|
جـــامعة نزوى جامعة مذله وطمع..ارجو الدخول
مرحبا للجميع...
ش الاخبار؟؟ اتمنى الموضوع يكون بجد.....اتمنى مراعاة الشعور لأنه نحن بشر ونحس بتعب وبالإهانه وبالمذله.....وكل اللي في جامعة نزوى اكيد يحسوا ف هالشعور لكن المعلمين والرئساء كلهم ولاااااشي بصراحه... في البدايه حبيت افضفض عن قلبي ما يحمله من هموم وضيق ونكد كللللله من قبل جااااامعة نزوى... * نحن في البداية سجلنا ف جامعة نزوى لأنه الكل يمتدح فيها...وقالولنا تدريسها اوكيييه حلو وومتاز ومعلمين حلو تدريسهم ونظامها ومستوياتها حلو تدريسهم... بدينا الدراسه فالاسبوع التعريفي والله كنا نقوم من الصبح ساعه 5 و6 و7 ومتشوقين للدراسه فالجامعة ....واول يوم دخلنا الجامعه كنا بفرح وسرور ..... لكن للأسف جلسنا اسبوعين في بداية الدراسه نروح من مركز الى مركز ونتبهدل..ننتظر اسمائنا وجداول الحصص وننتظر معلمين..وقلنا انه المعلمين بندرس معهم وبنتعلم وبنستفيد لكن للأسف.....خاب ظننا... عالعموم :: بصراحه هالجامعة مو منتظمه في تنزيل اسماء الطلبه وجداولهم...يقولو بكره بتنزل الاسماء ونروح ونداوم ونتعب علشان بس نشوف اسمائنا لكن للأسف مانحصل ولما نروح مركز اللغات شيخ العرب..ونسألهم والله يعطونا طاف..ويقولو بينزلن باكر وهكذا الكذب يستمر.... وبعد مانزلت الاسماء...كل شخص عرف نفسه فأي مستوى وفأي كلاس..عالعموم بدينا الدراسه لكن الاساتيذ والله تدريسهم خرطي ع الهواء.. مايدرسونا من المنهج والله......واكبر دليل انه معلمي انا والله مايدرسنا,.... نحضر 5 ساعات كاااامله مانستفيد شي.... كل يوم يتكلم عن خصوصيات البنات ..ويقول البنت كذا وكذا ... والله لو تشوفو حالة الطلاب داخل الفصل...واحد نايم والثاني يتثاوب..والثالث يلعب بالطاوله والتفلون ومدري شو....لاتلوموهم..من حقهم لانه اللي جالس يتكلم فيه الاستاذ مو مهم.... عالعموم خلصنا الفصل وجينا على الاختبارات النهائيه... الله لايحلهم ولايبريهم... تدرون ليش؟؟؟ والله نحن نتعب ونذاكر ونفهم ونحضر محاضرات ونحل الاختبار بكل راحه لكن ف النائيه انصدمنا من اللي سوته فينا هالجامعة... معقوووله الكل يرسب ف جميع المستويات؟؟؟ الظاهر انهم مايصححو الاوراق... لو مستحيل وحده درجاتها مع الاستاذ نهاائية والله..لكن لما طلعت نتيجتها حصلت مكتوب لها 38% ,,,,.... يعني بالعقل وين درجاتها راحت ؟ وبالاساس لو كانو صححوا ورقة إختبارها النهائي كان على الاقل بتجيب من 50 او 60 لكن مثل ما قلنا انه الاوراق مايصححوهن.... وخلاص صار الجميع راضي بالرسوب لأول مره...وقلنا اوكي بنعيد الاختبار عسى ولعلا ننجح.. لكن اليوم نزلت درجات اللي اختبر إختبار إعادة..والله كل الزملاء رسبوا.. ياااخي حرااااااااااااااااااااام وش تبي هالجامعة بالضبط؟ فلوس مثلا.؟؟!! ياخي يا رئساااااء الجامعة خلو الرسوب من 50 وخلاص....وش بتستفيدو لما ترسبونا...؟؟ لاتنسوا انه كل حقوقنا بناخذها من رب العاااالمين... ترى هالدنيا فانيه..وخلاص بما انه فلوسكم فجيبكم يارئساء ومعلمين الجامعه... أكيد بترسبونا عالفاضي... تريدو فلوس زياده؟؟؟ اوكي نحن جاهزين لكن نريد النجوح ومانبي شي... نحن سجلنا معكم على اساس انه دراسه عندكم حلوه.... لكن والله كله كذب كذب كذب كذب.....والكل ندماااان ندم على انه سجل فالجامعة... عالعموم ...نحن طلاب فاونديشن نطالب فقط بالنجوح لانه نحن جينا نتعلم وندرس وننجح ونصعد فوق...ونبني المستقبل....ما جينا علشان ننزل ونرسب ونخيب ضن أهالينا فينا...نبي نرفع سمعت الاهل وراسهم وبالأخص نبي نرفع سمعت الجامعه علشان يقولو عنها انه تدريسها ممتاز بجد... المطالبات اللي نريدها: 1- خفض رسوم الدراسه 2- الرسوب من 50 فقط 3- نظام الدراسه منظم 4- نطاااااالب ب أساتيذ ممتازين يعلمونا من المنهج مو عن بلدهم وعائلتهم ومدري شو.. 5- توفير إستراحات للطالبات 6- نطالب بعدم بناء مباني جديده اثناء الدراسه وذلك يسبب ازعاااج للطلاب.. 7- نطالب ب تعديل سكنات الداخليه وبناء سكنات جديده لان عدد الطالبات زاد..والكل يريد سكن داخلي.. 8- نتمنى ان تكون الجامعة جامعه وااافيه لحقوق الطلاب.. نحن ما قصدنا انه نضيع سمعت الجامعة لكن نتكلم بصراحه ونتمنى هالكلام يوصل للرئيس ....لانه والله نحن تعبنا والله من دراسه فيها.. ولاعت كبدنا ,,,اوف عليها.. وعلى دراستها.... واذا يشوفو انفسهم بينجحونا وبيراعونا فالدراسه خلاص نحن مراح نسحب اوراقنا وونتقل...لانه في عدد كبير من الطلاب بينتقلو من الجامعة.....وبعدين من وين بجيبي فلوووووس يالجامعة؟؟؟ |
