|
تغشن لايشوفكن الرجال ...
السلام عليكم ورحمة الله وبركاته ... الحياء ... ربما يقول البعض انت تتكلم من الخيال .. وانا اقول ان البنت اذا راح( حيائها راحت حياتها) ... واليكم هذه الحادثه الحقيقيه .. فالماضي واول ماجاء التلفزيون بعد الكهرباء لم تكن هناك افلام او مسلسلات كان التلفزيون مجرد افلام وثائقيه وموسيقى على الفيلم الوثائقي فقط لاغير ... فالحاره معانا اول ماجابوا تلفزيون وحسب ماخبرونا انه كان تلفزيون واحد فقط وكانوا يقولوا سبحان الله حديده تتكلم وكانت الناس تتسامع عن هذا الاختراع العجيب وتجي من كل مكان تشوف وكانوا حاطين التلفزيون وفيه حاجز بين الرياييل والحريم فالتلفزيون كان يعرض فلم وثائقي قطيع من الابل تمشي فالصحراء وفجاه يطلع راعي الابل على الشاشه ...فتصيح وحده من الجالسات تغشن لايشوفكن الرجال وبالفعل الكل يتغشن لحد مايروح واذا رجعت صورته طلعن وراحن من المكان اللي جالسات فيه ورجعن بيوتهن ... سبحان الله رغم عدم معرفتهن وفهمهم الا انه حيائهن يحتم عليهن انهن يتغشن من الغريب ولو كان خلف الشاشه ... على العموم ..انا فموضوعي اتكلم عن حياء الفتاه اللي اذا راح راحت البنت معاه .. فمنه مايزيد بحفظ الفتاه نفسها وبصرها ومنه ماينقص باطلاق الفتاه لبصرها وحواسها لكل مايزيل الحياء وينقصه شيئا فشيئا حتى يختفي تماما وتختفي معه الاخلاق ... والان بوجود القنوات وانا بامانه من غير المتابعين لها من قنوات اجنبيه وافلام يستحي من مشاهدتها حتى الشاب لانها افلام مغرضه لازالة الحياء شيئا فشيئا وهذا من اهداف اعداء الاسلام فهم لايعملون عبثا انما بخطط واهداف مدروسه وبالخبث متروسه ... فما بالك بالفتاه التي تتاثر بابسط المشاهد في هذه الافلام ... حيث ان المداومه عليها تزيل حياء الفتاه شيئا فشيئا او تنقصه ... |
موضوع جمييييييل اخويه الماجد كعادتك
وصدجت اذا فقدت البنت حيائها فقدت حياتها |
اقتباس:
|
صح كلامك هذا الشيء انا سامعه من عند الشواب بس الحلين البنات يتغشن سلامك الحين البنت تاكلك بعيونها انته تستحي وهيه ما تستحي الا من رحم الله تسلم يا الماجد على طرح مثل هذي الامور الطيبه |
والله أنك صدجت أخوي راعي صوغان..ما أدري ليش البنات لما يكونن مع أهلهن يكونن متغشيات وعال العال بس لما يكونن بروحهن يالله يالله يتغشن...!!!!
يمكن من باب أنهن يآخذن حريتهن أكـــــــــثر بعيد عن الأوامر وغيرها... بـــــــــس صدج البنت يحليها حيائها...,إذا كانت بدون حياء تتأكد أن ما شي فرق بينها وبين الرجل إلا شــــــــعره.. ويسلموو المااجد.. دختـــــــــوره:: |
مشكور قضية تستاهل الطرح.حسب وجهت نظري.البنت ماتفقدحياها بدون سبب. الظروف الحالية ساعدت على ترك الحياء.انظر حوليك وبتعرف السبب.في الكليات إجباري تتعامل مع الشباب. ليش كل شي تحسبه على البنت
|
هين زمااااااااااااان اول وهين الحينه فرق شاسع مثل اللي بين الارض والسما !!!!!!!!!!!!!!!
