|
شعر\خالد الفيصل
طــــفــــلــة خـــطــــا ********** لقيت الحزن في عيون طفلة خطا مرسوم ------ قضى دمعها والعين تبكي ظلايـمها لفظها رصيف العمر في شارع مزحوم ------ تزاحم عيون الناس والهم زاحمـهـا ترد النظر لعيون من ناظروا مهزوم ------ الى شافت العينين فيها هزايـمـها على هامش الدنيا رضت حظها المقسوم ------ وراحت تمرغ بالندم روح ظالمـهـا على هامش الدنيا وبالدايره مغـروم ------ عزل واعتزل روحه وخسـرت غنايمها لهم رحمـة الاسلام ماباقي معصوم ------ عسى الله يقدي من غدا في عوالمـها |
القصيدة التي أعجبت الأمير سلطان ووقف لها خالدالفيصل !
-------------------------------------------------------------------------------- السلام عليكم ورحمة الله وبركاته قصيدة الشاعـر المـلازم / مشعـل الحارثـي ألقاهـا في امام سيدي صاحـب السمـو الملكـي الأمير سلطان بن عبد العزيز في ميدان مجموعة لواء الملك خالد الرابع في المنطقة الجنوبية 00 وبعدها تم نقله إلى مكتب سمو الأمير الخاص .. وأعجب بها صاحب السمو الملكي الامير خالد الفيصل بن عبدالعزيز ووقف لروعة كلماتها مصفقاً إليكم القصيدة خل النياح وفـارق العـش ياطيـر غرد وهز الريش فـي كـل عالـي اليـوم هـذا غيـر وأيامنـا غيـر والبارحة ماهـي سـوات الليالـي الأرض صارت في عيوني نواويـر والبدر تـم وجـا مكـان الهلالـي وأبها تحدت فـي بهاهـا الغناديـر فلـت جدايلهـا وقامـت تـلالـي وفي وجه خالد للفرح الـف تعبيـر وحجاج فيصل فيـه كـل أبتهالـي من السعاده باقـي شـوي ونطيـر عزالله أن اللـي لفـا الـدار غالـي يامرحبـا مـاغـردن العصافـيـر مرحبـا مـازاف نبـت الرمـالـي ترحيبٍ أحلى من حليب المصاغيـر وضحٍ رعت روضٍ ربيـعٍ وخالـي ياللي شكت رجله طوال المشاويـر ياطـا بهـا درب الخطـر مايبالـي قرت عيـون اللـي يحبـون ياميـر طاريك.. وإلا الحين شفتـه قبالـي ياما حسبت الوقت حسـب الدنانيـر أسامـر نجـوم الثـريـا لحـالـي مبطي وانا أسمع فيك وصف البياطير واليوم جالي في القصيـدة مجالـي ياسيـدي مـال القوافـي معـاذيـر عـن البيـوت الوافيـات الجزالـي من لاجعـل للمـدح قيمـة وتقديـر ماظنتـي يلفـت ذهـون الرجالـي وأنت الذي معك سحـاب المزابيـر تمشـي ويتبعـك الحيـا والخيالـي وأنت الذي بأسمك تبـاح الأساريـر مثلك له أسمـاء عـراضٍ طوالـي سلطان ياسلطان من يومـك صغيـر مافي تسلطانك وشخصـك جدالـي كانوا ولا زالـوا يسمونـك الخيـر وياكثر السماء اللي تزاحـم فبالـي كريم سبـلا إلا زبـون المخاسيـر طلـق الحجـاج إلا بعيـد المدالـي درع البـلاد إلا طويـل الأشابيـر أبـو اليتيـم إلا عشيـق المعـالـي لاوالله لبن مسطـر المجـد تسطيـر على حصى الأرض ونفود الرمالي واخو فهـد ذروة سنـام المشاهيـر صفوة ملوك الأرض بـأول وتالـي فهد ولا قلنـا فهـد جـاوب النيـر تهتـز لإسمـه راسيـات الجبالـي زعيمنا اللي للعـلا واصـل السيـر حتـى تعلينـا علـى كـل عـالـي مال الطموح بوسط رأسـه معاييـر ولا للعوج عنـده ياكـود اعتدالـي اليا زعل تزعـل ملـوك وجماهيـر واليا رضا ينهـي جميـع الجدالـي مايشبـه غيـر الثنيـن المناعـيـر أنته وأبـو متعـب كريـم السبالـي عبد الله اللي فيه من سالـم الزيـر خطل اليمين الليـث حـام التوالـي سقم العدو اليـا هـرج دون تفكيـر رده على العـدوان