الله يعينكم.....نزلي الشكوى في السبلة العمانية او سبلة عمان..وان شاء الله حد يساعدكم...
وبما انج توج فالبداايه انتلقي لجامعه ثانية |
مشكوووورة اختي...
وانا خلاص سويت نسخ لصق للموضوع ف مندى التربوي وسبلة عمان وبعده بحطه فكل مكاااان |
حتى هنيه وصلت الشكوى!!!!!!!!!!!!!!
مـــالج يآ ختي غيييير الصبــــــــر لما بتدخلي تخصص بيتغيروا الأســـاتذه وووووبالتوفيق |
هلا .. ليش ماتكلمو العميد او شؤون الطلبه او وزارة التعليم العالي
|
الله يعينكم اختي
لو تقدموا برساله للوزاره او حتى كل الطلاب يروحوا الوزاره يشتكوا ويكونوا يد وحده وان شاء الله بتنحل هالمشاكل الله يسهل اموركم وتتعدل هالجامعه |
الله يعينكم وعساه خير
بس تاكدي الغلا كل كليه ولها عيوبها اما بالنسبه للتدريس اغلب المعلمين ما يدرسوا زين حد مره شايب مخرف حتى م يعرف اش يقول؟ وحد مدخل يدرس مادة مب في تخصصه؟ ومرات يدرسونا معلمين توهم متخرجين يعني حتى معندهم خبره فكيف التعامل مع الطلاب؟ و.....و.....و...... وواحد من اساتذتنا من ندخل الكلاس يخلينا ويروح يتمشى نص ساعه بين الكلاسات ومن يشبع جلس معنا نص ساعه بس سوالف ومناقشه بسيطه فالدرس وفتح الباب مع السلامه... ووووووايد اشياء تصير الله المستعان.......... |
السلام عليكم اختي من زال ان اسعدووه واحمدوووه فالجامعة ماراح تترقع: انصحك تروحي لجامعة ثانية ولا تجلسي فالبيت احسن.... راح تتذكري كلامي بعد سنين |
يااااااا سبحان الله لها الدرجه يعني الناس ما عندهم ضمير الله يقويكم لو تسون رساله نفس هاي وتوجهونها للتعليم العالي راح يعاقبوهم على هاي المشاكل الله يوفقكم يارب لا تسكتو عن حقكم ابد |
انا درست ف جامعة نزوى وكنت راضيه بتدريسها والنتائج وما احس انظلمت
ومن اول اسبوع نزلوا مستوياتنا ف الفاونديشن لكن معرف يمكن انته غير بس لا تنظري للجامعه من منظور سلبي بس نظري لها بمنظور ايجابي جربي روحي درسي ف كلية ثانيه بتحسي الفرق كبير وبتحسي جامعة نزوى احسن بكثير عن غيرها والله يعينج |
ربي يعينكم ويسهل عليكم
اتمنى لكم التوفيق ,,, |
انا بقول كلمة حق وعن تجربتي في جامعة نزوى
ما كملت 3 سنين وانا توفقت ف دراستي ونجحت في حياتي العلمية والعملية ^_^ واعرف معظم خريجين جامعة نزوى متوظفين وكانت الجامعة تبعث طلابها للدورات خارجيه وحاطة صندوق للبعثات وتعطي بعثات جزئية كامله ع حسب معدل الطالب فيه بنات داخلات ع حسابهن وبعدين تحولت الى جزئية وبعدين الى كامله والسبب المعدل وانا اشوف تعامل الاداريين حلوووو ويتساهلو وايد ممكن تكون فيها سلبيات وما فيه مكان ف العالم ما فيه سلبيات لكن بالاخير فيه ايجابيات هذي من وجهة نظري حتى لو في الجامعه صعوبه أحلى شي انك تتعب وتبذل جهد تحس بمتعة اكثر مب حلو مفروشلك الارض ورد وكل شي متوفر ما تحس بالمتعه الا اذا كان فيه صعوبه وبتحسي بطعم النجاح اكثر وبتظل هالمرحله ف ذاكرتج وما بتنسيها ابد ولما بتتذكريها بتحسي براحه |
الكلام مايفيد فالمنتديات .. قدموا برسالة إلى مكتب معالي الوزير
وطالبوا بمقابلتها وشرح ظروفكم كاملة .. وطالبوا الوزيره بمراقبه عمل الجامعات الخاصة وبالتوفيق لكم .. وإن شاء الله تتسهل اموركم |
لكل شخص رايه والمثل يقوم (أسال مجرب ولا تسأل طبيب) ... أتوقع أن كلام الأخت صحيح لان الجامعات الخاصه همها في الدرجه الأولى جمع الأموااااال ...
