|
موضوع مهم ارجو الدخول
موضوع مهم اخواني واخواتي الاعضاء اطرح بين ايديكم موضوع مهم للغايه والا هو: عند وقوع الحادث ومهما كانت خطورته تلاحظ انه في فئه من الناس لا ينقذوا المصابين هل هو خوف او ماذا واذا نقذت شخص تعطيه امل للحياه اذاكان المصاب اصابته خطيره كنزيف او ماشابه بالآمس القريب وقع حادث في ابراء واحد الركاب القت به السياره في الخارج والناس تتفرج عليه وعندما سالهم احد الاشخاص ليش ما تنقذوه وتودوه المستشفى قالوا ننتظر الشرطه حتى توصل والشخص استغرب من هالتصرف فحمل الشخص للمستشفى والشخص بالعناية المزكزه والله يشفيه وانا سمعت ولست مت اكد من الكلام انه اذا وقع حادث ما لا ينقذ المصابون ف الحادث حتى وصول رجال الشرطه لماذا هاذ التصرف الغريب من قيادة الشرطه اذا كان فيه امل لحياة الشخص لماذا الاشخاص الذين موجودين اثناء وقوع الحداث الحداث لا ينقذون واحتمال كبير انه يعيش اما حياة الناس اصبحت سدى ولا حياة لمن تنادي اتمنى النقاش ف هذا الموضوع ولا ابي ردود بكلمة شكر وانما حوار جاد اخوكم جعلاني للابد |
صباح الخير
تقدر تقول اول شي الخوف من المسؤليه ... واذا هم شالوه وودوه المستشفى يمكن الريال في كسر بيزيدون علته والاختصاصين هم اولى بهذي المهمه ... لان ماعندهم وعي للاسعافات الاوليه ... وآخر شي لو انهم اتصلوا للاسعاف واقرب مشفى كان بيتلاحقون عليه .... يعطيك العافيه تقبل مداخلتي |
اشكرك اختي ع مداخلتك الجميله
اولا عند وصول رجال الشرطه هل عندهم اسعافات اوليه ما اعتقد ولا عندهم المام ثانيا لو اتصلوا باقرب مستشفى موجود متى راح تتحرك الاسعاف حتى يحصلوا السائق وحتى يوصلوا يعني راح ياخذ وقت ولو المصاب عنده نزيف راح يموت وخاصه اذا عنده نزيف في الشريان ف الدقيقه راح ينزف حوالي لترين |
طبعا لا إلا اذا كان وراهم اسعاف ... وهذي هي المشكله يعني المفروض شرطه ويعرفون الاسعافات الاوليه .. والمفروض بعد مثل ماطلعوا قانون لحد يحرك المصاب لين يوصلون المفروض عندهم فكره كيف يسعفون المريض ... والمفروض الاسعاف يكونون على الدورات او محطات البترول ... والسائق يكون موجود في اي وقت يعني على الخدمه 24 ساعه ولو قلنا نزيف وراح يموت وبينزف ... اللي تجمهروا اشدراهم بكيفيه اسعافه يعني بعد هذي يبيلها حل ... واعتقد لو في واحد من هالجمهور يعرف شلون يسعفه مااعتقد بيتردد في تقديم العون |
معاك اختي
وانا سمعت من احد زملائي وهو يعرف مسعف اولي بس الناس رفضوا وكان الشخص ينزف لدرجه ىكبيره وعن نفسي انا شخصيا عندي دورات ف الاسعافات الاوليه وحتى لوما عندهم خلفيه ع الاقل مان النزيف يلف بقدعة قناش او ملابس حتى يوصل للمستشفى |
شي يقهر الصراحه وقرارتهم تقهر زود يعني يطبقون بس مب لدرجه يمنعون الاسعافات الاوليه ...
يعطيك العافيه اخوي وتقبل مروري مره ثانيه وإن شاء الله نشوف ردود البقيه |
صج قهر اختي واشكرك ع تفاعلك ونقاشك بالموضوع
|
شكرا جعلاني للابد ...انا سمعت انه لو مات المصاب وانت تسعفه ...تكون انت سبب في موته ...ونفس الشي اذا جلست تتفرج عليه يعني راح تساهم في موته...اللهم ابعد عنا الحوادث...!!
|
مرحبا.............
