|
الى متى تحجزون وتزوجون؟؟
حجز البنت للشاب منذ الصغر
مشكله كبيره في جعلان مهمه بالنسبه للعادات والتقاليد بعد اذن مشرفين المنتدى العام ااتمنى تسمحولي اناقش هالمشكله مع اعضاء هالمنتدى واذا شفتوا الموضوع حساس حذفوه مسموحين |
إلى ما يحلها ربك
وتتغير عقليت الاباء |
سبب طرحي لهالموضوع
قصه صادفتها في رحاب الحرم الجامعي ويعتصر قلبي الما لما تعانيه صاحبة القصه صارلي اعرفها 4سنين عرفتها هاديه عاقله رزينه الطيبه باسمها مرتبطه وزادت صحوبيتنا هالسنه صارلي كم شهر احس لما نكون سوا ان صاحبتي تبا تقول شي تبى تتكلم ومو قادره واذا غلطت وذكرت اسامي معينه من عايلتها تقول لي جملتها المشهوره (فيه اشياء ثانيه مولازم تعرفيها) اقولها ليش؟؟ تجاوبني صاحبتي (مالي نفس اتذكرها ولا اني اتكلم فيها احسها تخنقني) واضطر هنا للسكوت واللي شدني لصاحبتي وخلاني اوطد هالصحوبيه لصداقه عقلها ورزانتها انا موضد الحب بس احيانا نحتاج نسمع كلام ضده وصاحبتي موب ضد الحب لكنها مع الحب العاقل الصح الخالي من كل الشوائب اقصد الواضح لكل الناس كبنات نجتمع سوا ونسمع قصص ونسمع تجارب يمر بها البعض صديقتي كانت تسمع بس كانت تنصح مثل مااحنا كنا نحس انها عكس التيار تقول لا تكلميه خليه يخطب اذا يباك صدق بيخطب وواحد يختاروه لك اهلك احسن من واحد دش من الدريشه وبقيه البنات في عالم ثاني ماعندهم نصايح بس عندهم تشجيع لها وبين كلمه والثانيه ياحظك هالفرق شدني واااايد لصديقتي وصرنا واااااايد قرااااااب لبعض لحظه بكمل لكم بعد شوي |
مثل ماقلت لكم
كنت احس صاحبتي تبا تتكلم وتتراجع دايما عرفت انها محجوزه وكنت كل مااسالها عن الشاب تقول لي مااحب اتكلم في الموضوع مالي نفس اتكلم في الموضوع لاحظت شي موطبيعي مافي فرحه بس فيه هروووووووووب واضح من الموضوع وقبل كم يوم بس نطقت صديقتي واخيرا نطقت تعرفي ان عرسي قرب ماقلت مبروك تعرفوا ليش مبروك ماينفع تكون ردي ع لهجتها الساخره قلت لها انزين اقدر اقول مبرووووك ؟؟ قالت لي عادي ليش لا كنت اظن بيكون لها معنى صااارت كلمه من غير معنى مجرد حرووووووووف قلت لها ماتبيه!! قالت انت الوحيده اللي سالتني للحين هالسؤال؟؟ ليش ؟؟ شو اهميه رايي؟؟ قلت لها ومن غير تردد رفضي هذي حياتك وقرار مصيري ........والخ قالت لي ليه المشاكل ووجع الراس ابسط شي بيقولوه شايفه لها شيفه قلت مومعقوله تسكتي كيف وافقتي قالت ماحد سالني ولد عمي ومحجوزه له وهذي نصيبي قلت لها الشاب ينعاب؟؟ قالت لي ميه بنت تتمناه ويحسدوني عليه لكن ................ قلت لها ايش؟؟ حسيت اني عطيه ولاهديه ولا شيه ولا ثور ولا ناقه واوبي هداني لاخوه عورني كلامها قلت لها والحين ؟؟ عرسك قرب بتعيشي مع واااااااحد ماتحبيه!! قالت لي بديت اتقبل الموضوع يعني انا بديت اتقبل فلاان قلت لها معقوله فيه واااحد يرضى يعيش مع وحده بدت تتقبل فلاااااااااااان قالت شو اسوي موبيدي انا ماعندي شي ضده انا كرهت كلمة محجوزه اخيرا قلت لها عيل لاتقولي تقبلت فلان كزوج قولي حبيته كذبي ع حالك ياما نكذب وفي النهايه نصدق هالكذبه كذبي ع حالك وفي النهايه بتصدقي كذبتك وين اخوانك؟؟ اذا صعب التفاهم وياابوك قالت وليش المشاكل مع الوالد؟؟ عشاااااااااااااني وانا اقول لكم لمتى ياهل جعلان لمتى هالظلم وع فكره صاحبتي تربت ع فكره انها لفلان يعني ماحد ببالها غيره بس في نفس الوقت كرهت كلمة محجووووووزه وكرهت تجاهل الكل لها لكيانها عادي يتجاهلوا مشاعرها بس كيانها صعب انا موجوده اذن انا افكر وبالتالي انا لي راي شو رايكم؟؟ ياشباب تبى وحده تقول انا تقبلت فلااان |
عاااااااااااااااااااااادي بعدين لما بنعيش مع بعض بتحبني
ومب لازم الحب قبل الزواج |
اقتباس:
اانا ماسالتك عن رايك ياخوي الطيب في الحب قبل الزواج انا سالتك عن اهميه راي البنت في زواجها؟؟ ومشكور ع مرورك |
اقتباس:
اخوي الراهي وضح اكثر لوسمحت |
اوكيه اختي تل الورد لا تعصبي
اني اقول صح انه الفكره غلط بس مب لازم الحب قبل الزواج وانا قلت رايي بدون متقولي لي انتي وحن نناقش يعني ميحتاي تعصيبه اووووووووكيه |
انا أقول أنه من حق البنت ترفض اذا كان المتقدم لايعجبها
ومأعتقد انه أهلها بيغصبوها على الزواج من شخص ماتريده واذ أغصبوها عاد اهلها يتحملوا ظلمها لانه أظني جبرالبنت ظلم ومايجوز أم اذا البنت سكتت وماتكلمت عن مشاعرها ووافقت اذا أهلها وافقوا ليش تقول مظلومه وهي بنفسها أظلمت نفسها وتسلمي أختي تل الورد |
صح لسانك اخوي سهم والله كلامك صحيح ما عليه غبار
|
بصراحه اجبار البنت على واحد ماتباه يعني ظلمها واهلها يتحملوا هالشي بعدين
|
اشكرك اختي تل الورد ع طرح الموضوع
انا ومن خلال معايشتي مع الناس وسمعت انه حد محجوز له بنت عمه اوخاله واسالهم عن رايهم فيقولوا انا احبها وهيه تحبني ويتمنى اليوم اللي يجمعهم بيت واحد ولكن ارى انه البعض يحب سالفة الحجز والبعض الاخر ما يحب ويحب يتزوج من بنت حبها وحبته |
اقتباس:
سهم الموت سعيده بمشاركتك بمناقشتنا انا بروحي انصدمت انه فعلافيه اهل بهالشكل اما كلامك ان البنت سكتتت ووافقت اهلها لانها ماتبا تكون شراره الحرب بين ابوها وهله وعيال عمه وبين اخوانها وعيال عمهم انت بروحك لومكانها هل كنت بترتاح وانت سبب مشاكل عايلتك وهلك وناسك؟؟ |
اقتباس:
حلو الاختصار يابو الماضي وهذا راينا كلنا اسمحلي بس انت ماقلت شي جديد عموما سعيده بمرورك الخفيف |
اقتباس:
جعلاني فيه شباب ماعليهم من مشاعر البنت عليهم بس من مشاعرهم وبالعقل وانا اختك منهو الشاب اللي بيجيك وبيقولك فيه هناك بنت ماتباني وحسب ماعرفت مافي شاب من جعلان الا من رحم الله يقدر يطلع عن البنت المحجوزه له وشور هله ويتبع قلبه وهذا رايي الشخصي اتمنى مايكون موضوع نقاشكم وفي النهايه كلا ورايه واحنا نحاول نقنع بعضنا بارائنا والخلاف في الراي لا يفسد للود قضيه |