لكن فيه واااااايد (إلا من رحم ربي)....وكل بنت حسب نيتها والاسلوب المتبع في حياتها والنهج والمبادى اللي تسير عليهن واذا التزمت بهن من نفسها لا بتضيعهن لا تلفزيون ولا افلام ولا خرابيط غيرها... تشكرات |
http://www.alamuae.com/up/uplong/get...0717206891.gif الله المستعان,, بس هم بعد في بنات فيهن حياء,, وخجل,, لانهن يعرفن ان البنت لازم يكون الحياء من صفاتها وانه مايميز بنات المسلمين والعرب.. والحين نحصل بعض البنات يوم انشوفها انقول: "بلاها هذي ماستحي ع ويها" !! وهذا كله بسبب الاعلام الفاسد.. والشباب والشابات بس يقلدوا !! مثلا البنت شافت اوروبيه كافره!! مسويه حركه عقب تقلدهاا !! سواء كانت ف قصه شعر.. لباس... الخ ونسوا ان الرسول صلى الله عليه وسلم نهانا ان نتشبه بالكافرات!! وآمرنا بمخالفتهم!! عشان يكون للمسلم هويته الاسلامية,, مب يقلد الغير!! والمرء يحشر مع من يحب!! هل ترضين انج تحشرين يوم القيامه مع المغنيه الفلانيه,, او الممثله الاوروبيه الفلانيه!!؟ الله المستعان,,, وتسلم اخوي الماااجد ع الطرح الرااااائع ودوم متميز الى الامااااااام http://www.alamuae.com/up/uplong/get...9992253211.gif |
اقتباس:
اخوي راعي صوغان انا عن نفسي اتشرف بمرورك ومداخلتك على الموضوع وماودي ازيد اي شي على كلامك ... تسلم اخوي |
اقتباس:
دايما حقانيه اختي دختوره في ردودك وانا اقول العقل للبنت زينه وانتي عقلك يوزن جبال ... |
اقتباس:
اختي انا حسبت على البنت لانها تتاثر بالظروف اكثر من الشاب ... يعطيك العااااافيه |
ارحموا من في الارض يرحمكم من في السماء
|
اقتباس:
لكن هذي امور تاثر اختي روعه غير اللي شاف واللي ماشاف |
اقتباس:
التميز في ردودك ومداخلاتك القيمه اختي التفاحه ... يعطيك العااافيه |
اقتباس:
|
.... تشكراااتي ع الموووضووع الحلوووو منك أخوووي ..
البنت أهم شي حياااائها ..... هو ينتها وعفتها .... أيااااام اول ما تتقارن مع أيااامنا خيووو .... وياااااليت لو ترجع أيام زمااااان ........ بس خلنا نكون صريحين شوي ... مو معقووولة تقااارن حياااء البنت بالغشوة .... ؟؟؟؟!!!!! يعني الزماااان الحين تقدم وفي قوانين ونظم ... وبالعكس أنا أحترم الأول .... ويامحلى زمااان أول ... وما فينا ننكر إنه اللي ماله ماضي ماله حاااضر ... لكن أخذ الماااضي وتتطويره بما يتناسب مع الحااااضر ... الوجه محلل فالشريعة الاسلامية لما نعرفه من قول الرسول صلى الله عليه وسلم عند حديثه لأسماء ذات النطاقين ... رضي الله عنها ...فأشار إلى كفيه ووجهه ... مما يبيح للبنت بأن تكشف عن وجهها .. حاضرنا الحين ... في ناااس تحكم على بنتهم بأنها تتغشى وفي نااس العكس .... في بناااات يتغشن وإذا راااحن الجااامعة او الكلية طبعا القوانين تحكم عليهم يقومن الغشوة ... فهل بذلك إنهن فقدن الحياااااء ....؟؟؟؟؟!!!!!!! بالعكس الغشوة ما تأثر ... دااام البنت بنفسها تعرف كيف تصووون حياااااءها ولو حطت البنت إنها زينة البيت والنجمة اللي تعليه .... إن شاااء الله ترفع راااس أهلها فالعلالي .... البنت بإمكانها تحافظ على حيائها بعدة أشياء بغض النظر إذا كانت تتغشى أو لا ...؟؟؟؟ وخلينا نكون صريحين أكثر ... ترى معظم السوالف اللي نسمع عنها معظمها وليس الكل ... وأتمنى من يكون هناك من يؤدني فالرأي تصدر من البنات اللي يوضعن الغشوة .... !!!!!!!! بحكم إنهن مع عائلاتهن الغشوة نمبر وون ... وبس يبتعدن .... يحاولن يسون كل ممنوع .... وفنفس الوقت ما نلومهن لأنهن شافن مجتمع غير عن المجتمع اللي تعودن عليه ... ...........عذرا ع الإطااالة .. وأشكرك مرة اخرى أخوي ع الموووضوع الحمااااسي ^_* |
اقتباس:
يعطيك العااااااااافيه نجوم لكن انا قصدت الحياء سواء اكان بالغشاوه او بدونها |
| الساعة الآن 09:14 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
][ ملاحظة: جميع المشاركات تعبر عن رأي الكاتب فقط ولا تمثل راي ادارة المنتدى بالضرورة، نأمل من الجميع الالتزام بقوانين الحوار المحترم ][