|
هل يحق للأخ أن يتدخل في أخته والأب موجود ؟؟؟!!
المــوضوع هو هل يحق للأخ أن يتدخل في أخته والأب موجود ؟؟؟!! (( هذا واحد من الشباب اطلعت أخته لحفله وحده من صديقتها مع مجموعه من صاحباتها .. عاد اشترط عليها قبل لا تطلع إنها ترجع للبيت الساعه 9ونص .. لكن البنت عجبتها الجلسه ومع السواليف ما ردت إلا الساعه 11 وهناك بالبيت استلمها أخوها بالضرب والرفس المبرح .. تنومت بعدها من كثر ما ضربها بالمستشفى ؟؟! .. ومع كذا ما ندم بالعكس قال أحسن .. عشان تعرف إن بالبيت رجـّال لازم تخاف منه وتحترمه .. وثاني شي أنا قاعد أحميها من نفسها .. لأن الوقت هذا مافيه أمان والبنات فسدت أخلاقهن .. وصعب علينا نصلحهن بدون شده وعنف ..؟!!)) المناقشــه :،،،، 1- شو تعليقكم على ماسبق ؟ هل صحيح قول (( اكسر للبنت ضلع يطلع لها 24 ضلع )) ؟؟ 2- هل صحيح إن الولد غير البنت في الخطأ ؟؟ 3- هل صحيح إن لايحق للأخ يتدخل في أخته إذا كان الأب موجود ؟؟ انتظر ردودكم؟؟؟؟؟؟؟؟؟؟ |
نعم من حق الاخ يتدخل في اخته وبعض الاباء ضعيفين الشخصيه لكن ماتوصل لدرجة الضرب""الله يهدي بعض الشباب يضن الرجوله بالضرب""ومانسوا انه الرجول في الحكمه"""ومثل ماقالوا من الحكمه تجعل العدو صديق
|
اولا مشكورة اختي احزان الماضي على الموضوع
ثانيا تعليقي نعم يحق للاخ ان يتدخل بما ان الاب لا يتكلم وكانه تمثال يحق له لان الاخ هو الاجدر بحفظ عرض اخته الشباب يعرفوا بعضهم كثير ومستحيل اخوك يقولك شي علشان يضرك وانما علشان مصلحتك ومصلحة سمعتك والصراة انا لا احبذ خروج المراه بمفردها من المنزل حتى وان كانت مع احدى صديقاتها لان المراه تتعرض لكثير من الاخطار اما ثالثا فالصراحه هذاك المثل ما اعرفه ابدا ولا اقدر احكم فيه اشكرك |
ههههههههه
أول شي أقووول أخوي سندي فالحياة وبصراحه فالموقف اللي انذكر البنت غلطانه كل بيت وله قواعد وقوانين يمشي عليها بس أن تصل للضرب لا ممكن يوجهها بكل احترام ما ادري ما قادره اتخيل اخوي يضربني هههه ما صارت حتى واحنا صغار حتى تصير الحين بس بكل صدق احيانا يقولون أرائهم بكل حرية وتكون محل نقاش . في حل أفضل من الحل اللي سواه الاخ الفاضل شو يعني يستعرض عضلاته على بنت هذا ما دليل قوة بل العكس دليل ضعف المفروض يقنعها لأنها لو ما اقتنعت باللي يقوله حتى لو قطع رجلها راح تحصل طريقه وتطلع و راح اتسوي اللي تبيه . النتيجه جو متوتر فالبيت والله حاله |
تعليقي انه هذا الشاب او اللاخ ما فيه عقل
2-لا الخطا واحد سواء من البنت او الولد 3-صحييح وماله اصلا اي حق يروم انا يتدخلاوا اخواني ف حياتي اللي له الحق باباتي وحده بس ولعله الكسر هالشاب اللي ضرب اخته لو انا بشتكي عليه واللبسه تهمه |
اولا مشكــــوورة
احـــــــزان الماضي ع الموضوع.. وانا من رايي انه من حق الاخ انه يدّخل في امور اختــه وعاادي اذا ضربهاا.. هو رجّال.. وغير هذا هي ليش ماتسمع الكلام؟؟ هو قالها تسع تردين يعني تسع تردين ليش تيلس اكثر؟؟؟ واصلا ليش تسير حفلة وماحفلة!!؟؟ الحرمه مكانهااا البيــــــت !! ويوم تطلع تطلع مع ريلهاا او اخوها..((تطلع مع احد ))((مافي طلعة بروحهاا) وشو اللي تيلس لين 11؟؟؟ عيل كانت ترد 12؟؟!!! وطبعا الولد غير البنت ف الخطـا البنت بنت والرجّال رجّال!! والرجّال مايعيبه شي!! مهما يطلع مهما يروح عاادي يعني لو لو بنت ردت متأخرة!! بيقولوا اخلاقها مب زينه لاكن لو شاب رد متاخر! عااادي محد بيقول شي!! حتي لو رد الفير! وانا اشوف ان اخوها ضربهاا لانه خاايف عليهاا من كلام الناس!! والناس ماتصدج تشوف اي شي الا يسوون عليه سالفة! يعني هذي لو احد شافها من جيرانهم!! بيقول هذي ردت الساعة 12 مابيقول 11!! والسالفة تنتشر بين اهل المنطقة الين توصل للساعة 5 الفير.. |