اقتباس:
بس كيف بتكون البنت شرارةحرب اذا أبدت رائها بالرفض أو القبول ؟؟ |
اقتباس:
اذا قالت لا عمها وولده بيعصبوا ليش؟؟ لييش ترفض ولدي؟؟ ليش ترفضني وانا احق الناس بها وانا ولد عمها العم بيقول شوف بنته مشتنه بكلامها. وبتصير نزاعه بين الاخوان العم والاب كيف بيكون قلب البنت وهي تشوف هالمشاكل يلي بسببها |
اقتباس:
وسمحيلي أقولج أنه انا شاب من شباب جعلان وأهلي عمرهم مأجبروني على بنت أو قالولي أنهمحجوزه لك فلانه ونفس الشئ عندي أخوات وعمري ماغصبناهن على أحد والبنت اذا قالت متباني انا بصراحه أصلن ماباها لوأجبروها لانه اللي ميشتهيني مأشتهيه ومحديجبرأحد على شئ مايبغاه؟؟؟؟؟؟ |
اقتباس:
وماكل العوايل وحده بس فيه ناس كذا صح ولا لا؟؟ وخلنا نطلع من الاطار الشخصي ونتكلم بشكل عام ياريت |
اقتباس:
بس انا اتكلم عن العام لاني من قبيله كبيره فجعلان وانتي تتكلمي عن أهل جعلان بالذات ليش أنتي تقولي أنه الغالبيه يجبروا البنت وماتقولي أنه الغالبيه يعطوا البنت رأئها الشخصي عالعموم أختي تل الورد أنا أشوف وأتحدث عن عامةجعلان بأنهم يعطوا البنت رائها واذا كانت ربيعتج من القله النادره واللي هن يجبروهن بصراحه سمحيلي أقولج انه شخصيتها فالبيت ضعيفه أو شئ من هذا القبيل لانه لولها شخصيه بتبدي رائها وبكل وضوح |
اقتباس:
أولا ... اشكر اختي تل الورد على طرح هالموضووووع ... واقدر شعورها المتواصل لهذا القضية واللي بصراحة تؤرق كثير بنات وخصوصا في محيط " جعلان" ---------- ثانيا... أحب أرد عل سهم الموت في عبارته وأقوله ""أيووووة في حد قادر على أن يجبر أشخاص يعيشوا بالكيفية اللي هو يريدها مش بالكيفية اللي هم يريدوها"" وباسم ويش!! باسم """""العادات والتقاليد"""" أخي سهم المووت خليك أكثر واقعية وانزل شوي من السما اللي أنت عايشها وعيش على سطح الأرض بعدين بتشوف إن هذي المشكلة محيطة بك من كل جهة... مب ضروري تكون في عايلتك علشان تتأكد إنها مو موجودة... بعدين احنا وين عايشين علشان البنت تقول ما أريد؟!! تعرف لو البنت بس قالت هالكلمة الناس شو بيقولوا؟؟؟ ولد العم: " هذي أكيد شايفة لها واحد!!" العم: " متكبرررررة!!" الجيران: " الله يستر علينا">>>> وكأنها مرتكبة جريمة "أعوذ بالله" أهل الحارة: سمعتوا شو سوت فللللانة والله صار لها صوت فوق صوت هلها. وهلم جرااااااااا... وتباها تتكلم بعد؟؟؟؟؟؟!! -------- تأكد أن هالبنت اللي تكلمت عنها أخت\تل الورد في مثلها العشرات إذا مو مئات في مجتمعنا... وياليت... ياليت... يوصل صوتنا للأهالي.. ونسمع آرائهم هنا في المنتدى... ولآباء المستقبل: """""" رأفة بهن"""" |
يله هذا رايك..