الموضوع حلو للمناقشة وبالنسبة للاشخاص مااعتقد مترددين للمساعدة بس يعتمد ع نوع الحادث احتمال حريق وهم فالشارع كيف يتصرفو او كيف يسعفو الشخص واخبرك الواحد فلحظة صدمة مايعرف يتصرف.....!! |
مشكور الهاشمي ع مرورك يعني تنقل شخص يعني تساعده ع موته
الله يعين ع هالقوانين |
رفيق الدرب حتى لو بس بعدني بحاول اسوي شئ وراح اكون ف حالة ذهول وصدمه بس شخص جدام عينك صعبه حيل
|
أنا بعطيك جوابك أخوي
هذولا مشي عندهم لادم ولا رجوله ولا نخوه عنبوكم حتى الكفار ماسووها |
مشكور اخوي الخارج عن القانون
بس شو الاسباب اللي تخليها يحطوا هالقانون هل اصبحت حياة المواطن رخيصه |
قوانين؟؟؟؟؟؟؟؟ إذا صدج هذا القانون يعني بصراحه حياة المواطن فعلاً صارت بلا ثمن. ولازم نكون خارجين عن هالقانون الغبي. دمت بوووووووود جعلاني للأبد |
بآآآك ...،اكيد حياتكم هب رخيصه بس يمكن هم ينظرون للموضوع من جهه احنا مانشوفها ويمكن مايبون يحملون الغير مسئوليه هو مب قدهاا
خلينا ننظر للموضوع من جهه ثانيه بس طبعاً مب معاهم ان الواحد مايساعد ولايحرك ساكن ... |
عن نفسي اشوفه وبكل تصرف لا يخدم الشخص المصاب ومها كان القانون
ياما ناس مصابين نقذوهم وهم الحين بصحه وعافيه الا من ربك اختاره |
الناس اتخاف اتسوي اي شي ف المصاب!!
لانه لاقدر الله لو ماات!! الشخص الي شله (الي كان يحاول انقاذه) الشرطه بيمسكونه ويقولون له انتا ذبحته!! عشان جي الناس اتخااف!! وبعد الناس اتخااف لمن اتكون الاصابات خطيره!! مثلا لو واحد تشوهه تشووه قوووي!! الناس اتخااف! لاكن السبب الرئيسي وراء ان الناس توقف واطالع دون عن تسوي اي شي او تقدم اي مساعده الخووف من الشرطه!!! لان الشرطه ماعدهم تفاهم!! شافوا واحد ماسك واحد وهالشخص مات او يحتضر!! يجووون ويمسكوونه وانتا ذبحته!! مشكـــــوووور جعلااااااني ع الطرح الحلووووو والرائع جدا.. |
والله في هذا الزمن الواحد مايخاف الا على نفسه ولا الباقس ماهموه
والشرطة مادري متى بتتعدل والله اتذكر قبل كم سنة صار حادث حق ربيع اخوي وكان اخوي يسوق وراه وكان ربيعه يتجاوز وبعدين فقد التحكم في السواقة وانقلبت سيارته واخوي ماقصر اسعفه بس للاسف ربيعه مات قبل الله يرحمه |
التفاحه حياة الناس اصبحت رخيصه
والواحد لما ينقذ ما يبي يذبحه يبي يساعده وميمي صج الواحد يخاف ع نفسه بس الواحد يسوي اللي يمليه عليه ضميره |
تسلم اخووي...
