كل الشكر للمتابعين

أنتظرو الاجزاء اليديده قريبا

صباح الورد
حيابك همسات الحنين
في انتظارج الغلا

آسفهـ ع التأخير..

هذا جزء من الجزء الحادي عشر..
ما قدرت اكتب كثير بسبب ظروفي الخاصهـ..اتمنى يكون
حماسينج لكم..


مرت ست شهور من يوم وفاة راشد .. وأني محبوسة ف أذيه الحجره مع همومي ومواجعي .. ما صار للحياه أي طعم من عقبه..خلاص
ألحين فهمت كيف يكون الأنسان جسد بدون روح مثل ميقولوا.. من يوم وفاته..وهو ماغاب من بالي ولأ لحظه...

طق طق طق
شيخه: جرب يمعه محد عندنا
يمعه يطل برأسه: هاه أحلام كيف صرتي ألحين؟؟
هزيت برأس: اطلب الرحمه
شيخه: أحلام بسك نكد.. راشد الله يرحمه ويغمد روحه الجنه..اذيه قدر وساعته محد يجدر يردها.. رحمي عمرك والياهل الي فبطنك
أحلام حطيت ايدي علي بطني : وأني هيش مصبرني غيره..
يمعه يتنهد بصوت مسموع: الله يكون بعونك وتولدي وتيبي صبي يشبه خاله الأسود هههه
ماتت الضحكه بشفايفي..ماعدت أعرف كيف اضحك..اساسا اشمعنى الضحك اذا راشد مب موجود وأي طعم للبسمه راح احسبه بدون راشد...نزلت دموعي بسرعه بس تلاحقتهن ومسحتهن مابا انكد علي خوتي وهم كل شي سوه عشاني ..
قطع عليه حبل أفكاري دخول أمي علينا
أمي: السلام عليكم
‏.... : وعليكم السلام
جربت وجلست سياري وخذت رأسي وحطته على ركبتهي : أحلام عيوني.. حن اليوم بنروح مصيره ..
التفتت لهي ورأسي ف مكانه ع ركبهي،
قصدي حن حبيبتي...بنزور خالي مبارك ولده سوى عمليه ..
يمعه: أني بقعد عند أحلام..
أمي: لا حن محتاينك.. أحلام بتيها أم محمد بتبات عندهي .. انزين ؟
هزيت رأسي باهاا .. وسحبت الوساده الي سياري وحطيت رأسي وغمضت عيوني ألي ماهياها الرجاد من بعده .. وهم احترمو رغبتي ف الوحده بنفسي وطلعو
بعد دقايق ردت شيخه وف ايدهي تيلفون : أحلام فتحتلك تيلفونك .. حطيه سيارك عشان نطمن عليك
أحلام بحزن مسيطر عليها : أنزين..

‏><><><‎><><><><><><><><><><><><><><><‎

الإمارات
مايد: ياميه انا هب مقصر عند البنيه...كل الي تبيه انا جاهز..
هيه..حاضر..تمام..مايصير خاطرج ألا طيب ..ان شاء الله.. فمان الله
التفت لعوافي الي يالسه ع صامت عداله..: شو؟؟
مايد بنظرات غريبه: أنتي سحرتي الوالده.."وهو يغمز لها " وسحرتي ولدها قبل..
عوافي بخجل : مااااايد ..
مايد بحب: عيونه
عوافي بضحكه: تراك طوفت الإشاره
مايد بستغراب: شووو؟
عوافي: هههه خيبه..كل هاا عشان كم درهم‎ ‎؟
يود ايدها وباسها: لجل عيونج بدفع كل فلوس العالم..
عوافي: ماايد تكفى ركز ف الطريج..
مايد: أنا معج ماشوف ألا أنتي..خلي عنج الغنج وطالعي بعيوني
عوافي: مابي
مايد: معليه عوافي.. كلها يومين ونصير بيت واحد.. بروحنا هاه.. تسمعين بروحناا
عوافي: مايد ردني البيت .. مابي شي خلاص
مايد: ماشي بيت ألحين للأمام للأمام لا تراجع..

