المشاركة الأصلية كتبت بواسطة ريمـــــاني ** شو تتوقعون رده فعل آلآهل ع آلي صار..؟ ** آكييييييييييييد بينصدمو من آلخبررر وحليلهآا آم الحسن الله يرحمهآا محد غآمضني غير ولدهآ الحسن مسكين آهئ اهئ << عآيشه الجو خخخخخ ## وللحين مآ عرفنآ.. شو كآن يبي يقول آبو سهيل..؟ ## آحسه كآن يبآ يقــــول عن خطبة سهيل وهند يمكن متفقين سهيل وآبوه << يمكن ليش لآ $$ وهند.. متى رح تنزل من هالصمت ..؟ $$ العاشقه الولهآنه هنيد وحليلهآ خخخ من يجولو لهآا خطبتهآا من سهيل بتعرف تنطق خخخخ وهذآ والله آعلم .. خخخخ كل الاجوبه بتعرفونها ف البارتات اليايه..^^ آوكيك نتريآ البارتآات اليايه نززلي اآكثررر من وآحد فدديتج .. !

توقـــــــ ع ـــــــآآآتج ح ــــلووهـ ..^^
ررريمــــــــــــــــآآآآآني ..^^
تسلميـــــــن الــ غ ــلآ ..^^
ع المتــآآبـ ع ـــــه ..^^
ونـــزلتــــلج البــــآآآرتـــآآت ..^^

تثلـــــــــــــــمين غنـــــــــــــــاتي

ربي لاهــــــأنج ع التكمــــــــــــــــــــله

الحيــــــــــن بقرآ الاجـــــــزأأء وبرد لج بتوقـــــــــــعاتي


سلامي عليــــــــــــ<ج

المشاركة الأصلية كتبت بواسطة ريمـــــاني تثلـــــــــــــــمين غنـــــــــــــــاتي ربي لاهــــــأنج ع التكمــــــــــــــــــــله الحيــــــــــن بقرآ الاجـــــــزأأء وبرد لج بتوقـــــــــــعاتي سلامي عليــــــــــــ<ج

اااالله يثلمــــــــــج فدددددديتـــــج خخخ..^^
زيــن اقــــرئي ع ـــــددددل خخخ ..^^

ااشــررآآيج آنزلـــج جمـ بااارت خخ ..^^

البارت " 18 " ( الجزء الأول )..