ترا انا بعد استغربت من هالشيء.. واللي هو انه ممنوع تشل مصاب اذا كان في حاادث.. ع اساس انه يمكن تشلة باسلوب خطا فيتأذى زياادة او يمووت.. ف المسؤؤليه راح اطيح فراسك.. |
شاك ر لك مرورك اختي دندونة بوظبي
بس الواحد ينقذ المصاب ولا يجلس يتفرج عليه |
اقتباس:
بس عندي مداااخلة ...اولا عند وصول رجال الشرطه هل عندهم اسعافات اوليه ما اعتقد ولا عندهم المام.. رجااااااااال الشرطة عندهن فكرة عن كيفية الاسعافات الاوليه في حاله حدوث حااااااادث ايا كان نوعة ويدشون درواااات تعليمية متجددة دااااااايما بخصوص هالمووووووووووضوع .. جميع افراد لشرطة اخذوا هذة الدورات بعضهم بشكل نظري سريع والبعض الاخر مكثف .. تقبل مروري |
اشكرك ع طلتك اختي
وبالفعل ليست عندهم اي خلفيه ما عدا اسعاف الشرطه اللتي تنوجد ع بعض الطرق والله يعين حتى توصل |
مشكووووور ع الطرح
صحيح يمكن تنقذ المصابين لكن يمكن البعض ما يعرف ينقذ لانه في اصابات خطيره وما تعرفها بصراحه اعرف واحد له الحين 6 سنوات وراااقد ف فراشه ما يتحرك بس يحرك ايده ويتكلم عادي اما باقي الجسم ما يحس فيه ابد والسبب حادث واللي نقذوه ما نقوه بطريقه صحيحه وأدى الى قص جزء من الحبل الشوكي والحبل الشوكي مهم ف الانسان و الرجال ف فراشه الله يبعدنا عن الحوادث واضرارها |
اقتباس:
بس الله يعين حتى توصل سياره الاسعاف ومره قبل شهر كنت طالع مسقط الساعه 3 الفجر وحصلت ف لفات العق سياره اسعاف واقفه وبعدها بمسافه دوريه شرطه لانه هالمكان حتى تجيك سياره مشكله والله المستعااان |
لان الاشخاص مايعرفون اما الشرطه او الانقاذ عندهم خبره ف الاسعافات يعني مثلا اذا اي شخص انقذ الاخر مايعرف كيف الشخص مصاب يمكن يشله بطريقه خطا اويسحبه بطريقه غير صحيحه والشرطه ف الاخير تبا مصلحة الشعب ..
والله يبعد الحوادث عن الجميع.. |
يعطيك العافيه(جعلاني للأبد)على الطرح المميز والرائع , بالتأكيد الموضوع ذو أهميه من حيث كونه يمس حياة الناس بشكل مؤثر ومباشر , وبطبيعة الحال من الصعب على الإنسان أن يرى حادث في طريقه ويتجاوزه دون أن يتوقف معه للأطمئنان ومحاولة تقديم كل مايلزم , ولكن هناك أمور يجب التنبه لها وهي خطورة بعض الإصابات وماقد يسببه التدخل العشوائي من مضاعفات وخاصة الكسور , حيث يجب أن ينقل الشخص المصاب بكسور وخاصة كسور العمود الفقري والرقبه والحوض بطريقه مثلى لكي لانتسبب بمضاعفة الإصابه
|
اشكركم اخوتي ع طلتكم الجميله وردودكم الاجمل
بس من وجهة نظري الشخصيه كل شحص ف مجال عملع يكون فيه قانون يفرض او شئ انه تكون في دوره للاسعافات الاوليه الحمدلله عندي خبره في كيفية الاسعافات الاوليه وذلك من خلال الشركه اللتي اعمل بها فسنويات تعمل لنا تذكير لمدة ساعه وذكر في يوم من الايام كنت اتمشى واشاههد ناس يتقذوا شخص طاح من السطح لكن بطريقه قريبه فنزلت وحملته بطريق اريح وحتى في انزاله من السياره فشكرني وقال بالفعل طريقتك ف حملي وتنزيلي ريحتني كثير بعكس اللي كان يحملوه بالبدايه اخوتي لو ان شخصا منا ذهب وتعلم كيفية الاسعافات الاوليه لكان افضل وهنا احب ان انوه ع القطاع العام والخاص عمل مثل هذه الدورات وحتى القطاع العسكري بكل فئاته ان يوجدوا ورشة عمل او دوره ف الاسعافاعت الاوليه فحياة الناس مهمه ولا يمكننا ان نشاهد حادث ونرى الشخص ينزف امامنا بدون ان نحرك ساكنا فلعل في انقاذك للمصاب ان يكون له عمرا ولكن بالطريقه الصحيحه وايضا لا ننسى ان نربط مكان الاصابه الاكثر اقصد خروج الدوم لكي لا يفقد المصاب الدم وانما نقلل منه حتى وصوله ل اقرب مستشفى |
بصراجة موضوع مهم في الطرح الاخ الفاضل جعلاني للابد تشكر عليه ولا اضيف اي جديد على ماطرحتموه وبصراحة سالفة ننتظر الشرطة الين توصل لمكان حادث................ هالسالفة راحو ضحيتها مئات الاشخاص بل يفترض لااتوقع من وجهة نظري انقاذ الشخص من قبل المواطنين ولكن بالطريقة الصحيحة ...........بمعنى لايسير واحد ماعنده خبره بالاسعافات الاولية يزيد المصاب............