جاهـز وحالـي نفخـر بكـم وإلا القصايـد تعابيـر ياشيوخ نجد الشعـب كلـه موالـي والله لوفيكـم عـن الملـك تقصيـر ماخصكـم ربـي عزيـز الجلالـي منـا وفينـا مالفيـتـوا مـداويـر حكامنـا وقـت الدهـور الهزالـي ورث الجدود أمن الليال المعاسيـر قبل القصور وقبل صرف الريالـي هاك الزمان سلاحنـا حملـة بعيـر مـن يومهـا متوثقيـن الحبـالـي منهاجنـا واضـح ولا فيـه تغييـر نمـوت مانرضـى عليـه البدالـي مااستعمرونا اللي غذاهـم خنازيـر تشهد لنا شهـب السنيـن الخوالـي من قبل عاشر جد أبو بوش وبليـر ماهي ثـلاث شهـور وإلا حوالـي واليوم في وقت الرخـاء والتياسيـر شفنـا العجـب لاوالله إلا الهبالـي ياكثـر ماقامـت تسـوق المقاديـر وياشيب عيني لاذكـرت وطرالـي المسجد اللي هزه أصـوات تفجيـر في حـزةٍ فيهـا يجـاب السوألـي والمسلم اللي ذبح مـن دون تبريـر ودم الرضيع اللي على الوجه سالي ينشدك يامكفر هـل الديـن تكفيـر وش حكم ذبح المسلمين العزالـي ؟ تدبـر القـرآن والـهـدي تدبـيـر وأخذ الجواب بصيغتـه والكمالـي فضحكـم الله يالوجيـه المغابـيـر ياطغمـة التخريـب والإنحـلالـي واللي على الفتنـة تـدق المزاميـر نعرف مطامعهم علـى كـل حالـي ونعرف من يدفع رسـوم الفواتيـر يالحية اللـي جحرهـا الإحتلالـي لنحورهم حنـا سـوات الأزاريـر حنا حمـاة الديـن ياهـل الظلالـي الأرض نزرعها رمـاح ومساميـر يحـرم عليهـم وطيهـا بالنعـالـي ديارنـا ماهـي بكابـل وكشمـيـر ياهمـلالـي صــدق ياهمـلالـي حامينها الأجـداد عـج ومعاصيـر بسيوفهـم علـى ظهـور الجمالـي واليـوم ياسلطـان شفهـم طوابيـر ملوا من المجلاس تحـت الظلالـي يبـون يـومٍ فيـه للحـق تكبـيـر عـن الكـلام تبـان فيـه الفعالـي ياسيدي قل وش تبي بـس ويصيـر حدد هدف لوهـو عسيـر المنالـي فالجـو نفاثـة وفالقـاع جنـزيـر وأن مت هاك اليوم من طيب فالـي هـذا وطنـا ماسكـنـاه تهجـيـر الجيـش واحـد ماجمعنـا الحثالـي لو ينتخي عرعـر تلبيـه خرخيـر كل الجنوب يصير جنـب الشمالـي لا يـاوطـن لاتحسبـنـا مدابـيـر لو الدهر في بعض الأحيـان مالـي طالبك لاتجفل مـن الوقـت وتذيـر وكلـنـا أبـنـاك وبالله الأتكـالـي وأن كان ماشفت السعـد والتباشيـر عيـبٍ عليـنـا لبسـنـا للبـدالـي نذرٍ علىّ لاحرسك وأفديـك وأغيـر ديني وعرضي فيك وأغلى حلالـي واللـي يأثـر فيـك بأيـات تأثيـر أبرى منه لو كـان عمـي وخالـي وأن مت واخذتني صروف المقادير والله لاوصي فيـك حتـى عيالـي منقول للأمانه |
تسلم قصيده حلوه يا سهم
|
كل ما نسنس
كلما نسنس من الغربي هبوب حمل النسمة سلام وان لمحت سهيل في عرض الجنوب .. عانق رموز الغرام لك حبيب ما نسا .. كلمته دايم عسى اطلب الله وارتجيه .. صبح يومي والمسا كل زين اشهاده وانتم بعيد منوتي ليتك معي وان سهرت الليل اهوجس بك واعيد هل لاجلك مدمعي وانت هاجس خاطري .. وانت فرحة ناظري يا قريب ويا بعيد .. فيك امس وحاضري نشوتك تلعب مع قطر المطر .. وانتشى قطره معك والسحاب يطاردك بين الشجر خالق الزين ابدعك الندى في وجنتك .. صار عطر بلمستك والهوى غنى طرب .. تستثيره بسمتك كلما ضمت عيوني منك طيف يا بعد كل الطيوف قلت ما مثلك على الدنيا وصيف لا حشا مالك وصوف لا سحاب ولا مطر .. لا نسيم ولا زهر .. لا طيور ولا زهر .. ولا مع باقي البشر .. خالد الفيصل |
بنت الكحيله ..
