مشكورات خواتي ع مروركن ..كلكن ذوووق..ونتمنى تشاركنا^^

شاوارما الدجاج المدخنه

خليط الشوارما (أ) :( تقلى جميع المقادير ع النار وتحط ع جنب) دجاجه مطبوخه ومفتته
2 م ك زيت
1 حبة كبيرة بصل مفروم
3 فص ثوم مهروس
1 م ص بهار مشكل
1م ص ملح
1/4 م ص فلفل أسود
1/4 م ص قرفه
2م ك طماطم مفروم
1/4 كوب بقدونس مفروم
صلصة الطحينة (ب) :( سر النكهة الأصلية للشوارما ^^ تخلط جميع المقادير مع بعض)
1/2 كوب طحينه
1/2 كوب زبادي/روب
2 فص ثوم مهروس
1/4 كوب عصير ليمون
1/2 م ص ملح
1/4 م ص كمون/سنوت
1/4 م ص شطة مجروشة
1/4 م ص نعناع مجفف
للتقديم:
أرغفة خبز عربي/شرائح طماط/مخلل أي نوع/شرائح الخس
الطريقة:
في خبز تحطي مقدار أ مع ب مع مخلل وشرايح طماط وخس وشيبس إذا حبيتي وبالعافية..

اممم هالطريقة من مطبخ منال العالم..
هذا هو تطبيقي بنات..والله روووعه وسهله يا ليت تجربنها ^^

بعد شوي بحط طريقة صنع المخللات اللي ف المطاعم ^^

كيفية تحضير المخللات اللي تنحط بالساندويشات

المقادير:
(أ):
2 كاس ماي
1 كاس خل أبيض
1/4 كاس ملح
عود قرفه
قرنقل 3حبات
5 حبات فلفل أسود مطحون
(ب):
1 فص ثوم
خيار أو فجل أو جزر
1 قرن فلفل
الطريقة:

اغلي مقادير (أ) مع بعض ع النار لين تغلي وخليها لين تبرد..

حطي مقادير (ب) ف وعاء زجاجه وسكبي عليه الماء المغلي (مقادير أ) طبعا من يبرد وغطي عليها العلبة..
وحطيه يومين أو أكثر بالنسبه للفجل والجزر..وبس خلصنا ^^


شفتن كيف سهل^^؟
ملاحظة:
من تكشفي ع العلبه لازم تحطيها بالثلاجه..جربنه..طعمه رهييييييييييب^^

فطائر بالجبن والزعتر + بالمربى أو الجام






المقادير:

3 كاس متوسط طحين
1/2 كاس حليب فاتر
بيضة
2 م ك سكر
اصبع زبده أو حسب حاجة العجينة
رشة ملح
2 م ك خميرة فورية
رشة فانيليا
الطريقة:
اعجني المقادير كلها لمدة 10 دقائق عشان تحصلي على عجينة حلوووه ^^
بعدينا افرديها واحشيها بأي حشوه تحبيها سواء جبن وزعتر أو مربى..

أنا ف هالوصفه أنا اخترت طحين أسمر رقم3 لأنه مفيد ويدفي ف الشتاء ^^

لفائف النوتيلا ^^


المقادير (أ):
4 كاس متوسط طحين
2 م ك سكر
1/2 م ص ملح
2 م ص خميرة فورية
1 حبة كبيرة بيض
1 حبة كبيرة صفار بيض
1كاس حليب دافيء
4 م ك زبده مذابه
الحشوه (ب):
نوتيلا
الصوص:
ماء + حليب + سكر مطحون
الطريقة:
اعجني المقادير لمدة 10 دقائق واتركيها تخمر ساعه..ع فكره كل ما كان وقت التخمير أكثر كلما كانت العجينة احلى وأهش..
ثم افرديها واحشيها بنوتيلا وشكليها مثل ما تبي ودخليها الفرن طبعا ومن تجهز صبي عليها الصوص.
وبالهنا والعافية ^^

واو يا جماااااااااااااااانه

وش هالسنع وش هالطبخ...
ترى بتخليهم يدلعوا علينا ف طبخ <<

ماشاء الله عليك ...بسم الله عليك

طبخات حلوه

سويت فطائر بالخضار و بالجبن

وعاد الحين عندي نيه اسويه شوارما دجاج إللي إنتي مسوتنها

تسلم إيديك الغلا

ملاحظه...صغنونه
جمانه حاولي تصغري الصور
خليها اقل من 500 إلى 300
عشان تظهر الصوره سرعه

وهذا فطائر بالجبن و زعتر <<<يم يم
مسوتنها يوم الأربعاء ماضيه لناس المسافره ويرجعوا بالاربعاء

هلا وغلا ب هالطله الغاااويه..

مرحبا خيتووو غرووووووووووووور ..عاااش من شااااااااااافك^^

منووووره الدوووبه..

حياااك الله..أشكرك ع الملاحظة صدج وايد يطلعن كبااااااااار ههههههه كله كسل عن أصغرهن^^

واااااااااااااايد حلوووووووووووووه وشهيه فطايرك خيتوووووو..ما شاء الله علييييك^^

كل التوفيج خيتووو^^

آومليت بالبيض

المقادير رقم (أ) الصلصة:

دجاج أو لحم
بصل
طماط
بقدونس
ملح
بهارت
جبن سائل + جبن موزيلا أو جبن شيدر
زيتون حسب الرغبة

مقادير (ب):

بيض
ملح

مقادير (ج):

خبز: سواء كان خبز جباتي أو خبز عادي جاهز

الطريقة:

1- أول شي طبخي الدجاجه أو اللحم وفتتيه وقطعي بصل وطماط وقليهم مع بعض ع النار وضيفي لهم ملح وبهارات ع حسب الرغبه وبعد ما يستوي سويلهم جبن كاسات(جبن سائل) مع جبن شيدر حسب الرغبة وجبن موزريلا وحطيهم ع جنب.

2- خبزي الخبز اذا كنتي ما تحبي الجاهز بس بشرط يكون اتساع دائرة الخبز تكون نفس اتساع المقلاه أو المحماس ومن يجهز حطيه ع جنب.

3- في المقلاه المخصصه للأومليت حطي شوي من اللي قليتيه (الصلصه) بعدين سكبي عليه شوية بيض(طبعا انتي تكوني خافقه البيض بملح او بدونه حسب الرغبة) يعني البيض يغطي ع الصلصه وبعدها من تشوفي ان البيض نصه استوى حطي فوقه 1 من رغيف الخبز أو نصها يعني يكون شكلها دائري.

4- بعدين قلبيها بصحن دائري وحطي من الصوب الثاني 1 من رغيف الخبز ورجعيها بالمقلاه..(يعني يصير عندك الصلصة الوسط والخبز من فوق وتحت الصلصة) وخليها لين تستوي وتحسي البيض استوى زين..اوكيه خواتي^^..وبس بعدين تكرري هالخطوات لكل اومليت..

وربي يجنن طعمها..أتمنى تجربنها رووووعه^^

وعوافي^^

.

.

.