وتشكر اخي جعلاني ع الطرح المتميز |
مشكور اخوي جعلاني للأبد على موضوعك ... فحبيت اوضح لكم من الناحيه القانونيه انه اكثر حالات الوفاة في الحوادث سببه المنقذ .... فهاذي عليها سجن واستجواب من قبل الشرطة وفيها مسؤلية تلحق بالمنقذ اما من الناحية الطبيه اتخيل ان الشخص طاح برع السياره وكان متحركه عنده احد الفقرات او العظام فجيت انته بعزوتك وهاذا شي موجود فنفس اي شخص لعلمك ، وجيت مسكت المصاب كونك اتريد ادخله ف السياره هل كانت عندك درايه كيف وضعية حمل المصاب ، هل كنت على درايه انك سببت له شلل تام او حالة وفاة بسبب اسعافك له ... ف الهدف من انتظار الشرطة والمسعفين هوه اتخاذ الاجراءت الصحيحة في الحوادث المرورية ، وحن ياخوي ناس مؤمنين بالقدر لو ربي امقدر ان هذاك الشخص يعيش بيعيش ولو تاخرت الاسعاف ساعة كاملة وخذوها من حيث المنطق والواقع وطبعاً انته كا اسهل حاجه اتسويها اطلع على كتب الاسعافات الاوليه ف بأطلاعك راح تجدر تنقذ الشخص بأتباعك بعض الاسعافات الاوليه لغاية وصول المسعفين ... وحبيت اطمن الجميع انه الحين الاسعاف صارت متواجده في كل مكان وسهل وصولها بس يمكن تأخر ابلاغ المتخصصين هوه السبب في التأخر وحن انشوف بأنسنا انه اذا صار حادث محد يبلغ الا من بعد مايشلوا المصابين ... ولعلمك اخوي جعلاني للأبد انه اي شخص يدخل ف التدريب العسكري في اي جهة عسكرية يدرس كيفية اتخاذ الاسعافات الاوليه واجرائها الاجراء الصحيح.... وتقبلوا مروري |
السلام عليكم....
موضوع مميز صراااحه ويلامس الواقع.....فالشكر لصاحب الموضوع.... أما عن وجهة نظري لاتتعدى آراء زملائي الأعضاء... نعم ننقذ المصابين ونعطيهم أمل في الحياة... ولكن.. إذا كنا قادرين ع تحمل جميع المسؤلية... وأنا معك أخوي جعلاني في أن لابد لجهات العمل أن تعطي موظفيها دورات تدريبيه في الإسعافات الأوليه فمن يعلم أن دراستنا تتحم ع حياة أشخاص سيجعلهم الله بين أيدينا في يوم من الأيام.... والله يبعد الحوادث عنا وعنكم إنشاءالله........ ولا تشوفوا مكروه في أحد.... مع ودي::: دختوره |
يمكن السبب يكن الخوف
ويمكن الشرطه يكون لها عذر بسيط لكون الشخص العادي ليس له درايه بالاسعافات او طريقه حمل الشخص المصاب احتمال ينقذه بطريقه خاطئه وتزيد كسوره وهذه حصلت كثير |
شكرا عل موضوع بس تخيل حملت مصاب ومسكته بطريقه خاطئه وتوفى على يدك ماردت فعلككك::::
|
اهم شي علي الواحد انه يرضي ضميره وماتهمه شرطه ولا غيرها
لانه لو ساعدالشخص المصاب بيكون راضي عن نفسه................ |
| الساعة الآن 05:23 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
][ ملاحظة: جميع المشاركات تعبر عن رأي الكاتب فقط ولا تمثل راي ادارة المنتدى بالضرورة، نأمل من الجميع الالتزام بقوانين الحوار المحترم ][