يطول مع تفاكيري جدالي
ليا من طول الليل بوقوفه
ياليته عن حنيني ما يبالي
ولو ينساه ياكبر معروفه
على اللي ما ترك حالي بحالي
واخذ صوته من اذني واخذ شوفه
واخذ جوفي معاه ولا صفى لي
وفارقني وانا جوفي بجوفه
ولا اخاف الفراق ولا طرى لي
يفرقنا الزمن واصير خوفه
مقدر جيته من كان غالي
وليا من غاب بقدر ظروفه
تغنيه القصايد من خلالي
وتقفي وزني بخمسة حروفه
هو الثابت على مر الليالي
تطوف الذكريات ولا تطوفه
مثل ما هو يجيني في خيالي
كذا تطري على كفوفي كفوفه
معلق صورته في جدار بالي
من بيطري على بالي يشوفه

مقدر جيته من كان غالي
وليا من غاب بقدر ظروفه

كلمات واحساس رائع
ابدعت عزيزي الى الامام دايما

مرورك اسعدني


تسلمين ....

هو الثابت على مر الليالي
تطوف الذكريات ولا تطوفه

راقت لي ،، احييك ع اختيارك الراقي

مرورك اسعدني


لا خلا ولا عدم .......

ننتظر الجديد