‏‎><><‎><><><><><><><><><><><><‎

شيخه: امي هين قرشة الماي؟
ام يمعه: ف سيارة يمعه
شيخه: وحن هيش نشرب ألحين؟

ابو يمعه: صبري يابنيه.. ألحين بنوقف عند شيشه وبنشريلك وحده
شيخه: بموووت من العطش

هدى: حشى .. الي يسمعك يقول يايه من الرمل!!
شيخه التفتت لهدى: تشب

هدى: تشبك يا الدبه
شيخه بعصبيه: الحماره تسبيني ف سيارتنا..
هدى: حماره!!
لا مصختيها.. وقف عمي بركب عند ناصر خويه..

ابو يمعه: شيخه طيجي عن بنت خالتك
ام يمعه: معليه هدى..لا تأخذي فخاطرك عليها

شيخه: ليش بقره..؟ على بالك هبله يعني؟
ابو يمعه بضيقه: شيييخخه

هدى: عمي نزلني .. اني وايد تحملتهي!

ابو يمعه: يا بنتي..
هدى: عمي الله يخليك..أني رسلت لناصر خلاص..

وقف بويمعه ع طرف ونزلت هدى وروحت صوب سيارة خوها..فتحت الباب وهي تقمقم : جليلت ادب.. من ركبت وهي رافعه مناخرها عليه..كني أشتغل عندهي

ناصر+محمد : ههههههههههههههه
هدى بشهقه : اااااه أنته
هنيه؟
محمد : لا هناك ههههه
ناصر: سكي الباب بسرعه

سكرت الباب ف اللحظه الي حط محمد شريط أغنية (ياناسي قلبي)



><‎><><><><><><><><<><><><><><><><><><><><><><><>‎



حطيت ايدي ع بطني..وصرت اكلم ولدي عن ابوه بهدوء..وكل ما قلت اسمه احس انه يتحرك..
معقوله يحس فيه وهو م شافه؟

أحلام بشهقه: تصدق يا قطعه منه.. أني لين ألحين اذكر اخر نظره له فيني.. ابوك توفى وهو زعلان مني ..تصدق اهئ اهئ آآه لو بس يرجع ثواني ثواني بس اعتذر فيها منه..(حسيت بحركه تعور )
ااااااه من حقك ترفسني .. وتعورني اآآه .. (وبديت اصرخ) تراني جتلت ابوك استاهل والله استاهل.. استاهل اموت ..امووت ااآآه ياراشد ااه يا بعد عمري..

حسيت انه الدنيا ظلمت بويهي والعوار يزيد بظهري ..فقلت مشي بريحني كثر الصلاه ..سحبت عمري سحب للحمام ..توضيت وتوجهت للقبله اول ما بديت اصلي حسيت براحه..حسيت انه صدري انشرح وعقلي ارتاح من التفكير..يمكن تكون اذيه اكثر صلاه كنت فيها خاشعه لربي..حسيت بكل ايه بكل سجود فيها..حسيت بوجود ربي بقربي..وبحمايته لي!!

خلصت صلاتي وأخذت مصحف وصرت اقري فيه.. ومحسيت ألا وساعه 9 ونص ..وخالتي بعدها ما يات..عساه خير
التفتت ع يمين يوم سمعت نغمة رساله بتيلفوني .. هيش صاير؟ اخاف افتحها وانصدم بشي أني مب ناقصه..سمعت رنه ثانيه .. مديت ايدي وفتحته

‏"سعد"
السلام عليكم
أحلام أني ف السبله ببات هنيه اليوم .. أي شي تحتايه دقي عليه

‏"سعد"
نسيت اقوللج ..أمي تعبت شويه وخذيتهي المستشفي ونوموها ..ان شاء الله باكر بيطلعوها لا تخافي أني موجود عندج..

(حطيته سياري..وتمددت ف الأرض)

اهاه يعني خالتي ف المستشفى.. عشان كيه م يات ..
تراه عادي اساسا أني مب محتايه حد عندي.. (حسيت حركه ف بطني) هه لا تخاف منسيتك..



