|
اقتباس:
والرضا والقبول هو من شروط الزواج...بس للاسف مو كل الاهل ياخذو بهالشرط ويكفيهم ان بنتهم يجيها عريس يرضيهم هم...وحتى الشاب بعض المرات يكون مغصوب وبدون اقتناع |
اقتباس:
|
صدج كلام ورده جوري..
الحين الابنااء هم اللي يتحكمون ف اهلهم!! محد يتزوج غصب هالايام!! ومحد يغصب احد ع شي!! |
الله يحييك حبيبتي ريانة العود...وتسلمي عالمرور والمشاركة
لو بحثنا ف الاسباب... انا ف رايي اول سبب هو صلة القرابة...وسالفة عيال عم ولازم ياخذو بعض..وانتي ذكرتي الجشع ويعتبر سبب ثاني وغيرها من الاسباب... مع اني لاحظت ان الشاب يقدر يرفض ويتكلم ويقول ماريدها ومابي اظلمها واعتبرها مثل اختي اذا كانت بنت عمه...بس البنت صعب تتكلم اذا شافت اهلها موافقين ويشجعوها عالموافقة...مو من عدم وجود قوة الشخصية بس كنوع من الاحترام لاهلها وانها ماتبي تطلع عن شورهم والشرع اكيد لم يجيز هالنوع من الزواج...بس للاسف مو كل ماهو موجود بالشرع مطبق بمجتمعنا...المشكلة الجهل اللي عايشين فيه بعض الاهل وتمسكهم بعاداتهم اللي بعضها تكون ظالمة وضد ديننا الاسلامي واكيد فيه اضرار كثير لهالنوع من الزواج...وانتي ماشاء الله عليك ذكرتيهن وتسلمي على الحلول اللي اقترحتهين وف نظري اول حل هو تغيير وجهة نظر الاهل المتحجرة لزواج الابناء...ولو انها شبه مستحيلة...بس مع مرور الزمن اعتقد الناس بتتغير وجهة نظرهم تسلمي عزيزتي...وصراحة كفيتي ووفيتي ف مناقشتك للموضوع |
التفاحة...تسلمي الغالية عالمشاركة
وتسألي : مدري ليش بعض الاهالي يزوجون عيالهم غصب!!؟؟ بقولك الجهل اللي عايشينه الاهل هو السبب...وف نظرهم انهم يعرفو مصلحة عيالهم وبعد الشاب اذا كان مغصوب عالزواج...ماعتقد بهالسرعة بيتاقلم مع الوضع...بالعكس اتوقع تتسهل له الخيانة او التفكير بالزوجة الثانية لان بيعلق السبب بهالزواج المكره عليه...وياما سمعت عن شباب متزوجين غصب عشان يعصبو بنات عمهم (على قولتهم) وبعضهم قدر يتاقلم وبعضهم ماقدر والبنت اذا كانت مغصوبة بتكون هي المظلومة وبتحس نفسها انظلمت من قبل اهلها...بس بشطارتها تقدر تتغلب عالمشكلة اذا حصلت تجاوب من زوجها وتقدر تغير النقمة اللي عايشتها الى نعمة |
منابر الدعوة...تسلمي الغالية عالمرور والمشاركة
وبقولك ترى فيه بعض الشباب ينجبرو... لما يحطوهم امام الامر الواقع خاصة صلة القرابة وبنت العم...بس فيه منهم يقدرو يتكلمو ويرفضو وف نظر اهلم بيكونو عاصيين وماوجبو اهلم والتوعية اكيد ضرورية للاهل للحد من هالمشكلة |
اخي...صادق المشاعر وعليكم السلام ورحمة الله وبركاته
تسلم عالمرور والمشاركة...واتمنى االله ان يوفقنا واياكم والموضوع طرحته...لان لاحظت الانتشار لهذا النوع من الزواج..وخاصة ف مجتمعاتنا الريفية...بس بدا يقل وببطء واثار زواج الاكراه كثيرة ومن ضمنها التي ذكرتها...وجزاك الله كل خير اخي |
رسالة عتب...تسلم على المرور ويكفينا مرورك وتعقيبك...نورت الصفحة
|
ابن الاشخرة...مشكور عالمرور والمشاركة
مثل ماقلت...الواحد يقدر يغير حالة الكره الى حب..بس المفروض يكون من كلا الطرفين اذا لقو نوع من التفاهم والاحترام بينهم |
وردة جوري تسلمي حبيبتي عالمرور والمشاركة
للاسف بقولك هالظاهرة موجودة عندنا...وبالاخص البنت تعاني منها اكثر انما الشاب يقدر يتكلم ويقول لا...انما البنت اذا تكلمت الف كلمة وكلمة بتطلع عليها عشان الرفض اعرف بنت ماعليها قاصر...بس للاسف محجوزة لولد عمها والمشكلة مايشتغل وتنتظر لين ماحضرته يشتغل...والخطاب من كل صوب بس ينرفضو بسبة انها لولد عمها...مع انه ولد العم ماتكلم رسمي وهي حتى ماتشاورت...بس تسمع من برى ان فلان خطبها وعلان خطبها وانرفضو لان ولد عمها بياخذها...وهي ماقادرة تتكلم...لان اهلها ماكلموها...بس حتى اذا كلموها تقول وش بقول وش سبب الرفض؟ وانا ماقدر اكسر كلمة ابوي دامه اشوفه متشجع..رغم ان مشاعرها تجاه ولد عمها عادية وتعتبره مثل اخوها...وغيرها من البنات اللي يعانن...وحتى بعض الشباب ماسلمو |
| الساعة الآن 07:26 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
][ ملاحظة: جميع المشاركات تعبر عن رأي الكاتب فقط ولا تمثل راي ادارة المنتدى بالضرورة، نأمل من الجميع الالتزام بقوانين الحوار المحترم ][