|
%أحبك لو بغيت أنساك ماقدرت% قصه واقعيه صدقوني واااااااايد حلوه
الجزه الاول اتمنى تعجبكم القصه تراها حقيقيه بليف ميييييييي
الساعه 2 الظهر بوسيف واخوه بو خالد يالسين يتغدون في بيت بوسيف بعد رجعتهم من السفره الطويله و محد يالس وياهم العيال سلموا و رجعوا يلعبون.................... بوخالد: والله الي يشوف سيارتك بيقول انه راعيها متوفي الحمدلله على سلامتك لازم نذبح كمن ذبيحه بوسيف: الحمدلله اكييييييييد لازم نذبح و عاد ام سيف ما بتقصر بوخالد: اكيد بو عيالها مالها غنات عنك الله يخليك لها و لعيالها والله انها اصيله بوسيف: اخوي مطر نسينا نتصل عالاهل هناك في بيتكم نطمنهم على وصولنا بالسلامه بيتمون يحاتونا بوخالد: هيه والله نسيناهم بو سيف : بنادي حد من العيال عسب يتصلون .... بس ما اشوف حد منهم هني الظاهر يلعبون بشوف ام سيف اذا مارقدت للحين بو سيف ينادي ام سيف : يا ام سيف شوفيلي حد من عيالج اباهم يدقون بيت عمهم ام سيف : بشوف اذا حد فالحوش احيدهم يلعبون هناك سارت ام سيف ادور حد من عيالها وهي سايرة لمحت نوره نازله من فوق سايره صوب المجلس الداخلي ام سيف و هي معصبه تبا ترقد : نوير وين سايره ؟؟؟؟؟؟؟؟؟؟؟؟؟؟؟ نوره : اليازيه خبرتني انه ابويه وعمي وصلو من السفر بسير اسلم عليهم تولهت على ابويه احس جنه من زمان ماشفته ............... تامريني على شي يالغالية؟؟ ام سيف: فديتج ابوج يبا حد يتصل بيت عمج سيري له شوفيه وهلهله بالسنع عمج هناك لا اطلعين ابداعاتج جدامه تراني ادريبج مصقوعه و لا عليج من حد نوره: عاااااااادي ابوي مابيقول شي اصلا ام سيف: هيه اكيد دلوعته ما بيقولج شي بس انا ما بودرج خلي عنج هالسولاف سمعتيني نوره: افا عليج امايه والله لابيض ويهج و اخلي عمي يرجع و هو يمدحنيه......... و بتشوفين حتى هو بيقولج ماشالله على نوره و اصلا نحن ما نشوف قوم عمي الا فالمناسبات لازم بصطلب جدامه ام سيف: يحليلهم لانه دارهم بعيده عنا مانقدر نشوفهم علطول نوره: اصلا هاذيك دارنا الاصليه انتي الي سحبتي ابويه اهني ما تقدرين على فراق اهلج و فرقتينا عن اهلنا ام سيف: عن طولة اللسان اسمع ابوج يزاعق سيري له نوره: انشالله وصلت نوره عند باب المجلس و هي تتحلطم : يالله كيف بسلم على عمي مطر والله استحي من زمان مت شفته .... عدلت شيلتها و تشجعت و دشت على عمها و ابوها نوره: السلام عليكم ..............مرحبا ملايييييييييييييييييين و لا يسدن في ذمتيه يا هلا والله بمطول الغيبات بوسيف: هلا والله بالغاليه تعالي وينج ................من ساعه انا و عمج واصلين نوره : توني دريت و علطول نزلت اسلم............ هلا عمي اشحالك ربك بخير و شحال اهلنا هناك؟؟؟ عساهم مرتاحين؟ بوخالد : هلا بالوالده ما بغينا نشوفج .... الحمدلله يسرج الحال كلهم يردون السلام عليكم نوره : الله يسلمهم.......... حشا مانشوفكم لا تزورونا الا لما يستويلنا شي...... نوره فخاطرها :ياويلي جني زودتها شوي هذا و انا استحي كيف لو ماستحي بوخالد يدريبها من زمان ملسونه من صغرها : الله يبعد عنكم المصايب تستاهلين سلامة ابوج نوره بكل خوف : ليييييييييييييش ابوي اشفيه شو استوى له ؟؟؟؟؟؟؟؟؟؟؟؟ بوسيف : اشفيك روعت البنيه .......... ماشي فديتج حادث بسيييييييط و انا ماشي فالخط تعرضتلي ناقه و دعمتها نوره : عساك ما تعورت؟؟؟؟؟؟؟؟؟ما صار لك شي مستوالك شي بوخالد : انتي عميا ما تشوفينه جدامج مافيه شي تحمدي الله على سلامته بوسيف : فديتج ما فيني شي تشوفيني جدامج ما صابني شي ماشي باس الغاليه نوره: الحمدلله على سلامته والله تروعت بوسيف : لا تتروعي هذا انا جدامج ما صارلي شي...........اقول الغاليه هاتي التلفون نبا نتصل بيت عمج انطمنهم على وصولنا نوره : انشالله ابويه سارت نوره اتييب التلفون و اول ما رفعت السماعه تبا ادق تذكرت شي ................. ابويه انا انا ما اعرف رقم بيت قوم عمي ؟؟؟؟؟؟؟؟............. بوسيف : أفااااااااااااااااااااااا و انا الي ضامن لج ريل عند عمج ونتي حتى مب حافظه رقمهم ما بغيتها منج الحين شو بيقول عمج طبعا هاذي سوالف من بوسيف بس نوره بغت الارض تنشق و تبلعها انحرجت حيييييييييييييييييل جدام عمها وين بتودي ويها الحين من عمها و ويهها غدا طمامه بوخالد كأنه ما سمع شي ما حب يحرج البنت زياده : انا بقولج الرقم ونتي دقي.................يلا 00971؟؟؟؟؟؟؟؟؟؟؟ نوره : السلام عليكم ...........: و عليكم السلام منو معاي نوره : انا نوره ........عمي يبا يرمسكم ...........: هلا والله بهالصوت نوره قخاطرها هذا الي كان قاصرني اكيد هذا خالد :هلا فيك اندوك عمي بيرمسك تبا تفتك منه بوخالد : هلا خالد اشحالكم؟ خالد : مرحبا ابوي نحن بخير ها كيف متى وصلتوا ؟ بوخالد : من ساعه تقريبا و الحين نتغدا خالد : الحمدلله عالسلامه يلا ريحوا عقب الغدا بوخالد : هاذي الملسونه بتخلينا نرتاح؟؟؟؟؟؟؟؟؟؟؟؟؟؟؟؟؟؟؟؟؟؟ خالد : هلهله بالغاليه بوخالد : ماعليك .............خبر امك انا وصلنا و سلم عليهم و انشالله برجع باجر خالد : يبلغ و عن السرعه........... سلم على عمي و عياله بوخالد : بس ؟؟؟؟؟؟؟؟؟؟؟؟؟مافي سلام خاص حق ناس خالد : عاد هاذي ما فيها كلام سيف مافي اغلى منه بوخالد : يلا برايك ببند عنك بند بوخالد عن بيتهم و يلس شوي عند اخوه يطفرون بـنوره باثنينهم يحبونها لانها عاسم امهم و هم ما يغلون حد من عيالهم كثرها و عاد هي مستغله الوضع تمام عقبها الكل سار ريحله اشوي اليوم الثاني بعد الغدا ام سيف : بناتي ازقروا البشكاره خلوها تشل المواعين المطبخ اليازيه : انشالله امايه .............. اقول امايه كيف ابويه سوا الحادث؟ ام سيف : توج تتخبرين عن الحادث؟ اليازيه : انا سمعتهم و هم يرمسون بس ما فهمت منو الي دعم الثاني ابوي ولا الناقه؟؟؟؟ سيف : طع هاذي الخبله ...........ابوي شو يبا بها الناقه يوهق عمره و يدعمها تراها هي طلعتله فجأة فالشارع و داست الجامه الجداميه فالسياره الحمدلله الله ستر و ما استوى لابوي شي اليازيه : هيه الحمدلله ........ بس العجيب ان عمي كان ياي مع ابويه سيف : صدقج هو ما يزورنا وايد اصلا انا من سنين ما شفتهم ام سيف : يحليله بو خالد ماطاع يخلي ابوكم يرجع بروحه خاف عليه لانه الجامه الجداميه كلها مكسوره............ يزاه الله خير اليازيه: و متى بيرجع ؟ ام سيف : استحي على ويهج ما تخيلين تقولين هالرمسه ؟ اليازيه : الحين انا شو قلت عسب تزفيني هالزفه سؤال و سألناه هونا خلاص مانبا شي منكم احسنلي اروح اراجعلي كم كلمه ام سيف : هيه احسنلج ثانويه عامه مب لعبه سيف : لا و متفرعنه داشه علمي ........... الي يشوف يقول عبقرينو اليازيه : انت مالك خص اطلع من ثالث اعدادي و روينا شطارتك سيف : انزين بنشوف يا عبقرينو اليازيه ما كانت شاطره وايد كان مستواها متوسط بس الي كانت شاطره نوره الي بأول ثانوي ماشالله عليها خاصة فالرياضيات فجأه تدخل عليهم نوره و هي تربع : امايه عمي بسافر الحين تعالو سلموا عليه يترياكم ام سيف : يالفضيحه كله منكم و سوالفكم اخرتونا عالريال طلعو كلهم فالحوش عسب يودعون عمهم الي ماطاع ايلس عندهم لانه عنده اشغاله محد بيخلصه غيره اكبر واحد من عياله الي هو خالد يالصف الثاني الثانوي بوخالد يوصي أم سيف : هلهله بالعيال ما وصيج على نوره ام سيف و هيه اطالع نوره منقهره : لا توصي فعيوني نوره : عمي سلم على الي هناك كلهم و حرام تعالو زورونا فالصيف بنتيمع كلنا وبنستانس بوخالد : انشالله مرثانيه و هلهله بالدراسه امره اباج تطلعين الاولى عالصف كله سيف : عاد قلنا شاطره بس مب لهالدرجه بوسيف : لا تضربون بنتي بعين اليازيه : هيه تراها الغاليه و احنا براينا ............ يلا سيف خلنا نروح بكرامتنا احسن سيف : يلا شلينا عمارنا بوسيف : والله كلكم عيالي و كلكم بغلاة وحده بس هاذي الوالده عاد بوخالد : يلا انا بسير عنكم و بتصل فيكم من اوصل اطمنكم بوسيف : فوداعة الله و رجع كل واحد على شغله ام سيف و بوسيف قرروا ايلسون في الخيمه الي فالحوش بوسيف : وين عيالج علي و ناصر ما شفتهم يسلمون على عمهم ومحمد بعد ما شفته ام سيف : هاذيله يهاال يحليلهم يالسين يلعبون اللعبه مالتهم مادري شو اسمها سوني بوسيف : يهال يتعلمون عالذرابه من الحين محد بيضيع العيال غيرج ام سيف : الحين انا الي بضيع العيال ماتشوف سيف ماشالله عليه غدا ريال من مربيه غيري؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ بوسيف : وانا ماسويت شي ام سيف : فديتك انته الخير و البركه يالغالي هاذي الا سوالف فجأة اطب عليهم نوره: اسمع حد يالس يتغزل ف ابويه ام سيف وهي منحرجه : انتي من وين طلعتي؟؟؟؟ محد تغزل فابوج يالسين نسولف بوسيف : حياج الغلا اقربي نوره : هذا الكلام مب انتي اول ما شفتيني ناويه توزعيني.......... معذوره خايفه أغطي عليج تدرين أبويه من يشوفني يطب كل الي عنده ............. ام سيف : انتي ماعندج سالفه انا بسير ارقد احسن لي من مجابل ويهج وطلعت عنهم نوره : ويييييييين ليكون زعلت العيوز بوسيف : ماعليج منها........... انتي ليش ما تراجعي بدال هالسوالف نوره بدلع : افاااااااا الحين انا يايه محتشره ابا اسولف عندك ونته هذا ردك ............. خلاص انا بسير (اونها زعلانه) بوسيف : يلسي عقب ما خليتي امج تعصب و تروح بتودريني اروحي يلسي يلسي و يرها من كندورتها و يلسها حذاله مهما كان ما نقدر عليج نوره : اقول ابويه بوسيف : قولي بس لا تكثري نوره: ليش نحن منشوف قوم عمي الا عقب سنين حتى مانعرف عيال عمي الا الكبار بس اذكر خالد العود و شيخه و سالم و الباقي حتى مب عارفه اشكالهم بو سيف سكت ماعرف كيف يرد على سؤال نوره تم يفكر..........................!!!!!!!!!!!!!!!!! |
%احبك لو بغيت انساك ما قدرت% قصه واقعيه
تكملة الجزء الاول
نوره : ابوي وين سرحت ؟؟؟؟؟؟؟؟ بو سيف : والله مدري شو اقولج نحن قطعناهم من زمان ما صار الا بيني وبين اخوي الا تلفونات .. وهو ما يقدر يودر شغله لنه محد عنده والواجب انه نحن نزورهم لانه كل اهلنا هناك ونخن المفروض نزورهم انا عشت هني من خذت امج لانها ما طاعت تفارق خوالج وتا اشغالي كلها استوت هني .........................مرات الظروف تجبرك على اشياء انت ما تبيها ........... نوره: بس نحن لما كنا صغار كنا نروح انعيد العيد معاهم !!!!!!!!! بس عقب قطعنا لييييييييش؟؟؟؟؟؟؟؟ بوسيف : انتي شو هالاسئله الي تسألينها ؟؟؟؟؟؟؟؟؟؟ عورتيلي راسي نوره : ابوي عمي يحليله يحبك ولا ما خلاك ترجع من هناك اروحك كان يبا يطمن عليك بوسيف : نحن اخوان لازم نحب بعض و بعدين مالنا حد غير بعض نوره : اذا كان جي لازم تتقربون من بعض اكثر مب كل واحد بدار بوسيف : انتي شو ياج على عمج وعياله؟؟؟؟؟؟؟؟؟؟؟؟؟؟!!!!!!!!!!!!!! نوره منحرجه :هااااااااااااااااااا ولا شي بس سوالف انا بسير عنك ( تبا تتهرب من ابوها) بوسيف : ويييييييييييييييين؟؟؟ نوره : عندي واجبات ما خلصتها بوسيف : اشوف طلعت المراجعه الحين!!!! سارت نوره داخل البيت اول ما وصلت الصاله سمعت صوت التلفون يرن بسرررررررررررعه سارت ترد عالتلفون نوره : الو ........ : السلام عليكم مطوله الغيبات حشا يووووووووووم بحاله ما نشوفج مب عوايدج نوره : هلا والله مرحبا مليووووووووون ........ : وينج يالقاطعه نوره : فديتج مريوم كان عندنا ضيوف ماقدرت اطلع من البيت ............. اشحالج انتي و فطيم مريوم : والله بخير بس افتقدناج امس....... حتى امايه و ابوي يسالون عنج مستغربين انج ما ييتي نوره متعوده تروح بيت جيرانهم لانه كله بنات ما عندهم صبيان عسب جي ماخذه راحتها و ربيعاتهم مريوم الي من عمرها و فطيم الي اصغر عنها بسنه مثل خواتها و اكثر تسير بيتهم دايما و الكل ضارين عليها ما يمر يوم الا و هي زايرتهم نوره : ولا يهمكم خليني اتاكد انه امايه رقدت و سيييييييييييييده بتحصليني جدامج شبيك لبيك نوره الحلوه بين ايديج مريوم : والله مصدقه عمرج لا حلوه و لا غيره!!!!!!!!!!!!!!!!!!هههههههههههههههههه نوره : اذا انا مب حلوه من الحلو يالسباله ههههههههههههههههههههههه مريوم : يلا بسرعه تعالي عندي لج سالفه غريبه ابا استشيرج فيها نوره : الحيييييييييييييييييييييين فهمت سر الاتصال اثاريها مصالح مريوم : يالخايسه تعالي بتذلينا عاد ما يسوى علينا نوره : يلا ببند وبشوف الاجواء عقبها بيي اول ما بندت نوره تذكرت كلام ابوها لما كانت تتصل بيت عمها ابويه من كان يقصد.............................. اكيد خالد مافي حد غيره ...... وتمت تفكر و هي طالعه الدري و تمشي شوي شوي انا عمري فحياتي ما طرى فبالي ولد عمي هذا ..........يمكن فكرت بوايدييييييييييين اما ولد عمي هذا؟؟؟؟؟؟؟؟؟؟؟؟؟؟؟؟!!!!!!!!!!! اصلا انا ناسيه انه عندي ولد عم بس ليش لأ ؟؟؟؟؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!!خالد كشخه بس دب شوي ........شو هذا الله يسامحك يابويه دخلت فبالي هالتفكير ..........الله يستر اوووووووووهوووووووووو خليني اشوف امايه راقدت ولا لا تأخرت على مريوم و راحت تتاكد اذا ما كانت امها رقدت و لا بعدها .................سارت فوق لقت اخوانها التوم الي عمرهم 8 سنين علي و ناصر ......................... نوره : نصور وين امايه؟ علي : امايه راقدة فحجرتها قلنا لها نبا نسير اسكيت ما طاعت حرااااااااااااااااام نوره قوليلها حاولي فيها اليوم الخميس نبا نطلع عقبها بيقولون امتحانات ماشي طلعه ناصر : هي صح نبا نطلع ............... احسن نقول لابويه هو بيطيعنا اما امايه راسها يابس نوره : حشا ما يسوى عليه السؤال الي سألته شو شايفيني الديوان كل واحد يشتكي من صوب .............. انا مالي خص فيكم .............سيرو عني ناصر و علي : مالت عليج بصوت واطي عسب ما تسمعهم ولا بتهزبهم و سارت نوره تربع عالدري طيران بيت ييرانهم فضوليه تبا تعرف السالفه |