‏‎ ><‎><><><><><><><><><><><><><><><><><><><><><><><>‎



يلس ع كرسي جدامه بتعب: يووه عوافي صارلنا ساعتين نخمس ف المول وما طلعتي بشي.. شو هالحاله؟!

عوافي تحط اصبعها ف حلجها: شو اسوي؟ مب متعوده اختار كندورتي بروحي..

مايد : انا اليوم بطيح ميهود بسبتج..

تيلس عداله: سلامتك.. عيل مابي اشتري شي..خلنا نسير

يود ذراعها وهو يصلب طوله: تعالي اقول..تراني امزح!
خلينا نحدر صوب ذاك المحل..

‏(كان محل ملابس..فساتين ودراريع)

مايد: شو رأيج بهذاك الفستان
عوافي بستغراب : أصفر؟
لا شو أصفر.. خبله البس هاللون؟

مايد: ليش شو فيه هاللون؟!
عوافي: مب ....


‏..: عوافي؟؟ هذي أنتي؟ ايه والله أنتي؟

عوافي بارتباك: هاه.. ميثاء؟
ميثاء تأخذها بالأحضان : هيه ميثاء..

مايد: عن اذنكم! انا بظهر من المحل.. عوافي أنتظرج هناك..بس تخلصين تعالي..

عوافي: ان شاء الله

ميثاء: شو؟ شو يابج ابو ظبي يا الدبه؟

عوافي: أنا .. أنا كنت..
ميثاء تغمز لها: منوو هالمزيون.. معرفتينا

عوافي نزلت رأسها: ميثاء ها مايد.. ريلي

ميثاء بستغراب: شووو؟ من متى؟ وليش ما عطيتيني خبر

عوافي : تعالي بنيلس هنيه وبقولج كل شي !





عوافي: و هذي كل السالفه..
ميثاء: شو هالقصه ولأ بالأفلام الهنديه؟
بس تصدجين..شكله جنتل مان

عوافي: يله عاد
ميثاء : حطي عينج بعيني .. صرنا نغار بعد!

عوافي استحت : ميييثاااء..
ابيه..نسيت مايد برع..فشيله..
ميثاء بعياره: نسيتيه ولأ ...

عوافي بغنج : فديته والله..يله عاد استحي يا بنت واجلبي فيسج عنا..

ميثاء: ههههه بس بسير لا تأكليني هههه

عوافي تطبع بوسه ع خد ميثاء: فرحت بشوفتج ياريحة أهلي..


‏(طلعت برع وهي خايفه مايد يعصب عليها..طالعت يمينها حصلته عند الكافي.. جربت منه واقعدت قباله..)

عوافي بخجل: مايد انا آسفه.. بس ...
مايد بهدوء : اشششش .. ادري..وأنا حاس شو تبي تقولين ..‏‎ ‎عادي فديتج .. اقسم بالله لو تجلسين لأصبح .. بتحصليني بمكاني هذا اتحراج ..
‏(مد ايده تحت الطاوله ويود جيس هدايا أحمر..سحبه وحطه جدامها..)
مايد : هاي هدية زواجنا .. يودي لا تستحين

عوافي مدت ايديها وحطت الجيس عدالها : مايد ..
مايد: طيب شوفيها ع الأقل!

عوافي: مايد اسمعني..
مايد : أوكي..مثل ماتبين رمسي اشوف..

عوافي: مايد انا .. من توفى هزاع ماذقت طعم الوناسه ابد ..
مايد انا ..من دخلت بيتكم .. تغيرت حياتي كلها ..صرت ارمس بالي ف خاطري كله.. ألعب مع عذراء واعوض طفوله فاتتني..خلال هالشهور الجليله حسيت بطعم الحياه ...
(نزلت رأسها) مايد.. أنا .. بحياتي محد قالي أحبج ..غيرك..

بحياتي ماحسيت بهالأحساس صوب أحد غيرك..
مايد ..
(بلعت ريجها)

أنا أحبك .. أحبك مايد .. وبحياتي وماراح أحب أحد غيرك..