مشكورين الاخوة والاخوات ع الردود وفعلا انا اشوف من وجهة نظري ان البنت غلطانه دام تحدد لها الوقت الي ترد فيه
ومن حق الاخ يتدخل بس ماتوصل لدرجة الضرب نشوف اراء البقية |
هلا
بالنسبة للضرب بهذاك الشكل اقوله متخلف صراحة اولا يعتمد هي راحت مع منو لو انا ما مرتاح من هذه الحفلة كان ممكن اقنعها انها ما تمشي ثم كان ممكن يتصل حقها ويستعجلها ولو تاخرت كان تكفيها نهرة وحدة او زجر لاكن بعد ما يفهم منها الموضوع بس الضرب المبرح اولا ما منه فايدة لازم الاقناع وسعة القلب والنصح لازم تبيين الصح من الغلط لازم اوصل حقها الفكرة وليش انا كنت ابيها ترجع من وقت اما في ما يخص انه الاخ يتدخل فنعم يتدخل بس بشكل ثقة وتفهم بينه وبين اهله بس بالمعقول مش يكسر اخته في عينه من هذه النوعيات مثل اخ يضرب اخته يا ليت لاسباب مثل هذه لاسباب بايخة مثلا قومي سوي حقي عصير ولا شاي ولا ما ادري شنو بشكل غصب عنها يا خي اذا ما كان الشيء مقدم لك من طيب نفس ومن احترامها لك اصلا ما له طعم يعني ما اعتقد انه في داعي لاكراه البنت على طلبات مثل هذه والحمد لله بالطيب كل شي يمشي وانا ما احب امد ايدي على اهلي بشكل مبرح ولا قليل اكتفي بالتوجيه والنصيحة تحياتي |
تسلمي اختي احزان الماضي ع موضوعك
وانا من وجهة نظري الاخ يتدخل في البيت في حالة وجود الاب ويمكن الاب لا يعرف انه نعيش في زمن غريب وانا اذا الاخ كلم اخته وخاف عليها فهو يخاف ع سمعة اهله وبيته بس يكون تصرف عقلاني وبهدؤ ومثل هالتصرفات لاتكون بالضرب وانا بالنصح والارشاد |
طيب شي حلةو
شاكره لكم وجهة نظركم اخواني بو جاسر وجعلاني للابد |
العفو اختي بس شو وجهة نظرك وابي رايك بالموضوع
|
جعلاني سبق وضحت وجهت نظري بالموضوع
وانا اقول يحق للاخ ان يتدخل خصوصا انها اخته مب وحده غريبه حتى لو الاب موجود فيه امور وايد يجهلها الاباء وانا اشوف تدخل الاخ ماهو الا مصلحه لها ويخاف على سمعة اخته واهله كلهم بس التدخل يكون بالنصح والموعظه والارشاد اما الضرب مااعتقد انه له دور ايجابي بالعكس ممكن ياثر بشكل سلبي ع البنت وتتصرف تصرفات مب زينه ..... |
الموضوع جيد هناك خطوط حمراء ليس مسموح بتجاوزها بحيث للتخطلت المسوؤليات بين افراد الاسرة كل له حدود اما هذه فحالة نادرة مستثناه لسبب يعرفه الاخ الاكثر اطلاعا على مجريات الحياة الشبابيه وعلى ماأعتقد سبق وان قراءت موضوع هنا على المنتدا بان بنت اغرتها صديقتها في المدرسة الي ان ادخلتها طريق مظلم ندمت على سلكه إذا لم تخني الذاكرة أما انتن بناتي الشابات فعلمن بان البنت مراءة إذا خدشت لاتصلح للنظر فيها تعكس الصورة مشوة وحذاري حذاري الانجرار وراء السراب المسمي بالحضارة ولكم شكري ( مجرد رأي )
|
شاكره لك مرورك ورايك بالموضوع اخي ال عمير واحترم وجهة نظرك اكيد
|
مشكوره احزان ع الموضوع
أولا من حق الأخ بان يتدخل في اخته وخصوصا المعروف انه الاب حنون على بنته اكثر من الاخ وانه الاخ اغير على اخته اكثر من الاب ثانيا كان من المفروض انه ياخذ الامر بهدوء وبدون عصبيه عشان ما يمد ايده عليها وبعدين يندم على فعلته هذا رأيي باختصار |
هيه ... يحق للاخ انه يتدخل ف شؤون اخته
اذا كان الاب لا يتكلم و ضعيف الشخصية لانه اكيد يبا مصلحتها و يشوف الشي الزين لها ويخاف عليها و علي سمعتها و سمعتهم جميعا وعن الضرب ...من حقه يضربها اذا سوّت شي غلط اذا ما قدر يقنعها بالكلام و هي مصرّة انها ماسوّت شي غلط ومهما كان هالشي صغير او كبير ف نظرها وهذا رايي ف الموضوع ..... مشكووووووووورة احزان ع الطرح |