التكمله
وصلت نوره عند ربيعتها اصلا بيتهم ورا بيتهم اول ما وصلت لقت عواش و عفاري خواتهم الصغار يلعبون فالمريحانه
نوره : وين مريوم ؟ عفاري : مريوم فالدرس تشوف الدياي سارت نوره وقررت تنقز مريوم اول ما دخلت صرخت نقزت مريوم و المله الي كان بيدها طاحت و يلست ادعي على نوره الله لابارك فيج يالدبه تبين تذبحيني نوره : لأ عقب من بيتم عندي يونسني وقت الضيق مريوم : هيه بس فكري في حايتج لا تحاتي شي غيره نوره : وليش احاتي ................... يلا بتخبريني السالفه ولا اسير اشوف فطيم و اتنشد عن آخر علومها مريوم : يلعن هالويه خلاص ما بقولج شي اصلا ما تستاهلين سيري لفطيم خليها تنفعج نوره : افااااااااااااااا ليكون زعلتي و الله اسوي سوالف اصلا انا مالي غيرج يلا خلينا نطلع من الدرس الريحه لوعت جبدي مدري شو عايبنج فـالمكان هذا مريوم : تعالي بنروح صوب النخل و هناك بقولج السالفه سارن صوب النخل و هناك يلسن عالسور نوره : يلا قولي السالفه مريوم : تعرفين مريم المنصوريه الي فالمدرسه نوره : أي وحده ؟؟؟؟؟؟؟؟؟؟؟ ليكون قصدج هاذي اخت شما الي تلاحقهن نعيمه الي بصفي مريوم : لااااااااااااااااااااااااااااا انا قصدي مريم بنت سويد الي في صفي ....عرفتيها نوره : هيه انتي الي شاورتيلي عليها من كم يوم اليديده في صفكم مريوم : عليج نوووووووووووور يالشاطره هي بعينها نوره : و شوفيها هاذي بعد ؟؟؟!!! مريوم : اقولج من قعدت اسولف معاها من كمن يوم و عرفت انا بنت من و قبيلتنا تمت اتلزق فيني مدري احسها تعاملني غير عن البنات حتى طلبت مني رقم تلفوني ..........ياختي اهتمامها غريب!!!!!!!!!!!!!!!!!!!!!!!!! نوره : عادي مافيها شي اصلا انتي تعرفين ان المدرسه الي نحن فيها قليل تلقين فيها بنات القبايل و هي من عرفتج حبت تتعرف عليج اكثر من البنات الثانيات او يمكن تكون ارتاحتلج اكثر ..................ليش شاغله بالج طبيها مادام هي زينه عندج عامليها مثل ما تعاملج مريوم : ما قلنا شي بس هي تبا تتعرف عليج انتي بعد نوره : انااااااااااااااا و ليش انشالله و هي من وين تعرفني!!!!!!!!! مريوم : اقولج من بين سوالفنا سألتني من ربيعاتج و انا قلتلها عنج نوره : ونتي ما تخشين شي !!!!!!!! مريوم : و فوق هذا كله عازمتنه على عرس اختها بعد أسبوعين نوره : واو البنيه مخططه على كبير ليكون عجبتيها و ناويه تخطبج لخوها عسب جي عازمتنه عالعرس تبا تراويج لأمها مريوم : عاد انتي زودتيها بالتفكير نحن بعدنا صغار نوره : محد يعرف!!!!!!!!!!!! انتي ما عليج انا وحده تحب الاعراس شو رايج نروحه مريوم : و شو بنقول لاهلنا ؟؟؟؟؟؟؟؟؟؟؟؟؟؟؟؟؟؟؟؟؟؟ نوره : انتي ما تقولي عازمتنه !!!!!!!!! خلاص هيه عطتج الكروت ولا لأ؟؟ مريوم : قالت بتييبهن يوم السبت نوره : خلاص امهاتنا يحبون يوجبون العرب و اكيد بروحن ................نسييييييييييييييييييت مريوم :شوووووو؟؟؟؟؟؟؟؟؟؟؟ نوره بقهر: السبوع الي فيه العرس بيكون فيه امتحانات آخر السنه مريوم: عاااااااااااااادي امايه ميخالف عليها و لا على بالها قوليلها عرس بتلبس عباتها و بتبخر و بتركب السياره و يلا نوره : خلاص انا بقنع امي و بحطها فالصوره من الحينه مريوم : نسيت شي مريم قالت باجر تبانا نتمشى معاها فالفصحه .......شو رايج؟ نوره : تم و لا يهمج شوقتيني اتعرف عليها من قريب شوي و يأذن العصر نوره : ياوييييييييييييييييييييييلي اذّن العصر بتسرطني امايه اذا ما لقتني فالبيت................يلا بخليج و نتلاقى باجر فالمدرسه سلمي على فطيم ما ريتها اليوم مريوم : يوصل ............. لحظه و تشدها من كندورتها تعالي ما خبرتيني من هالضيوف الي ما قدرتي تطلعين من البيت بسبتهم؟؟؟؟؟؟؟؟؟؟؟ نوره و هي تسحب نفسها من ايد مريوم و تربع : هذا عمي ياي مع ابويه و اليوم رجع عقب بكمل لج مريوم : اشفيها هاذي منو هذا عمها عمرها ما يابت طاريه و شو بتكمل لي اسميها خبله ؟؟؟؟؟؟؟؟؟؟؟؟؟ اول ما وصلت نوره البيت ماكان حد فالحوش ...........دشت الصاله و بعد ما لقت حد حمدت ربها و كملت طريقها و سارت حجرتها تبا تتوضا عسب تصلي العصر يلست على شبريتها تتريا اختها تطلع اليازيه وهي طالعه من الحمام : انتي وين كنتي اكييييييييييد عند مريوم ؟ نوره : اكيييييييييييييد اقول يزوي عمي متى بيوصل ؟ اليازيه : على ما اظن الساعه ثمان ليش تسالين ؟!!!!!!!!!!!!!!!!!!!!!!!!!! نوره : يعني ما يصير اسال عن عمي !!! يعني بيتصل بحدود الساعه ثمان اليازيه : لا عادي بس انتي اهتمامج زايد شوي مب اعتيادي نوره بكل وقاحه : والله عمي انتي ما يخصج ويلا جلبي ويهج ابا اصلي العصر بعد المغرب الساعه ثمان نوره يالسه مع الاهل فالصاله يسولفون بس نوره كانت سرحانه بعيد عنهم ناصر وعلي : ابويه نبا نسير سكيت بس امايه ما طاعت بو سيف : صدقها امكم وين تبون ماشي باقي عن تخلص المدارس الا اسبوعين عقبها سيروا وين ما تبو سيف : ابويه انا ربعي بيطلعون البر ثلاث ايام عقب الاختبارات من الحين اقولك بوسيف : تعرفني مابقول شي بس امك الي بتحاتيك ام سيف : كيف تباني اطمن على ولدي و هو بعيد عني بوسيف : جي هو ياهل شايفتنه بوسيف : خلي الصبي يتعلم و يعتمد على نفسه و بعدين ربعه كلهم انا اعرفهم زين و اهلهم ما عليهم كلام و انا مطمن من صوبهم ام سيف : والله عاد كيفك انته و ولدك..................غريبه فيه ناس ما سمعنا صوتهم اليوم صاخين ام سيف تقصد نوره كانت تباها تقول شي بس نوره خبر خير سرحانه ....الكل استغرب انها ما ردت قام محمد و خذ فنيال من الغسال الي جدامه و صبه بويهها ............نوره من الصدمه عصبت و الكل كان يضحك عليها الا ابوها ما هانت عليه نوره من العصبيه كانت تبا تطلع فوق بس الي ردها صوت التلفون الي رن علطول ربعت تبا ترد قبل أي حد!!!!!!!!!!!!!!!!!!!!!!!!!!!!!!!!!!!!!!! نوره : الوالسلام عليكم ...........: مرحبا الغاليه اشحالج؟ نوره و ويهها منعفس : مرحبا عمي الحمدلله عالسلامه بوخالد : الله يسلمج انا من شوي واصل خبري ابوج نوره : تبا ترمسه؟ بوخالد : لأ فديتج بس سلمي عليه و الكل هني يسلمو عليكم نوره : الله يسلمهم رد السلام عليهم و لا تقاطعونا بوخالد : و لا يهمج مع السلامه بندت نوره و خبرت اهلها عن وصول عمهم و طلعت فوق و هي مضايقه من شو!!!!!!!!!!!!!!!!!!!!!!!!!!!!!!!!!!!!!!!!!!!!!!!! !! اظن عرفتوا شو الي زعلها خلص هالاسبوع و الاحداث عاديه ما صار شي يديد بس نوره تعرفت على ربيعة مريوم و حبتها و قرروا انهم يروحون عرس اختها يوم الخميس و هي خبرت امها ووافقت تروح يوم الخميس الساعه ثمان و نص نوره و امها و ربيعتها كلهم سارو بسياره وحده و كان شالنهم بوراشد ابو مريوم فالسيارة بو راشد:عرس منو ها؟ شوه من قبايل ام راشد:مدري هذي ربيعت مريوم تقول انها منصورية بو راشد:مناصير... والنعم ....المهم ام راشد وصيتي البشكارة تسويلهم عشا؟ ام راشد : اكيد ام سيف:بنت منو هذي المنصورية نورة رازه عمرها:بنت سويد المنصوري راعي معرض سيايير يديد بو راشد:اهاااااا بس عرفته .... المهم لا تتاخروا لما وصلو خيمة العرس كان عند الباب اهل العروس و المعرس سلموا عليهن و راحوا يلسوا في طاوله اروحهم عسب ياخذون راحتهم و كان العرس و لا احلى وااااااااااااااااايد راقيه الخيمه و كانت هناك الشيخه *****حرمة الشيخ محمد بن زايد و كانوا حاطين زهبة العروس في غرفتين و ماشالله ما عليها قصور من كل شي زين و يلسن البنات يسولفن و يحشن فالي رايح و الي ياي.......................(حريم) مريوم : طاعوا هاذي خاطري افهم منو قال لها هالفستان حلو!!!!!!!!!!!!!! نوره : قصدج الي لابسه فستان لونه ليموني صح؟؟!!! صدقج انه لوعه فطيم : بس مكياجها جناااااااااااااان مريوم : الله يخلي الصالون خليها تغسل ويهها بتشوفي كيف بيصير فطيم : طالعوا جنه هاذي ربيعتكم يايه صوبكم ............شكلها توها يايه من الصالون و قربت منهن و سلمت عليهن و على امهاتهن و يلست ترحب بهم مستانسه فيهن وايد و عقب راحت تجابل معازيمهم مريم : يلا بودركن الحين امايه تزقرني ........... و عقبالكن انشالله الكل : انشالله الله يسمع منج و تروح عنهم فطيم : يالله متى بيستوي عندنا عرس نبا نكشخ و نلبس فساتين مريوم : الفال لج انتي هههههههههههههههههه فطيم : شو تقصدين!!!!!!!!!!!!!!!!!! مريوم : اقصد حبيب القلب حمد ولد عمج نوره : ههههههههههههههههههههههههه هيه صح انتم السابقون و نحن اللاحقون فطيم : لأ انشالله انتن قبلي مريوم : و مرت عمج شو يفكنا من لسانها كل ما شافتج تمت اتمدح بولدها و قعدت تقلد مرت عمها حمد غاوي حمد غاوي فديته ولديه الغالي محد شراته نوره : اكيد آخر العنقود فطيم : هاذي هي المصيبه نوره : ليش؟؟؟؟؟؟؟؟؟!!!!!! مريوم : فطيم ما تباه بس هي محيره له من صغرها و هو يحليله يباها نوره انصدمت بس مب من هالخبر لانها تدريبه من زمان بس الي تذكرته في الحظه هاذي انها سمعت الحريم عايلتهم من زمان يطرون ان خالد ولد عمها محير بنت عمته فاطمه ..............؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟ بس كيف كيييييف ابويه يقول انه ضامن خالد بياخذني انا انا متاكده انه كان يقصده هو............. ليكون ابويه ما يدري عن سالفة بنت عمته وعسب جي عمي ما تكلم و علق على كلام ابويه ياربي شو هالموقف البايخ ما حست الا و مريوم تصارخ عليها مريوم : هييييييييييييييييييييييييي وين سرحتي من ساعه اكلمج نوره : شوفيج حشا صميتيني مريوم : حسيتوا كيف كان خذها ناااااااااااااااعم نوره : من هي؟؟؟ مريوم : منو بعد !!!مريم ما غيرها نوره : هي ماشالله الله يبارك فالصالون و الكريمات مالحمام المغربي بتلاقيها تتزهب للعرس من شهر فطيم : اذا هي جي كيف اختها العروس!!!!!!!!! ام راشد : اعوذ بالله من لسانكن من دشينا العرس ما ريحتنه و صخن البنات ما حبن انهن ينزفون جدام العالم خلص العرس رجعن البيت تعبانات ويحاتن باجي امتحانات خلص اسبوع الامتحانات و بدأت اجازة الصيف و الكل مستانس و سيف طلع رحلته مع ربعه و البنات و ما قصرن ما خلن مكان ما خلو الدريول يوديهن بعد اسبوع طلعت النتايج و سار سيف البنات فالحوش متحرقصات يبن يعرفن النتايج اليازيه :ياربي جن سيف تاخر وايد نوره : ما تاخر ولا شي ..............انتي ليش خايفه انشالله نسبتج حلوه اليازيه : الله يسمع منج نوره : ياربي شو هالولد لين الحين راقد و لا جنه اليوم االنتايج اليازيه : منو قصدج ؟؟؟؟؟؟؟ اكيد حمود ما غيره .................الولد ضامن نفسه يعرف انه بيتفوق نوره :هو اصلا لو يشد حيله جان طلع الاول عالمدرسه اليازيه :من متى الصبيان تهمهم عالاشياء يالله يالله النجاح و السلام نوره: مصيبه يوم ماشي طموح............... اليازيه شو تبين تستوين عقب ما تخلصين اليازيه : بصراحه ما فكر بشي الحين غير النتيجه شوي ولا يدش عليهم سيف بيده شهايد اخوانه نوره: هات شهادتي بسرعه اليازيه : ها بشر شو صار؟؟؟؟؟؟؟؟؟؟؟؟ سيف : الحمدلله كلنا ناجحين نوره : ندري بس نبا المجموع سيف : اهم شي النجاح نوره : هذا عندك انته سيف : لا تخافي يالمصريه طالعه السادسه نوره : بسم الله عليه ............... الحمد لله بس كنت ابا اكون من الخمس الاوائل اليازيه:حمدي ربج لا تكوني طماعه وايد................ ما قلت شو نتايج الثانويه تراني من الصبح على نار سيف : لا تستعيلين نتايجكم قالو باجي عليها ثلاث ايام و عقبها بتطلع نوره : بروح ابشر امايه عشان الهديه يلا يزوي لا تحاتين سارت عنهم اليازيه و هي متضايقه نوره : سيف احنا لازم نطلع يزوي و نكشتها عسب تنسى هالنتايج متشوفها ضعفانه سيف : و لا يهمكم انتو بس قولو وين و انا بطلعكم بس قولي للشيبه يعطيني الموتر ما نبا السايق نوره : يصير خير بعد يومين الصبح الساعه 9 محمد يربع عالدري و سيييييييييييده حجره خواته و يدق الباب قو فتحت نوره الباب و هي معصبه نوره : شو تبا من الصبح مصدعنه هف من هالاشكال نصبح فيها من صباح الله خير محمد: من زين ويهج عالصبح!!!!!!!!!!!!ههههههههههههههههه نوره : و هي ترجع لشبريتها ............. شوتبا ياي من الصبح ؟؟ويا هالويه محمد : انا ما اباج انتي ابا يزوي يايب لها النتيجه توه ابوي متصل و خبرني يزوي و هي تنقز من شبريتها : صدق بس هم قالو عقب ثلاث يقاطعها محمد : مدري بس ابوي داق الحين نوره : انزين قول بسرعه محمد : اول ابا البشاره يزوي : لك واصله بسرعه قول محمد : 83.7 نوره : مبرووووووووووووك تستاهلين والله طلعتي مب هينه اليازيه : الحمدلله و راحو كلهم يباركون و يحتفلون بالنتيجه بعد ثلاث اسابيع من الاجازه كان الكل يالس فالصاله حوالي الساعه 11 الضحى فجأه يدخل عليهم بوسيف و شكله متغير 180 درجه ................سلم عليهم و يلس حذال ام سيف و باين ان فخاطره شي نوره و اليازيه يتساسرون : اشفيه ابويه شكله مضاااااااااااااااااايق حيل الله يستر ام سيف : عسى ما شر يا بوسيف اشفيك مضايق؟؟؟!!! بو سيف و هو يوجه كلامه لعياله : ولد عمكم مرقد اهني فالمستشفى عندنا و انا توني دريت |
