ولا شيء
 

والله وصرتي تستهينين فيني
وانا اللذي سويتلك قدر بايدي
تدرين وش كنتي قبل تعرفيني
ان قلت لك كنتي ولاحاجه شوي
انا اللذي فرشت لك رمش عيني
وعملت منك شي وانتي ولاشيء
جيت اعشقك ماجيتلك تحقريني
جيت اسكنك بسمه ماهو بسكنك غي
لاصرت عاملك قدر قدريني
ترى الكرامه صفحة(ن) مالها طي
مادام ماجيتي غلا لا تجيني
نار الجفا عندي ولا الذل بالفي
والله لاهجرك قبل لا تهجريني
اجل تبيعيني واجيلك برجلي
ياتتركين الكبر ياتتركيني
لان المحبه شي والمهزله شي
ان كانت الدعوه غلاي وحنيني
بكره يزول الحقد ويشعشع الضي
لكن حكاية ينحنيلك جبيني
في ذمتي ماينحنيلك وانا حي
الهـــــــــــــــــاجس

رائع جدا

سطور رائعة واحساس اروع

استمر على ذلك

تحياتي العطره
اختك

مشكوره اختي ع التواصل

هلا بك الغالي

من زمان ماشفتك مشرفنا في قسمنا

لايكون زعلان علينا اوشي هناك

كل شي ولا زعلك تراك ماتهون

ونبيك دوم مشرفنا بطلتك البهيه اللي تزيد للقصيد حلا ولون

تحياتي لك

تسلم اخوي تخوي
وعتاب قوي الصراحه

إحساس جميل وكلمات أجمل
واصل.... ولا تحرمنا جديد إبداعك

العاصفة

الللللللللللللللللللله واااااااااااااايد حلووووووو ماشاء الله عليك استمر اخوي ونحن بنكون جمهورك صح لسانك

صح السانك اخوي الهاجس كلمات رائعه
ونتريا جديدك

مع تحياتي:. درعيه عاشقة المشايخ

مشكور اخوي على تواجدك الجميل

تحياتي