فاطمه: شفتوه كيف ارتبك يوم قلتله الغالى
هيفا: هيه و لله ماادرى شو فيه خالد
فاطمه: خالد
هيفا: هيه خالد هذا اخو حمدان
فاطمه: ووويه شخباره حمدان
هيفا: ما اشوفه الحين شو اريد فيه
فاطمه: الحين بتسيرين عند سلطان
هيفا: هيه يالله انسير عازمينا الشباب
فاطمه: يالله بنتريا البنات الباقيات اهناك
هيف(تغمزلها): يالله

سار خالد و ولد عمه مستشفى توام وشافوا اهلهم متجمعين ..
خالد: وينه حمدان
ام سالم: ولدى عنى مااخلى منه ياربى يغسلوله معدته
سالم: امااايه شو فيج بيكون بخير و عافيه انتى ليش جذيه
ام سالم: يالله يارب تاخذ من روحى و تعطيه
بوسالم: لا اله الا لله و لله ان ما سكتى بردج البيت
سعيد(وقف عدال ابوه): قلت حق عمى
بوصالح(يطالع ولده): لا مب الحين
سعيد(يحيس ثمه): انزين
فيصل: امايه الا غسيل معده ما بيصير فيه شى
ام سالم: و لله ان صار له شى ادفنونى معاه
بوصالح: استغفرى ربج يا ام سالم

::++ يطلع الدكتور ::++

ام سالم: ها وين ولدى
الدكتور: الولد بخير و عافيه والحين راح ننقلها غرفه خاصه
فيصل: خلاص انا بحجزله فى القسم الخاص
سالم: بسير وياك عيل
فيصل: يالله عيل

طلعوا سالم و فيصل يحجزون حق اخوهم غرفه و فى بيت بو سالم اتصلوا فيهم و خبروهم عن حمدان ....بس بيت بوصالح (مريم و خلود) ما يعرفون شو صارله ..هندوه سارت و اتصلت عليهم

هندوه(اطالع نوره): شو وينهن مايردن
نوره: بيردن عليج ما تصبرين شو

الا و اشوووى ترد خلود عليها

خلود: السلام عليكم
هندوه: تو الناس جان خليتيه يرن لين باجر
خلود: ههههههههههههه انزين بندى و اتصلى مره ثانيه
هندوه: ما منج فايد اقول خلود
خلود: هلا
هندوه: حمدان رقدوه فى المستشفى
خلود(اطالع مريم): شووووه
هندوه: مثل ما سمعتى
خلود(تعطى اختها التلفون)
هندوه: خلووووووووووود
مريم: هلا هند
هندوه: شوووه مريوم وين عيل خلود
مريم: سارت فوق
هندوه: ليش انزين مارمستنى
مريم: شو درانى شو قلتيلها
هندوه: قلتلها حمدان مرقد فى المستشفى
مريم: لا و لله عساه بخير
هندوه: هيه بخير و عافيه (تهمس حق مريم ) سيرى طمنيه هذى الدبه
مريم: هههههههههه ما عليج يالله برايج
هندوه: برااايج

سكرت مريوم عن بنت عمها وسارت حق اختها فوق بس لقت الباب مسكر على غير عادته دقت عليها الباب ...

مريم: خلوود فتحى الباب
خلود:.........................
مريم: يالله عاااد حبيبتى
خلود: انزين (فتحت الباب) شوووه
مريم: شو شووه حمدان بخير
خلود(تبتسم): صدق و لله
مريم: هيه و لله
خلود: بس هندوه احرجتنى و لله
مريم(اطالعها بنص عين): هندوه و الا على حبيبى القلب
خلود: شو نسوووى الحب الاول يااختى
مريم: ادرى بس شو قلنا قبل
خلود: مريم لا تجبرين على شى ما اقدر عليه
مريم: انا ماجبرتك و ما اريد اكون انانيه
خلود: خلينا انسير المستشفى
مريم: خبله انتى شوووه
خلود: لا بس خلينا انسلم عليه
مريم: لالالا شووه عيب
خلود: انا ادرى لان فيصل اصلا اهناك
مريم: انا استحى اروح اهناك
خلود: عاااد مريوووووووم
مريم: انزين انزين بنشاور ابووويه
خلود: ان شاء لله يوافق
مريم: يالله انزلى تحت
خلود: ان شاء لله

الصراحه القصة وايد حلوه