شو تتوقعون منو ولد عمهم هذا الي ظهر لهم على غفله
ردووووووووووووود يا شباااااب و يا بنااااااااات تحياتي لكم اختــــــــــــــــــــكم الحلوه عيوووووووووووون قطــــــــــــر |
عيون قطر
تسلمي على القصه الرائعه وفي انتظار التكمله |
شكرا على القصة
|
تسلم يا منصور على مرورك
واتمنى انه القصه عيبتكم اختكم عيون قطر |
التكمله
الجزء الثاني :
بعد ثلاث اسابيع من الاجازه كان الكل يالس فالصاله حوالي الساعه 11 الضحى فجأه يدخل عليهم بوسيف و شكله متغير 180 درجه ................سلم عليهم و يلس حذال ام سيف و باين ان فخاطره شي نوره و اليازيه يتساسرون : اشفيه ابويه شكله مضاااااااااااااااااايق حيل الله يستر ام سيف : عسى ما شر يا بوسيف اشفيك مضايق؟؟؟!!! بو سيف و هو يوجه كلامه لعياله : ولد عمكم مرقد اهني فالمستشفى عندنا و انا توني دريت سيف : من منهم مرقّد و ليش اشفيه؟؟؟؟؟؟؟؟؟؟؟؟؟!؟؟؟؟ بوسيف : هذا خالد الي مرقد و مسوين له عمليه نوره انتفض قلبها ما استوعبت........... خالد مريض و مسوين له عمليه ليش هو شو صايبنه ياربي حتى ما اذكر شكله وايد و كيف هو عندنا ولا ندري عنه بدون ماحست بنفسها لما قالت بصوت عالي و منفعله: ليش ما زارنا و هو عند من قاعد و من متى اهني!!!!!!!!!!!!!!!!!!!!!!!!!!! الكل استغرب من انفعال نوره بس ما لحق ابوها يرد على اسئلتها لان ام سيف قاطعتها ام سيف : اخوك من متى اهني واحنا ما عندنا خبر بوسيف : اخوي مطر مب اهني اليوم اطلعوا مناك و انشالله بيوصلون المغرب بس خالد الي ياي من اسبوع و يالس بيت خاله سعيد نوره : يعني قوم عمي بيون كلهم بوسيف : هيه كلهم................. ام سيف احنا لازم نسير نشوف خالد فالمستشفى ام سيف : اكييييييييييد لازم نسير يا فضيحتنا فاخوك ولده اهني من اسبوع و لا ندري عنه نوره بقهر : هو الغلطان كان المفروض ايي بيت عمه مب بيت خاله ولا نحن ما نستاهل ........ ما حد يقدر يعتب علينا بوسيف حاط فخاطره من هالسالفه شوي بس مب وقته الولد مرقد قرر يسكر على هالموضوع اصلا هو ما يسأل عن عيال اخوه و لا يدري عنهم عشان عالسبب ما يقدر يعتب عليه ام سيف : عن طولة اللسان انا بسير اتصل بيت اختي موزه بشوفها بتسير عندي ولا لأ سيري نوره هاتي التلفون بسرعه يابت نوره التلفون و دقت بيت خالتها نوره : الوووو................. السلام عليكم اسماء : وعليكم السلام ... اشحالكم حشا القاطعه ولا نشوفكم و لا شي نوره بضيق : زورونا عشان نزوركم اسماء : بسم الله اشفيج بتصرطيني ما قلت شي نوره : انا ماقلت شي ..بس كيف تبونا نزوركم ونتو متعايزين عن زيارتنا ........المهم امايه تبا خالتي ازقريها اسماء : افا عليج لازم بنزوركم كل شي و لا زعل الحلوين...........امايه خالوه تباج موزة: هلا ام سيف اشحالج............. فيج شي توج طالعه من عندنا ام سيف : ولد بوخالد مرقد فاالمستشفى بنسير نزوره بتسيرين ويانا؟ موزة : منو بوخالد؟ ام سيف : هذا اخو بوسيف ............... شو نسيتيه؟؟؟؟؟؟؟؟ موزة : هيييييييييييييييييييييييه تذكرته سلامات من منهم مرقد؟ و اشفيه ام سيف : هذا خالد البجر مسوين له عملية الزايده موزة : من متى هو عندكم انتي ما خبرتيني عنه؟ ام سيف فخاطرها : يالفضيحه شو بقول لها الحين؟؟؟؟؟؟؟؟ لا بس هو من اسبوع بيت خاله و كان بيي بيتنا الاسبوع الياي و تراه ابوه الحين فالدرب يايين كلهم موزة : خلاص لما بتطلعون خطفو عليه انا بتزهب................بتسيرون العصر صح؟ الحين الساعه12 مخلص وقت الزياره ام سيف : هيه العصر بنسير تزهبي ..........يلا فداعة الله موزة : مع السلامه ام سيف : من بناخذ ويانا المستشفى؟؟؟؟؟؟؟؟ بوسيف و هو يوقف : بيسير ويانا سيف و انتي بس ..............انا برتاحلي شوي قبل الغدا عقبها برقد لين العصر محد يوعيني ام سيف : انشالله نوره : امايه بسير وياكم ام سيف : وين تسيرين اكيد هناك زحمه شو يوديج نوره : لاااااااااااااا انا ابا اخطف المكتبه ابا اشتريلي كم كتاب اتسلى فيهن فالصيف ام سيف : بعدين مب الحين نوره : حرااااااااااااااام امايه انتي شو خسرانه و بعدين ناصر و علي يبون المكتبه بعد شلونا مره وحده ام سيف : يصير خير لين العصر عالغدا سيف : يزوي دريتي ان خالد ولد عمي اهني؟؟؟؟؟؟؟ اليازيه : والله يحليله واااااااايد حبوب بس خرييييييييييييييط شوي ................تحيد لما كان ايمعنا حوالينه و يخرط علينا واحنا على قد عقلنا نصدق سيف : هيه احيد و كان دب مدري ضعف ولا لأ محمد : انا ما احيده اليازيه : انته كنت صغير هو من زمان يانا مره زارنا بس انا و يزوي و نوره الي نذكره .................صح نوير تحيدينه نوره : يعني مب وايد الي احيده انه كان دبدوب ام سيف : انتو بتاكلون الولد خفوا عليه شوي الولد مسكين فالمستشفى مريض مسوينله عمليه ونتو تضحكون عليه بدال ما تستاهلون له السلامه اليازيه بخوف : والله اشفيه سيف : صح ما كملت لج السالفه .............الحبيب مسوين له عملية الزايده الله يعينه بنسير نزوره بتسيرين ويانا اليازيه : لا استحي من زمان ماشفته مالي بارض اشوف الناس هناك اكيد زحمه نوره فخاطرها : بستغل الفرصه و بقول لابويه بسير وياهم المكتبه ابويه بسير وياكم ابغي اتشرى اشياء من المكتبه بوسيف : انزين فالج الطيب (اكيد الغاليه ما يرد لها طلب) خلصوا من الغدا و الشياب سارو يريحولهم شوي و يلسو العيال يسولفون و ناصر و علي يلعبون سوني محمد : شو رايكم نقول لابويه بنسافر عمان ربعي اغلبهم بسيرون صلاله و نحن نبا نشوفها بعد يقولون حلوة نوره : لااااااااااااا ما نبا شو صلاله قول مكان ثاني سيف : بالعكس والله بصراحه حلوه اذا رحناها جماعه مو اروحنا و بسياييرنا وناسه والله خط عمان نوره : هيه وناسه حق الحوادث محمد : ماشي باس ابوي سواقته حلوه اليازيه : هيه والدليل الحادث الي استواله من شهرو اصلا من بيسير ويانا قوم خالتي تعرفوهم ما يسيرون مثل هالسيرات سيف : انتو ما عليكم مدام نوينا خلونا انخطط لها السفره الساعه 4 العصر عقب الصلاه بوسيف : ام سيف تزهبتي ؟ خلصي بسرعه و بعد اتصلي لاختج خليها تخلص ماريد حد يأخرني نوره : انا زاهبه و علي و ناصر بعد ام سيف : بسم الله انتي من وين طلعتي؟؟؟؟؟؟؟؟؟ يلا انا زاهبه و دقيت على موزة لقيتها تتريانا و طلعوا كلهم و ركبو السياره و خطفو على خالتهم و سييييييده صوب المستشفى في السياره موزة: تستاهل سلامة ولد اخوك يا بوسيف بوسيف : الله يسلمج موزة : ماشاللع كم عمره الحين خالد ؟ ام سيف : اظني 17 سنه موزة: الله يحفظه لاهله يحليلها امه اكيد تحاتيه و هي بعيده عنه الله يوصلهم بالسلامه يمكن ما الحق عليهم بالمستشفى بس امانه تسلمون عليهم من تشوفوهم و امره قولولهم تراهم باجر معزومين عالغدا عندنا بوسيف : شوي شوي علينا موزة توهم خليهم يوصلون بالسلامه موزة : يالله عليك يا بوسيف تراهم خطار لازم نوجبهم هذا الواجب نوره : امره خالوه عندها حار بـ حار ما عندها واحد اثنين ام سيف : انتي اذا ما سكتي و ثمنتي رمستج بتشوفين شي ما شفتيه بوسيف : اشفيج عالبنت ما قالت شي الا تتغشمر مع خالتها موزة: فديتها ادريبها ما عليه خليها نوره يالسه حذال خالتها يات و حبت راسها و تقول : والله مقصد شي و السموووووووووووووحه عنبوه بتاكلني تتريا عليه الزله حشا عديلتي مب امي طبعا هاذي نوره فخاطرها وصلو المستشفى ونزلو من السيارة بوسيف : تعالو هالصوب نوره : انا بيلس فالحديقه مع ناصر و علي بترياكم اهني سيف : ما بتسلمين على ولد عمج؟؟؟!!!!!!!!!!!!!!!!!!!!!!!!!!!!!!! بوسيف : بنتي تعالي سلمي هاذيله ما عليهم باس ما بصير لهم شي نوره : لا بقعد عقب بطلع فوق اذا ماكان فيه ناس وايد ام سيف : فديتها بنتي تعرف السنع احسنلج يلسي واذا ماشفت ناس وايد برجعلج و باخذج عندي...............خلي بالج على اخوانج و اذا بغيتو شي هذا الكانتين اخذو منه الي تبوه و طلعو بوسيف و مرته و اختها و سيف فوق بعد ما اسألو عن رقم الغرفه و الجناح وصلوا عند الغرفه و دشوا بوسيف : السلام عليكم كل الموجودين : و عليكم السلام كان هناك خاله واثنين من عياله و بعض معارفهم يعني ريالين بس ام سيف : سلامات خالد ما تشوف شر خالد : الله يسلمج خالوه بوسيف : جيف حالك سعيد سعيد : بخير ربي يسلمك وينكم محد يشوفكم؟ والله تعرف اشغال و انا ما دل بيتكم ليش ما تزورونا انا بيتي في مكانه ما تغير من 15 سنه سعيد : والله تعرف اشغال يالغالي نركض وراها بوسيف : مسموح يالغالي .........سلامات خالد ......... كيفك الحين عساك احسن ولا قصرو عليك فالمستشفى خالد : الله يسلمك عمي لا انشالله ماشي قصور بوسيف : ونته من متى تعبان ؟ و ليش ما اتكلم زين يوم الحقوا عليك جان ما انفجرت عليك الزايده فبطنك الحمدلله خالد : انا حسبته عوار بسيط بس من زاد وما قدرت استحمله سيده شلوني المستشفى موزة : يلا تستاهل السلامه وانشالله غدا الشر خالد : الله يسلمج خالتي سيف : سلامااااااااااااااااااات بو وليد مع اني زعلان كيف توصل اهني و ما ندري عنك؟ خالد : الله يسلمك والله كنت ناوي ازوركم ميصير اوصل اهني وما اشوفكم بس عاد صار الي صار يلسوا حوالي ساعه عقب قام بوسيف و قال : يلا بنسير عنكم و انشالله برجع الساعه 6 من يوصل اخوي و بييبه المستشفى.................... قومي ام سيف العيال اروحهم تحت و نوره تخاف تكون بروحها سيف : هيه الوالده لازم تحاتيها خالد من سمع اسم نوره و هو سرحان معقوله نوره توصل المستشفى و لا تفكر تسلم عليه و تتحمدلي بالسلامه للدرجه هاذي انا ما استاهل اتعب نفسها عشاني مالك رجى يا قلبي فيهم ولا لي حيله على نسيانهم لو تناسيت راحو ونا عايش وحيد لحالي تايه ولا لحظـه بعدهم تهنيت ما انتبه الا لما سمع عمه يكلمه : خالد تامر على شي انا بروح وبرجعلك خالد : تسلم يا عمي ما بغيت شي سيف : ابوي انا بتم مع خالد تولهت عليه من زمان ما شفته باخذ علومه بوسيف : احسن ايلس وياه ام سيف و موزة : يلا ............... انشالله متى برخصونك؟ خالد : يمكن باجر عقب مايشوفني الدكتور ام سيف : ماشي باس انشالله تطلع بالسلامه و طلعوا كلهم بعد ما سلموا على سعيد و الي موجودين |
نوره تحت كانت تفكر ما شي بيني و بين خالد الا هالمسافه القصيره ليش ما روح اسلم عليه و اتحمد له بالسلامه عقب شو بيقول عني ...........اصلا هو شو يعرفه انه انا وصلت المستشفى برايه لو يهمه جان زارنا مب يالس صار له اسبوع و لا ندري عنه على طول ركضه بيت خاله مدري اشعنده هناك
و هي تراقب اخوانها يلعبون فالالعاب يالسه بروحها شوي و يخطف من صوبها شباب اثنينه حلويييييييييين و هم يقصدون بصوت عالي متعمدين عشان يسمعونها اخذت قلبي و روحي وش لك بعيني ما تدري انك عيوني لي اشوف بها امشي مع الوقت و طيوفك تخاويني نشوة غرام المحــبه من سبايبها من سلم الاحباب تامـرني و تنهيني ولي عاد بيدك حياتــي لا تعذبهـا طنشتهم وراحت قريب من علي و ناصر عشان يعرفون انها مب بروحها علي و ناصر صغار ما انتبهو لشي ............. بس الشباب ما تحركو تمو يطالعونها شكلهم مغازلجيه نوره بصوت واطي :قسم بالله ما يستحون شو هذا ..........شو بسوي يارب عالاقل لو سيف يوصل الحين والله اخاف معرف اتصرف ....................ما تسمعهم الا يقصدون مرثانيه ارفق بحـالي يالضنين بالروض خـذني يا حنون اسطر حشا عوقي دفين والحال يشكي و زود هون متصوب من عوق شين بالقلب من رمش العـيون ياويلي الله من سنين ألـعي على روس الفــنون ارخص لك الغـــالي الثمين كل الذي له تطلبون من زود مرضف م الونين ربعي انا يتساءلــون ياويلي شوهذا مصرقعين لا ويابوها عالعوق يقصدون من اغاني ميحد ما يعرفون اني يعجبني ميحد ,,,,,,,,,,,,,,,,,,,,,,,,,,,,,, الحمدلله هذا ابويه و امايه اوصلو تحركت نوره صوب اهلها بسرعه و شلت اخوانها و من خطفت حذالهم قامو يقولون الرقم بصوت تسمعه هي بس الولد : *****66 و يلس يعيد لها الرقم كم مره ما صدقت على الله لين افتكت من ويوههم و يلست تتحلف لهم لو كان اخوي اهني ليمسح فيكم بلاط المستشفى بس حظكم حلو اشوفه محد وصلت لين اهلها و سارو كلهم صوب السيارة و ركبوا ام سيف : بشري عسانا ما توانينا عليج؟ نوره ماقالت لامها شي تدريبها بتسويلها سالفه و عقبها ما بطلعها مكان فضلت انها تسكت و ما تقول شي نوره : لا ما تأخرتو اصلا ما حسينا يلسنا نلعب فالالعاب و سارو لين وصلو المكتبه نزلت هي و اخوانها و خذت الي تباه بس علي و ناصر أذوها لين اختاروا الي يبونه عقبها حاسبوا طلعو و ركبوا السيارة وسييييييييييده البيت اول ما وصلوا البيت استغربوا من شافوا سيارتين غريبات فالحوش.................... بوسيف عرفهن انهن سيايير اخوه الظاهر انهم اوصلو بوسيف : هذا اخوي شكله وصل ام سيف : ماشالله اشوفه وصل بسرعه اكييد كان يسرع موزة: محد يلومه يبا يطمن على ولده و دخلو داخل كلهم و شافو جدامهم اليازيه اليازيه : امايه شوهذا تأخرتو قوم عمي واصلين من شوي توهقت ماعرفت اتصرف والله استحي ام سيف : مالت عليج لو نوره اهني كانت عرفت كيف تستقبلهم مب انتي هذا الي ما يطلع ولا ايلس مع الناس و يتعلم............