إذا الحل هو رفع الموضوع إلى جهة الإختصاص (وزارة التعليم العالي) ... الله يوفقكم أخواني واخواتي |
الله يعينكمـ
كذا الطلاب الجدد فالبدايه يعانوا من السنة الاولى بس بعدين من ينتقلوا تخصص كل شي يختلف ومالكم الا الصبر قدموا رساله عن اعتراضاتكم ومطالبكم وتضم فيها رقم الجامعي و توقيع كل طالب/ـه وان شاء الله خير |
اي صحيح كلآإمج حيتي
والكل يقول عنه اهالجامعة نزوى الله يعينج مثل ماقالت اختنا لمسات نزليه بمنتدى التربوي وسبلة عمان ومنتدى مدارس عمان ومنتدى الخيمه العمانية لان هذولا المنتديات مهمات وانتبهي يوم بتكتبي الكلام خخخخ لان خصوصا منتدى التربوي اي ششي تكتبي راجعيه لان يطلعو الهوست ويدشوون خريطه ومدري شوو ويعرفو كل ششي لان اخوي معه منتدى هو صاحبه ووراني اشياء واستغربت حتى الايميل يشوفه ويعرف كل ششي وين انت بتحديد حتى الايبي مالج والهوست وبيكشفووج اووووقيwink. الله يعطيج العافيه خيتي |
السلام علكيم
بصراحة ما سمعت عن شكل الدراسة ف جامعه نزوى بس أنصحكم تتفقوا مع بعض وجميييعكم وتشوفوا الحل المناسب وبالنسبة للأخت بنت المضيبي يمكن كان قبل أوكي عشان يسووا ترويج والحين يشبعوا !! الله يعينكم |
روحي انتي وكلاسكم كله ارئيس الجامعه ولاتطلعوا من المكتب إلا وعدكم وسوى شي ..وإذا ما صار شي رجعوا له أذواه كل يووم..والله يعينكم
|
سنيدية كول يمكن
بس كل جامعة او كلية خاصة يقولو عنها مال فلوس وكل همهم فلوس و و ..... الخ وكل طلاب عمان يتشكووو ^_^ ومعظم العمانين يتشكووو يااااخي القناعة كنز لا يفنى كوووووووونووووووو قنوعين بس انا دايما قاعدة شاذة ة_ة |
نسال الله لكم التوفيق كثير صعاب وتحديات ان شاءالله الخير قادم |
بنت المضيبي رأيج في محله بس يظل رأيج ... الاغلبية تقول ان جامعة نزوى ماتنفع ومال فلوس وهنود ماخذين راحتهم ويرسبوا... انا مع سنيدية كول في رايها |
معظم دكاترة جامعة نزوى مب هنود
مثل ما قلتي يبقى رأي ^(^ |
اقتباس:
مراحب.. اختي العميد وغيره ماااامنهم فايده ابدا.. لما نبا نكلمه يسفهونا |
مشكووووووورين واااااااااااااااايد لجميع آرائكم
وعسى الله يوفقنا |
يابنت الحلال صبري ع مجنوونك لا يجيك اجن عنه..والله لو تشوفي حالنا فالتقنيه كنت بتحمدي ربك ع النعمه الي فيهاا.. والله نجلس ع ٦سنووات ع دبلوووم لو ف كليه ثانيه لكان مخلصين البكلوريوس بس الصبر جميل والرب حميد والله يسر امورنا وامورك
|
| الساعة الآن 01:25 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
][ ملاحظة: جميع المشاركات تعبر عن رأي الكاتب فقط ولا تمثل راي ادارة المنتدى بالضرورة، نأمل من الجميع الالتزام بقوانين الحوار المحترم ][