|
الاب الذي زوج ابنته بـــ100 بيسة
تقدم شاب لخطبة فتاة …
فلما وجد الأب فيها الصفات المناسبة طلب منه مهر مائة بيسة فقط !!! قال الأب: نحن نشتري رجل ولا يهمنا المال وبعد أن تم الزواج كانت هناك حركة يقوم بها الزوج دوماعلى سبيل المزاح، كان كلما اشترى الرجل قوطي بيبسي يقول لحرمته : أنتوالقواطي نفس الشيء كلكم بمائة بيسة، والزوجة مقهورة وتكتم غيظها. مرة طلعوا يتمشون واشترى بيبسي قال لها : تخيلي سعر البيبسي نفس سعر للمهر !! طفح الكيل .... طلبت الحرمة تزور أهلها واشتكت هناك لأهلها من زوجها قائلة: أرخصتم مهري فأرخص قدري عصّب الأب وقال للزوج الذي أتى لأخذ زوجته :خليها اليوم وتعال أنت وكل أهلك بكرة عندنا عزيمة ، وفي اليوم الثاني أتى هو وعائلته الذين فوضع لهم الأب قوطي بيبسي استغربالزوج وعائلته وبدأ يشعر أن الموضوع عن تعليقاته. ثم أتى الأب بقوطي ثانيوثالث ووضعها أمام أهل الشاب قائلا لهم : أخذتوا بنتنا بقوطي بيبسي والآننعطيكم 3 قواطي ورجعوها !! كاد الزوج يغمى عليه من الإحراج أما أهله فلميفهموا شيئا، شرح لهم الأب الموقف فغضب الجميع على الزوج، أهكذا جزاء من أكرمك؟؟ حلف الأب ألا تخرج البنت من بيته إلا بـ30 ألف 36_3_11[1]. ريال وأيده الجميع... أحرج الزوج وعلم أنه يستحق ما حصل له... شوفوا الانسان ما يحس بقيمة الشي ألا بعد ما يفقده... ونصيحة مني شخصيا (( لا تحتقروا أي شي حتى لو كان بسيط...)) 36_3_11[1]. |
سبحان الله
ناس ما تقدر قيمة الشي الا بعد فقدانه بس الاب كان غلطان رخص ببنته وهذه النتيجه الشباب ما منهم أمان ههههه تستاهلوا المهور المرتفعه والغلا اللي صاير فيها اممممممم امزح |
حلووووووووووووه
والله أدب ع فكره ترا انا مجرد مزحه قلت للوالده عادي كل ماقل مهرها كل مازادت البركه شورايكم تخلوا المهر600ريال؟ قالت: انى وبعدني ليش ماتسوي!!! والله استغربت بس بعد هالسالفه صراحه صدقت الوالده..... ويستاهل قلع عينه مو30 الف تل الورد |
يستاااااااااااااااااااااااهل
يزاه و اقل من يزاه والله الرياييل ما يبين في عينهم شي هالزمان اذا كان المهر كبير ذيج الساعه بيحسوووون بقيمة الحرمه وما بيفرطون فيها>>>>>>طبعا دافعين الشي الفلاني والله جي يبالكم اسمحوووووولي ع صراحتي وتقبل تحياتي صراخ الصمت موضوووووووعك توب |
ترا ع فكره فيه ملاحظه معي
هم السياره يبوها غاليه ويتفاخروا انها غاليه والزوجه الأهم يستغلوها ترا عرسك وعرسها موبعرسها بس عشان تصرخ اخ واخ كسرولي ظهري ورورني نجوم الظهر لحد مازوجوني!!!!!! نااااااااااااااااااااااس..................... تل الورد |
هههههههههههههههههه
بصراحه يستاهل الحين انت يالدب متزوجها احمد ربك واشكره انه مهرها رخيص تروح تقلل من قيمتها وتهينها بصفة الغشمره خله يستاهل ههههههههههههههههههههههههههههه |
الله يوفقهم..تسلمـ أخويـ
|
الموضوع وايد مفيد هذا الايام اقصد هذاالوقت ومشكور علي الموضوع
|
والله كفوووو عليه والد البنت...
عرف كيف يرجع حق بنته وكرامتها........ قصه حلووووووووووووووه يعطيج / يعطيك ألف عااااافيه تقبل مروري: دلوعة أهلها |
أنزين مشي اقرب دكان نشتري منه حرمه خخخخخخخ
|
حكيم الاب بصراحة
لو أنه خارها ف البداية عاد 100 بيسة الله يهديه نحن دكتورنا مزوج بنته بريال واحد |
يؤؤؤؤؤؤؤؤؤؤؤؤؤؤؤؤؤ من صدجك عاشقه؟؟؟؟؟36_19_1[1]. يسلمو على الموضوع ويعطيك العافيه |
هيه و الله من صدقي و الدكتور عماني بعد من أصل زنجباري
أقصد انه زنجباري من أصل عماني مثل ما يقول خخخ |
يسلمووووووو
يستاهل ماياه دواه حد قاله يقلل من قيمه حرمته بدال يشكر ربه الحين المهوووور شابه ضووووووؤء المفرووووض يبوس ايده وراء وقدام ويحمدربه بدال يتمصخر فيها وسلاااااااااااامي ذيبه |
ههههههههههههههههههههههه اصلن الرياييل ماتجيبهم غير العين الحمراء يستاهل مجعة عينه
|
السلام عليكم
والله عالم الاب ما رخص ببنته ومستحيل ف هالكون اب يرخص ببنته بس الاب كان من تصرفه فيه حكمه كان يبى الستر لبنته وقيم الرجال بقيمتها وبنفس الوقت ما يبيها تعيش معاه بعذاب الديون وقصف الظهر يبيها تعيش معززه مكرمه مثل ما كانت فى بيته واكثر وكان المفروض انه يقدرها ويحطها فى عينه ويغطيها بجفونه ويحط اهلها على راسه ويعتبرهم ناسه بس وين اللى يحس ويفهم ويقدر اان رخصت المهور جالوا جوطى بيبسى وان غلت قال سعر سياره ولا بيت وقاموا يتلعبوا منيه مناك وان سالوهم عن السبب قالوا غلى المهور ياناس خلكم واقعيين وياشباب خلكم عاقلين تحياتــــــــــــــــتى |
مشــــــــــــــــــــــــــكورين على المرووووووووووووووور الطيــــــــــــــــــب
|
| الساعة الآن 08:37 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
][ ملاحظة: جميع المشاركات تعبر عن رأي الكاتب فقط ولا تمثل راي ادارة المنتدى بالضرورة، نأمل من الجميع الالتزام بقوانين الحوار المحترم ][