صوب بيت ابو الحسين..
-------------------------------------------------------
كانوو الحسين والحسن وابوهم توهم واصلين للبيت..
وفطوم وسلامووه كانو فـ حجرة فطووم.. اما عواشي.. كانت راقده.. و مرام وشهد كانو فـ الصاله الي تحت يطالعوون تلفزيوون..
وفـزو يوم سمعو صوت الجرس..
مرام: شهد انتي سيري وفجي الباب..
شهد { زايغه }: لالا.. انتي سيري..
والخوات تمن يتعازمن.. الين ما نزلت فطوم وهي الي فجت الباب..
ابو الحسن { وهو داش }: السلام عليكم..
الكل { سلامه + فطوم + مرام + شهد }: وعليكم السلام..
ودشو وراه الحسين و الحسن..
وشهد بدا قلبها يدق.. ( اول ما دخل الحسن )..
وكان شكل الحسـن تعبــان من الخاطر.. بس طبعا هو ما يبين هالشي لان شخصيته مرحه..
ويلسو فـ الصاله..
ابو الحسن { يبتسم }: حيا الله من يانا.. حيا الله ببنات خواني..
مرام+شهد+سلامه { مستحيــات وخاااصه شهد }: الله يحييك..
والحسن يطالع شهد ويبتسم عقب يرد وينزل راسه..
الحسين { بجديه }: يا عندكم سالم..؟
مرام { بجرأه }: هيه نعم .. وخبرنا السالفه..
الحسن يطالع مرام باستغراب بس وهو مبتسم ويقول فـ خاطره:" هههه .. مرام بتم مرام الجريئه.. من وهي صغيره وهي جريئه.. الوحيده الي اعرفها من البنات جريئه هي مرام.. صدق انها كوبي حموود..هاي مرام الي اعرفها.. هاي مرام بنت عمي الغاليه >> طبعا شروات اخته << "..
ومرام لاحظت الابتسامه عـ فيس الحسن وردت له الابتسامه.. واول ما ابتسمت حق الحسن.. إلا وتحصل هاييج القرصه الي من شهد..
مرام { بصوت واطي } : آآآآآي ..
شهد { بصوت اوطى }: تستاهلين..
عقب ابتسمت مرام.. وطلعو فوق.. والحسن ما نزل عينه من على شهد..
(( >> ملاحظه مهمه: شهد اصلا هب قد ( الحسن ومرام ومحمد وسهيل ) بس اهلها مقدمينها سنتين <<))..
----------- فوق جدى الصاله -----------
كانن مرام وشهد يالسات يطالعن التلفزيون..
مرام { تبي تغايظ شهد }: اقوولج..
شهد { زاخه الريموت وتفر فـ القنوات ( قالت بملل )}: هاا..
مرام: شفتي الحسن كيف كان يطالعج..؟
شهد { ارتبكت }: هاه.. شعنه يطالعني..؟ اصلا ما كان يطالعني..
مرام { تطالعها بنظرات }: ماكان يطالعج..؟
شهد: انزين انا شدراني .. ماكنت اراقبه شرات بعض الناس..
مرام { تتحسس المكان الي قرصتها شهد فيه }: هيــه.. وانا مدري منوه الي قرصني بس عسب ابتسامه..
سكتت شهد بدون تعليق..
مرام: بلاج صخيتي..؟ يلا يلا اعترفي انج تحبينه..
شهد { يتها الجرأه }: هيه احبه عندج مانــ.... { وقبل لا تكمل الرمسه.. جان تسمع صوت احد يحم حم }..
الحسن { مستحي ومنزل راسه وراسم عـ شفايفه ابتسامه جانيبه }: احم احم..
وشهد فاتحه حلجها.. ومرام تضحك...
شهد { مرتبشه }: أأأ..نـ...اا.. ( عقب نشت ).. عن اذنكم ..
الحسن { ييلس مجابل مرام }: حرام عليج.. ما شفتي كيف ويهها غدا..؟ احمــر..
مرام { تضحك }: ههههههههه.. انته الي تحديتني..
الحسن: تحديتج بس ... ما كنت متوقع انها رح تقولها.. فديتها والله..
(( وشهد كانت تسمعهم وتمسك قلبها يوم انه تفداها.. و اكتشفت انه مرام والحسن مخططين من قبل.. انه مرام كانت تتحدى انه شهد تعترف انها تحبه ..))..
وشهد ردت الصاله وتحمحمت.. عسب ترد له الحركه..
شهد { والابتسامه عـ شفايفها }: احم احم..
والحسن فتح عينه وحلجه..
مرام ما قدرت تمسك روحها..
مرام { تضحك من الخاطر }: ههههههههه.. اسميكــــــــــم تحفــــــــــــــــــه..ههههههههههه..
وطاحت عـ الارض من كثر ما تضحك.. اما الحسن ابتسم ونزل راسه..
--------- جدى حجرة فطوم ---------
كانت سلاّم يالسه عـ الكمبيوتر وترمس ربيعاتها عـ المسـن.. اما فطوم يالسه عـ الغنفه وتطالع اختها عويش وهي راقده..