سيري عن ويهي نوره متشققه : شفتي شو فايدة لساني الحين اليازيه : يلا روينا شطارتج يام لسان سيري لهم داخل المجلس الداخلي نوره : خبريني من الي ياي اليازيه : كل عيال عمي الي موجوديين 4 طبعا ناقصنهم خالد ................ ما قلتي شخباره كيف شفتو انشالله احسن نوره بضيقه : ماشفته اليازيه : يالكريهه كيف توصلين المستشفى وما تتحمدي له بالسلامه نوره : عاد هو الي ماشالله مقطعنا بالزيارات اليازيه : بس وضعه هوغيييييييييييير ............ الولد مسوين له عمليه و سارت عنها وهي منقهره من تصرفها و هي تتحلطم شو هالغبيه نوره : جب خلينا نشوف عيال عمي ابوي و امايه بعصبون عقب و سارن صوب الميلس الداخلي .. نوره بعدها ما فصخت عباتها ,,,,,,,,,, دشت واول ما بدت السلام بدت بعمها نروه : السلام عليكم اشحالك عمي بوخالد : الله يسلمج و عقب وجهت سلامها لحرمة عمها اشحالج خالوه و تستاهلين سلامة خالد ما يشوف شر انشالله ام خالد : الشر ما اييج اشحالج فديتج نوره : يسرج الحال........... و يلست عند شيخه بنت عمها هي الوحيده من عيال عمها متوالفه معاها بس مب ذاك الزود نوره بصوت واطي : اشحالج شواخ .... عاش من شافج ماتزورون ولاشي عالاقل سووا مثل ما يقول المثل (فالسنه احسنه) شيخه ميته من الضحك على كلام نوره : فديتج ونتي ليش ما تيين تزورينا نوره : الود ودي لكن انشالله اليايات اكثر من الرايحات يلا عرفيني على عيال عمي شيخه : هذا سالم تعرفينه الحين صف ثاني اعدادي سالم : شو نسيتيني ............ ماظني تنسين الي قاص شعرج ذاك اليوم ههههههههههههه نوره : ونته الصادق ما نسيت الي فالعتنه ذاك اليوم هههههههههههههه سالم : ماشالله لسانج اطول عنج نوره : بس ما يوصل طول لسانج شيخه : انتو حتى بعد هالفتره الطويله ما ودرتو هالعناد الي فيكم والكل يضحك عليهم شيخه : وهاذي شموس صف سادس و هاذي آخر العنقود ريم و تمن يسولفن شوي مع بعض بس اليازيه الكلمه تطلع منها بالزور بعكس نوره الي سوالفها كانت مع الجميع ام سيف متفضحه من طولة لسانها : بنتي سيري عقي عباتج من وصلنا ما فصختيها نوره وهي تقوم : انشالله امايه ام خالد : من وين يايه؟ ام سيف : كنا في المستشفى نشوف خالد بوخالد مبتسم : والله فيها الخير الوالده يوم تزور ولد عمها نوره متفضحه و تقول فخاطرها لو يدرون اني لاشفته و لا زرته شو بيقولون عني يالفضيييييييييحه نوره : لا تقول جي عمي هذا الواجب ................ وسارت تفصخ عباتها بوخالد : نحن بنسير المستشفى نشوف خالد بوسيف : ارتاحوا شوي و عقب انا بشلكم ام خالد : لا انا مقدر ابا اشوف ولديه ام سيف : نحن شفنا بخير الحين ريحولكم شوي انتو يايين من خط طويل ام خالد : انا ما برتاح الا من اشوف ولديه بوسيف : انزين يلا مشينا بوخالد : استريح انته توك ياي من المستشفى بوسيف : يلا مشينا ما عليك انا قلتلهم الشباب اني برجع لهم ونته معاي شيخه : ونحن بنسير وياكم طلعو كلهم سايرين المستشفى وهم سايرين المستشفى فسيارت بو سيف شافو حادث يروع نزلو يشوفو الحادث لقوه ولد ناس يعرفونهم بس الحمد لله انه بخير وماصابه الا كم كسر في ايده ورجله المهم ركبو سيارتهم وسارو المستشفى ....... في المستشفى ............ بو خالد : ها خالد شحالك الحين جيف تبى تطلع ولا بعدك تبى تييلس فالمستشفى كم يوم . بو سيف : لا خليه جم يوم لين يطمنوا عليه ولا اش رايك. خالد : لا انا ابى اطلع حرام عليكم احس اني بخير وعافيه بو خالد : اكيد ولا بعدين بتقول بطني وظهري ومعرف شو . ام خالد : تستاهل السلامه ولديه و عيونها تدمع خالد من شاف امه عوره قلبه حس بحنانها الا ما حسه من حد من دش المستشفى و حس بقيمة الام خالد : الله يسلمج امايه ماشي باس تشوفيني الحين بخير.................. و لمح اخوانه كيف حنو عليه و كيف حس بخوفهم عليه تم يسولف مع اخوانه وكانوا وايد متولهين عليه في هذي الاثناء ان سيف يالس يتمشى في ممرات المستشفى ..... ولما كان يتمشى شاف ترمومتر وعاد الولد ما صدق عمره لما شافه على طوله شله وحطه في جيبه والحمد لله محد شافه ؟ بو سيف : وين هذا سيف وين سار لا يكون راح الحديقه يلعب مسكييييين يااااااهل هههههههههههههه بو خالد وخالد : هههههههههههههههههههههههههههههههههههه وفجاه يدخل خال بوخالد وبو سيف الشايب بو غانم : السلام عليكم ورحمة الله وبركاته ردو كلهم السلام : وعليكم السلام ورحمة الله وبركاته الشايب بو غانم : شحالكم اليماعه عساكم الا بخير بو خالد : بخير يعلك سالم بو سيف : بخير ربي يعافيك بو غانم لخالد : شحالك يا خالد عساك طيب خالد: بخير يدي ونت شحالك بو غانم : احسن عنك يا ولد اليوم هههههههههه بو خالد وبو سيف : ههههههههههههههههههه بو غانم : انتو شباب اليوم لما يعوركم شي على طول المستشفى تقول كنكم بتموتو ونتوا ما فيكم الا الخير دخل سيف وشاف يده الشايب غانم سلم عليه وجلس يلسو يسولفون لين الساعه سبعه المغرب وترخص بو غانم وسار بيتهم وبو خالد وبو سيف بعد سارو وخلوا خالد يوم واحد عسب يطمنو عليه زياده الساعه ثمان في بيت بوسيف ام سيف مع بناتها فالمطبخ يزهبون العشا لضيوفهم نوره : اميه انا بسير عند بنات عمي فضيحه حاطينهم اروحهم اليازيه : انتي قولي تبين تفتكين من الشغل نوره : انتي صخي ما يخصج ام سيف : انتن باثنينكن اسكتن وخلصن العرب يايين من خط و تعبانين يبون يرقدون يرتاحون حطوا العشا عقبها الشياب سارو يرقدون اما العيال تمو في الصاله الي يلعب الي يسولف عاد السوالف حطوها لنوره سالم : نوره انتي بالعه رادو ما تسكتين شيخه : انته ما يخصك هي تسولف ويايه انا مب انته .......... ما تبا تسمع صوتنا سيرو مكان ثاني نوره : عاااااااااااااااااشت بنت عمي عاشت وينج عني من زمااااان ........ تراني وايد انزف في هالبيت شيخه : خلاص فديتج بناخذج عندنا فبيتنا اليازيه و سيف : والله تسوين خير بنتم نتشكرج طول العمر سالم : لا يابويه انا مو ناقص طولة لسان فبيتنا محمد : ارجوووووووووووووك سالم وافق وافق بلييييييييييييييييييييييز بأي لغه تباني اترجاك نوره : مالت عليكم محد يقدرني اهني الا شيخه تعالي بنسير فوق احسن بنسولف على راحتنا شيخه : والله صدقج احسن من مجابل هالويوه........... بتسيرين ويانا يزوي؟؟ اليازيه : انا بجابل هالويوه محمد و سيف و سالم بصوت واحد : عاااااااااااااااااااشت يزوي عاشت عاشت عاشت يزوي تقوم وتسوي حركات كأنها تنعش بشعرها اما نوره و شيخه يشلن بعمارهن و يسيرن فوق سيف : شو رايكم نطالع فلم اكشن عندي لكم واحد فناااااااااااان سالم: والله انك راعيها يلا سير ييبه محمد : ابا افهم شي واحد ............ انته ياي من خط ست ساعات ولا ياي من ورا بيتنا سالم : بسم الله بتاكلني قول لا اله الا الله اليازيه : احذرك ترا حمود عينه حاره محمد : خرييييطه انا بس مستغرب انه مب تعبان سالم : اذا مضايقنك بسير عنك محمد : افااااااااااااا والله سوالف اصلا من زمان خاطرنا حد ايلس ويانا و نسهر مع بعض و نسولف ........... وين بنلقى احسن عنكم سيف : وانشالله باجر يطلع خالد و تكمل القعده بسير اييب الفلم............... وسار اييب الفلم من حجرته و نزلهم و تمو يطالعون الفلم تحت كلهم لين الساعه 1 تقريبا اما سالم ما كمل الفلم لانه تعب الظاهر حمود ضربه بعين سار يرقد في حجرة محمد وسيف اما نوره و شيخه من الساعه عشر لين الساعه 1 و هن ياخذن علوم بعض نوره : تصدقين شواخ انا ما كنت احيد منكم غيرج انتي و خالد و سالم اما الباجي ما حيد حتى اسماءهم شيخه : اكيد لانه انتو من عقب سالم ما صرتو تزورونا مدري ليش قطعتو ...........مع ان نحن كنا نستانس فيكم وايد نوره : والله حتى نحن وايد كنا نستانس لما نسير هناك .. يكفي انه اهلنا كلهم هناك شيخه : انتو ليش عايشين اهني !!!!!!!!!!!!!! نوره : الظروف لكن ما عليج وانا نوره انشالله بنتيمع مثل اول و زياده شيخه : يعني شو بتسوين؟؟؟؟؟؟؟؟؟ نوره :سهله بقنع ابويه انه نسير لكم عالاقل فالعيد ........... عنبوه نبا نشوف اهلنا والله الواحد ما يستانس الا من يشوف اهله و يتوالف معهم والله لما شفتكم استانست وايد واحس بالفخر انه عندنا اهل مثلكم اصلا الواحد ماله حد غير اهله شيخه : صدقج نحن كلنا هناك متوالفين ماعدا انتو الي ناقصين قوم عمتي عايشه و عمتي فاطمه ............. نحن بيوتنا كلها حذال بعض نوره : خبريني عن عيالهم تراني ماعرف حد منهم شيخه : عيل ببدأ بعمتي عايشه بما انها العوده اول عيالها سعود و عقبه جابر و روضه ومريم وحمد و فاطمه و آخرهم خالد الصغيرون نوره : عندهم خالد بعد مثلكم شيخه : هيه عاد هذا اليد الكبير مالنا لا تقولين ما عرفه نوره : لا عاد زودتيها هذا يدنا كلنا........... الا فاطمه صف كم الحين؟ شيخه : الحين ثاني ثانوي نوره باستغراب : يعني نفس الكبر هي و خالد!!!!!!!!!!!!!!!!! شيخه : هيه نفس العمر ليش مستغربه نوره بارتباك : هااااااا لا ولا شي بس مجرد سؤال........... ما قلتيلي انتي محيره لولد عمتي حمد صح؟؟؟ شيخه و هي مستحيه : يقولون كانت نوره تتمنى انه شيخه اتييبلها طاري سالفة خالد و فاطمه بس خاب املها لما شيخه سكتت ولا قالت شي شيخه : اشفيج سكتي ؟؟؟؟؟؟؟؟؟ نوره : ولا شي ......................... اقول شواخ انتي تبينه حمد!!!؟ شيخه : والله شو اقولج ............. من واحنا يهال و انا اسمع عمتي عايشه تقول حمد لشيخه و شيخه لحمد و خالد لفاطمه و فاطمه لخالد و كبرنا واحنا لين الحين نسمع هالكلام نوره من سمعت شيخه ما عرفت شو تقول ...............وتمت تقول فخاطرها ليش حسيت بضيقه ليش مهتمه بهالسالفه و تمت تفكر و سرحانه شيخه : وين رحتي شو الظاهر تعبتي من السوالف خلينا نرقد احسني انا بعد تعبانه وابا ارقد نوره بضيقه : هيه صدقج احسن نرقد ثاني يوم الصبح الساعه ثمان طبعا هم قاعدين من الساعه ست مب مثل شباب هالايام ام سيف : الا يام خالد ما خبرتيني شخبار ام ناصر يارتكم يحليلها احيدها ما يابت حد عقب ناصر هو الحين من عمر خالد ولدج صح؟؟؟؟؟؟؟؟؟ ام خالد : هيه والله يحليلها ما عرفتي شو صار فيها الكل كان ينصحها انها تزوج ولدها مع انه كان صغير بس عشان عقب لما بييب عيال تلاقي حد ايلس عندها و يونسها عالاقل حرمة ولدها تكون عندها.............. لكن من تزوج ولدها الا شهرين ولا قالت حرمة ناصر ابا بيت اروحي اونها و تمو يحولون فيها ما طاعت لين آخر شي قالولها تبين تقعدين في بيت اروحج بنبنيلج ملحق في الحوش و فعلا بنولها بيت قعدت فيها .............اثاريها هالحرمه بدال تريح عمتها ولا هي معذبتنها حتى ولدها ما صارت تشوفه الا بالحسره ام سيف: مسيكينه والله ما تستاهل امبونهم الطيبات مضحوك عليهم ولا حريم العيال ما يبالهم الا العين الحمرا بو سيف و هو ياي صوبهم سمع آخر جمله : بسم الله من صباح الله خير منو هاذيله الي يبون العين الحمرا ام سيف : ناس انته ليش شاك بعمرك بوسيف : ولا شاك بعمري ولا شي ........... اصلا ادريبج بتحطيني فعينج ام خالد : ياسلام عالثقه بوسيف : هيه شو عبالج انتي ................................. وين اخوي مطر ما شفته ام خالد : سار المستشفى قال بيطلع خالد بوسيف : افاااااااااااا كيف يسير ولا يخبرني انا بسير وياه بوخالد : ماطاع انا قلتله حتى انا ما خلاني اسير وياه هومن نص ساعه طالع بيوصل انشالله قريب ام سيف : استريح تريق حط شي فطنك قبل ما تسير الدوام بوسيف و هو ايلس : انا ما بسير قبل ما اطمن على خالد عقبها بسير الدوام ويسلوا سوالف و هم يتيقون الساعه 9 ونص البنات راقدات بس شيخه مارقدت وايد من الفجر قاعده تتقلب بفراشها لانها مب متعوده عالمكان محد حس بها الا اليازيه من شافتها كسرت خاطرها مع انها فيها رقاد لبارحه سهرانه للساعه 2 قررت انها تقوم عشانها اليازيه : صباح الخير.............شواخ اشفيج ما رقدتي!!!!!!!! شيخه : صباح النور ... لا بس ما قدرت ارقد تدرين المكان يديد عليه مب ضاريه عليه اليازيه : يلا يومين وبتتعودين عليه شيخه : بس نحن بالكثير باجر بنرجع اليازيه : شوووووووووووووو حرااام ما شبعنا منكم توكم واصلين اصلا نحن ما بنخليكم بنمسكم لين تخلص اجازة الصيف شيخه : وايد متفائله ابوي عنده اشغال من بخلصهن له اليازيه : شو هذا لاحقين على اشغالهم شيخه : خلي عنج هالسالفه انا بسير اتغسل و عقبها بنزل تحت .............. نوره تتقلب شكلنا ازعجناها مسكينه ما خليتها ترقد البارحه من السوالف اليازيه : يلا و حتى انا بنزل معاج بنشوف اخبار شوّابنا خلصن و تلبسن و نزلن تحت يتريقن و هن نازلات يتفاجأون بخالد يالس مع الشواب يتريق معاهم شيخه : وايه فديته اخوي طلع من المستشفى ............ تستاهل السلامه خالد : الله يسلمج الغاليه شخباركم والله اشتقنالكم اليازيه : سلامات خالد ما تشوف شر خالد مب متأكد هاذي يزوي ولا نوره لانه من زمان ما شافهم : الله يسلمج بنت عمي ............. يزوي ولا نوره؟؟؟؟؟؟؟؟؟؟؟ بوخالد : افاااااااااااااااااااااااا تراك البارحه شايف نوره بالمستشفى لحقت تنساها!!!!!!!!!! هاذي اليازيه العوده خالد في خاطره آآآآآآآآآآآآآآآآآآآآآه لو تدري يابويه اني ما بردت قلبي بشوفتها ليش ذكرتني خالد : هلا يزوي والله كبرتي اليازيه : لو تسمح اليازيه مب يزوي خلاص كبرنا خالد : سويتي راس بعد ...........عناد فيج ما بزقرج الا يزوي اليازيه : انته ما تنفعك الا نوره ام لسان خالد : وينها عشان اقص لسانها ام سيف : هيه يزوي وين اختج؟ شيخه : يحليلها البارحه ما خليتها ترقد كله سوالف للساعه 2 بتلاقيها راقده تعبانه لحين سيف و هو نازل و معاه محمد : الحمدلله عالسلامه بووليد ماشالله طلعوك حسافه كنا بنسير المستشفى نرقم لنا كم وحده بوسيف : مسود الويه اتاري هاذي سوالفك لما تروح تتحوط واحنا يالسين ما عندنا خبر بالدنيا سيف : والله اسولف ابويه وييييييييييين تونا عن هالسوالف محمد : ماعليك منه ابوي جذاب خالد : يلا شباب تريقو و خلونا نطلع برا نتمشى ام خالد : عنبوه توك طالع من المستشفى تبا تطلع ..........لا اقغعد استريح ماشي طلعه خالد : امايه ما بسير مكانالا اهني فالحوش شو انا ياهل ريال بلحيتيه بوخالد : خليه يطلع مع عيال عمه محمد : ماشي باس خالوه الا اهني ما بنخلي شي يستوي فيه و يغمز لاخوه .......صح سيف؟؟؟؟؟؟؟؟؟؟؟؟ سيف : هيه صح خالوه لتخافي و يطلعون صوب الحوش الله يعلم عشو ناويين عقبها سار بوسيف دوامه بعد ماطمن على خالد و بوخالد بعد طلع يخلص له كم شغله بما انه واصل رجعوا الشباب من برا و الحمدلله ماصار شي لخالد الظاهر ماسووها فيه وما حصلو حد فالصاله كانت موزة اخت ام سيف يايه تسلم على ام خالد و كانو كلهم فالمجلس الداخلي قرروا ايلسون يلعبون سوني فالصاله شوي ولا نوره نازله من فوق توها ناشه من رقاد و لمحت سالم و اخوانها معاهم حد غريب بس شكله مب غريب عليها و تمت تقول فخاطرها هذا اكيد خالد ولد عمي متى طلع من المستشفى ........... كيف بسلم عليه عاد هالمره لا مفر و شافها محمد اخوها محمد : ليش واقفه نزلي سلمي عولد عمج توه طلع من المستشفى |