مايد ابتسم ع جنب، نزل رأسه ورفعه بسرعه: هههه نذاله يعني؟

عوافي بصدمه بريئه: شووو؟

مايد والأبتسامه ع محياه : تقولين هالرمسه بوسط المول .. عسب ما اجدر اخذج بأحضاني؟!

عوافي بضحكه اسرت قلب مايد : هههه.. احسن .. هههه

مايد: سرينا
عوافي بستغراب: وين؟؟
مايد بضحكه: هههه البيت يا بعد روحي .. اليوم بيكون غير .. يوم ما عشتيه بحياتج..

يود ايدها .. ومشى معها مشي سريع .. وكأن السياره تبعد أميال ..و هب راضيه تقرب منهم!!

عوافي : هههه فديتك.. وفديت هبالك!


‏><><><><‎><><><><><><><><><><><><><><><><><‎

اااي .. اش اذيه العوق الي ياني؟
احس كن ظهري بينكسر .. آآآه يالله هيش يصيرلي..
لا يكون .. لايكون ..بس أني مكملت تسع شهور .. اااااايي
ثرت واقفه وحاسه ظهري بينجسم نصين.. دكيت على اليدار وسحبت ريولي سحب ويوم وصلت باب الحجره.. طحت بالأرض
أحلام بصراخ : ااااه ..اهئ اهئ اماه .. ابويه ..اااه لحقو عليه..
سعـــــــــد ... سعـــــــــــــــــــــــــــد ...
ااااااااااااااـــــــــه

سعد ركض بدون مصره ونعاله يوم سمعها تصيح ..
سعد دخل عليها ف الحجره وهو ناسي أنهي ف العده.. ركع جدامهي : أحلام هيش فيك؟
أحلام تحاول تحط شي ع شعرها: سعد بمووت .. حاسه ظهري بينكسر
سعد مرتبك: أني..
‏(وبحركه سريعه لفها بليسو ورفعها بين ذراعيه ..)
أحلام بصراخ: سعد شوي شوي بمووت .. آآآي
طلعبها سعد بسرعه لسيارته ، وحطها بالسيت الي وراء .. وهي تبكي من شدة العوار الي بظهرهي .. صارلها ساعة تتوجع بس ما تكلمت!
ركب سعد جدام وهو يتنافض مب عارف هيش يسوي..شكل أحلام بهالتها السوداء وصراخها وتره ..
سعد: أحلام.. تنفسي بعمق تنفسي
حرك سيارته بسرعه .. وطول طريق هو يتلفت ويواسيها .. بيتهم بعيد عن المستشفي ..
وبنص الدرب وقفت عليه السيارة ..
سعد: الله يلعنك ..‏
أحلام : آآآه .. وراك ..وراك وقفت؟؟
اهئ اهئ يالله أمي ..‏
نزل سعد وفتح الباب الي ورا : أحلام السياره مطاعت تتحرك.. أنتي بس هدي عمرك .. يمكن عوق ويروح
أحلام مسكت كتفه بقووه حركتها صدمت سعد‎ ‎‏ وخلته مثل الصنم.. وصارت تضغط عليها وهي تصرخ : أني حاسه أني بولد .. سعد بموت .. وديني المستشفي .. تصرف!
سعد دخل ايده ف مخباه ودور التيلفون ومالقاه : اووهو .. نسيت تيلفوني ..
هيش اسوي؟؟ هيش اسوي؟
أحلام : سعـــــــــد .. مجدر اتحمل
سعد : احلام سوى زفير .. حاولي تدبري عمرك أني معرف ف اذيه السوالف ..‏
أحلام بعصبيه والدموع مغرقتنها : هيش ادبر عمري؟ ‏
أني بالسادس بعدي عن اولد .. آآآآه اآآآه سعد بمووت بمووت .. بلحق راشد سعـــــــــد
سعد مسكها من كتوفها وحط عيونه بعيونها : أحلام لا تقولي بموت مره ثانيه .. أنتي تعرفي أنك بهالكلمهـ....‏
أحلام : آآآآآآآه
سعد: أحلام أحلام ...‏‎

**انتظروني**
تحياتي همسات الحنين

ياربي شو هالتشويق يا حرمه
روعه

مساء الخير...
اخباركم ؟؟ علومكم؟؟
كيف الصوم وياكم؟؟؟

......

