متأكد ان طريقتك ف الرد علي المواضيع صحيحة .ماشي تجهله؟؟؟ متأكد؟؟! دش وشوف وتأكد.
 

السلام عليكم يالاعضاء..
شحالكم؟؟


انا اليوم بغيت اقول بعض الامور لازم الواحد يحطها ف باله او ياخذ بها قبل ليكتب اي مشاركــة
او يقوم ب الرد
وانا لاحظت ان بعضنا للاسف يجهل هذي الامور او القواعد..

وهي..

1- الرد باسلوب لائـق

2- لاتكفي فقد ب كلمة مشكــور !! ابيك اتحط اضافات من عندك وتناقش الموضوع.

3- خلك زرب!! او بمعني اصح رد باسلوب لايجرح الاخرين!! .
بعض الاعضاء اشوف ردودهم ؟؟!!! مدري شو اقوول؟
والله الواحد يوم ايشوف هالردود ايقوول ليتك مارديت وضليت ساكت!!
كان ابرك وافضل!!

4- ودي اعرف ليش كل واحد يحاول انه يظهر عيوب الاخر وتحس جي داخله حقد او شي من الكره تجاه العضو!! ليش؟؟؟
5-ليش تتهاوش؟؟؟ شو بتستفيد لمن تتهاوش او انك تستفز العضو؟؟

6- الرد علي المواضيع اختياري.. مب اجباري.. يعني رد رد حلو

7- لو عندك نقد للموضوع .. .. انقد.. وعبر عن رايك وعن افكارك
لاكن باسلوب لايجرح شعور الاخرين..

8- تذكر ان هالمنتدي انت اللي بيدك انك اتخليه فووووق
و تخل سمعته زينة او انك اتخليه تحت !!
المنتدي سمعته بتكون ع الاعضاء.. اعضاء المنتدي هم اللي يعطوا لاانطباع لدي الاعضاء الجدد سواء كان منتدي جيد او لا...

9- بعض الناس اتسجل وماتشارك!! لاكن اضل اطالع ردود الاعضاء وتشوفهم كيف صايرين؟!!

10- تذكــــر ان سمعــة المنتدي بين يديك..

11- اتمني انك تفيد وتستفيد من المنتدي... :)

12- انا كتبت ذا الموضوع جي.. بدون اي اعداد او ضبط.. ولو اي احد عنده ملاحــظه يقولها.. ويعدل علي الموضوع.. :o

اولا مشكــــووورة :D
احزان الماضي ع المرورورورو والمشاركــة..
انا ردودي كلها صريحــة!! مااجامل!! :o
وماظن احد يزعل من الصدج!! المفروض يتقبله بروح رياضية..
وانا مارد رد قوي!! الا لمن احد يرد رد قوي مثله!!
لان مااحب احد يستهزأ باحــد !!..
بس انا جرحت منوو بالضبط؟؟؟

كلام وارشادات بغايه الروعه
ودمتي سالمه
واحسن الكتابات اللي تطلع عفويه دون رتوش
لذلك حتى لو ف تعديل ما بعدلها لاني احسه فعلا هالموضوع
طالع منك بتعب وبدون تكلف ومجاملات

يعطيك الف عافيه التفاحه ولو الجميع التزم بهالنقاط راح نطلع باشياء حلوه والجميع راح يفيد ويستفيد

تمامووووووووووووا عاد الردود حلوه مافيها شي يا تفاحوووه الساحرة ههههههههه
عيل راح نستفيد ونفيد في الردود من اليوم تعليقات ما تجرح

تعالي صح الحين منو للي جرح
شاركين لج على الموضوع والمفيد

تشكري التفاحة على النصائح

مشكورة التفاحــة

الف شكر اختي التفاحه..

اخواني العصبيه ماراح تنفع..خلووونا ريلكس..

تسلمي تفاحه
جزاك الله خير الجزاء

تسلمي يالتفاحه ............... الحمدالله انا لازم ارد على مواضيع في المنتدى ............. موب شرط كل المواضيع بس اشارك............ بس صارلي شهر وشي ما دشيت المنتدى وعذريني ضروف اجبرتني.........

وهدي الوضع يا التفاحه بالتاكيد المنتدى ما بيكون فوق إلا بنا احنا اي الاعضاء.............

وتحياتي

يعطيك العافيه أختي ...

معك حق ف كل كلمه كتبتيهااا ...

تسلمي أختي التفاحة على اللفتات الرائعة
و يا ريت كل الأعضاء يطبقوها
فعلا سمعة المنتدى لا يحددها سوى أعضاءه

أنا لا أعرف طبيعة الردود للآن لأني حتى هذه المشاركة جديدة ..
لكن لا أظن في منتدى جعلان إلا الخير

دمتي بحفظ الله

مشكووووووووووره اختي التفاحه على النصائح وفعلا مشي احسن من انه يكون عند الواحد اسلوب في مشاركاته لانه اولا يعكس شخصيته وثانيا يعكس صوره حلوه للمنتدى!!

بالفعل موضوع جيد واتمنى الاستفاده لتعم الاراء والفائده