فطوم تتنهد وتقول فـ خاطرها:" ليتني طفله من هالاطفال.. ما يكون عندي هموم.. وكل شي عندي وناسه ولعب .. آآآآه بس لو يرد بي الزمن لايام اول.. جان ما ظيعت ولا ثانيه الا وانا ويا اميه.. مع انها كانت جاسيه علينا.. بس مهما كان.. هذي بظل امنا.." وامترزن عيونها دموع .. بس فطوم ما سمحت انها تنزلهم..لكن فـ الاخير نزلت دمعه وحـده.. وبشكل سريع مسحتها.. وردت تبتسم للدنيا الي ما ترحم لاصغير ولاكبير.. لكن هذي حال الدنيا والبني آدم لازم يتحملها بحلوها ومرها ويسلم امره لربه..
ومــرت ايام العزى.. والي يصيح.. والي مشغول باله .. والي يفكر ... والي... والي...
---------- عقب العزى ( جدى بيت بو الحسين ) -----------
كانو الناس تووهم ظاهرين من بيتهم بس الاهل كلهم موجودين.. يواسوون اهل البيت..
كانو البنات بصوب ( الصاله الي فوق ).. والشباب بصوب ( فـ الحوي ) والعياييز بصوب( الصاله الي تحت ).. والشبيبه بصوب ( فـ الميلس )..
-------- صوب البنات --------
كانو كلهم يرمسون ماعدا هند.. ((( من زمان ما يبنا طــاريها ^^ )))..
كانت هند تحس انها شرات ( الاطرش فـ الزفه ).. بس دوومها مبتسمه.. وفجـأه جان يرن موبايلها..
وهند بصفتها ما ترمس.. جان تعطي موبايلها حق ريموو اعز ربيعاتها و تثق فيها..
وريموو اول ما شافت الاسم.. جان توريه حق هند.. وهند تأشر لها عـ انها ترد..
وردت ريم عـ الموبايل..
ريم: الوو..
سهيل: هلا ريم..
ريم: اهلين..
سهيل: كيف الحال..؟
ريم: تمام.. ومن صوبكم..؟ ((( جمعت عسب محد يشك انها ترمس { ولد }.. وعسب ما تلفت انتباه غــاده )))..
سهيل { فهم انه فيه احد عدالها }: الحمد لله.. هند ويين ..؟
ريم { تطالع هند }: هني.. عدالي..
سهيل: انزين عطيها السماعه وانا برمسها..
ريم: لحظه.. ( و قربت من هند وهمست ) .. قالت :" يبون يرمسونج "..وابتسمت..
وهند طالعت غاده الي كانت سرحانه.. عقب اشرت حق ريم انه (( مــا )) تبي ترسمه..
وريمو استغربت من ردة فعلها.. وردت حق الموبايل..
ريم: اقوول.. هي ما تبي ترمسكم..
سهيل { استغرب }: ليش..؟
ريم { تطالع هند }: مادري عنها..
سهيل: انزين خلاص.. ما عليه .. انا اراويها.. برمسها يعني برمسها..
ريم { ضحكت }: ههههه شلوووون..؟
سهيل: عقب عقب.. يلا سلام..
ريم: ســلام..
--------- جدى الشباب --------
سهيل: اقول حمود..
محمد: هااا..
سهيل: حماار.. المهم.. ابيك تسوي لي معرووف..
محمد: بعـــد.. يقولي حمار ويباني اساعده... قوول شعندك..
سهيل: حبيبي حمود.. ابيك تتصل حق هند..
محمد { يكتف ايده }: ليــش..؟
سهيل: بس قولها كلمتين.. قولها :(( سيري جدى الزرع الي فـ الحوي)).. عسب محد يشوفنا لانه الاشجار كبيره..
محمد: ماشالله كلمتين.. انزين ليش؟..
سهيل: انته قولها جي بس..
محمد: انزيــن .. بس هاا.. ترى انا واثق فيك..
سهيل { ابتسم }: افا عليـك..
عقب اتصل حق اخته هند..
وكالعاده ردت ريم..
ريم: الوو..
محمد { ابتسم }: هلا والله..
ريم { ارتبكت }: اهلين..
محمد: ماشالله عليج.. انتي " البودي قار " حق هند..؟
ريم: هند مو اي وحده.. هاي شرات ختيه واكثر بعد..
{( وهند لفت انتباهها اسمها )}..
محمد: انزين .. شحالج..؟
ريم: تمام.. ومن صوبكم..؟
محمد: يسرج حاليه.. ( ويرمس سهيل ).. انزين انزين ذبحتني.. ( يرد حق ريم ).. اقوولج عطيني هند ابي ارمسها..
ريم { ابتسمت }: ان شالله..
عقب قالت حق هند انه خووها محمد يبيها.. وحطت السماعه فـ أذن هندوو..
محمد: الوو..
وهند ساكته ..
محمد: انتي هند صح..؟
ســاكته..
محمد: المهم.. اقولج دبووه.. سيري جدى الزرع الي فـ الحوي..
وهند مستعجبة من رمسته..
محمد: ادري انج رح تستغربين بس في حاله طارئه (( وفـ خاطره يضحــك ))..
عقب بندت هند فـ ويهه وارسلت له مسج..
" انزين.. خمس دقايق واكون هناك "..
ومحمد عطا تلفونه حق سهيل عسب يقرا المسج..
سهيل { مستانس }: مشكوور حبيبي..
عقب سار جدى الزرع يتريا هــند تظهر له..
وظهرت الآنسه هند.. ولحسن حظها انه لابسه الشيله..
بــــــــــــــــــــــــــــــــــــــــــــــــر ب..^^