هذي تكملت الجزءالحادي عشر " حبتين لعيون خفووي"


طول الطريق وهو مخوز نظره عني..حسيت أني متوتره وايد.. مسكت تيلفوني ودقيت على خالتي الي هي امه.. (عفوا تعذر الحصول على المشترك....) هدى: محمد.. محمد تلقائيا: عيونه التفتت على ناصر والتجت عيونا بعض.. محمد: ااا .. هيش فخاطرك؟؟ هدى: اباك دق على سعد..عشان يطمنا على أحلام،اتصلهي م ترد..اتصل لأمك تيلفونهي يتعذر .. محمد: فالك طيب.. "طلع تيلفونه..ودق على سعد.." طووط طوووط ...طووووط طوووط..طووط طوووط.... محمد: م يرد.. هدى بخوف: يا ربي سترك..اخاف أحلام صارلهي شي.. ناصر: لا تفاولي عليها ..يمكن راجدين!!! محمد: يمكن..لا تخافي هدى.. هدى: عسى خير...عسى خير...

><><><><><><><><><><>><><><>
<><><><><><><><><

سولاف: صقر..صقر طق طق طق سولاف تصارخ: صقووري.صقرقر..نش ..ابويه يباك.. يفتح الباب وهو شايل بنته بين ايديه: لزجه؟؟ ما تقدري تنطرين دقايق؟؟ سولاف ماده بوزها شبر: لا.. ابويه يباك تحت بالميلس.. صقر: شو عنده؟؟ سولاف: انت نسيت؟؟ اليوم الحفله صقر بستغراب: اي حفله؟؟ سولاف: ابييه..انته اكيد صارلك شي..الحفله الي بنسويها حق مايد وعوافي صقر : هيه ألحين تذكرت.. سولاف: يا صباح الليل..طوف قول طوف ..ابويه صارله ساعه ينطرك!! صقر يحط عذراء بحضنها: يودي..انتي الي قومتيها..وألحين انتي بترجدينها.. سولاف: ان شاء الله ..من عنوني ..يله عذاري نووم ماماه نووم نزل عند ابوه وتفاهم معه ع الحفله..شو ناقصهم وشو بيسوون فيها..

<>><><><><><><><><><><>><>
<><><><><><><><><<><><><><>
<><><><><><><><>


سعد بخوف اجتاحه: أحلام..أحلام ردي عليه..
التفت يمين وشمال وهو يسمع صوت سياره يايه صوبهم..قفز من الفرحه ووقف فنص الشارع ..وهو يأشر لراعي السياره انه يوقف: وقف..وقف عندي حرمه تعبانه.. وقف راعي السياره ونزل عنده: خير ان شاء الله هيش مستوي؟؟؟
سعد: الله يابك الوالد..الحمد لله انته فرج من الله..
الريال: خير ان شاء الله يا ولدي..؟؟ فيك شي؟؟
سعد يركض صوب أحلام..ويشلها بين ذراعيه: الحرمه تعبانه..بسرعه شغل السياره..بعدين اخبرك السالفه..
وبسرعه ركب عند الريال ..والمسكين وصلهم المستشفى..

نزل سعد بسرعه ع الطوارئ..ومناك اخذوها عنه الممرضات سعد: شوي شوي عليها..تراها حامل ..شوي شوي..

الطبيبه: فيها ايه؟؟ حادس؟؟

سعد بعصبيه: فال الله ولا فالك..احلام حامل وكان فيها ويع ما عرف هيش صابهي ..وفجأه اغمي عليها..

