووووووول لا تخليني أعقد الناس من التدريس بس الطلاب يتحملون جزء من المسؤوليه وفي تقصير واضح منهم وخصوصا في النظام الجديد أنت يا مدرس كد واتعب وانتوا يا طلاب ناجحين ناجحين داومت ولا ما داومت وحضرت حصصك أو لا كتبت الواجب أو ما كتبته ضي القمر قولي الله يعينكم و انتوا بعد الله يصبركم |
ان شاء الله ... بس اناااااااااا ما قلت جميع المعلمات...
وعالعموووووووووووووم فعلااااااااااااااا الله يصبرنااااااااااااااااا .. |
فعلاً هي بعينها الأسباب
شكراً استاذه |
| الساعة الآن 05:11 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
][ ملاحظة: جميع المشاركات تعبر عن رأي الكاتب فقط ولا تمثل راي ادارة المنتدى بالضرورة، نأمل من الجميع الالتزام بقوانين الحوار المحترم ][