منتديات جعلان - حادث المذيع سعود الكعبي

هذه قصة المذيع سعود الكعبي مع الحادث وبقلمه الخاص

بسم الله الرحمن الرحيم

انا بكتب لكم قصة الحادث اللي حصل يوم امس الموافق 13 من شهر اغسطس 2007

كنت طالع من البيت على الساعة 5 ونص رايح لمول الامارات ومعايه اخويه عبدالعزيز

طلعت من الاشارة الثانية في منطقة البرشا بالقرب من المول

وعلى بعد ثلاثين متر كنت اشوف العمال يعبرون الشارع من مكان غير مخصص لعبور المشاه

المهم انا شفت هذا الريال واقف بعده ماعبر قبل ثلاثين متر

ولما عبر الشارع انا خفيت سرعتي اللي ماكانت تزيد عن ال 80 كلم فالساعة

لين ماتخطى الشارع اليسار اللي كنت فيه ووصل نصف الشارع اليمين كنت بمقربة الثلاث امتار منه

العامل مرة وحدة ماعرف شو حصل له بالضبط هل هو ناداه احد اصدقاءه ام انها صرخة ملك الموت بانه قدره على سيارتي ام انه كان سكران ومدوخ ماعرف شو بالضبط لي ياه مرة وحدة لف ورمى نفسه على سيارتي اللي كنت اقودها تقريبا بسرعة 70 كلم فالساعة

طبعا كل اللي اعرفه ان الكيس الهوائي طلع والريال طار بمسافة 15 متر وارتطم بحاجز خشبي وفارق الحياة في لحظتها

انا نزلت من السيارة انادي على اخويه واركض باتجاه العامل الهندي الجنسية والهندوسي الديانة متمنيا انه مازال على قيد الحياة لكن للأسف

اتصلت بالشرطة اللي كانت موجودة خلال 3 دقائق مع سيارات الاسعاف لكن ماباليد حيلة وقدر الله وماشاء فعل

طبعا تم الانتهاء من تخطيط الحادث تقريبا على الساعة 8 المساء بعدها ذهبنا لمركز شرطة بردبي وتم اخذ الأقوال وانتهيت من الموضوع على الساعة 12 فالليل وبعدها رجعت البيت

وحاليا نتريا حكم النيابة فالموضوع

وسجل الحادث على انه التسبب في دهس شخص بغير عمد

الواحد ماوده يقتل حتى ذبابه

لكن هذا يومه وهذا قدره ياخواني

صورة العامل ماتفارق بالي لكن ماقول إلا لاحول ولاقوة الا بالله العلي العظيم

مادري بصراحه ليش ناشر قصته ..بس اعتقد ع سبه عدم اظهار الاشاعات

http://www2.0zz0.com/2007/08/17/17/29661663.jpg

وهاي صورة موتره بعد الحادث ... شكلها الضربة قوية