||. جعـــــــــــــلآلآلآنيه طـــــــــــــــررررررر .||

البارت " 18 " ( الجزءالثاني )..

وظهرت الآنسه هند.. ولحسن حظها انه لابسه الشيله..
ولمحت هند كندوره من بعيد.. وسارت صوب راعيها..{ عـ أساس انه محمد }..
وكان ( سهيل ) لابس كندوره سوده ومتعصم بغتره لونها ابيض.. ( طبعا مطقمين هو ومحمد حتى فـ العزا )..
المهم.. سارت هند صوب سهيل الي تتحراه محمد.. وحظها.. انها كانت منزله راسها.. وتحك عينها ( لانه حست انه في شي داخل عينها )..
ووصلت للشخص المطلوب.. وهو ما قصر وتجرب منها .. وعقب ما خلصت الحلوه هند من حك عيونها.. ذيج الساعه رفعت راسها.. وانصدمـــت انه هب محمد.. ولا الاكثر من جذي انه منوو سهيـــل الي طار منها شرات اي شي خفيف يطير ويا نسمات الهوا..
وامترزت عيون هند دموع.. لانها فعــلا اشتاقت له.. وتدري فـ الاخير انهم هب لبعض.. لانها هي لهذاك الشخص الي رمسها محمد عنها وطلب ايدها .. وهي بس تدري انه من قوم دار الزين.. وانه هو ( سهيل ) لاعز ربيعاتها من زمان والي هي غــاده..
وسهيل ما لاحظ الدموع الي فـ عيونها.. لانها بسرعه وبشكل سريع نزلت راسها ورصت عـ ايدها بقوو لدرجه انه حست انها جرحت ايدها الناعمه من طول اظافرها..
ونزلت دمعه .. دمعتين .. ثلاث.. بــس هني حدها وعـطوول مسحتهن.. وتمت تطالع سهيل باحتقار..
سهيل { مستغرب من نظراتها هالايام }: انتي بلاج..؟ كل ما اتشوفيني اتخزيني بهاييج النظرات..
هند حست انه ما له داعي لهاي النظرات.. ونزلت نظرات عيونها لتحت.. وشوي شوي تنزل راسها.. الين ما رفع راسها سهيل بطرف صبووعه..
سهيل { بكل حنيه }: لا يا هند.. انا من يوم ما عرفتج وانتي هب ضعيفه كوني قويه ولو شو كان..
هالكلام رفع معنويات هند المحبطه من اول ما عرفت خطوبة سهيل لغاده.. { وابتسمت هند حق سهيل }..
وبادلها سهيل الابتسامه ..
سهيل { بعده مبتسم }: هيه .. جي اباج.. تردين حق هند الي ما تعرف الزعل وما ابيها تتعرف عليه..
سهيل { تحولت ملامحه للجد }: الين متى.. الين متى يا هند احنا بنتم جيي..؟
هند اختفت من شفايفها الابتسامه.. ونزلت راسها.. بس رفعته مره ثانيه.. ورفعت ايدها بعد.. واشرت عليه.. عقب اشر عـ صبوعها البنصر ( الي عدال اصغر صبع { الي يحطون فيه الدبله } ).. وسوت كأنه تحط فيه خاتم..
(( وسهيل كسرت خاطره .. ما يحبها يوم انها ترمسه بلغة الاشاره.. بس شو يسوي ))..
سهيل: شو تقصدين.. { عقب تذكر }.. اهاا.. انتي تقصدين عـ سالفة الخطوبه الي قالت عنها غاده هاذاج اليوم..؟
وهند هزت راسها بمعنى:{ هيه }..
سهيل { يضحك }: ههههههه.. ومنو الي قالج انه رمستها صح..؟
وهند بان عـ فيسها الصدمه..
وعقدت حوايبها.. مستغربــه تفّهمه بمعنى:{ كيف يعني ..؟ }..
سهيل: ادري انج بتستغربين .. بس هالصج.. اصلا لا صارت خطبه ولا شياته.. بقولج السالفه..
وهند هزت ريلها ال فهمه سهيل انها تعبت من الوقفه..
سهيل: تعبتي..؟
وهند هزت راسها بمعنى:{ هيه }..
سهيل { ييلس عـ الارض }: يلا يلسي..
وهند يلست بس بعيد عنه.. وسهيل قدر موقفها..
سهيل: المهم.. سمعي يدووه.. { وهند تطالعه بنظرات كأنها تقول ( لا والله..!! ) }.. وسهيل ضحك..
