يا دار وين اللي أحبّه وأداريه=وين الذي تحيا حياتي بشوفه


وين الذي يا دار قلبي يسلّيه= عقبه غدت يا دار ليام عوفه


ما حد لفاني بالخبر جاب طاريه= عييت كثر أسأل ونفسي شغوفه


بين الرجا والياس أوقف وأناديه=عل وعسى ياخذ فوادي بروفه


مشتاق له بالحيل يا دار وأفديه=لو مرّةٍ في العمر تسمح ضروفه


ودّي أحطّه في عيوني وأغطّيه=ودّي أترجم نبض قلبي حروفه


ما يعيضني في دنيتي غاليٍ فيه=لو هالزمن حكّم وجارت صروفه


أصبر وصبري عذبتني لياليه=أبكي على وقتن مضى بالحسوفه


للوقت بسمه وبسمتـي يوم ألاقيه=لو فـي ديار بعيد ودّي ألوفه


من ما جرالي يكفي اليوم أبكيه=وإن جارت الأقدار قبري يطوفه

ماقول غير الله عسى ما يجيبه ..
يوم ٍ غيابي به يشابه حضووري ..
..
ادعي عسى ما يعيش قلبي بـ خيبه ..!!
واتعوذ من ابليس نفسي وشروري !!

يامن عطيته ودادي=ويا من لحبّه وفيت
طعنتني في فوادي=خسارة إمّا عطيت
كف النداء لا تنادي=أنا حبيبي جفيت
لوّحت لك بالأيادي=وإسمح إذا بك خطيت
أنويت لي لبتعادي=وأنا عشانك رضيت
عساك في جو هادي=تحصل على ما نويت
كنت الهوى والمرادي=عشت وفي قلبي ربيت
ومن كلمة للمعادي=عشرة هوانا نسيت
لا تفتكر شي عادي=لو في خيالي طريت
أذكر زمان الودادي=ولا تلومني لو بكيت

وسط روض القلب ومروجه
يالغلا لج داخله واحه
ادخلي به وشوفي دروجه
صورتج به غطت الساحه

هي ليلة العمر ليله
ياليتها الف ليله

حبك حبيبي ملكني ما غير قلبي يشيله
هي ليلة العمر ليله

في بحرهم ضيعوني ماله شواطي وحدود
وبسهرهم عيشوني جازوا قليبي بصدود

يوم كانوا هم يبوني غرقوني بالوعود
بالكلام هم عموني صدق قليبي الودود

خلوا دمعي في عيوني امسحه فوق الخدود
الله يجازيهم نسوني وانكروا ذيك العهود

على بيض الورق بكتب مشاعر واحدن يهواك
كتبها صادق ن مثل البياض ألي على اوراقه

بنساك وبنسى مامضى
وبشوف بعيوني الفرح
بنسى الندم وجرح الهوى
عله يطيب قلب انجرح

ومعزتك مارتحت انا في غيبتك
اشتقت لك وانت بعيد في غربتك
ليلي ونهار ذكرك على لساني يمر

ودي تشوف الهم وشلون سوى
في حال من حبك من غير مصلوح
جرحتني جرحا جديد تلوى
على خفوقن منك بالحيل مجروح