السلااام عليكم ورحمة الله وبركاااااته اخواني واخواتي هذه محاوره جديمة بين بنت وشيبه في الثمانين من عمره

اتمنى ان تعيبكم...............

انزييييييييييييييييين

بدايه القصه كان هناك شيبه اسمه حمدان وهواوي ( قلبه خضر ) ما يشوف بنت الا يتخبل عليها ومشهور بانه (حبيب) ههههه .

وفيه بنت راعيةمقالب قالت فخاطرها انا ليش ما اروح للشيبه واسولف وياه واضحكه شوي واشوف ردة فعله . كيف تكون!!!!!!!!



راحت له وردت عليه السلام كيف حالك يا شايب رد السلام والله بخير الله يعافيج

وفجأه عطته ظهرها ومشت ولا استإذان ولا شي ههههه

اضيق الشيبه من حركتّا قال فيها كم بيت يستعطفها فيها ويقول انها ذكرته الماضي و اذا ما عطيتيني وجه لحقت

باخوي حمود اللي في قبره ويذكر التاريخ واليوم اللي قابلها فيه

يقول الشايب :





يا بنت اخذي خاطري وارحميني

لا تجرحين العود بعيونك السـود

غضي نظرك وغطي الوجنتيني

لعل يومٍ جدد الجرح مـا يعـود

يوم انتهى مع مرمسات السنينـي

جتني صواديفه على غير مقصود

باول شهر عشره نهار الثنينـي

حمدان مروا به على جنازة حمود









البنت كانت تقصد من استفزازه انها تجاريه في الشعر وترد عليه والمسكين ما كان يدري انها شاعره ويتحرى ما خذ

راحته في التغزل

ردت عليه وهزأته تقول :



يا شايب الرحمن وينـك ووينـي

عزي لحالك قدمك الباب مسـدود

قلبك عطوف وجاه قلـبٍ متينـي

والبنت ما تشفق على مغازل العود

حبل الرجا مقطوع بينك وبينـي

مثل الغليث اللي رعا قلبه الـدود

اقفى شبابـك والعـرب مقبلينـي

يا عود ما يرجع من العمر مفقود









حطمته يوم قالت له انك عود وان الشباب ما يرجع وان ما فيه امل تعطيه ويه حس الشيبه انه تورط وقال كم بيت يقول لها

صدي عني انه ما يبي الغزل بعد ما وصل عمره ثمانين سنه !!!!

يقول حمدان :




يا بنت صدي بالعيـون الظليلـه

لا صد عنك الله نهـار القيامـه

مالي ومالك يالفـروع الطويلـه

لو فيك من رسم البـداوه علامـه

يابنت ما لـي بالثمانيـن حيلـه

اهدف كما تهدف على البير قامه

اقفى شبابي والدهر شفـت ميلـه

يالله حسـن الخاتمـه والسلامـه

اعطيك موجز والبضاعـه قليلـه

واخذت لك من صافي الماء سنامه








راحت الايام والشيبه مسكين سنه خذله معها شايب وهي بنت وتقول له كيف اعاطي شايب وجه


بعد فتره مرته مره ثانيه وردت عليه السلام واستفزته وراحت وخلته ولع الشيبه وقال ليه ما ابين لها في كم بيت انها بتشيب مثلي !!!!

واني ريال طيب وان الناس تنصاني ومعروف بالكرم واني ما ابا منها غير التحيه والترحيب

يقول حمدان :



يا بنت ما ياج الكبر والخشونـه

وعادت شباب اليوم يجفل من الشيب

ياسرع ما وبلـك تمـزع مزونـه

يالفاتنه يـا ام الثمـان الرعابيـب

يا بنت ما بينـي وبينـك مهونـه

كلمة شرف نبغي تحيـه وترحيـب

الله مـن عـودٍ ثقيلـه طنـونـه

ينصاه راع المشكلـه والمواجيـب

على الكرم والديـن نفسـه حنونـه

تلقاه بالاجـواد شـرق وتغاريـب







جهز الابيات الشيبه وارسلها عند عيوز ووعد العيوز بهديه اذا وصلت الرساله الها
ههههههههه

سارت العيوز وعطت البنت الابيات ..وجااااان... تقفل البنت على العيوز في غرفه وقالت مثل ما ييتي بابياته

تردين له بابياتي...... العيوز مسكينه قالت طلعيني ولا ابا منكم شي الله لا يعودكم انتو.. واوراقكم هههههه

ردت البنت ابيات اقوى من الاولى واكثر تحطيم مسكين الشيبه ماحد رحمه حتى لو حاول يستعطف ههههه

تقول البنت :


العود عود وطايحـاتٍ سنونـه

من كثر ما يرقد على جرة الذيب

عودٍ مهرقل والعرب ما يبونـه

ياعود ما لك في طويل المراقيب

اقفى شباب العود راحت حتونـه

مثل اليتيم اللي بكا ما له مجيب

جداه ينثر دمعة ٍ مـن عيونـه

غريق موجٍ ما لقا له مقاضيـب


هذي قصة الشيبه والبنت ..................وسلامتكم





منقووووول...........