المشاركة الأصلية كتبت بواسطة ملاك جعلان يوم مميز وراقيـ،، تسـلمـ أخوي وان شاء الله يخلص العيد وثالثـ يوم العيد يتصلوا فيك محصل ع عمل ان شاء الله

لأ بعدني مب مستعجل ...

يسلموووووووو ملاك ربي لايحرمني طلتك

أفا ونحن محد يبي يومياتنا خخخخخخخ

عاد اليوميات مشي احلى عنها خصوصا هاليومين

لحقوا عليه خخخخخخخخخ

يسلموووو دردميس ع الرد بعد الضغط هههه
ويومك حركـــــــة كله _ربي يوفقك_

وعاد يا seasaw
نترياك لان الأخ (دردميس) اشوفه ما اختار احد

اوك انا اختار الاخت لمسات الشوق ....

ثانكس خيووو ع الاختيار


الله يسلمكم طبعا عدنا ثاني يوم العيد كان
طبعا في ثاني يوم اليوم نسوي مشاكيك وخساره انا قضيت اليوم لين العصر في الرقاد لاني كنت تعباانه في اول يوم العيد مانمت زين وطاح فيه التعب ثاني يوم وكانو عدنا بيت عمي بس انا ما شفتهم لا ني كنت راقده لان نسوي المشاكيك رباعه
اوكي نشيت العصر من النووم وخذتلي شوري وكلت وقعدت مدة ساعتين تقريبا قريب المغرب يو عدنا خالتي وبناتها وقعدنا لين فالليل الساعه 11 تقريبا وطبعا تعشينا رباعه وبعدين روحو ورحت اشوف باب الحاره وعقب قعدت ع النت وبعدين رحت اشوف فلم ورديت ثاني مره ع النت لين الحين

ملاحظة اليوم بروح بيت عمي لان هناك الكل بيتجمع لان بيسون عرسي خخخخخ


اختار أخوووي دردميس

كيف كان طعم المشاكيك ..؟

واول يوم دايما تعب بالعيد ... بس زين عوضتي اليوم الثاني ...

يومي انا كتبته ربي يحفظك ...

ويحفظك

كان حلوووووووووو المشاكيك

اخوي اختار جعلاني للابد

بكتب يومياتي الحين

يالله اني بكتبي يومياتي الحين

لانه بلسم الوجود طلبت مني<<<<<<<<<<<<<<< عيار كأنه مب هو داز بويهه

وبدز بويهي والسموحة من البقية وخصوصا لمسات الشوق لانه جعلاني خلاص كتب

انا بكتب لاني ملان مسكين صارله اربع سنوات ما يعيد مع اهله<<<<<<<<<<<< الحمدلله على كل حال

والله يومياتي كانت غير شكل في هذين اليومين قصدي ايام العيد

بكتب اللي صار في اليومين على شكل يوميات وتحملوني عاد<<<< ناوي نية

اولا للي ما يعرفون انا ادرس في بريطانيا والمدينة اللي ساكن فيها تتبع السعودية في الصيام والافطار

لذلك عيدنا يوم الثلاثاء على علم اني بديت الصوم في عمان لذلك باجي لي يوم واحد لازم اقضيه

قمنت الساعة 7:00 الصبح تسبحت ولبست الثوب العماني وطاقية ما عندي مصر

زميلي تجهز قبلي وطلع يجيب زميلنا الثاني

رحنا المصلى اللي هو قاعة في الجامعة وابتدينا الصلاة 7:50

خلصنا من الصلاة 8:15 حتى ما انتظرنا الخطبة شلينا انفسنا وسيدة على الكلية

دوامنا يبدأ 8:30 والحمدلله وصلنا 8:30 الكلية وبالثياب العمانية ما غيرناها لضيق الوقت

كل الطلبة مستغربين واللي يبارك لنا بالعيد والى اخر<<<<< فرحانين شخصيات بالعماني

درسنا اشوي وعطانا الاستاذ استراحة قصيرة رحنا وبدلنا ثيابنا ورجعنا الصف

بعدين جاءت الاستراحة الصباحية ورحنا محل اسمه coop وكله يشغل حريم عيايز ما ادري ليش ما يشغل عرب اخذنا حلاوة للصف

وحطيناها في الصف ومررناها لحد ما خلصت.