وكمل رمسته..: هذاك اليوم .. يوم انه ابوي سار جدى بيت عمي بو سالم.. كان يقوله انه واحد من ربعه ( ربيع ابو سهيل الي هو جيران قوم بو سهيل) قال انه يبي ولده حق وحده من قرايبنا نحن.. وابوي قال انه انسب وحده حق ولد ربيع ابوي هي غاده.. وغاده سمعت ابوها يقول هاي الساعه المباركه وفسرت الموضوع عـ كيفها.. وهذاك اليوم فـ العزبه كان عمي بو سالم هب موجود.. فـ ابوي بصفته انه يعرف الموضوع.. كان يبي يقول انه (( فهد بن ابراهيم ( ولد ربيع بو سهيل ) يبي يخطب غاده عـ سنه الله ورسوله )).. { عقب سهيل رفع راسه }.. وكان بعد يبي يقول انه يبيني لج انتي.. انتي يا هند..
وهند هب مستوعبة السالفه.. ومستانسه من الخـــــــــــــــاطر.. ما تدري شلون تعبر عن فرحتها.. ومن زود وناستها.. جان تلوي عـ سهيل.. الي استغرب من ردة فعلها.. بس فـ نفس الوقت استانس لوناستها واستحى..
هند { وهي لاويه عليه ( وهمست )}: احبك سهيل..
وسهيل استانس فـ البدايه.. بس انــــــــــصدم يوم انه رمست.. لانه هي اصلا ما ترمس.. عقب جان يبعدها من حظنه..
سهيل { بعده مو مستوعب }: لحظه لحظه.. انتي شو قلتي..
هند { مستحيـــــه من الخـــاطر }: ادري انك رح تستغرب بس الدكتور قال لي انه اذا في شي فرحني من الخاطر جان اقدر ارمس.. وهالخبر اكثر عن حلو بالنسبه لي..
سهيل { بعده تحت تأثير الصدمه }: هنـد.. اللـــــــه.. اشتقت لج و اشتقت لصوتج الغاليه..
وهند استحت عقب نشت من مكانها..
هند { مستحيه }: عن اذنك..
وسهيل لحقها وزخ ايدها..
سهيل { بحنيه }: هند..
وهند لفت صوبه وقالت له: هلا..
سهيل { يغمض عيونه }: آآآآآآه قولي اياها مره ثانيه..
هند استحت وما ردت عليه .. ومشــت الين صوب الباب مال المطبخ عقب صدت له وقالت بصوت كله نعومه..
هند: احبــــــــــــــــــــــــــــــــك..
عقب دشت المطبخ.. اما سهيل قال بصوت عالي: (يــا ويــل حــالي).. ما يحتاي اقولكم عنه .. صار عنده هذا احـــــسن يوم فـ حياته.. ورد صوب الشباب مستــانس..
---------- صوب البنات ------------
كانت هند توها داشه الصاله.. ومستـــانسه انه صوتها رد لها.. ويلست مكانها ولا كأنه استوا شي..
هند { تهمس حق ريم }: سيري يبي لي ماي..
ريم { مب مهتمه }: انزيـــن.. { وفجأه فجت عيونها }.. هاا.. شو قلتي..؟
هند { ابتسمت }: اباا ماااي..
ريم { تحت تأثير الصدمه }: عيدي عيدي..
هند { نشت ( اونها محرجه )}: اففففف منج.. خلاص انا الي بييب لي..
ريم { مب سايعتنها الارض من الوناسه }: هههههههه.. ولا زعل هند.. خلاص بسير وياج..
وهند ابتسمت.. بس هي تدري انه ريم ما بتسكت لا صارو برووحهم.. وهند تشوف فـ عين ريم الف سؤال وسؤال.. اكيد بتستغرب .. وحليلها..
والكل درا برجوع صوت هند.. والكل استــــانس.. واونه سهيل استغرب ومدري شو.. ما يدرون انه يقص عليهم وانه هو السبب فـ رجوع صوتها وانه هو اول واحد يدري انه صوتها رد لها..
لكن في شخص هب مستانس ابد برجوع صوت هند.. والي هي غــاده..
------ بعد مرور اسبوعين من وفاة ام الحسن ( الله يرحمها ) --------
وغاده توها تدري عـ سالفة فهد الي خطبها وظنته سهيل.. هي فـ البدايه رفضــت .. بس بعدين يوم انه درت انه غني وعنده فلوس تسد جبلين.. غيرت رايها.. وقالت انه تستولى عـ فلوسه.. وعقب تطلب الطلاق وترد تفرق بين هند وسهيل..
المهم.. ردت عليهم عـ انها موافقه.. بس انه عقب ما تخلص الثنويه.. ووافقو عـ شرطها..

