نتـــــــــــريآآ دردميــــــــــس س

,,!!

يالله دردميس وووينك؟؟

نترياا يومك

السموحه منكم جميع ياريت تختاروا احد مكاني وانا بالمرات الجايه بكتب ان شاء الله ...

انا اختار الهاشمي او اكره كل الناس...

أوكي ماعليه




يالله بنات
نتريا وحده فيكن

السلااااااام عليكم ... شحااااااااااالكم ...استريحوا كل واحد مكانه رفجه محد ينش .....
غالي والطلب رخيص وهذا يومي ...

فالبدايه بعد صلاة العشا البارح كنت مشارك بمسابقه رمضانيه وامس كان الختام وحصلنا على المركز الثاني ... بعد زين .. يالله باركولي ..
رديت البيت الساعه 12 فتحت جهازي على منتدى جعلان طبعا الكل نايم... وكنت حاط قناة سما دبي فالتلفزيون مادريت الا والساعه 3 شو صار ؟؟؟ بخبركم ؟؟؟؟؟؟نمت وانا ماأدري من التعب ...نشيت غسلت ورديت عالمنتدى بعد نفس الشي جاعد بروحي والكل نايم ...
رحت المطبخ لأني جوعان مره بعد ماأكلت رديت الغرفه توضيت وصليت الحمدلله وقريت قرآن للفجر أذن الفجر رحت صليت فالمسجد...

رديت البيت وهبااااا على منتدى جعلان المهجور نفس السالفه جاعد اكتب وارد بروحي وعاد اني على السرير والساعه 6 وخلاااااااص واصل حدي ابنام وعلى وشك أغلق الجهاز !!!!!!!!!!!

شو صار؟؟ اسمع حد يطرق باب الغرفه طنشت ...
الا الوالد ينادي علي :: رحت للباب وفتحت .. صباح الخير ابويه آمر .. الوالد :انا مشغول واريدك تروح مصلخ البلديه وبجنبه سوق الماشيه تشتري راس وتوديه المصلخ ... عاد أنا واصل بتفكيري للمصلخ واشوف السرير ...سألت الوالد الساعه كم تريدني اروح ؟؟؟؟ رد :: احينه عشان زحمه الناس ... دردميس ::: ان شاء الله ..
نزلت شغلت سيارتي لحد ماتصخن... عادي عندي سياره بس دعواتكم اني اشتغل لأني توني على باب الله .. رديت حطيت الغتره على راسي .. وطلعت خذيت لفه بالفريج ولاحركه الكل نايم وانا اللي صاحي !!!شو اسوي اصحيهم يعني .
اتصلت بزميلي مايرد اكيد نايم ... عشان يونسني بالدرب ... قلت اسير بروحي ..

على العموم وانا فالسياره قلت خلني اشوف المسجل شو فيه ظهرت السي دي الا أناشيد للمنشد راشد العفاسي ..الا صلاتي ماأخليها ..طول الدرب اللي استغرقت 20 دقيقه وانا اسمع الاناشيد...

وصلت المصلخ الا والزحمه واصله آخر الشارع الظاهر الناس نايمه البارح جنب المصلخ ...هههه

رحت وأخترت راس ودفعت قيمته ودخلنا المصلخ الحمدلله مكان الذبح حاطين اثر من عشرين عامل يعني الامور سهله

المهم العمال قاموا بالمهمه ...
لاتناموا شوي وبخلص ...ذبيحتنا جاهزه حطيتها بكيس وبعد كيس عشان موتري مايصير فيه د.. انا واوصل السياراه ماطمنت قلت ادور شر احطه تحت الكيس الا وعامل نظافه ينزل من البيكاب تبع البلديه وبيده كيس كبير ...عاد دردميس ينادي عليه شافني وجاني طلبت منه الكيس قال صديج مافيه غيره طلعت مية بيسه من مخباتي قلت له هااااااااااه صديق شو رايك ؟؟؟ على طول وبدون مايرد تاح الكيس صوبي شافه مسؤوله حصل نزاعه منه وعطاه كيس ثاني ...

المهم رديت البيت وانا افكر بالسرير لأني تعبان مره نزلت اللحم فكرة اروح الحلاق لزوم العيد وبتصير زحمه ورحت الحلاق انتظرت دوري لحد ماخلصت انا وراد البيت الا مكالمه من الوالد يريدوا اغراض للبيت حاولت احصل سوبر ماركت فاتح بدون فايده بعد بحث مضني حصلت اشتريت الاغراض رديت البيت نمت لحد الساعه 2 نشيت صليت وجعدت لحد العصر بالبيت بعدها صليت العصر بالمسجد وطلعت للسوق خذيت حاجات للفطور لبن وغيره رديت البت فطرت مع الاهل الفطور المعتاد ثريد ولبن وتمر وفطاير ..

طلعت قبل صلاة العشا صليت بالسوق بعد ماصليت رحت الدوبي عشان اطلع ملابسي وملابس اخواني
الا وطابور على الدوبي ماله آخر تدرون زحمة العيد صفيت معاهم الا وبنت جايه الكل وسعلها الطريج خذت ملابسها وطلعت .. ياحظكم يالبنات مفتحه لكم الابواب قلت ياريت سلفتني عباتها خمس دقايق بدل ماأصف هالطابور..خخخخ.. المهم وصل دوري الا اني ناس فاتورتي وجايب فاتورة اخواني طبعا الهندي من كثر الزحمه طلب الفاتوره المهم خذيت ملابس اخواني ورديت البيت والحمدلله اني عامل احتياطي عندي ملابس للعيد بالبيت ... وهذا يوم دردميس ..

ودمتووووووووووو سالمين ...

يوم مميــــــــــــــز ما شاء الله.... ما مريت علي كنت بونسكــ ف المســــلخ وبالمره بنذبح الثـــور ههههه

كل عاام وانت ابخير وعساكــ من العايدين

مع التحيهــ

المشاركة الأصلية كتبت بواسطة الصـــ الأبيض ـــقر يوم مميــــــــــــــز ما شاء الله.... ما مريت علي كنت بونسكــ ف المســــلخ وبالمره بنذبح الثـــور ههههه كل عاام وانت ابخير وعساكــ من العايدين مع التحيهــ

ياريت الصقر كنا بنتخاوى ماتقصر ...

يوم مميز

وموضوع متميز

موضوع جميل ورائع

صدج يوم مميز


عاد الحين روح نااااااااااااااااااام وشبع نوم نصيحة سكر جهازك عشان محد يزعجك مرة ثانية

تقبل مروري