بس شو رايك اخوي نطلع من نقاشنا لبعض ونناقش بقيه الاعضاء ونشوف شو ارائهم شورايك بكلام جعلاني للابد او راي شيخ المزايين؟؟؟؟؟؟ ياريت نتيح الفرصه في النقاش لغيرنا |
أخي سهم المووت خليك أكثر واقعية وانزل شوي من السما اللي أنت عايشها وعيش على سطح الأرض بعدين بتشوف إن هذي المشكلة محيطة بك من كل جهة...
على مأعتقد انا متكلمت على شئ غير واقعي وانا ماقلت أنه البنت تنازع أهلها ان قلت تبدي رأئها يعني في أختلاف كبير بين كلامي وبين اللي أنتي فهمتيه والرأي أختي غيرالنزاعه وبقولج شئ اللي يبا يناقش مايندفع مثلج أنتي يعني يناقش الواقع وانا أظني ناقشة الموضوع بامثله من الواقع ومعتقدانه على كلامي أغبار |
اقتباس:
سعيده بتواصلج معانا اختي جعلانيه كووووول بس شو رايج بكلمة سهم الموت ان هالبنت ضعيفة شخصيه؟؟؟؟ وليش ياسهم الموت ماقلت ان البنت عاقل وحبت تلم شمل العايله وضحت بحياتها وكيانها وتقبلت فلااااااااان؟؟؟ |
اقتباس:
أنت فهمت وجهة نظري خطأ... كان هدفي من الرد هو أني أوضح أن المشكلة المطروحة حقيقية وكبيرة بعد... ومن ردود بعض الأعضاء وردك أنت بعد حسيت أنه في تهاون في الموضوع... وخصوصا من جانبكم أنتوا ""الرجال"" ما حسيتكم تتكلموا عن الموضوع كمشكلة تعاني منها أغلب بنات بلدكم...يعني موشرط أنت تعاني من المشكلة علشان تتفاعل معها... وبعدين أنا معاك...أنا بعد ما قلت أن البنت تنازع هلها وقلت أن البنت مجرد ما تقول بس رايها... راح يطلع كل الكلام اللي سبق وذكرته... وحبيت أوضح لك أني انا ما مندفعة برأيي ولكن قوة الموضوع أجبرتني بأني أرد بهذ ي الطريقة.... ورجاااااء """""لا تفهمونا غلط:rolleyes: |
اقتباس:
وفيه سباب حاطين بنت على مزاجهم |
وليش ياسهم الموت
ماقلت ان البنت عاقل وحبت تلم شمل العايله وضحت بحياتها وكيانها ومدام ضحت بكيناها على قولج ليش تقول مظلومه ؟؟؟؟؟؟وانها مجبوره ومغصوبه ولاخت جعلانيه كوول تقول أن ياليت الاباء يسمعوا ويحسوفينا كيف يسمعوا ويحسوا وأنتن تقول أنكن مضحات على شأن شمل العائله أختي تل الورد اللي يبا يتنازل مايقول مظلوم واللي يبا حقها يطالب فيه مايسكت ويقول أنا مضحي وبعدين يقول أنا مظلوم |
ومن ردود بعض الأعضاء وردك أنت بعد حسيت أنه في تهاون في الموضوع؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ هل أنا متهاون؟؟؟؟؟؟؟؟؟ |
اقتباس:
باللي يتحدد كل شي من غير ماتعرف اذا هلها ماسئلوها تبي فلان ولا لا؟؟ تباها تقولهم لا!!!!! كيف؟؟؟؟؟؟ موكل الاهل يسمعوا بناتهم صاحبتي مثال بس فيه حالات متعدده عيل شورايك بالشاب اللي ياخذ البنت واهو يعرف انها ماتباه؟؟ |
تبا تعرف ليش ما يتجرأن ويردن ويفضلن التضحية بدل الحركة ضد التيار؟؟!!!