تلفت خالد يبا يشوف محمد يكلم من و تفاجأ من شاف نوره .......... عمري ما بنسى شكلج يانوره صورتج ما فارقت خيالي بس جنها طولت ماشالله على عودها وويها الطفولي الحلو الي من زمان خاطري اشوفه و تم يدقق فيها وهي نازله وما نزل عينه منها وسرحان بافكاره
نوره بارتباك : السلام عليك خالد اشحالك ........ سلامات ماتشوف شر خالد بكل لهفه : عليكم السلام الله يسلمج الغاليه الشر ما اييج .....شخبارج؟؟؟؟؟؟؟؟؟؟؟؟ نوره : الحمد لله يسرك الحال .......... استريح سيف : يلسي انتي بعد وين سايره؟ يلست نوره مع اخوانها و خالد و تمت ادقق النظر بخالد تشوفه كيف انه ما تغير بس متن شوي و كان الشباب يسولفون الا نوره تمت ساكته ما تشارك بشي و هالشي قاهر خالد هو يبا يسمع صوتها ما شبع منه نوره : وين البنات؟ خالد فخاطره اخيرا نطقتي يا سلام ماحلى صوتها محمد : اظني فالميلس مع الحريم نوره : ليش من عندنا؟ محمد : خالتي موزة يايه تسلم قامت نوره : عيل انا بسير عنكم بشوفهم و تسير عنهم خالد بصوت ينسمع شوي: آآآآآآخ يالقهر ليييش؟........... ما شبعت من شوفتج بس الله ستر لانه سيف و محمد كانو مشغولين باللعبه الي كان صوتها عالي ما سمعوه سارت نوره عند الحريم ويلست معهم شوي وعقبها قامت خالتها موزة : انا بسير بس تراكم معزومين باجر عالغدا عندنا ما يصير تسيرون بدون ما نعزمكم ام خالد : والله ما ودي اردج بس ترا بوخالد يبانا نطلع باجر من غبشه عشان شغله هناك و نحن تاخرنا ام سيف : شو هالرمسه ام خالد توكم واصلين عنبوه ما يلستو نوره تفاجأت بالي سمعته و ما عيبتها هالفكره : شو خالوه حرام والله ما شبعنا منكم يلسو شوي امبونه الحين اجازة ام خالد : اجازتكم انتو ولا بوخالد مجابل شعله ونا مقدر اودره اروحه هناك انشالله بنزوركم وقت ثاني و بنطول بعد موزة : انا مره مب عاذرتنكم ترومون تطلعون عقب الغدا.............. امره خبري ريلج ام خالد : يصير خير انا برد لج خبر موزة : مع السلامه فداعة الله تاخرت عالبيت وسارت عنهن و ام سيف سارت تشوف غداها و تشوف الطبابيخ شو مسوين و البنات طلعن فالصاله و يلسن و الشباب في مكانهم يلعبون و ياكلون مكسرات و يشربون بيبسي يلسن البنات و تمن يسولفون و ما هامنهم حد شوي و ينزل سالم الي توه ناش من الرقاد هو دايما متعود ينش متأخر و ما خالف عليه المكان سالم: صباح الخير وهو يثاوب نوره : حشا لا تشفطنا مب ثم عليك مغارة علي بابا و الكل ههههههههههههههههههههههههههه سالم : هههههههههههههه ماصخه نوره : الله يسامحك و انا الي من الصبح اتنشد عنك ما خليت حد ما نشدته سالم و هو ايلس حذاله قريب منها : صدق والله؟؟؟؟؟؟؟؟ فديتج سالت عنج العافيه اصلا انتي احسن وحده من بنات عمي محمد و اليازيه مستغربين : عجييييييييييب شو هالمحبه توكم امس تتناقرون سالم : انتو مالكم خص انا و بنت عمي ننياز سيف : يلا هكو واحد صار فصفج الكل كان يسولف الا خالد الي كان باين عليه انه معصب الحين من شفتها انا ما قالت شي و نطقت الا بالزور و من يانا سالم ما سكتت سوالف و ضحك و هذا بعد شو ميلسنها حذالها حشا بيلزق فيها و قام عنهم سيف : ويييييييييين بها بو وليد؟!!!!!!!!!!!!!!! خالد : لا بس مليت بسير صوب نخلكم الي فالحوش اطالعهن و أغير جو سالم : يلا كلنا بنسير وياك بنكتشف ارجاء المنزل اليازيه: كلنا بنسير وياكم الكل قام ما عدا نوره الي يلست ما حبت تروح تحس بضيق من نفسها ويلست تفكر بخالد ليش هو مضايق هالكثر هي طول القعده حست به انه كان مضايق معقول مب مرتاح من يلسته في بيتنا ليش ؟؟؟؟؟؟؟؟؟!!!!!! اكيد كان مرتاح بيت خاله لانه ما فكر وهو قاعد هناك انه يزورنا ليش يرتاح لهم اكثر منا مع انه مب متعود عليهم مثلنا يعني الحال واحد نفس الوضع ونفس المكان مع ذلك فضل اليلسه هناك عن بيتنا ..........برايه شو ابا فيه يسوي الي يباه انا شو علي منه بوخالد و هو راجع من برا شاف نوره يالسه اروحها سرحانه : اشفيه الحلو زعلان نوره : هلا عمي مافيني شي بس يالسه افكر ..... انتو ليش تبون تسيرون باجر والله ما شبعنا منكم بوخالد : فديتج عندي اشغال لازم اخلصهم و انشالله باقرب فرصه بني نزوركم ونتو بعد لازم تزورونا باللحظه هاذي يدخل عليهم بوسيف : السلام عليكم بوخالد و نوره : و عليكم السلام نوره : ابويه انا مالي يخصني عيد رمضان بنسير نعيد عن اهلنا والله نبا نشوفهم بو خالد : صدقها الوالده تعالو كلكم عيدو عندنا من زمان ما عيدنا مع بعض بوسيف : يصير خير كل شي و لا الوالده ام سيف و هي يايه من المطبخ : انتو وصلتوا يلا عيل الحين بنحط الغدا ........ نواري فديتج سيري ازقري الشباب بنتغدى نوره : انشالله بسير و سارت نوره صوب النخل مالهم و لقتهم يضحكون و سوالف وصلت لين مكانهم و قالت لهم : يلا غدا يتريونكم سلم :ييتي بوقتج انا ميت يوع ما تريقت نوره : تراك راقد فالعسل سيف : يلا سرنا....... خالد يلا غدا اشفيك واقف ما تبا تتغدا نوره : يمكن يبا يسوي رجيم خليه احسن له ههههههههههههههههههه( اونها تسوي سوالف) بس خالد حسها كبيره منها هو مايحب حد ينكت عليه لانه اغلب الوقت جدي و هادي عاد كيف لو كانت هالمزحه ثقيله عليه و لا و تعايره على متنه مع انه مب متين وايد الله يسامحج يا نوره هاذي اخرتها ما يكفي الي سويتي البارحه يايه تجرحيني جرح ثاني خالد وقف مكانه ما تحرك و سيف يكلمه من انتبه انه الكل يطالعه تحرك معاهم بدون ما يقول شي اليازيه و هي تساير نوره تكلمها بصوت واطي عشان محد يسمعها : انتي ما تستحين على ويهج تقولين له هالكلام والله انه ويهج قوي .......... لسانج يباله قص ماتحسين بالكلام الي تقولينه نوره : والله مااقصد كنت اسولف بس اليازيه : شوفي مزحتج شو سوت؟؟؟؟؟؟؟؟؟؟؟؟ نوره : والله مااقصد اليازيه : امبونج من زمان قاسيه طوفي جدامي و حاولي تصححي غلطتج و سارن يتغدن عند الحريم فصالة الطعام اما العرب كانو في المجلس الداخلي و كانت الغرفتين متجابلات و نوره عينها كله عالباب شوي و لمحت خالد يطلع من المجلس ............ شو هذا شكله ماتغدا الريال عاد للدرجه هاذي ضايقته الكلمه و طلعت هي بعد .... لما راحت عند الممر ما شافت حد عقب راحت الصاله لمحته طالع للحوش راحت تلحقه نوره تزقر خالد : خـــــــــالد!!! بس ما رد عليها حاولت مرثانيه و علت صوتها شوي خالد تلفت خالد لوراه شافها تناديه بصوت عالي مع انه كان قريب منها خالد و مبين عليه الزعل: لبيـــــــــــــه يالغاليه نوره : لبيت حايه ....... اشفيك طالع هالوقت برا في الحر هذا!!!!!!!!!!!!!!!!!! خالد و هو يكمل دربه للخيمه : بس طرا فبالي اطلع...وبعدين انا احب الشمس نوره وهي تسايره للخيمه : بس مو كأنك قمت من الغدا بسرعه؟؟؟!!!!!!! خالد و هو ييلس داخل الخيمه و حاط عينه بعينها : تراني أسوي رجيم!! نوره : خالد ليكون زعلت من كلامي ترا والله أمزح معاك خالد : انا لو زعلت من العالم كله الا انتي مزعل منج نوره ولا على بالها الي قاله : الحمدلله ريحتني اذا جي خليني ايلس وياك اسولف ...ممكن؟ خالد : ممكنين و نا بلقى احسن منج فالسوالف نوره : شو تقصد ......... لساني طويل خالد : لا والله لسانج عسل لانه سوالفج حلوه هذا قصدي........... خبريني انزين عن دراستج.. صف كم الحينه نوره : افاااااااااااااااااا ماتعرف صف كم انا !!!!!!!!!! انا صف......................... خالد ما خلاها تكمل وقال بكل ثقه : انتي تروحين الحين ثاني ثانوي نوره : والله زيييييييييييييييين انك تذكر ونته تروح ثالث ثانوي صح؟؟؟؟؟؟؟ خالد : هيه صح نوره : شو منقي علمي ولاّ ادبي ؟؟؟ اكيد ادبي خالد : لييش شو تقصدين ؟؟؟؟؟؟! اني مو قد العلمي نوره : لا والله مو قصدي بس شكلك ادبي خالد : تقصدين اني مأدب اشكرج بس انا علمي طال عمرج نوره : والله ماشالله عليك انا حتى سجلت علمي بس شكلي بهوّن عنه خالد : افا ليييييييييييييش احيدج شاطره فالرياضيات مقطعتنا نوره : صح ولين الحين بس اكره الكيمياء ما اعرفله خالد : يلا كله خير موفقه انشالله وسكتو شوي وتم هو يطالعها و هو سرحان ما حس بعمره مو مصدق انه يالس معاها قطعته نوره و هي تقوم من مكانها نوره : اسمحلي بسير عنك ما حب اقعد فالشمس وايد حر متحس!!!!!!!!! خالد : لا عادي سيري ادخلي داخل و كان يراقبها وهي تسير صوب باب الصاله عقب نزل راسه و تم يقول بخاطره ما لي امل فيها و هي تعاملني بالبرود هذا ............ بنشوف آخرتها معاج يا بنت راشد. يلس خالد برا حوالي خمس دقايق فالخيمه و يتفاجأ بان نوره جدامه نوره : اقول خالد ؟ خالد : بسم الله من وين طلعتي انتي؟ نوره : حد مسح الفانوس و طلعت هههههههههههه خالد : هههههههههههههههههههه جديمه نوره : يلا عاد خالد بطلب منك طلب قوووووووووووووووووول تم خالد : انتي تامرين مو تطلبين يا شيخة البنات استغربت نوره بس طنشت : نبا نتمشى ونته الوحيد الي مصرحين لك تسوق غير الشوبه خالد : فالج الطيب يا نوره وين تبين ......... بس تراني ما اندل مكان اهني عندكم في هاللحظه وصلت عندهم شيخه شيخه : كيف يا ام لسان اقنعتيه؟؟؟؟؟؟؟؟؟؟؟؟؟؟ نوره : افاااااااااااااااااااا في مره بغيتي شي و ما نفذته لج!!!! خالد : يعني شيخه الي تبا تطلع مب انتي !!!!!!!! عيل خلاص ماشي طلعه نوره : لا والله حتى انا متملله ابا اطلع شيخه : شو معناته نوره بتطلعنا عشانها و انا لأ !!!!!!!!!!!!!!!!!!!!!!!!!!!!!!!!!!!!!!!!! خالد : نوره غيييييييييييييير عنكم هاذي الوالده على قولت عمي وابوي نوره : شو شيخه اشوف بدت الغيره من الحين......... ترا لازم تعرفين انه الناس مقامات ةتاشر لها بياديها فوق وتحت شيخه :مالت عليكم باثنينكم ............ كيف الحين بطلعونا ولا لأ خالد : اول اعتذري مني ومنها على هالسبه عقب بفكر اطلعكم ولا لأ شيخه بعصبيه : ما بعتذر وما نبا نطلع خلاص هونا نوره : لاااااااااا حرااااااااااااام شواخ.... خلاص خالد سامحها عشان خاطري خالد و هو يطالع شيخه من فوق لتحت : بس عشان نوره بطلعكم يلا بسرعه خلصونا و يسيرن شيخه و نوره ركض داخل يزقرون الي بسيرو وياهم ........... اليازيه قالت تعبانه و ما تبا تسير الي ساروا شيخه و نوره و سيف و سالم و محمد و ركبوا كلهم الاستيشن طبعا سيف و خالد جدام و الباقي وراهم خالد : كيف وين تبون تسيرون؟ سيف : شو رايكم نروح صوب عزبتنا ؟( بس يبا يقهر البنات) نوره : لا شو العزبه نحن طالعين عشان العزبه مانبا..... بنسير مكان غير أي مكان حلو سيف : تعرفين تنجبين ............ عناد فيج بنسير العزبه شيخه توجه كلامها لسيف : و رفجه يا بوراشد شلونا مكان ثاني كشخه سيف : خلاص شو رايكم نسير العين فايضه الحين ظهر و قليل الناس هناك بناخذ راحتنا اكثر نوره فخاطرها : الدنيا حر يبا يشلنا العين الفايضه شو هالانسان و تمت تتأفف و تساسر شيخه لو شلونا العزبه اهون شيخه : لا حرام شو عزبه ......... برايه انا ابا اشوف العين الفايضه يقولون هناك المبزره مكان حلو نوره : شو رايكم نطلع الجبل عقبها؟؟؟؟؟؟؟؟ خالد : خوش راي خلاص تم ... بنسير العين الفايضه عقبها بنطلع الجبل بس دلوني سيف : سير ماعليك وصلو العين الحاره و استانسو وايد طبعا الشباب اما البنات ما قدرو يسوون شي لانهم حصلو المكان زحمه مع ان الوقت ظهر تمن بغشاويهن ماطولو بس تموا نص ساعه عقبها ركبو السياره صوب الجبل شيخه : ياويلي احسني متروعه من الحين سيف : لا تتروعي بالعكس الدرب ما شي احسن منه مسوينه و كل شي بعد ليش تتروعي شيخه :هيه بس الجبل عالي نوره : لانج اول مره تطلعين فوقه نحن متعودين ما عليج من توصلي فوق بتنسين الروعه من روعة المنظر فنااااااااااااان يخساره لو يايين بليل جان زين لما وصلو فوق الجبل قال لهم سالم يلا ننزل سيف : لحظه خليني اتاكد اذا ما في حد نوره : شو بعد تتاكد ............ نحن بننزل ميخصنا عيل ليش يايين خالد : ما عليج منه نزلي نوره ما صدقت خبر نزلت هي و شيخه خالد : ماشي باس محد اهني خليهم يستانسون يحليلهم عيل ليش طالعين!!!!!!! سارن البنات و هن يشوفن روعة المنظر من فوق و شيخه استانست وايد عالمكان وايد عجبها نوره : شيخه والله بشتاقلكم ما شبعنا من شوفتكم شيخه : فديتج والله يالغاليه خلاص انشالله بنتلاقى فالعيد حتى انا وايد ارتحت لج و طالعت اخوها خالد الي واقف بعيد عنهن و كملت كلامها والظاهر مب بس انا الي حبيتج و ارتحت لج نوره : منو تقصدين!!!!!!!؟؟؟؟؟؟؟؟ شيخه: لا ولا شي و غيرت الموضوع ...... طالعي سالم المينون بطيح عمره و سارت صوب اخوها تحذره تراه مصقوع خالد من شاف نوره اروحها استغل الفرصه وسار صوبها خالد يتعلث باي شي عشان يكلم نوره : شرايج بالمنظر؟ نوره : وايد حلو بس اذا شفته بليل وااااااااااااااايد احلى خالد : انشالله بزوره مرثانيه بليل نوره : متى ؟؟؟؟؟؟؟؟؟؟ انشالله مانته ناوي تقطعنا خالد : لا انشالله ........شكلج متعوده تيين اهني صح؟ نوره : هيه مع اخواني لانه المكان قريب بس عمري ما تهنيت فيه مثل ما ابغي خالد : ليش؟!!!!!!!!!! نوره : لانهم ما يخلوني اسوي الي اباه بس ما عليهم من أعرس ريلي بخليني أسوي الي اباه خالد : ضامنه انه الي بتاخذينه بخليج تسويين الي تبينه؟؟؟ نوره : انشالله لاني ما باخذ واحد متخلف مثل عيال عمك ومب بعيده تكون مثلهم؟ خالد عقب طل الي سويته عشانج خذا رايج طبعا فخاطره : حرمتي ما بخلي مكان ما بشلها انا مب متخلف وهو يطالعها من فوق لين تحت نوره : عندي شك خالد : افاااااااااااااا ما عليج بتشوفين عقب شو بسوي نوره : انشالله بتوصلني علومك انته و المدام خالد فخاطره : اكيد بتوصلج كيف ما بتوصلج ونتي هي المدام نوره : وين سرحت؟ خالد : في المدام نوره : الظاهر حاط وحده فبالك خالد : طلعتي ذكيه بعد اكييييييييييد في وحده فبالي و انشالله ما باخذ غيرها نوره بضيقه : اشوفك متاكد و اذا ماصار نصيب و خذت غيرك ما بتفكر بوحده ثانيه خالد : لا تفولين انشالله محد بياخذها غيري ........... انا اذا هي خذت غيري بنتحر نوره فخاطرها : للدرجه هاذي يحبها و يباها ....... ونتي يا مسكينه متخيله امور وعقب قالتله : الله يوفقك و انشالله بتاخذها و ببارك لك في عرسك و سارت عنه ما تبا تسمع منه شي يكفي الي سمعته خالد : ياربي متى بتفهم متى؟؟؟؟؟؟؟؟ متى بتحس فيني شو هالانسانه البارده انا لازم اسوي شي مب ساكت وقاعد وعقبها ياخذها غيري ........... لا انا مقدر اتحمل هالشي مستحيل ياخذها غيري انا ولد عمها و احق بها من غيري لازم اتحرك لا مرني طيفك اضمه حيـل باحضاني وشلون لو جيت عندي وشافتك عيني ان كـان حبــك بلاء يالله تبلانـي والله مــا خليك لو انته تخلينــي عقبها رجعوا كلهم البيت و كانت الساعه تقريبا 5 العصر |
بليل الساعه تسع بع العشا كل الي فالبيت كانو يالسين برا فالحوش و الشواب فالخيمه
محمد يوجه كلامه لسيف اخوه : شورايك نتفتح سالفه روحتنا لصلاله لابويه الحين جدام عمي مطر يمكن عمي يشجعه عقبها كلنا بنسير سيف : والله فكره خالد و سالم : شو السالفه من ناوي يسير صلاله؟ محمد : والله يا بابووليد خنا بعد الامتخانات قلنا نبا نغير جو و نسير عمان و انسب مكان هناك صلاله سيف : وبنسير بسياييرنا مب الفالطياره خالد : والله فكره عاد ابويه تعيبه هالطلعات سيف : بس ابويه يمكن مايطيع لانه امي و خواتي مب متعودات عالخط و سفرات البر نخاف ياثرن عليه ولا هو ما يخالف عليه سالم : انته ماعليك خلنا نسير نعرض عليهم افكره و بنشوف و تراهم كلهم يالسين والي عنده شي بيقوله و ماظني امك بتقول شي جدام ابوي بتخيل محمد : هذا الي انا فطرت فيه سيف : والله طلعتوا مب هينين ياليهالو محمد : يلا عاد جب انا اذكى عنك سيف بعصبيه : بتسكت ولا تباني اخم بك هالحوش و انظفه خالد يهدي الوضع : بس خلاص تبون تخربون علينا خلنا نسير لهم في الصوب الثاني البنات يالسات بعيد شوي عن الشباب نوره بفضولها المعتاد : اقول يواري متشوفن اخوانه جنهم يرمسون في سالفه خطيره شيخه : صدقج انا اشوفهم من ساعه يتساسرون خاطري اعرف شو عندهم اليازيه : ماشالله انتن اهني بس عقلكن عنهم شو اسمي هذا نوره : والله فاضيه ................شوفيهم ساروا صوب الشوبه خلنا نحن بعد نسير بنشوف اشوراهم و سارن وهن يسحبن يزوي وهي تتحلطم: والله اسميكن متفيجات عند الخيمه الكل يالس يسولف و فتح السالفه خالد خالد : ابويه شو رايك انسير نحن و قوم عمي صلاله نغير جو؟؟؟؟؟؟؟؟؟؟؟؟؟؟ سيف : والله انك يبتها يابو وليد مشيه حلوه و بنسير بر مب جو ام سيف بدت الضيقه على ويهها و هي تشوف بوسيف جنه عيبته الفكره و بوخالد اكثر عنه بغت تفتح حلجها بس محمد انتبه لها وما خلاها ترمس على طول قال محمد : ربعنا كلهم بسيرون و امبونهم الخلق كلهم هناك يقيضون بوخالد : ماعليه بس اشعالنا سالم : يابوي لاحقين .......... شو ماشي راحه ابدا بوسيف : صدقه سالم شو رايك نسير جماعه بوخالد : هيه بس متى الحين نهاية شهر سته و الجو في صلاله احلى شي في نص سبعه ونحن مب مزهبين شي لسيرتنا خلونا نخلص اشغالنا و نرتب امورنا عقب بنقرر متى نتحرك...........ها شو الراي بوسيف : امره الي قلته ............صار البنات وايد استانسن على هالفكره خصوصا يزوي و شيخه و حتى ام خالد اما ام سيف و نوره ماهتمت لانهن يحاتن الخط وايد بس نوره تشجعت عقب ماشافت هاللمه الحلوة و قررت تستانس معاهم بس الي صدمها و غير مزاجها الي قاله خالد خالد : وشو رايك ابويه نقول لقوم عمتي يسيرون ويانا؟؟؟؟؟؟؟؟؟؟؟؟؟؟ بوخالد : خلاص من نوصل هناك بنخطط لكل شي و بنشوف من بيسير ويانا ............ وبعد احسن لان قوم عمتك عندهم ثلاثه يسوقون و نحن ما عندنا الا انا و بوسيف وخالد بس و لما هم بيسيرون ويانا بنكون سته بنتساعد ما نبا عندنا دريوليه سالم : هيه والله صدقك حمد و جابر و سعود و عاد هم يحبون الطلعت وبنات عمتيه بيستانسن نوره في خاطرها : هذا الي كان قاصرني احسنلي ايلس وما اسير عقب الساعه عشر كل الشوبه انسحبوا واحد ورا الثاني ما يرومون عالسهر الا الشباب و البنات ايلسو يسولفون برا فالجو الحلو بس نوره كان باين عليها الضيقه و ما حبت تسهر معهم وقررت تنسحب وقامت عنهم خالد بسرعه قال : ويييييييييين سايره ايلسي سولفي عندنا عقبها ما بنشوفج الا من نسير كلنا صلاله نوره وهي بعدها واقفه ما تحركت قالت فخاطرها : شو تبا فيني انا.........ونته عقلك كله عند قوم عمتك .......... فكرت شوي قبل ما ترد عليه عقبها قالت : مالي نفس ايلس تعبانه بسير ارقد الكل استغرب من رد نوره القاسي على خالد خصوصا انه هاذي آخر يلسه لهم مع بعض لانهم باجر مسافرين اليازيه خزتها بعين عقب قالت عسب تعدل الوضع : نوير مب متعوده عالسهر ...............ترقد من وقت خلوها الديايه سيري ارقدي سالم : ههههههههههههههههههههه احيدها ديايه وسارت عنه نوره بدون ماترد عليه الكل ضحك على نوره الا ........................ خالد الي حط في خاطره من رد نوره للدرجه هاذي يا نوره تكرهين اليلسه معاي .... حرام عليج انا شو مسوي عشان تعامليني بهالطريقه.......... انا احبج و اموت عالارض الي ادوسها ريلج و نتي ما تتحملين تيلسين معاي دقيقه ......... ليش ........ ليييييييييييييش والله ما سويت شي يا ما حاولت ابين لج حبي ونتي ولا اهني ولا كأن في واحد يمووووت عليج.......ليش لله بلاني بحب هالبارده عديمة الاحساس انا لازم انساها ولا افكر بها دامها جي تعاملني و تم خالد على هالحال طول الليل مارقد مب هو بس الي مارقد فالطرف الثاني من البيت حتى نوره مارقدت و تفكر بخالد ......... الظاهر انه مب بس محير بنت عمته الا يحبها ولا يصبر على فراقها و انا معذبه عمري من طراه لي ابوي وانا افكر به............ ليش افكر فيه اصلا انا ما احبه ولا عمري بحبه .......اصلا انا اكره .......... انزين يوم انج ماتحبينه ليش يالسه تفكري فيه؟؟؟؟؟؟؟؟؟؟ ليش تضايقتي يوم تذكرتي انه محير بنت عمته؟؟؟؟؟؟؟؟ليييييييييييش تعفس ويهج من طرى بيت عمته؟؟؟ ليش مجرد فكرة انه يمكن يكون يحب فاطمه بنت عمته ضايقتج ؟؟؟؟؟؟؟؟؟؟؟؟حرام ماقدر استحمل هالفكره احسني كرهته و كرهت كل شي يتعلق به ماريده ماريد اشوفه مره ثانيه ............. وفوق هذا يباهم يسروا عندنا صلاله ..........ياربي كيف بتحمل شوفتهم مع بعض لااااااااااااااااااااااااااااااااااااااااااااااااا اااااا و هذا كان حال نوره وخالد لين اذن الفجر صلو و عقبها يالله عقب مضارب رقدو عقب ما قرر خالد انه ينسى بنت عمه نوره ولا يفكر فيها و البعد بساعده على هالشي ثاني يوم الصبح قام بوخالد و قرر انهم يتحركون من الساعه ست الصبح و سارت ام خالد توعي كل عيالها ام سيف : الله يهداكم بس يام خالد تو الناس على سيرتكم .......... يلسو عندنا كم يوم عقبها يصير خير حاولي تقنعين ريلج ام خالد : والله ماشي فايده فيه يبا يلحق على شغله..........انشالله بنتلاقى اذا اتفقنا على رحلتنا لصلاله ام سيف : ماشي فايده فيكم.......... كلكم راسكم ياااااابس ........ بسير ازهب الريوق فالمجلس الداخلي بوخالد كان يكلم اخوه ومحد كان معهم : مطر في سالفه ابا اكلمك فيها وما حصلت فرصه الا الحين بوسيف : آمرني اخوي ......خير انشالله بو خالد : والله كيف اقولك السالفه معرف كيف ابدا بها و كان يكلم اخوه بوسيف بسالفه محد يعرفها وكانو يتكلمون بصوت واطي محد يسمعه غيرهم .......... عقب ما خلصوا من السالفه قال بو سيف : الله يقدم الي فيه الخير انشالله و انشالله فالك الطيب و لوعليه جان قتلك شل البنيه بعباتها من الحينه بوخالد : الأصول اصول ونا خوك ...... شوف الاهل بس نبا الرد السريع منكم والله يتمم على خير بوسيف : والله مالنا بد منكم بس هذا زواج ........... تعرف لازم نشاور الاهل والبنت خالد لحق على آخر جمله ومن طلع عمه من المجلس بعد ما صبح عليهم يلس مع ابوه خالد : هااااا ابويه شكلك فتحت السالفه مع عمي صح!!؟؟ بشر انشالله قبول بوخالد : بنشوف خير ونته لتقول لحد قبل ما نتاكد من السالفه و يتم كل شي خالد : انشالله هاذي فاتحة خير وعقب الريوق سارو كلهم الحوش يودعون قوم عمهم وكل العيال زعلانين لانهم بيتفارقون و نوره ما نزلت بس سلمت على شيخه و بلغتها تسلم عالكل بحجة انها ما تحب الوداع |
وااااااااااااااااااااااااو القصه جناااااااااااااااااااان
متى بتكملينها بليز بسرعه انتظر التكمله اخوج العلوي2007 |
أختي طولتي وين التكمله
نحرسك |
ياخي وين التكمله
صارلنا دهر نحرسها نبيها بسرعه بسرعه |
مشكور اخوي ع القصه
|
اقتباس:
اسمحولي عالتاخير |
الجزء الثالث :::::::::::::::::::::::::::::::::::::::::::::::::: ::::::::::::::::::::::::::::
مرت ثلاثة اسابيع على عيال بو سيف و هم يتريون الرد من عمهم على سيرتهم لصلاله و في يوم كانو يالسين فالصاله سيف و اليازيه ومعاهم امهم يسولفون ونوره تسولف فالتليفون مع ربيعتها ام سيف : يزوي سيري شوفي الغدا جان زهب خليهم يحطونه ابوج ياي فالدرب اليازيه : امايه ما شفتي غيري ...... قولي للبشكاره ولا هي شوشغلتها ام سيف : وابوي عليج انتي ........ باجر بتسيرين بيت عرب لازم تتعلمين الطباخ مب التاميره على البشاكير اليازيه : والبيت الي بسيره مافي بشاكير!!!!!!!!! وبعدين تو الناس على هالرمسه سيف و هويخزها بعين : ترا ابوي وافق على العرب الي يايين يخطبونج من اسبوعين فزت اليازيه من مكانها : انته شو تقول؟؟؟؟؟؟؟؟؟؟؟؟؟؟؟؟؟؟؟؟؟؟؟؟ سيف : هيه انا سمعت ابوي يحدد معاهم الملجه في شهر ثمانيه يعني ماشي باقي نوره سمعت طري ملجه بسرعه خلصت اتصالها و ركضه صوب امها و اخوانها : اسمع عندنا عرس ولا انا غلطنه سيف : هيه عرس يزوي بعد شهر اليازيه و دموعها فعينها : حرام عليكم تبون الفكه مني انا ماريد اعرس ............ حتى ما شاورتوني ولا تخبروني ام سيف : نحن ما عندنا بنات نشاورهم نوره : شو هالاستبداد ما يوز حتى الاسلام وى انه البنت لازم تشاورونها اليازيه وهي تقوم خلاص ما تقدر تستحمل اكثر تمت تصيح زقرها سيف بس ما ردت عليه و كملت طريقها عقب قال لها : يالهبله اقص عليج ماشي عرس الا اسوي سوالف اليازيه و هي منصدمه : يا حمار يا السبال والله ماعندك سالفه و تمت تضربه بالوسايد الي عالكنبه ام سيف : اشفيج تروعتي !!!!! تراج آخرتها بتسيرين بيت ريلج يوم انج ما تبين تكملين دراستج اليازيه : هذا مب معناته اني بعرس نوره : امايه خلوها على راحتها ................ نوره قالت هالكلام لانها تعرف اختها براسها موال محد يعرفه غيرها سيف : والله عاد انتي توقعي أي شي في أي لحظه شوي ولا يدش عليهم بوسيف قامو العيال يوايهون ابوهم عقب يلسوا وسارت ام سيف تشوف الغدا نوره : ابويه نبا نطلع ملينا من اليلسه اليازيه : هيه والله تمللنا من البيت هذا صيف نبا نتمشى حالنا حال الخلق قبل مايرد بوسيف على بناته رن التفون الي بالصاله و سيده طبعا قامت نوره و ردت نوره : الو ........ : السلام عليكم يا مرحب والله بهالصوت نوره عقب ماعرفت هالصوت : مرحبا بك زود ياهلا والله بالقاطعين بوخالد : اشحالج الغلا شخباركم................... انتي شو سالفتج تشتغلين البداله كل ما اتصل انتي تردين نوره : افاااااااااااااااااا خلاص مابرد بوخالد : كله ولا زعل الغاليه شخبارج فديتج نوره : الحمدلله عمي اشحالكم الكل التفت على نوره يسمعونها ترمس منو خالد : فديتج ابوج عدالج؟؟؟؟؟؟؟؟؟؟؟ بغيت اكلمه نوره : هيه عمي ابويه اهني اندوك اخذه................ ابوي عمي مطر بيرمسك بوسيف : هلااااااااااااااا والله بالغالي شخبارك بوخالد : يا مرحبابك شخبارك انته انته والعيال بوسيف : الحمدلله وشحالك انته اربك بخير بوخالد : بخير زان حالك.......... بغيت اخبرك عن سالفة صلاله ترانا هونا ما نروم نسير استوا عندنا شغل وايد لكن انشالله نعوضها بسيرات غيرها بوسيف : ماشي باس خيرها فغيرها المهم اشحالكم انتوو جيف حال خالد عقب العمليه اربه بخير بوخالد : والله بخير .......... برايك انا بخليك سلم عالعيال و امهم والي اهني يردون عليكم السلام بوسيف : الله يسلمهم ويسلم من ياب السلام يلا مع السلامه سكر عنه بوسيف وقال لعياله عن تاجيل رحلتهم لصلاله العيال كلهم ازعلو من سمعو الخبر الا نوره الي استانست وتمت تقول فخاطرها الحمدلله افتكيت من مجابل ويه خالد اليازيه : حراااااااااااااااااااام والله كنا متعشمين بالرحلهخاصة حمود والله انه بيزعل سيف : حسافه دشت ام سيف و واها البشكاره شاله صحون الغدا ام سيف : اشبلاكم صاخين نوره و الابتسامه شاقه الويه : امايه توه عمي داق يسلم عليج و يقول انهم اجلو رحلة صلالة ام سيف : الله يسلمه اربهم بخير انشالله ونتو اشبلاكم مبوزين؟؟؟؟؟؟؟؟ انشالله لاحقين و سارو كلهم يتغدون مرت الاجزة عادي ما صار شي يديد ولا مهم و بدت المدارس و نوره بعد اسبوع من المدارس غيرت تخصصها و دشت ادبي لانها ما قدرت للكيمياء و اليازيه يلست فالبيت ما دشت الكليه و لا الجامعه لانها اصلا مريضه و زين منها يوم كملت دراستها وهالشي توكم تدرون عنه نوره عقب رجعتها من المدرسه وهي مغيره مجالها بدون ما تشاور حد كانت خايفه وصلت حجرتها ولقت اختها هناك سلمت ويلست حتى ما بدلت ثيابها اليازيه حست انه فيها شي : نوره شوبلاج ليش معصبه و مضايقه؟؟؟؟؟!!!!!!!!!!!!!! نوره : يزوي اناا غيرت و دشيت ادبي و ما خبرت ابوي اخافه يعصب اليازيه : و ليش يعصب هو يوم قالج دشي علمي........لانج كنتي شاطره وكان مبين انه هذا ميولج نوره :هيه صح بس انا االحين حسيتني مافهم الكيمياء و اصلا كارهتنه يعني مستحيل افهمه مهما كان اليازيه : خلاص عيل ابويه مابقول شي بالعكس هو يبا راحتج نوره : تظنين!!!!!!!!!!!!!!!!!!! اليازيه : الا اكيييييييييييد تحيدينه ابويه ما يغصبنا على شي عاد كيف انتي يالوالده نوره : صدقج ......... على طاري الغصب شو سالفتج كل ما حد خطبج رديتيه اليازيه وهي مرتبكه : ما يخصج ومرت الايام وصار شهر رمضان والكل مستانس برمضان شهر الخير و البركه و صارو بآخر رمضان و كانت فترة امتحانات نص السنه والكل مشغول بالامتحانات الا اليازيه الي كانت متملله كانت تشغل وقتها باليلسه اما عند التلفزيون ولا عند امها قربت الامتحانات تخلص و كان باجر امتحان رياضيات على نوره و هي عاد مستانسه ما كانت تدس وايد شاتها اليازيه فيالحجره و هي تسحي شعرها جدام المنظره اليازيه : نوير ما شوفج تراجعين نورة :باجر علينا رياضيات يعني ما يباله مراجع اليازيه : يا حيج على هالثقه بس مع ذلك لازم تراجعين ............ كم امتحان باجي عليكم؟؟؟؟؟؟؟؟؟ نوره : امتحانين اففففففففففف عقبها بنتهنى برمضان ماشي باقي عليه غير اسبوع و بتفيجلج فديتج من زمان ما سولفنا الا شخبارج من زمااااااااااااااان ما شفتج ( اونها تمزح ) اليازيه : الحمدلله الا ما دريتي هالسنه قرر ابويه انه نسير نعيد عند قوم عمي و عماتي و اهلنا الي هناك نوره شبه منصدمه :شووووووووووووو قولي والله؟؟؟؟؟؟؟؟؟؟؟؟؟؟؟؟؟؟ اليازيه : والله العظيم هاذي آخر الاخبار نوره : و احلى الاخبار و تمت نوره تقول فخاطرها ياسلاااااااااااااااام بنتعرف على اهلنا كم سنه ما شفناهم والله وناسه اليازيه : عاد الي يسمعج بيقول تعرفين حد انتي زين منج يوم تعرفين شواخ بنت عمي وااااااااااايد عليج انا الي عندي ربيعات من ايام الطفوله هناك مدري كيف الحين اشكالهم ...........والله وناسه هناك كنا نسير ابحر و نتحوط مانخلي مكانما نسيره انتي ما كنتي تسيرين ويانه مدري ليش نوره : وهي تتذكر ذيك الايام ............والله انتو الي كنتو ما تشلوني عشان جي ما كنت اطلع من البيت اليازيه : خلاص الحين كبرتي بنطلعج معانا ولا يهمج نوره تمت تفكر كيف بكون ملاقاها لاهلها هناك و عيال عمها و خصوصا خالد كانت مستانسه بداخلها لانها بتشوفه وبنفس الوقت كانت تحس شي فصدرها ما كانت تعرف شو هو كانت حاسه انه شي بصير لها شو هو الله يعلم بعد ما خلصت الامتحانات في آخر يوم كانت نوره موصيه ابوها انه ايي المدرسه هو ويشلها بس جي تصنيفات مر عليها ابوها المدرسه و ركبت معاه السياره نوره :سلام عليك يا بوسيف بارك لنا بوسيف : مبروكه بس على شو اكييييييييييد الامتحان اليوم وايد سهل عسب جي مستانسه صح؟؟؟؟؟؟؟؟؟؟؟ نوره : من يفكر بامتحان اليوم انا مستانه لانه اليوم اخر يوم ............. اففففففففف احس جنه يبل ونزاح من صدري بوسيف : انشالله دايما اشوفج مرتاحه و عقبال النتيجه الحلوة........... عاد الحين وراكم عيد نوره : هيه صدق الي سمعته؟؟؟؟؟؟؟؟؟؟ بنعيد عند قوم عمي بوسيف : هيه صدق انشالله عقب ثلاث ايام بنسير صوبهم نوره : ياسلاااااااااام بوسيف : هيه عمج ملزم الا تيون قبل يومين من العيد نوره : صدقه عمي نبا نرتاح قبل العيد شوي بوسيف وهو يغمز لنوره : الا ترا عمج يتخبر عنج ........... يباج لولده نوره و هي مرتبكه فهمت انه ابوها يقصد خالد خلت نفسها عاديه وقالت : واذا نشد عني يعني يباني لولده ؟؟؟؟؟؟؟؟؟؟؟؟!!!!!!!!!!!!!!!!!!!!!!!!!!!!!!!!!!!!!! !!!!!!!!! بوسيف : اكيد ولا اشمعناته يتنشد عنج دايما من بد عيالي كلهم!!!!!!!!!!!!!!!! نوره تبا تبرر موقف عمها هي ماتبا ابوها يبني آمال بولد اخوه الظاهر انه يحبه وايد ولا يدري بسالفة انه محير بنت عمتي نوره بدلع : ابويه الله يهديك انته نسيت اني الوالده يعني لازم معامله اسبشل بوسيف كان جاد معاها كأنه يبا يوصل لها شي بس سكت لما شافها ولا هامنها الموضوع وصلو البيت نزلت هي و بوها و دشو داخل و عاد بدت الحشره كلهم مخلصين امتحانات و يبون ينتقمون عدل..................!!!!!!!!!!!!!!!!!!!!!!!!!!!!! !!!!!!!!!!!!!!!! بليل الساعه عشر ام سيف في حجرتها تكلم بو سيف : بوسيف متى بسير صوب بوخالد؟ بوسيف : انشالله ورا باجر بنتحرك من غبشه تزهبي ما عندج غير باجر ام سيف : انزين يابوسيف وين بنيلس خلال قعدتنا هناك .......... نحن بنيلس اسبوع مب يوم ولا يومين |
بوسيف : الظاهر انج كبرتي......شو نسيتي اني عندي بيت هناك!!!!!!!!!!!!!!!!!!!!!!!!
ام سيف : ما نسيت بس البيت اكيييييييييد من زمان محد دشه ولا حد سكن فيه اكيد الحين حالته حاله وماظني يومي بوسيف : والله انكم مندوني ولا شي ام سيف : شو تقصد!!!!!!!!!!!!!!!!!!! بوسيف : انا كنت دايما اوصي خويه مطر ان يشوف البيت و يفتحه و يخلي حد ينظفه وهو يحليله مو مقصر و بتشوفي بنفسج من ادشينه بتلاقي احسن عن فلتكم هاذي صح هو بيت شعبي بس وايد حلو ............ و تراني انا من سنتين معدل فيه و زايد حجر انا مخبرنج بس الظاهر مثل ماقلت انتي كبرتي و خرفتي ههههههههههههههههههههههههه ام سيف وهي منقهره : والله محد كبر غيرك و بعدين انا ماتهمني سوالف بيتك هذا عشان جذه ناستنه امبوني ما كنت ناويه اسير له بو سيف : يام سيف هذيج داري و دار اهلي ......... وعيالي مالهم حد غير اهلي من عقبي لازم اخليهم تعرفون على اهلي و يتوالفون معهم ام سيف بنبرة حزن : الله يعطيك طولت العمر لا تفاول ععمرك.............. بس صدقت لازم نشوف اهلك وما نقطهم الرسول موصي على صلة الرحم بوسيف : خلاص عيل امره زهبي نفسج انتي و عيالج ام سيف : انشالله لا توصي بالباجر الكل كان مرتبش و مستانس لانهم بعيدون عند اهلهم وكانوا يتزهبون عشان السيره و يشوفون ثياب العيد و الثياب الي بياخذونها عندهم ........ اما عاد ام سيف كانت تتشرى اغراض للبيت و هدايا لاهلم هناك ما يصير تسير لهم فاضيه وهي من زمان مب شايفتنهم عقب الفطور نوره : اقول يزوي شو ناخذ من الثياب!!!! اليازيه : شو هالسؤال الغبي؟؟؟؟؟؟؟؟؟؟؟؟؟؟؟؟؟؟؟؟؟؟ نوره : محد غبي غيرج انزين................ اناقصدي شو ناخذ مخورات ولا تنانير و جنزات وهالسوالف يعني شو نوع الثياب الي ناخذهن اليازيه : لييييييييش انتي وين سايره ترانا بنفس البلد ولا عشانهم بعيد عنا 600 كيلو سويتيها سالفه نوره : لا بس لما كانت شيخه بنت عمي اهني مانت ما تلبس الا كنادير مخور وبس اليازيه : تستهبلين!!!!!!!!! شو تبيها تلبس جدام اخوانج تنانير و هالسوالف نحن هناك بنكون فبيتنا اروحنا يعني عادي بناخذ راحتنا فاللبس نوره : صدقج والله مايا فبالي هالشي عاد انا في هالسوالف هبله صدق اعترف ........ بس ترا هناك عادي عندهم يدخلون و ييلسون مع بعض يعني عالاقل عيال عمي بنشوفهم وايد اليازيه : لا تطمني بعد سواد ويهج مع خالد اظني يالله يالله بيي يسلم علينا عقب مابروينا ويها و سالم رغيد ماييلس فالبيت و عيال عمتي عايشه مب مداخلين ويانا وايد نوره : وهي تذكر خالد......... انتو ليش مكبرين السالفه؟؟؟؟؟ انا ما سويت شي اليازيه : الظاهر انتي ما تحسين بالكلام الي تعقينه نوره : والله عاد برايه احسن بنرتاح من شوفة ويهه اليازيه باستغراب : انتي ليش تكرهين الريال هو شو مسولج!!!!!!!!!!! نوره و هي مرتبكه : هاااا اكرهه!!!!!!!!!!! من قال؟؟ انا ما اكرهه ولا شي تتوهمين وسارت عنها الحمام تتهرب عشان ماتلاحظ ارتباكها هالليله الكل راقد متأخر يتزهبون لسيرتهم ثاني يوم الفجر من عقب الصلاه رتبو اغراضهم فالسيارتين .......... سيارة بوسيف العوده بيكون فيها ام سيف و بناتها اليازيه ونوره والسياره الثانيه يسوقها الدريول فيها محمد و سيف وعلي وناصر و تحركو عقب ما قفلو بيتهم فالطريق سيف : طالع ابويه كم يسوق اظني الا 120 وما يعديها شو نحن سايرين بوظبي محمد : والله انشد ابوك ولا بعد يبان نمشي وراه وما نتعداه ياناااااااااااااااس نحن في خط علي و ناصر من تحركومن بيتهم و هم راقدين في سيارة بوسيف كان الوضع مختلف اكيد لانه كله حريم كان الجو هادي وبعد كانت اليازيه كانت راقده بس الي ما اسكتت نوره و هي تسولف مع امها وابوها بصراحه كان بوسيف مستانس لان بنته كانت مونستنه و السبب الثاني انه ساير لاهله مب بروحه هو وعياله وحمد ربه انه خذ هالخطوه كان بوسيف و عياله ما يوقفون الا حق شيشة البترول و الحمام بس مع ذلك تأخرو فالطريق لانهم كانو يمشون شوي وما يسرعون وطبعا هذا كان مضايق محمد و سيف اكيد لاتهم شباب اما البنات و امهم ما كان متعبنهن الا طول الدرب و عاد العيوز ظهرها عورها من كثر اليلسه فالسياره و لما وقفو حق صلاة الظهر استانست لانها بتوقف شوي بريولاتها ............. الي ماكان مضايق هو بوسيف لانه متعود على هالخط و التوم بعد تمو يلعبون فالسياره وما حسو بالدرب المهم وصلو العايله الكريمه بحدود الساعه ثنتين و من دشوا تموا العيال يتذكرون المكانات الي كانو يسيرولها من زمان لما زاروهم قبل ......... دخلو حارتهم ووصلو عند باب بيتهم و كان بيت بوسيف في حوش واحد مع بيت اخته فاطمه ما كان يفصلهم الا يدار قصير و هاذي عمة العيال الاولى اما بيت اخوه مطر واخته عايشه كان بينهم بس شارع المهم كان الكل حذال بعضهم ماشي بينهم طبعا كان فاستقبالهم قوم عمتهم فاطمه و عيالها الي كانو مستانسين حيييييييييييييل بشوفة خالهم و عياله الي ماشافوهم طبعا تمو عمتهم تعرفهم على عيالها ............ عمتهم فاطمه ماكان عندها الا اربع عيال 3 صبيان وبنت وحده وهي العوده واسمها العنود صف سادس و الي عقبها ناصر صف خامس و عقبه فهد ومبارك صغار الي استانسو حيل هم علي وناصر الي لقوا يهال مثلهم يلعبون معاهم و طبعا لانهم ما حسو بالدرب تموا يلعبون ولا حاسين بالدنيا ظهر و صيام اما الكبار سارو البيت يرتاحون من الدرب الطويل حتى ما نزلو اغراضهم ما نشوا الا على اذان العصر ساروا العرب يصلون فالمسيد و تلاقو هناك بوسيف و اخوه وباقي الاهل و عيالهم بوخالد : ترا اقولكم اليوم بتفطرون عندنا بوسيف : شو نحن غرب الا يايين دارنا بوخالد : عاد ماشي عذر انتو من زمان ما شفناكم بوسيف : بس اختي فاطمه سبقتك .......... بس انتو عاد شو هذا تحسسون الواحد جنه غريب مب جني واحد منكم و فيكم بوخالد : خلاص لا تسويها سالفه خلنا نشوف باقي العرب و تسلم عليهم بوسيف : يلا مشينا بنسلم على الشوبه مره وحده اما الشباب قوم سيف وخالد وسالم ومحمد و كان معهم حمد و باقي عيال عمتهم عايشه كلهم تيمعو وسلمو على بعض وساروا صوب الشباب ياخذون علوم بعض و يعرفونهم على ربعهم عقب لما قرب اذان المغرب كل واحد سار بيته يفطر ام سيف : ليش معبله على عمرج يا فاطمه الله يهداج فاطمه : افا عليج يام سيف لا عباله ولا شي عقب الفطور تمو البنات يشلو المواعين ويساعدون عمتهم مع البشكاره اليازيه : عمتيه اسمحيلنا عاد ما ييناج نساعدج فالفطور ..... كنا نشوف البيت ونرتبه شوي فاطمه : لا فديتج مسموحه اصلا انا كنت بس اساعد البشكاره شوي ما يحتاي تعذبي عمرج ونتي تراج ضيفه نوره : افا الحين صرنا ضيوف نحن اهل بيت الا اذا عندج كلام ثاني فاطمه : لا وابويه عليج انتي راعية بيت فديتج يالغاليه.......... يزوي انتي مخلصه صح؟؟؟؟؟ اليازيه : هيه مخلصه العام فاطمه : وليش ما دشيتي كليه!!!!!!!!!! ام سيف : بنتي تحيدينها مب صاحيه شوي مانبالها دراسه يكفيها الثانويه نوره لاحظت انه اختها يزوي انحرجت من هالسالفه حبت تغير الموضوع : الا عموتي ما نشدتيني انا عن دراستي ولا بس يزوي تهمج؟؟؟؟؟؟؟؟؟؟؟؟؟؟؟؟ وماعطت عمتها فرصه تقول شي بسرعه قالت : ترا انا صف ثاني ثانوي ادبي وشاطره وانشالله بطلع الاولى والي سمعها من عند الباب هو سالم ولد عمها الي كان ياي يسلم عليهم من عقب صلاة المغرب سالم : عاد قلنا اخرطي علينا بس مب لهالدرجه .... بخرطتج هاذي جنج تعطيني سطار قوي والكل تم يضحك على كلام سالم والي انحرق ويهها هي نوره و كانت منقهره منه حيل نوره : من قالك اني اخرط انا انشالله بطلع بحدود الخمس الاوائل سالم : جان قلتي جي من قبل مب تضحكين على عمتيه يحليلها ترتها تصدق كل شي و تقوليلها الاولى هود هود .......... كان هذا صوت بوخالد الي يهوّد من دخل البيت ولما وصل الصاله ردت عليه اخته فاطمه : هدا هدا الغالي دش بوخالد : السلام عليكم يا مرحبا والله بالخطار قامن البنات يسلمن على عمهن و سلمت ام سيف على بوخالد ويلس عندهم شوي عقبها طلعن اليازيه و نوره يشوفن اخوانهم نزلو اغراضهم ولا لأ فالحوش نسن اعمارهن وهن يسولفن عند سالم ولد عمهن الي عقب طلع وخلاهن وكانن قريبات من باب الحوش و سمعن صوت اخوهن سيف ومعاه صوت ريال غريب عقبها بشوي سيف كان يزقرهن نوره : اخوج يزقرنا اشعنده ............ كيف يبانا نطلع اسمع عنده حد!!!!!!!!!! اليازيه : بداغره بشوف من عنده...........عقبها طلعت لاخوها و نوره تمت فالحوش تسمع اختها تسلم وترحب وتقول للريال الي كان واقف مع سيف : والله ماعرفتك كنت بتغشاك لولا انه سيف خبرني ............ خالد شو مسوي بعمرك ماشالله تبارك الرحمن طولت و ضعفت بس شكلك يجنن ماشالله صح سيف ؟؟؟؟؟؟؟؟؟؟؟؟؟؟؟ سيف : هيه والله حتى انا من شفته استغربت ابا افهم كيف جي استوابك خالد : ماسويت شي الا بس رياضه ولا يمكن من عقب العمليه ضعفت............ الحمدلله يوم بتزورونا وبنشوفكم الا وين الباقيين ما شفتهم اليازيه : ونته باقي حد منا ما تلاقيت وياهم!!!!!!!!!!؟؟؟ خالد فخاطره : باقي اغلى البشر ما شفتها عقب سكت شوي قال : باقي امج و نوره ما ريتهم ابا اسلم عليهم اليازيه : ترا نوره فالحوش عوق قلبك طبعا فخاطرها و دخلت الحوش وهي قول لاختها : لحقي نوره شوفي خالد ولد عمج شو مسوي بعمره نوره من سمعت اسم خالد وهي مب فالدنيا حست بشور غريب ماتدري شو هو وتمت ساكته و هي واقفه وسط الحوش سرحانه بافكارها................شوهذا ليكون انا مشتاقتنه؟؟؟؟؟؟!!!!!!!!!! لا ما ظني شو اشتاقه على أي اساس اصلا ولا انتبهت انه دش عليها وياي صوبها خالد من طرت له اليازيه نوره وهي قلبه يرقع ومشتاق لشوفتها الظاهر نسى كل الي صار ولا على باله شي ثاني غير انه بيشوف غلا قلبه نوره و هو داش شافها واقفه وسط الحوش دون ماتتحرك او اطالعه كأنها سافهتنه من وصل عندها تم يناديها : نوره ........نوره وهي مترد عليه بس تمت اطالعه الي نقذ الموقف هو سيف الي قال لها : نوره اشفيج سرحانه ......... هذا خالد ولد عمي الظاهر انج ما عرفتيه سلمي عليه خالد : السلام عليج نوره صدق ما عرفتيني!!!!!!!!!!! فاللحظه هاذي انحرجت نوره ماعرفت شو تقول عقبها ردت : وعليكم السلام اشحالك خالد .........شو هذا شو مسوي بعمرك خالد : عاد هالكثر متغير الا ضعفان شوي اليازيه : بس كشخه ياولد عمي ماشالله عليك خالد مطنش اليازيه خير شر مايشوف الا نوره جدامه : يلا عاد زودتوها بيكبر راسي عقب نوره ما زادت على الي قالته أي شي و هذا الي قاهر خالد دايما يحس انها مب مهتمه فيه و هو سافه العالم كله عشانها |
سيف : يلا خالد سير سلم على امايه بتلقاها عند عمتي فاطمه وعمي هناك بعد يلا مشينا
و سارو كلهم داخل و عقبها طبعا تيمعوا كل الاهل يايين يسلمون على قوم بوسيف ................ طبعا عياال بوسيف عرفو بعض الي شافوهم ونصهم ماعرفوهم بس شيخه ما قصرت عرفت نوره على الي يو عندهم كلهم و كانت ما تفارق نوره طول اليومين الي قبل العيد ليلة العيد في بيت بوخالد خالد لاحظ انه اخته شيخه و نوره ما يتفارقون طرت فباله فكره و عقب زقرها شوااااااااااخ شيخه يات عند غرفته : نعم شو تبا شليت البيت ونته تزقرني خالد : بطلب منج طلب ممكن؟؟؟؟؟؟؟؟؟؟؟ شيخه : خير اشعندك!!!!!!!!!!!!!!!!!!!!!!!!!!!!!!!!!! خالد : انا لاحظت انه من وصلو قوم عمي ونتي ما تفارقين نوره.............. مستوين ربع شيخه : اشفيها....... ويعني انته شو يهمك انا ارابع منو؟؟؟؟؟؟؟؟ خالد بارتباك : لااااااااااا بس انا بغيت.................. وسكت شيخه بعصبيه : شو بغيت خلصني ورايه شغل باجر العيد و فطوم بتي الحين مدري شوتبا هي بعد خالد : فطوم بنت عمتي شو تبابج الحين شيخه : يعني شو تبا ........ تعرف انا وياها فالعيد دايما نتفق شو بنلبس تعرف لازم انطقم خالد : خلاص عيل سيري عقب بكلمج شواااااااخ شوااااااج وينج كان هذا صوت فطوم الي دشت بيت بوخالد وهي ادور شيخه خالد : اففف هاذي ياتج سيريلها شيخه : ليش تتأفف هاذي عقب بتستوي زوجة المستقبل ....... اخبرها عن سوالفك خالد : أي سوالف؟؟؟؟؟؟؟؟؟؟ هاللحظه وصلت فاطمه عند باب غرفة خالد و قالت : السلام عليك خالد اشحالك؟؟؟؟؟؟؟؟؟ حشا محد يشوفك ولا تي تسلم ولا تنشد حتى ؟؟؟؟؟؟؟؟؟ خالد بدون نفس : الحمدلله اشحالج انتي ......... والله عاد تدرين تونا مخلصين امتحانات ثانويه عامهلازم نجابل كتبنا شيخه : الحين انتي يايه عشاني ولا يايه تتشرهين على خالد؟ فاطمه بضيقه : يلا بنسير غرفتج بنشوف باجر شو بنلبس وسارن غرفة شيخه شيخه : فطوم ليش ما ييتي تسلمين على قوم عمي ؟ فاطمة : والله تدرين بيتنا ما يخلى من الضيوف بغيت اسلم عليهم بس ما حصلت فرصه لكن انشالله باجر فالعيد بسلم عليهم مره وحده شيخه : عاد لا انتي ولا خواتج عالاقل وحده منكن فاطمه : والله فضيحه بس عاد شو نسوي الظروف تحكم.......... اقول ترا حمد يسلم عليج مأذيني شخبار شواخ وينها محد يشوفها........والخ شيخه : شو يباني كل ساعه ايي بيتكم؟؟؟؟؟؟؟؟؟ والله عجيب هالولد فاطمه : الشوق حبيبتي شو يسويبه مع انه مو مقصر كل شوي ياي بيتكم مدري شو مسويه فالولد ساحرتنه شيخه باستهزاء : ههههههههههههه اسحره على شو ياربي!!!!!!!!!!!!!!! فاطمه : عاد الي يسمعج بيقول انتي ما تبينه ............ الا تموتين على اخويه شيخه استحت ما عرفت شو تقول هي فعلا تحب ولد عمتها حمد بس ما تبا تبين لحد حتى اقرب وحده لها و الي هي فاطمه..... بس حتى لو شو ما بتقول لحد بس على ميييييييييين فاطمه ماشالله عليها ما يطوفها شي عقب شيخه حبت تغير السالفه : اقولج ترا انا باجر بلبس ثوب التلي الاصفر شورايج فاطمه و هي تبتسم تعرفها تبا تغير الموضوع : وانا بعد اقول جي......حلو الاصفر الكل كان مرتبش هالليله الي قبل العيد طبعا الشباب طالعين و البنات فالبيوت يزهبون بيوتهن حق العيد عالساعه 12 الكل كان راقد طبعا الا الشوبه الي كانو يزهبون اللحم الي يسوونه الحم ........... طبعا كل حد حسب عاداته في ناس يسوون مشاكيك وحد يسوي تنور وحد مضبي وهذا الي كان يسوونه قوم بوخالد و بوسيف ......... وهالمهمه يتكفلون بها العرب ويسوونه بليل عشان صباح العيد يكون اللحم زاهب و طبعا هالمضبي ولا احلى عجيييييييييييب المهم هالليله يكون فيها بوخالد هو الي يسوي كل شي و يساعده واحد من عيال اخته الي هو جابر اما الباقيين يترغدون ما منهم فايده حتى خالد ولده العود ما يساعده ......... بس هالسنه غير بوسيف بكون معاه يساعده.............. المكان الي بوخالد يسوي فيه اللحم هو في حوش بيته بس يفصل عنه بيدار وله باب بروحه نوره ما رقدت هالليله وهي تفكر في العيد كيف بكون هالسنه اكيد غير عن العام وكل السنين الي قبل عقب قررت تطلع الحوش ومن طلعت شافت ابوها ياي من برا استغربت شافت الساعه لقتها الساعه وحده وعشر عقبها اطالعت ابوها نوره باستغراب : ابويه من وين ياي هالحزه ونته بوزار وفالينه بس!!!!!!!!!!!!!! بوسيف : كنت مع عمج اساعده فاللحم و كمل كلامه وهو ساير صوب المطبخ .......... هاذيله الشباب ما منهم فايده محد منهم قال بعاونه محد عنده غير جابر ولد عمتج عايشه و هو طالع ماخذ عنده بيده اغراض محتاينها قالتله نوره وهي تسايره لين برا : ابويه بسير وياك بشوف شوتسوون بوسيف : يلا تعالي بس انتي اشعندج مارقدتي لين الحينه؟؟؟؟؟ نوره : ماياني رقاد عادي حتى لو مارقدت الصبح بقوم من الحماس بوسيف و هو يضحك :ههههههههههههه جي باجر عندنا مباراه نهائيه هههههههههههههههههههه وكملو طريقهم طبعا البيت قريب ما يباله دقيقه وحده ............. وهم سايرين سمعت نوره اصوات شباب يضاحكون استغربت نوره : شو هالصوت!!!!!!!!!؟؟؟؟؟؟؟؟؟؟ بوسيف : هذيله المرغده مارقدو لين الحين يالسين الا يدقون سوالف نوره : منو؟ بوسيف : اخوانج وعيال عمج وعمتج نوره : انزين بدال اليلسه ليش ما يعاونوكم بوسيف : ما نبا منهم شي امبونهم ما يعرفون يسوون شي هاللحظه دشو على بوخالد وجابر لقوهم مورين الضو ويزهبون اللحم و شكلهم كانو يتريون بوسيف من شافو قالو مع بعض : كيف ؟؟ حصلت الاغراض رد بوسيف : هيه حصلت و يبت لكم معاي راديو يونسكم آخر الليل و كمل وهو يطالع نوره كيف بوزت لانه كان يقصدها نوره : افاااااااااااااااااا ابويه خلاص انا برجع البيت بوخالد : والله ما سرتي تعالي بتخبرج انتي ليش ما رقدتي لين احينه!!!!!!!!!!! جابر : خالي خلها يمكن تبا تتعلم تسوي اللحم المضباي ههههههههههههه وكمل وهو يقول هااا بنت راشد شو يايبنج؟ نوره : كيفي ابا اطالعكم ونتو تسوون اللحم ما ياني رقاد قلت اقعد عنكم........ عندك مانع ياولد عمتيه؟؟ جابر : افا انا عندي مانع لا حشا بوخالد : جابر سير ييب جدر عود فيه ماي جابر : انشالله تعالي نوره بتسيرين ويايه؟؟ نوره : هيه ليش لأ و طلعت نوره مع جابر ولدعمتها جابر اكبرمن نوره بعشر سنين و هو كم مره خطب اختها اليازيه بس قوم بوسيف ما ردو عليهم لانه اليازيه كانت تدرس وتقريبا كل حد يدري بالسالفه المهم سارو جابر ونوره صوب بيت بوخالد و هم ماشيين لاحظهم خالد بعينه اصلا هو من طلع عمه من بيته ومعاه نوره شافهم بس محد انتبه غيره من الشباب وكان يتحرقص يبا يسير صوبهم عشان يكحل عينه بشوفة الغاليه بس الشباب مسكوه وما خلو بس طول الوقت كانت عينه على الباب الي دش منه عمه و نوره كان خاطره يقوم و يسير لهم ........... بس من شاف نوره طلعت شاف الي طلع وراها.......... هذا جابر وين رايحه معاه هالخبله و من شافهم و قلبه شاب ضو ماقدر يتحمل قام ولا عبر الي كان قاعد معاهم وهم يزقرونه بس ماكان يرد عليهم اصلا هو من شاف وره طلعت ماحس بالي عنده وصل و دش عند عمه و ابوه خالد بضيقه: السلام عليكم بوسيف و بوخالد : عليكم السلام......... شو خلصتو سهرتكم؟ خالد : لا بعدهم يالسين بس قلت ايي اطالعكم بوخالد بشك : هيييييييييه تطالعنا خالد : عمي من الي دشت عندك ....... جنها يزوي (يستهبل) بو سيف: لا هذي نورة خالد بعصبيه : هاااااااااااااااا شوه يايبنها الحين !!!!!!!!!!!! ما ترقد؟ الساعه وحده الحينه نورة وهي ادش سمعت خالد : تراني ساحرة ما تدري جابر : هههههههههههههههههه زين يوم بتعترفين ......... روحج قلتي محد قالج بوخالد : يلا عاد كله ولا الوالده محد يضحك عليها يوزو عنها بوسيف : خالد خوياك بعدهم عن يرقدو ترا باجر العيد خالد و عينه على نوره وجابر : هاااااا؟؟؟؟؟؟؟؟؟؟؟؟؟؟ بوسيف : شبلاك انا انشدك عن عيالنا خالد : اسمحلي عمي .......... تو الناس عمي بعدهم بيرمسون بوخالد كان يسولف معهم وهو يوري الضو و يزيد حطب عشان يزيد النار.......... بنتي نوره هاتي حطب هاذو وراج .... يابت نوره لعمها الحطب و يلست حذاله تشوف الضو و خالد ما خوز عينه منها يطالعها يالله محلاها و هو بعده معصب و افكار في راسه توديه وتييبه هاذي شو سالفتها تسولف وتضحك و تتغشمر مع كل الخلق الا انا يعني هالكثر تقزني بس برايه بستحمل .... لكن انها تيلس تسولفلي مع فلان وعلان وانا اطالع وساكت لااااااااااا هذا الي مقدر اتحمله خاااااالد خاااالد كان هذا بوخالد ينادي ولده كان متفضح لا ينتبه حد عليه وهو يطالع نوره وسرحان بغى يلهي بشي عقب بيفضحنا هالولد بوخالد : خالد سير ييبلي ماي عطشان انا بوسيف : لا حشا ماقام خل نوره هي بتييبلك نوره : هي عمي انا بسير افا عليك وقامت بس قطعها عمها بوخالد : فديتها ما تندل فديتها ........ يمكن تخاف تسير للبيت روحها الدنيا ليل بوسيف : ماعليها باس سيري بنتي ييبي ماي جابر و هويقوم من مكانه : انا برابعها اخافها اطير عنا هالساحره هههههههههه خالد بعد مافقد اعصابها هذا زودها حامض على بوزك والله : لا فديتك استريح ماشي سيره محتايينك اهني انا بسير وياها و عقب بوصلها البيت بسها سهر كان خالد يتكلم بلهجه تحكميه بس محد قاله شي وهم يشوفونه شوي و بطش بجابر عن ياكله |
| الساعة الآن 03:44 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
][ ملاحظة: جميع المشاركات تعبر عن رأي الكاتب فقط ولا تمثل راي ادارة المنتدى بالضرورة، نأمل من الجميع الالتزام بقوانين الحوار المحترم ][