اخواتي نور الشرقيه والمشمشه شاكره لكم وجهة نظركم وردكم ع الموضوع
|
هــلا أختــي العــزيـزة
طـرح مهـم أحسنت.. وجهـة نظـري لا تختـلف عـن البـقيـة .. مـن حـق الأخـو يـتدخـل ف أختـه ف حـضرة الـوالـد.. خـاصـة فهالـزمـن.. الأخ أدرى باللـي يحـصـل ف الـزمن من مفـاسـد.. بـس موب بالطـريـقة اللي ذكـرتيـها ف القـصة.. هـذا تخـلف طبعـا وخـارج الحضـارة والتحـضر.. عـذرا على اللفـظ.. بـس بتـطرق إلى نقطة هـامة جـدا وهـي تـربيـة الابنـاء على الزمـن اللي عايشين فيه.. لأن عمر بن الخطاب يقول: لا تـربوا أولادكم على ما ربيتم عليه لأنهم ولدوا في زمان غير زمانكـم!! ولازم مـراعاة هالنقـطة.. الأجيـال الحـاليـة تختلف ولازم نراعيها وااايد >> اللي يسمعها يقول هي مش من هالجيل خخخخخخ ها اللي عندي والسموحة.. |
شاكره لج وجهة نظرج اختي موج وتفاعلك بالموضوع
|
بصراحة ما اعتقد انه هذا سبب مقنع علشان يضربها كل هذا الضرب نحنا ما نعرف كيف حياة هذا الشخص ويمكن هو كم مره يحذرها وما تسمع الكلام وهذا المره عمل كذا يعني كسرها الله يكون بعونها
اما بالنسبه لتدخل الاخ بدل الاب فيحكمه اشياء كثيره منها انه اللولد يعرف شو يصير عند الشباب اكثر من الاب وثاني شي الاب يكون مشغول كثير ويمكن يكون مسن واشياء اخرى لاكن اذا كان الاب على نزاهه وحكمه مو من حق الاخ يضرب اخته ولا حتى الاب من حقه يضرب بنته على العموم الاشياء الثانيه جاوبوها عني كثيرين وما بزيد شي وشكرا لطارجة المووضع والشكر مووصول للاعضاء ايضا تحياتي لكم راعي الكروزر |
شاكرة لك وجهة نظرك اخوي راعي الكروزر وتفاعلك مع القضيه
|
أولا مشكورة أحزان الماضي
انا اشوف انه من حق الأخ يتدخل صراحه انا ما لي غنا عن أخوي وداماً أحب اشاوره في كثير من الأمور ويحق له انه يعاتبني إذا غلط أو تأخرت عن البيت أما مسألت الضرب ما من حق الأخ يضرب أخته لا ضرب مبرح ولا خفيف خاصه إذا كانت كبيره لانه الضرب يزيد المشكله مايهونها |
لي وجهه نظر بسيط ان يتدخل انا مع التدخل ولكن بدون عنف ... في النهايه الاخت بنت حواء .. وابسط طريقه حتى نتعامل مع حواء ان يكون بتفاهم واسلوب الراقي حتى لو ان الاخت تاخرت عن الموعد الذي حدد لها .. نحاول في بدايه الامر اننا نحاورها وفي المره الثانيه اذا تكرر الامر نحاولها اما في المرة الثالثة اعتقد التوبيخ بشي من العنف البسيط لا ضرر منه ... ايضا لا يا ايها الاخ ليس لك الحق بتوبيخ اختك بصورة عنيفه فانت انسان وهى انسانه .. ةاعتقد البنت الفاضله تسمع كلام اهلها بدون ان تجد نفسها في هذا الموقف .....
ع العموم يحاولون الاخوة هذه الايام ان يفرضون شخصيتهم امام اخوتهم ولكن بصورة ليس حضاريه ومن رد على الموضوع من الصبايا والشباب وكان مع الاخ واثقل الكلام ع الاخت فاعتقد في اعتقادي الشخصي انه قاسي فحواء حتى نكسب ثتها فينا وحساسها بلامانه والحنان ان نكون يمها وليس ان نكون قاسين معها فعنف لا يولد غير الانتقام .. فاحذر انتقام حواء .. |
شاكره لك ردك الجميل اخي المحامي وتفاعلك مع القضيه وبالفعل كلام منطقي وجيد منك
تشكر |
1-شو تعليقكم على ماسبق ؟
كلام الاخ صحيح 100% بس لو ما ضربها كان احسن وايد واكسر للبنت ضلع ومستحيل يطلع لها ضلع مر ثانيه.. ومن رايي ان الاخ له ان يتدخل في شؤون اخته حتى تتزوج والسموحه شباب... |
مشكور اخوي ع وجهة نظرك وفعلا العنف نتيجته سلبيه جدا
|
| الساعة الآن 09:26 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
][ ملاحظة: جميع المشاركات تعبر عن رأي الكاتب فقط ولا تمثل راي ادارة المنتدى بالضرورة، نأمل من الجميع الالتزام بقوانين الحوار المحترم ][