هذي أختها تمردت قبلها """برأي الآباء طبعا""" ورفضت ولد عمها وحصلت نفسها محاصرة بين جدران كلمة ""عنوووسة:: والثانية تلطخت سمعتها لنفس السبب... والثالثة: أبوها تبرأ منها.. أو خلينا نلطف الكلمة شوي ونقول ما راضي عنها والرابعة :: :: والخامسة.... لذلك ف"""""التضحية""""" أسهل الحلول بالنسبة للبنت... وكلهن راح تلقى شعارهن "" ظل رجل ولا بدون"" |
اقتباس:
يمكن جعلانيه كووول كانت تتوقع ردوداقوى من شباب حاسين بخواتهم اللي في وضع مماثل لصاحبتنا!!! وبصراحه انا ياجعلانيه كوووول اقول انه احنا مامتهاونين ولكن نحاول نناقش الموضوع بصوره اكثر تحضرا |
اقتباس:
ومجربين هذا الشئ ولنا اخوات متزوجات ومعتقدأنه بنت تتزوج وهي متعرف شئ وانه أول من يدري هي الام وبعدها بنتها صاحبةالموضوع وبعدين انتن تعرفن أنه اكبرظلم أنك تخلف رأئ البنت ومستحيل أحديعطيك رأئ بدون ميأخذ شوربنته ورأئي انه الشاب اللي يتزوج وحده متبغاه مفيييييييييييييييييييه دم وخالي من الرجوله لانه كيف البنت متباك وانت تغصبها عليك |
اقول اذيه راي الشوبه الزمانيين يعني ابا الحاضر وانتوا بنقاشكم هذا مراح تغيروا شي
اما بالنسبه للاجيال اليايه فالدنيا بتتغير دامه فيها شباب مثلنا صح ولا؟ |
اقتباس:
لاجعلانيه كوول تبانا نتنازع ونزعل أختي جعلانيه كووول في قاعده تقول((الاختلاف فالرأي لايفسدللود قضيه))فياليت تتحلي بها وماتزعلي |
اقتباس:
صح الكلام وهذي الاصول بس هالبنت عرسك في الصيف وبياخذك ود عمك ومهرك كيت وكيت ؟؟ جهزي نفسك شو رايك؟؟ |
اقتباس:
وفي بعض الاباء متحجرين العقل ولا يعتبر للبنت راي ولا يهتم اصلا لرايها وهذا واقع في بعض العايلات في جعلان وحتى ولو تدخل الاخ في الموضوع بيكون الرد عليه الرفض والغضب من ناحيه الاب والمهم دامنا احنا الشباب نناقش هالسالفه وحتى ولو نصحنا الشوبه بالموضوع ماراح يسمعونااااااااااااااااااااااااااااااا يعني مشي فايده من المناقشه |
اقتباس:
شيخ المزاييين انته قلت ان البنت بتحبك بعد الزواج سهم الموت يقول الريال اللي ياخذ بنيه يعرف انها ماتبه مافي دم خالي من الرجوله شو رايك؟؟ |
جعلانيه كوول وسهم الموت
ياليت نرجع لموضوعنا |
اقتباس:
يعني بنتنا صغيره أوتبا تدرس وبعدين شوالسبب اللي البنت متبا تأخذ ولدعمها اوخالها ليش ممكن تعطني الاسباب ؟؟؟؟؟؟؟؟؟ |
اقتباس:
واذا البنت ماتباه ياجعلاني ليش يتجاهل مشاعرها باسم الحجز |
| الساعة الآن 08:35 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
][ ملاحظة: جميع المشاركات تعبر عن رأي الكاتب فقط ولا تمثل راي ادارة المنتدى بالضرورة، نأمل من الجميع الالتزام بقوانين الحوار المحترم ][