|
الحلم الجميل...!!
بسم الله الرحمن الرحيم السلام عليكم ورحمة الله وبركاته عندما تكتشف بأن حياتك كلها بكل ما فيها ما هي إلا ّ حلم عابر ، عندها فقط ستقول... أعتذر يابنت برحل وإسمحي لي بالرحيل هالمسا ذابت ضلوعي والمشاعر تحتضر يادفا برد الليالي ، ونشوة الحلم الجميل طاح حلمي اللي رسمته في غرامك وإنكسر هالمسا صمت الحنايا ثار يصرخ مستحيل كيف ذاك الحب كلّه في ثواني يندثر؟؟!! كيف عمري اللي رخصته للغلا وأغلى خليل ترخص أيامه وترحل في شقى حبك هدر؟! مات ذاك اللي جمعنا هالمسا وأضحى قتيل هذا هو جثمان حبك والحنايا له قبر جبّت لك أصغر عروقي للغلا نبض ودليل يمكن إحساسك يصدّق بعّدها إنه خسر إيه خسر حب ٍ كبير ٍ وافي ٍ ماله مثيل إيه خسر قلب ٍ تمنّى من بساتينك زهر أعتذر ماجيت أعاتب..للعتب مافيني حيل بس جيت أهديك دمع ٍ من هدب عيني إنحدر أدري إن الدمع يفضح صاحب القلب الأصيل والمصيبه إن قلبي ماله عالفرقى صبر دمعة الفرقى مريره صدّقي لمّا تسيل ودمعتي تجرح عيوني..بس يامقسى القدر من عرفني يعّرف إني صاحب البال الطويل ويعّرف إني طول عمري شايل هموم وكدر ماهقيت إن المشاعر ترتجي جود البخيل لين شفت القلب يطلب من سحب حبك مطر قلب عالعزه تربّى عمره مايصبح ذليل والمذله صدّقيني مالها بقلبي مقر ماهي من عادة خفوقي يطلب إحسان وجميل ولا أنا منهو يدوّر للعطا وقت وعذر يوم أنا أعطيت عمري بالوفا شفته قليل كيف عاد اللي تمنّع بالغلا يعطي شهر!! المحبه لو تلامس عالي النخله تميل كيف قلبك هالمحبه خلّت إحساسه حجر!! البحر من فيض حبي صار مثل السلسبيل والغريبه كان حبك مالح ٍ مثل البحر لا تظني الغدر ممكن للوفا يصبح بديل ماهو قلبي اللي يبدّل هالغلا زيف وغدر ضاع عقلك صدّقيني بين قال وبين قيل وغرّتك دنيا الأماني والهدايا والشعر صار قلبك من غروره ، مع سخافاتك يميل لين صارت في عيونك قيمتك تسوى عشر!! الغرور اللي تملّك نشوة إحساسك دخيل كان قلبك مثل طفل ٍ في عباراته طهر الدهر لاشك إنه ياشقى قلبي كفيل يفتح عيونك على اللي فيك سوّاه الدهر هذي هي أسباب بعدي والتجافي والرحيل إكتشفت إن المشاعر في غرامك تحتضر أعترف إنك بعمري كنتي لي حلم ٍ جميل بس حلمي في غرامك هالمسا شوفي إنكسر أحمد العلوي |
يادفا برد الليالي ، نشوة الحلم الجميل طاح حلمي اللي رسمته في غرامك وإنكسر صـــــــــــح لسانك أخوي ..... قصيد رائـــــــــع |
اقتباس:
أشكرك أختي شيخه على مرورك الكريم وعلى إطراءك جزاك الله خير الجزاء ويعطيك العافيه |
يسلمووووووو.........
ومن رائع لأروع انشالله......... |
اقتباس:
شكرا ً لك والله يعطيك العافيه |
ماهقيت إن المشاعر ترتجي جود البخيل لين شفت القلب يطلب من سحب حبك مطر قلب عالعزه تربّى عمره مايصبح ذليل والمذله صدّقيني مالها بقلبي مقر صـــــــــــح لــــــــــسااانك وإعــــــتلاء شـــــانك أخوي أبيــــــات مــــــزيونة أبدعت في التصـــوير وكـــل بيت أحـــلى عن الثـــاني تقــبل مــروري |
اقتباس:
صح بدنك يا الهنوف وأهلا بهذا التواجد الرائع والعذب أشكرك جزيل الشكر على تواصلك الدائم لك مني عظيم شكري وإمتناني |
صح لسانك اخوي
تسلم ع القصيده |
ياسالاااام عليك احمد دائما مميز الى الامام انشاء الله نتمنالك التوفيق |
أعترف إنك بعمري كنتي لي حلم ٍ جميل
بس حلمي في غرامك هالمسا شوفي إنكسر |""""""""""""""""""""""""""""""""""""""" قصيده في قمة الجمال """"""""""""""""""""""""""""""""""" لاهنت |
اقتباس:
صح بدنك أخوي المنصور والله يسلم غاليك تسلم والله يعطيك العافيه |
اقتباس:
شكرا ً لك أخوي أحاسيس وأهلا ً بك وبمرورك العذب تسلم يالغالي والله يعطيك العافيه |
اقتباس:
منور أخوي راشد وشكرا ً لك على مرورك وإطراءك الرقيق تسلم والله يعطيك العافيه |
أعترف إنك بعمري كنتي لي حلم ٍ جميل
بس حلمي في غرامك هالمسا شوفي إنكسر جميله جدا هالابيات اخوي احمـــد ... يعطيك العافيه |
اقتباس:
الأجمل مرورك أخوي الصقر الأبيض الله يعافيك يارب |
كلمات رائعه
|
| الساعة الآن 04:00 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
][ ملاحظة: جميع المشاركات تعبر عن رأي الكاتب فقط ولا تمثل راي ادارة المنتدى بالضرورة، نأمل من الجميع الالتزام بقوانين الحوار المحترم ][