بنت الكحيله مهــرتي وخيالتي من كل اصيل ألقى عليها طربتي بين المعنـــــــق والشلــــــــيل صدر وقطاة فلـــوتي العنــــق والســـــاق الطويــــــــــــل وقع الحـــوافر نغــــــمتي وحــــداتنا رجـــــــع الصهيـــــــل أبوي وجدي قدوتي لو ما لهــــم عنــــــــــدي مثيل بالدين تفخر عزوتي والرمح والسيف الصقيل ماكر حرار ديرتي ما في هل العوجا ذليل |
سريت ..
سريت ليل الهوى لين انبلج نوره امشي على الجدي وتسامرني القمرا طعس وغدير وقمر ونجوم منثوره انفاس نجد بها جرح الدهر يبرا يا نجد الاحباب لك حدر القمر صوره طفلة هلال وبنت اربع عشر بدرا حبيبتي نجد عيني فيك معذوره معشوقة القلب فيها للنظر سحرا فضة شعاع القمر في نجد مسحوره منشاف لمع قمر في خدة سمرا |
ومازلنا مع قصائد خالد الفيصل
سمرت .. سمرت بصحبة حروف القوافي احملها تناهيت خوافي اشكل بالحروف الوان صوره احركها من المعنى بصافي اشيل الحرف من معنى لمعنى واجاري ما زهر واظهر بخافي والى منى عطيت الحرف ونه بها حرفي على النجمات طافي يقوم كل نجم من منامه أنا ما نيب اسامر نجم غافي يجيني كل نجم منه معنى ولا قد قلت للنجمات كافي تصور لي دموع وابتسامه من عيون تقصوت ما تشاف ألا يا نجم يا عالي تبصر شف بعين المحبه عين وافي وخبرني عن علومه وحاله عسى قلبه مع الأشواق دافي |
انا عندي يا سهم اذا تسمح قصائد مسموعه لخالد عبدالرحمن وطلال الرشيد
[rams]http://www.movn.net/5ald_3abd_alr7mman/mani_bhmmaz.ram[/rams] ما ادري تشتغل او لا هذي اول مره انزل فيها ريل ون والسموحه |
مسموحه وزود وكل شئ مقبول المهم ذكرأسامي الشعراء
|
واليوم هذه أخره قصيده مني لكم لخالدالفيصل
من شمال .. هب نسناس الهوا لي من شمال حامل ريح الخزامي والنفل من فياضٍ ظبيها يلعب دلال لى لمح ظله من النشوه جفل يذبح العشاق صعاب المنال كم شطير بالقناصة قد قتل مثل شمس العيد فضاح الجمال كل نجم لا ظهر نوره افل خصني بمواجه السحر الحلال واشهد ان السحر في قلبي نزل ضاري بمقابل فحول الرجال وارتعش قلبي من الفتنه خجل قلت راح العمر من دون الوصال قال لو حاولت يا القاطع حصل قلت لوني طامع لو بالخيال كان بدلت التوجد بالأمل يا ندى الغيمه على ورد الجبال يا عبير زهور ريضان السهل اجتمع حسن الحلا بك والجلال ما تبدل بك مع العالم بدل |
| الساعة الآن 04:56 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
][ ملاحظة: جميع المشاركات تعبر عن رأي الكاتب فقط ولا تمثل راي ادارة المنتدى بالضرورة، نأمل من الجميع الالتزام بقوانين الحوار المحترم ][