مـــــــــــــــــرت وعــــــــــــــــــدت الايــــــــــــــــــــــــــــام والشهــــــــــــــــــور..
نهايه السنه قربت.. و الامتحانات عـ الابواب..
والكل نفسيته خايسه..
-------- فـ بيت بو محمد --------
كانو هند وشلتها ( شما ونوف ومها واكيــد ريم ) يالسين فـ حجرة هند اونــه يذاكروون..
نوف: اسكتو.. امس فـ الليل كنت اونه ادرس فـ الحوي.. فجــأه جان اسمع صوت.. تحريته فيصل اخوي.. بس للاسف ما طلع فيصل..
ريم { وهي مندمجه }: عيل شووه..
نوف { ميته من الضحك عـ فيس ريم }: ههههههههههههه طلعت لي قطوه هههههههههه وانا صرخت .. احب كل الحيوانات الا القطوه ولا البريعصي..
البنات: ههههههههههههه.. { اصلا ما يضحكون عـ السالفه.. يضحكون عـ ضحكت نوف الخبله }..
شما: عيل انا وين كنت هاك الوقت..
نوف: ههه انتي كنتي راقده يالدياايه..
هند: ليش انتي متى ترقدين..؟
شما: عـ الساعه تسع.. عشر { و هي شاقه الحلج وظاهر تقويمها }..
مها: اقولج..متى غيرتي لون التقويم..؟
شما : قبل البارحه..
ومها تهز راسها ( بمعنى: هييييييه ) وهي تشرب العصير..
وانتهى وقت اللعب والمزح.. ويا وقت الجد.. وبدأ اول يوم امتحانات..
------ فـ بيت ابو محمد ------- (( الساعه: 5 الفجر ))..
كانت هند توها ناشه من الرقاد.. وهي خلصت الماده البارحه مرتين.. ورقدت عـ الساعه 12 وكانت طول الوقت حابسة عمرها وتذاكر >> تبي تنجح الاخت..
والحين توها ناشه عـ اساس تصلي عقب ترد تذاكر { اونه تراجع }..
دشت الحمام ( اكرمكم الله )..عقب نزلت .. وصلت الفجر.. عقب ردت تذاكر..>> تعلمو منها اكل الكتب..خخخ
وحست انها خـــــــلاص.. ما تقدر تكمل ختمت الكتاب.. ودعت ربها انه يوفجها.. طالعت الساعه شافتها الساعه 7..
جهزت عمرها وعاد تدرون.. ايام الامتحانات الكــل مخالف.. المهم.. عبت عيونها جحال.. والقلوس كان خفيف.. وحطتهم ( الجحال و القلوس ) فـ مخباتها ( هي مسويه مخباه من داخل المريوول.. تحت الصدر وفوق البطن بس من داخل المريول).. وحطت قلم ازرق سائل فـ مخباتها العادي الي يكون عـ الجنب.. واستشورت قدلتها وعدلت عمرها.. وابتسمت حق التسريحه راضيه من عمرها.. واثـــقه الاخت..
نزلت تحت سلمت عـ الكل وفطرت عـ السريع وسارت بالباص حسب الاتفاق بينها وبين بنت خالتها ريموو..
ووصلو المدرسه ورن الجرس.. والكل بدا بدش اللجنه الخاصه حق الامتحان و الكل زايغ من انه الامتحان يكون صعب
..
دشت اللجنه.. ووزعو الاوراق وكتبو البيانات الخاصه..ورن الجرس مره ثانيه عـ الساعه ثمــان بالضبظ يعلن انه بدأ الامتحان..

كــــــــــــــــــــــــــــــــت..

* انتهت القصه. ولا بعد فيه احداث ممكن تخرب على قصة حبهم ..؟ *

% الحين دريتو عن السالفه الي كان بيقولها بو سهيل.. بس هل رح تقدر غاده تستولي عـ فلوسه وترد حق سهيل بهاي السهوله ..؟ %

& وفطوم..هل فعلا سالم يحبها ولا مجرد مشاعر مراهقــين ..؟ &

كل الاسئله لها اجوبه.. لكن فـ البارتات اليايه .. رح تثبت صحت الاجوبه..^^


مشكــــورآآآآآآآآآت عـ الردود الغاويه فدددديتكن..^^ وما تقصرن..



والسـ م ـوح ــه..~

ج ــعلآلآلآنيه طـــــــــــرررر