الطبيبه تتكلم بسرعه: حصل خير.. واختفت عنه ورا ذاك الباب... <><><><><><><><><><><<><><>
<><>>><><><><><><><<<><><>
<><><><><><><>

على صوت امواج البحر..وشكل قطرات الماي تتناثر كل ما ضربت الامواج السفينه..وقفت هدى بهدوء قاتل.. وهي تفكر ف ربيعتها...وحالها الي مايسر لا عدو ولا صديج..

وقف جنبهي وهو يتأمل البحر.. ناصر : بهيش يفكر الحلو؟؟؟ هدى تتنهد: اأه..افكر بأحلام وحالتها الي يبكيلهي القلب..
ناصر: بترجع مثل ما كانت بعد ما تولد وبتقولي ناصر قال.. هدى: هههه..بنشوف..عسى يطلع كلامك صح ..

ناصر بهدوء وهو يخاول يشوف فعيونهي: وانتي؟؟
هدى: تلتفت الجهه الثانيه: اني هيش؟؟؟
ناصر: ما فكرتي ف مستقبلك؟؟
هدى: لا فكرت..برد الجامعه السنه اليايه..
ناصر: و... قاطعته: لا تقولي يمعه..اني خلاص قررت ..
ناصر: هيش قررتي؟؟
هدى تعض شفايفها: مابا اتيوز..اني جربت مره وخلاص..

مسك ناصر ايدها وحوطها بايديه..كانت حيل بارده: هدى..الانسان ما يكتفي بتجربه وحده..سبحان الله يكون يمعه الانسان الي بتكون راحتك عنده..
حطي عينك بعيني واني اكلمك..
"لما التفتت له،شاف الالم والحزن بعيونهي..كانت ع وشك انها تبكي بس ماسكه عمرها"
هدى لا تكابري..إذا بعدك تبي محمد قوليلي..انتي كنتي ماتضمي عني شي...اشصار ألحين؟؟
هدى: معرف ..معرف..
ناصر: شوفي هدى..حن اهلك وتهمني مصلحتك..ان كانك ماتبي يمعه محد بيغصبك.. وكانك بعدك تبي محمد .. فأني مستعد اخطبه لك مره

هدى: ههههه..لا تضحكني..
ناصر: خليك كيه..دوم البسمه على شفاتك..

نطت هدى فجاه بحضن اخوها، وهي تبكي: الله لا يحرمني منك..عسى يومي قبل يومك..

ناصر يبعدها عنه: بنات اخر زمن ..محتشرات علي العرس ههههههه

<><><><><><><><><><><><><>
<><><><><><><><><><><><><><><>





قاعد ع نار..يمشي يمين ويسار وهو يفكر هيش يصير داخل..

فجاه طلعت ممرضه..:انته زوجها ؟؟؟

سعد بارتباك: اها ..لا ..اخوها..
ممرضه: البنيه بشهرها السادس..وشكلها ع ولاده بس حالتها تستدعي نسويلها عمليه..

سعد: الزبده..
ممرضه: نبا حد يوقع عليها..ومحتايين متبرع ..

سعد: اني بوقع..و وو اني فصيلتي o تنفع صح؟؟

ممرضه: اها تنفع!! تعال معي ..

وقع الاوراق المطلوبه..وسحبو منه دم..ورجع لحالة الصمت القاتل مره..
مرن ساعات وهو ينتظر...


واخيرا اطلعت الطبيبه من عندهي سعد ينتظر الفرج: بشري بشرك الله بالجنه..
الطبيبه: مبرووك بنت..
سعد بقلت صبر: وأحلام؟؟؟؟

الطبيبه: المدام مازلت فحالة اغمى..اتمنالها السلامه..
سعد بعصبيه: هيش يعني؟؟ أحلام اشفيها؟؟

الطبيبه: راح ننتزر ساعتين بعدين بنشوف إزا محتاقه علاق تاني..
سعد مب فاهم شي: انتي هيش تخربطي؟؟ احلام حالتهي خطيره؟؟
الطبيبه: لا ..ان شاء الله راح تئوم بالسلامه..مبرووك مره تانيه..

سعد: لحظه..اجدر اشوفهي..
الطبيبه: اااامممممم..اوكيه..بس رقاءا بهدوء لو سمحت..