خلصنا الدوام رحنا البيت صلينا وكان معنا موعد مع الاخوان السعوديين نلعب تزلج في صالة مغلقة

واستوت الخبصة واستوت الانقلابات<<<< هيش درانا بالجليد من بين الجبال لوسط الجليد

الحمدلله تحسن مستوانا وتمينا نتحرك شوي وانقلبت تقريبا 5 مرات

بس مثل ما يقول المثل ليس العيب ان تطيح لكن العيب ان تطيح وما تقدر تشل عمرك<<< باللهجة المحلية

اخر محاولة لي كنت اريد امسك الحاجز ومسكته لكن رجلي انزلجت على وراء واشتد بطني ونقع ظهري

ما قدرت اتنفس بس الحمد لله يوب ما انكسر ظهري

خلصنا من التزلج ورحنا الهوليدي ان وشربنا hot choclate

المهم زميلي وداني المغرب البيت وراح عني

جلست فالبيت على النت واتصلت في اصدقائي في لندن اكلمهم

خلصت من المكالمة قلت خليني اطلب لي عشاء من طعم ليبي وعندهم خدمة توصيل

جيت اتصل التلفون مافيه رصيد لاحول الله كيف اريد اتعشى بكرة ورايه صوم (اللي لازم اقضيه)

فكرت بطريقة

قلت اركب بطاقة عمان وارسل رسالة لزميلي علشان يتصل فيه على تلفون بريطانيا واخليه يتصل فالمطعم<<< ذكي اههه


رسلت له hello can u call me in English phone

تم التسليم وحولت البطاقة بسرعة بسرعة علشان الحق على اتصاله

انتظر 5 دقائق مشي فايدة

ركبت البطاقة مرة ثانية بس الرسالة ما مشت

زميلي ما يقدر يفتح تلفونه لانه مخرف فما قراها رسالتي

فشلت المحاولة الاولى

قلت اجرب الثانية

لما انا متصل في اصدقائي في لندن سمعت صوت مسنجر وهم حاطين اوف لاين

قلت ادخل المسنجر واكتب لهم ويتصلوا فيه وتنحل المشكلة

كتبت لهم بس ما يستقبلوا

فشلت المحاولة الثانية

لا حول ولا قوة الا بالله

قلت اجرب الخطة الثالثة

في معنا في الفودافون خدمة تعبئة رصيد عن طريق بطاقة البنك

سجلت فيها وحاولت اعبي قالي لازم تنتظر 24 ساعة لحد ما يتم تفعيل الخدمة

يا عالم يا ناس بموت من اليوم مب ماكل شي من الصبح الا ساندويتشه والساعة 10:00

قلت بانتظر زميلي امكن الحين يرجع بس اخاف يتأخر

قلت مشي الا اني اسوي الحل الرابع

اخذت السيكل ورحت اجرب محل وعبيت رصيد واتصلت فالمطعم واكلت والساعة 12 رحت انام

على الساعة 12 دخل زميلي البيت وخبرته بالسالفة وتم يستسمح مني

قلت له انته ما سويت شي سبحان الله تلفونك ضايع ما تنلام.

هذي هيه يوميات اليوم الاول

معي يوميات يوم الخميس كانت جميلة ومرحة

اذا بغيتوني اكتبهن ولا يهمكم

سوري على الازعاج والتطفل

سلام

بس مثل ما يقول المثل ليس العيب ان تطيح لكن العيب ان تطيح وما تقدر تشل عمرك<<< باللهجة المحلية

ههههههههههه

ننتظر اليوم الثاني

الله يعينك ف دار الغريب