فتح الباب الي بينهم بسرعه..وحصلها على زاويه..

جرب منهي..وجلس ع طرف السرير وهو يتأملهي..وفخاطره يقول 'احلام الدلوعه صارت ام..'
مد ايده واخذ ايدها بين ايديه..وهو يتخيل لو انه ما جدر ينقذهي..هيش كان بيسوي بعمره...
تأمل براءتها..وهو يتذكر آلمها وهي ف سياره..

تمتم وهو يجرب منها: احلام..ألحين اجدر اقوللك الي بخاطري كله..ههه دمي ألحين يسري بعروقك..ياحظي!!

الحلم انتي متعرفي مقدار فرحتي واني اشوف نبضات قلبك على الجهاز ألحين.. انتي قلبي وروحي وانفاسي الي اتنفسها.. غبيت حبك سنين ..وما جدرت اعترفلك به..إلا وانتي مب ف وعيك.. اني احبك يا احلام..طول عمري واني اراقب حركاتك من بعيد لبعيد..
مجدرت اقولها لا لك ولا محمد ولا لأي مخلوق بالدنيا.. الله وحده يعلم بحالي..
"سكت للحظات وهو يتذكر يوم عرسها"
يوم تيوزتي راشد..حسيت انه الدنيا ضاقت عليه..حاولت المح لأمي بأني اباك لي وحدي..بس ما جدرت ..عرفت انه العادات اقووى من الي احسبه..
"البنت لولد عمها"..
"لزوم نأخذ شور ولد عمها قبل لا تنملك لغيره"
كلام فاضي ماله معنى..مجرد تحطيم للمشاعر...
تعرفي..!!
اني الي كنت ارسلك لما كنتي ف مسقط.. اني الي كنت اتويع واتحطم لما اشوف ايدك بأيد المرحووم.. لا تفكري اني دعيت عليه ولا فرحت بموته..بالعكس ..
اني اكثر واحد زعل لموته..تعرفي ليش؟؟ لأنك تحبيه..... ما كنت اباك تفقدي الانسان الي حبيتيه مثل ما اني فقدتك... احلام ..اعرف الكلام مب منه فايده..والتحسر على الي فات ضعف مب قوه.. بس صدجيني اني احبك من يوم كنا صغار وبظل احبك لين اتغطى بالتراب..
اعرف انك تحبي راشد..وبتظلي تحبيه ..بس اهم شي اني احبك..وانتي دنيتي.. احلام ..أنتي وبنتك بحايه لريال يوصنكن..واني اوعدك من يرجع ابوك ..بطلبك منه..بس عسى توافقي..
أحلام اني مستعد اربي بنتك كنها بنتي بس وافقي عليه..وافقي عليه
"ضحك باستهزاء" هههه والله اني مينون ..انتظر اجابه من وحده مب حاسه بالي حولها..
"انحنى وباس ايدها..ولما رفع راسه انصدم.. لاحظ دموع تنزل من عيون أحلام بغزاره..ونبضها يزداد"

سعد بربكه: أحلام.. "بس الوضع رجع مثل ما كان بلحظه...
دموعها بدت تجف ونبضها رجع مثل ما كان..لحظتها تأكد سعد انها سمعت كل كلمه قالها..يعني وفرت عليه مشور طويل ..
ألحين عليه ينتظر ابوها بس ..ويشوف ردها ع مشاعره الصادجه"


<><<><><><><><><><><><><><><>
<><><><><><><><><><><><><><><>
<><><><><><><>
<><><><>



بأنتظار الردود الي تبرد القلب
تحياتي همسات الحنين ...

واو هموسه
تسلمي الغلا

جاري تكملة القراءة متحمسه كثير

اااااااااااااااااه هههههههههههه والله انك توقفي القلب


هيا حبيبتي والله مشتاقه التكمله
عاد كل شي ولا العاطفه
وخاصه ان هالجزء على العوق ^_*

بصييييييييييح ^^

بانتظااااااااااااااااارك